Published:Updated:

பங்கு முதலீடு: ஃபண்டமென்டல் அனாலிசிஸ் - 5

பிரவீன் ரெட்டி, முதன்மை ஆலோசகர், induswealth

பிரீமியம் ஸ்டோரி

நிறுவனத்தை மதிப்பீடு செய்வதற்கான கட்டமைப்புகள்!

துவரைக்கும் நாம், ஒரு நிறுவனம் லாபம் ஈட்டும் தகுதியுடன் இருந்தால்தான் அது மதிப்பு மிக்கது எனப் பார்த்தோம். மேலும், எதிர்காலத்தைப் பற்றிய கணிப்பு என்பது நிலையற்றதாக இருக்கிற போதிலும், ஒரு நிறுவனத்தின் மதிப்பீடு, எதிர்கால வளர்ச்சி மற்றும் வாய்ப்புகளை சார்ந்தே அமைகிறது. ஒரு நிறுவனத்தின் எதிர்கால வளர்ச்சி குறித்து ஆராய்ச்சி செய்ய நமக்கு உதவும் சில கருவிகளைப் பற்றி இப்போது பார்ப்போம்.

பங்கு முதலீடு: ஃபண்டமென்டல் அனாலிசிஸ் - 5

ஒரு நிறுவனத்தின் அடிப்படையை ஆய்வு செய்ய பல கட்டமைப்புகள் (frameworks) இருக்கிற போதிலும், முக்கியமான மூன்று கட்டமைப்புகளைப் பற்றி இந்தத் தொடரில் ஆராய்வோம்.  இந்த மூன்று கட்டமைப்புகளும் நிறுவனத்தின் செயல்பாட்டினை பல்வேறு கோணத்தில் புரிந்துகொள்ள உதவியாக இருக்கும்.

இஐசி கட்டமைப்பு: 

இந்தக் கட்டமைப்பு பொருளாதாரம் (Economy), துறை (Industry) மற்றும் நிறுவனத்தை (Company) அடிப்படையாகக் கொண்டு ஆராய்வது. இதை ஓர் உதாரணத்துடன்  பார்ப்போம். முதலில், நமது இந்தியப் பொருளாதாரத்தை ஆராய்வ துடன் ஆரம்பிப்போம்.

இந்தியப் பொருளாதாரம் ஆண்டுக்கு சுமார் 8% என்கிற அளவில் வளர்ந்து வருகிறது. தோற்றப்

பங்கு முதலீடு: ஃபண்டமென்டல் அனாலிசிஸ் - 5

பொலிவுக்காக அதிக தொகையை ஆடைகளுக்கு தயக்கமின்றி செலவிடுகிறார்கள் மக்கள். வீட்டு அலமாரியில் இருக்கும் ஆடைகளின் எண்ணிக்கை நாளுக்குநாள் அதிகரித்துக் கொண்டுதான் இருக்கின்றன. அதன் அடிப்படை யில் நாம் ஜவுளித் துறையை எடுத்துக்கொண்டால், அதன் பொருளாதார வளர்ச்சி மற்றும் கடன்களின் விகிதம் சாதகமாக உள்ளது. இந்தத் துறையைச் சார்ந்த வர்த்தமான் டெக்ஸ்டைல்ஸ் அல்லது அம்பிகா காட்டன் மில்ஸ் போன்ற நிறுவனங்களை ஆய்வுக்கு எடுத்துக் கொள்ளலாம். இந்த இரு நிறுவனங்களும் கடந்த காலங்களில் திறமையான நிர்வாகத்தின் கீழ் நன்கு செயல்பட்டுள்ளன. எதிர்காலத் தில் திறமையான நிர்வாகம், அடிப்படைக் கட்டமைப்பு மற்றும் சொத்துகளின் அடிப்ப டையில் இந்த இரு நிறுவனங்களும் சிறப்பாகச் செயல்படும் என எதிர்பார்க்கலாம். இவற்றின் அடிப்படையில் ஒருவர் முதலீடு செய்யத் திட்டமிடலாம்.

