Published:Updated:

வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?

வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?

{?}கடந்த 2012 பிப்ரவரியில் பொதுத் துறை வீட்டு வசதி நிறுவனம் ஒன்றில் ரூ.35 லட்சம் வீட்டுக் கடன் வாங்கினேன். மூன்று வருடங்களாக நிலையான வட்டி விகிதத்தில் மாத தவணை செலுத்தி வந்தேன். இந்த வருடம் 12% வட்டிக்கு மாற்றப்பட்டிருக்கிறேன். என் வீட்டுக் கடனை பொதுத் துறை வங்கிக்கு மாற்றிக்கொள்ளலாமா?

ஜெயநிர்மலா சண்முகம்.

விஸ்வநாதன் கிருஷ்ணன், இயக்குநர், கன்சார்ட்டியம் மேனேஜ்மென்ட் சர்வீசஸ்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?

“நீங்கள் செலுத்திவரும் 12% வட்டி என்பது தற்போதைய வட்டி விகிதத்தைவிட சற்று அதிகம்தான். எனவே, உங்களுக்கு வீட்டுக் கடன் தந்த வீட்டு வசதி நிறுவனத்தை அணுகி, கடனைக் குறைவான வட்டி விகிதத்துக்கு மாற்றலாம். அதற்குக் கட்டணமாக கடன் தொகையில் சுமார் 1% சதவிகிதம் பெறப்படும். அல்லது வேறு ஏதேனும் ஒரு வங்கிக்குக் கடனை மாற்றிக்கொள்ளலாம். அந்தப் புதிய கடனின் வட்டி விகிதம் மாறக் கூடிய (ஃப்ளோட்டிங்) 10% வட்டி விகிதமாகவோ அல்லது நிரந்தர வட்டி விகிதம் (ஃபிக்ஸட்) 10.5 சதவிகிதமாகவோ இருக்கலாம்.’’

{?}என் வயது 30. பொதுத் துறை வங்கி ஊழியர்.  மாத வருமானம் ரூ.35,000. ஓய்வு பெறும் வயது 60. மாதம் ரூ.10,000 வருமான வரிவிலக்குக்காகவும், ஓய்வுக் காலத் தேவைக்காகவும் சேமிக்கப் போகிறேன். தகுந்த திட்டங்களைக் கூறுங்கள்.

சரவணன்.

சுரேஷ் பார்த்தசாரதி, நிதி ஆலோசகர், மை அஸெட்ஸ் கன்சாலிடேஷன்.காம்.

‘‘நீங்கள் ஓய்வு பெற்றபிறகு உங்களின் மாதச் செலவுக்காக எவ்வளவு தொகை தேவைப்படும் என ஓய்வு பெறுவதற்கு முன்பே கணக்கிட்டுக்கொள்வது நல்லது. உங்களின் மாத வருமானத்தை வைத்துப் பார்க்கும்போது, உங்களின் மாத செலவு ரூ.20,000 எனத் தோராயமாக எடுத்துக் கொண்டால், உங்களுக்கு 60 வயதில் ரூ.1.52 லட்சம் மாத செலவு ஆகும்.

ஓய்வு பெற்றபிறகு உங்களின் வாழ்க்கைத் தேவைகளைப் பூர்த்தி செய்ய தொகுப்பு நிதியாக ரூ.3.29 கோடி தேவை.

மாதம் ரூ.9,400-யைக்  குறைந்தபட்சம் 12% வருமானம் எதிர்பார்க்கப்படும் ஈக்விட்டி ஃபண்டில் முதலீடு செய்து வந்தாலே உங்களின் இலக்கை அடைந்துவிட முடியும்.

நீண்ட கால டைவர்ஸிஃபைடு ஃபண்டுகளிலும், மிட் கேப் ஃபண்டுகளிலும் முதலீடு செய்தாலே இந்த இலக்கை அடையலாம். 80சி-ன் கீழ் இஎல்எஸ்எஸ் ஃபண்டில் முதலீடு செய்தால் வரிவிலக்கைப் பெற முடியும்.”

வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?

{?}நான் கடந்த ஒரு மாதமாக கமாடிட்டி டிரேடிங் செய்து வருகிறேன். நீண்ட கால நோக்கிலும், குறுகிய கால நோக்கிலும் எதில் முதலீடு செய்யலாம்?

கே.செல்வராஜ்.

தி.ரா.அருள்ராஜன், தலைவர், எக்ட்ரா பங்குச் சந்தை பயிற்சி நிறுவனம்.

‘‘கமாடிட்டி டிரேடிங் என்பது முதலீடு அல்ல. அது ஒரு வியாபாரம் என்பதை முதலில் புரிந்து கொள்ளுங்கள். இதில் நீண்ட காலம், குறுதிய காலம் என்றெல்லாம் எதுவும் இல்லை.

இந்த வகை வியாபாரத்தில், நீங்கள் வியாபாரம் செய்யும் கமாடிட்டியை, அதிகபட்சம் அந்தப் பொருளின் கான்ட்ராக்ட் முடியும் வரைதான் வைத்திருக்க முடியும். வேண்டுமானால், நடப்பு கான்ட்ராக்ட்டுக்குப் பதிலாக, அதற்கு அடுத்த மாதம் வியாபாரம் ஆகும் கான்ட்ராக்ட்டை வாங்குவதன் மூலமாக, இன்னும் சில வாரங்கள் கூடுதலாக வைத்துக் கொள்ளலாம்.

நடப்பு மாத கான்ட்ராக்ட்டில் வியாபாரம் மிகக் குறைவாக இருக்கும் என்பதால், சரியான விலையைக் கண்டுபிடிப்பது கடினம்.

மாறாக, ஒவ்வொரு கான்ட்ராக்ட் முடிவிலும், அந்த மாத கான்ட்ராக்ட்டை விற்றுவிட்டு, அதற்கு அடுத்த மாத கான்ட்ராக்ட்டை வாங்கலாம்.

ஆனால், இந்த மாத கான்ட்ராக்ட்டை விற்றுவிட்டு, அடுத்த மாத கான்ட்ராக்ட்டை வாங்கும்போது, காஸ்ட் ஆஃப் கேரி (Cost of Carry) என்று சொல்லப்படும் செலவையும் சேர்த்து, நீங்கள் அதிக விலை தரவேண்டி இருக்கும்.’’

{?}மியூச்சுவல் ஃபண்டில் டைரக்ட் பிளானில் முதலீடு செய்யும்போது ஈக்விட்டி ஃபண்ட், டெப்ட் ஃபண்டில் செலவு விகிதம் (Expense ratio) எவ்வளவு குறையும்?

கே.செந்தில், கோவை.

த.ராஜன், இயக்குநர், ஹோலிஸ்டிக் இன்வெஸ்ட்மென்ட் பிளானர்ஸ்.

“மியூச்சுவல் ஃபண்டில் டைரக்ட் பிளானில் முதலீடு செய்யும்போது செலவு விகிதம் ஒவ்வொரு ஈக்விட்டி மற்றும் டெப்ட் ஃபண்டுக்கு ஏற்ப மாறுபடும். எல்லா ஃபண்டுகளுக்கும் பொருந்துகிற மாதிரி நிலையான செலவு விகிதம் என்று எதுவும் கிடை யாது. மியூச்சுவல் ஃபண்ட் திட்டம் அடிப்படைத் தகவல்களிலிருந்து (Fact Sheet) இந்த விவரத்தை அறிந்து கொள்ளலாம்.

உதாரணத்துக்கு, ஈக்விட்டி ஃபண்டான ஃப்ராங்க்ளின் இந்தியா ப்ளூசிப் ஃபண்டில் டைரக்ட் பிளானில் செலவு விகிதம் 1.31 சத விகிதமாகவும், ரெகுலர் பிளானில் 2.21 சதவிகிதமாகவும் உள்ளது.

கடன் ஃபண்டான ஃப்ராங்க்ளின் இந்தியா ஷார்ட் டேர்ம் ஃபண்டில் செலவு விகிதம் 0.66 சத விகிதமாகவும், ரெகுலர் பிளானில் 1.56 சதவிகிதமாகவும் உள்ளது.”

வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?

{?}சென்னையில் கட்டப்பட்டுவரும் அடுக்குமாடி வீடு ஒன்றை ரூ.1 கோடிக்கு அண்மையில் வாங்கினேன். ரூ.55 லட்சம் யூடிஎஸ்-க்கான மதிப்பாக உள்ளது. மீதி, வீட்டின் விலையாக உள்ளது.

இந்த நிலையில் சொத்தின் மொத்த மதிப்புக்கு டிடிஎஸ் பிடிக்க வேண்டுமா அல்லது யூடிஎஸ் மதிப்புக்கு மட்டும் டிடிஎஸ் பிடிக்க வேண்டுமா? டிடிஎஸ் பிடிக்காவிட்டால் ஏதாவது அபராதம் செலுத்த வேண்டுமா?

சி.சதிஷ்,

என்.பி.இசை அழகன், ஆடிட்டர், இசை அண்ட் கோ.

“வருமான வரிச் சட்டம் பிரிவு 1941 A-ன் கீழ் ரூ.50 லட்சத்துக்கும் மேல் அசையா சொத்துக்கள் வாங்கும்போது மொத்த மதிப்பின் மீது 1% வரிப் பிடித்தம் செய்து கட்ட வேண்டும்.

எனவே, நீங்கள் மொத்த மதிப்பான ரூ.1 கோடி மீது வரிப் பிடித்தம் செய்து, 7 நாட்களுக்குள் படிவம் 26 QB மூலமாக வங்கியில் நேரடியாகவோ அல்லது வலைத்தளம் மூலமாகவோ செலுத்த வேண்டும்.

அவ்வாறு பிடிக்கத் தவறினால், பிரிவு 201 (1A)-ன் கீழ் மாதம் 1% வட்டியுடன் வரியைச் செலுத்த வேண்டும்; மற்றும் பிரிவு 271(C)-ன் கீழ் செலுத்த வேண்டிய வரிக்கு இணையாக அபராதமும் செலுத்த நேரிடும். இந்த வரியைச் செலுத்த TAN எனப்படும் வரிப் பிடிப்போர் கணக்கு எண் பெற வேண்டிய அவசியம் இல்லை.”

போன் மூலமாகவும் கேள்வி கேட்கலாம்!

இனி நீங்கள் போன் மூலமாகவும் கேள்விகளை பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளை பதிவு செய்யுங்கள்.

எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com

வீட்டுக் கடனை வேறு வங்கிக்கு மாற்றினால் வட்டி விகிதம் குறையுமா?