இந்த இஐசி முறை மேலிருந்து கீழ் நோக்கிச் செல்லும் அணுகுமுறையாகும். இங்கே நாம் ஒட்டுமொத்த வணிகம், அரசியல், சட்டம், சமூகம், பொருளாதாரச் சூழ்நிலைகளின் அடிப்படையில் நிறுவனத்தை மதிப்பீடு செய்வோம். 
 

• இதன் மூலம் ஒட்டுமொத்த சுற்றுச்சூழல், நிறுவனம் சிறப்பாகச் செயல்பட சாதகமாக இருக்கிறதா என்பதைப் புரிந்து கொள்ள உதவும். இன்னும் சில உதாரணங்கள் - வளரும் பொரு ளாதாரத்தில் அடிப்படைக் கட்டமைப்பு சார்ந்த நிறுவனங் கள் சிறப்பாகச் செயல்பட வாய்ப்புகள் அதிகமாக இருப்பது.

மதுபானம் அல்லது சூதாட்டங்களை எதிர்க்கும் ஓர் அரசு, அந்தத் துறைகளைச் சார்ந்த நிறுவனங்களுக்கு பெரும் சவாலாகவே அமையும். சட்டம் மற்றும் நெறிமுறைப்படுத்துதல் கடினமாக இருப்பது சுற்றுச்சூழல் ஒப்புதல் வழங்குவதில் சிக்கல்களை ஏற்படுத்தும்.

• ஒரு  நிறுவனம் இயங்கும் சுற்றுச்சூழல், தொழில்நுட்பம், அடிப்படைக் கட்டமைப்பு வசதிகள், அந்தத் துறையைச் சார்ந்த சட்டத் தெளிவு, அந்தத் துறையில் தொழில்முனை வோருக்கான ஆதரவு, சப்ளையர் கள் மற்றும் அந்த நிறுவனங்கள் சந்திக்கும் போட்டி போன்ற வற்றை சார்ந்தே  தொழில் செய்யும் சூழல் அமையும்.  

பங்கு முதலீடு: ஃபண்டமென்டல் அனாலிசிஸ் - 5

இறுதியாக, நாம் ஒரு நிறுவனத்தின் முக்கிய அம்சங் களான மேலாண்மை, புவியியல் சார்ந்த விஷயம், அதன் சொத்துகளின் தரம், செயல்பாடு போன்ற வற்றை பார்ப்போம்.

இரண்டாவது கட்டமைப்பு, மைக்கேல் இ போர்டரின்  கட்டமைப்பு ( Michael E Porter’s framework) எனப்படுகிறது.

போர்டரின் 5 காரணிகள் (Porter’s 5 forces framework): மைக்கேல் போர்டரின் கட்டமைப்பு என்பது நிறுவனம் சார்ந்துள்ள துறை மற்றும் ஒரு நிறுவனம்  வெளியே இருக்கும் மற்ற அமைப்புகளுடன் எவ்வாறு இணைந்து செயல்படுகிறது என்பதை ஆழமாக ஆராய்வதாக இருக்கிறது. இந்தக் கட்டமைப்பில் கீழே காணும் ஐந்து முக்கிய காரணிகள் இடம் பெற்றிருக்கும்.

போட்டி:

ஒரே துறையில் உள்ள நிறுவனங்களுக்கு இடையேயான போட்டியை ஆய்வு செய்ய வேண்டும். போட்டியின் காரணமாக லாப வரம்பு வீழ்ச்சிக் காண்பது, உத்திகளை மாற்றி அமைக்கும்போது போட்டி யாளர்கள் எதிர்கொள்வதின் தாக்கம், போட்டியின் தன்மை (உள்நாடு/வெளிநாடு) போன்றவை இவற்றில் முக்கியமானவை.

நுகர்வோர்களின் சக்தி:

இங்கே ஒரு நிறுவனமானது நுகர்வோர் சந்தையில் எவ்வாறு செயல்படுகிறது என்பதை ஆராய்வதாக இருக்கிறது. முன்னணி 20 சதவிகித வாடிக்கை யாளரிடமிருந்து வரும் வணிகம், ஒரு நிறுவனத்தின் வாடிக்கை யாளர்கள் அந்த நிறுவனத்தின் போட்டியாளர்களின் பொருட் களுக்குத் தாவுதல், விலையை வாடிக்கையாளர் புரிந்து கொள்ளும் திறன் உள்ளிட்ட முக்கிய அம்சங்களை ஆராய வேண்டும்.

பங்கு முதலீடு: ஃபண்டமென்டல் அனாலிசிஸ் - 5

மூலப் பொருட்களை அளிப்பவர் சக்தி:

ஒரு நிறுவனத்தின் எதிர்காலம் அதன் மூலப்பொருட்களை வழங்குபவர்களைச் சார்ந்து அமைந்து இருக்கிறதா என பார்ப்போம். முன்னணி 20 சதவிகித சப்ளையர்கள் அளிக் கும் பொருட்களின் சதவிகிதம், சப்ளையர்களை மாற்றக்கூடிய நிறுவனத்தின் திறன், சப்ளை யர்களின் விலை நிர்ணயிக்கும் திறன் உள்ளிட்ட முக்கிய அம்சங்களை ஆராய வேண்டும்.

திறமையான புதிய நிறுவனங்கள்: 

குறிப்பிட்ட துறையில் எவ்வளவு எளிதாக புதிய நிறுவனங்கள் கால்பதிக்க முடியும் என்பதைப் பற்றி பார்க்க வேண்டும். துறையில் உள்ளே நுழைவதைத் தடுக்கும் காரணி களான அறிவுசார் திறன்கள், தொழில்நுட்பம், வளர்ச்சிக்கான பொருளாதாரச் சூழல், வெற்றிகர மாக சந்தையில் நுழைவதற்கான காலம் மற்றும் அதற்கான செலவு உள்ளிட்ட முக்கிய அம்சங்களை ஆராய வேண்டும்.

மாற்று நிறுவனங்கள்:

மாற்று நிறுவனங்கள் எவ்வளவு வேகமாக சந்தைக்குள் நுழைந்து, தற்போதைய வணிகத்தைக் கைப்பற்றுவது பற்றி பார்ப்பது. இங்கே மாற்றத்துக்கான விலை அல்லது செலவு, நுகர்வோருக்கான தொழில்நுட்ப விகிதம் போன்ற வற்றை  ஆராய வேண்டும்.
பார்மா நிறுவனங்களான அஜந்தா பார்மா, சுவென் லைஃப் சயின்சஸ் அல்லது அரோபிந்தோ பார்மாவை ஒருவர் ஆராய்ந்து பார்ப்பதாக வைத்துக் கொள்வோம். வளர்ந்து வரும் பொருளாதாரத்தில் ஆரோக்கிய பராமரிப்புக்கு அதிகம் செலவிட மக்கள் தயாராக இருக்கின்றனர்.

பார்மா நிறுவனங்களுக்கான வாய்ப்பு ஓரளவுக்கு நன்றாகவே இருக்கிறது. இந்த  நிறுவனங்களுக்கு ஜெனரிக் ரசாயனங்களை சப்ளை செய்பவர்கள், இந்த நிறுவனங்கள் மீது செலுத்தும் ஆதிக்கம் குறைவாக இருக்கிறது. பெரிய நிறுவனங்களுக்கு ஏற்றுமதி செய்யும் ஏற்றுமதி யாளர்களுக்கு இது ஒரு சவாலாக இருக்கிறது. தரமான பொருட் களை சப்ளை செய்பவர்கள் அதிக விலை பெறமுடிகிறது.

புதிய நிறுவனங்கள் நுழைய விதிமுறை (அண்மையில் ரான்பாக்ஸி நிறுவனத்துக்கு அமெரிக்காவின் மருந்து கட்டுப்பாட்டு அமைப்பிட மிருந்து ஒப்புதல் பெறுவதில் ஏற்பட்ட சிக்கல்கள்) ஒரு சவாலாக இருக்கிறது. கடந்த சில ஆண்டுகளாக மேலே கூறப்பட்ட நிறுவனங்களின் நிர்வாகம் திறமையாகச் செயல்பட்டதை அடிப்படையாக வைத்து பார்க்கும்போது அவை நீண்ட காலத்திலும் நன்றாகச் செயல் படும் என எதிர்பார்க்கப்படுகிறது.

தொகுப்பு: சி.சரவணன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு