Published:Updated:

காலாண்டு முடிவுகள்... சொல்வது என்ன?

காலாண்டு முடிவுகள்... சொல்வது என்ன?
பிரீமியம் ஸ்டோரி
காலாண்டு முடிவுகள்... சொல்வது என்ன?

காலாண்டு முடிவுகள்... சொல்வது என்ன?

காலாண்டு முடிவுகள்... சொல்வது என்ன?

காலாண்டு முடிவுகள்... சொல்வது என்ன?

Published:Updated:
காலாண்டு முடிவுகள்... சொல்வது என்ன?
பிரீமியம் ஸ்டோரி
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?

எஸ். லெட்சுமணராமன்,  பங்குச் சந்தை நிபுணர்.

டப்பு நிதி ஆண்டின் (2016-17) இரண்டாம் காலாண்டு நிதி நிலை அறிக்கைகளை கிட்டத்தட்ட 4,000 நிறுவனங்கள் வெளியிட்டுள்ளன. அவற்றில் சில முக்கியமான போக்குகளைப் பார்க்கலாம்.

மும்பை பங்குச் சந்தையின் பிரதானக் குறியீடான சென்செக்ஸ் நிறுவனங்களின் நிகர லாபம், கடந்த ஆண்டின் இதே காலாண்டுடன் ஒப்பிடும்போது, 8.3 சதவிகிதம் அதிகரித்துள்ளது. சந்தையின் எதிர்பார்ப்பு 5 சதவிகிதமாக இருந்தது குறிப்பிடத்தக்கது. 

இந்த 4,000 நிறுவனங்களின் ஒட்டுமொத்த விற்பனை, கடந்த 2015-16-ம் நிதி ஆண்டின் இதே காலாண்டுடன் ஒப்பிடும்போது, 1.23 சதவிகிதம் அதிகரித்துள்ளது. நிகர லாபம், 17.7 சதவிகிதம் உயர்ந்து உள்ளது. வட்டி வரம்பு 1.45 சதவிகிதம் குறைந்துள்ளது.

நடப்பு டிசம்பர் காலாண்டின் (அக், நவ, டிச.)  இரண்டாம் மாதமான நவம்பரில் பங்குச் சந்தை பெரிய வீழ்ச்சியைச் சந்தித்து உள்ளது.  அதற்கான காரணங்கள்...

காலாண்டு முடிவுகள்... சொல்வது என்ன?

* அமெரிக்காவின் அதிபராகத் தேர்ந்தெடுக்கப் பட்டுள்ள டொனால்ட் டிரம்ப், ‘அமெரிக்கா முதலிடம்’ என்ற நிலைப்பாட்டின் காரணமாக பங்குச் சந்தை முதலீட்டாளர்களிடம் ஏற்பட்டுள்ள அச்சம்.

* உள்நாட்டில் 500, 1000 ரூபாய் பணமதிப்பு நீக்கம், இதனால் ஏற்பட்ட பொருளாதாரத் தாக்கம் குறித்து வெவ்வேறு வகையான மதிப்பீட்டினால் ஏற்பட்டுள்ள குழப்பங்கள்.

* சரக்கு மற்றும் சேவை வரி (ஜிஎஸ்டி) அமல்படுத்து வதில் காலதாமதம் ஏற்படுவதற்கான சூழ்நிலைகள்.

டிசம்பர் காலாண்டில் மீதமுள்ள காலங்களில் குறிப்பாக, வரும் வாரங்களில் பங்குச் சந்தையின் போக்கில் மாற்றங்களை ஏற்படுத்தும் பல நிகழ்வுகள் இருக்கின்றன. அவற்றைப் பார்க்கலாம்...

* 2016 டிசம்பர் 13, 14-ம் தேதிகளில் அமெரிக்க மத்திய வங்கியின் கூட்டத்தில் வட்டி விகிதம் 0.25 சதவிகிதம் உயர்த்தப்படும் என்கிற பரவலாக எதிர்பார்ப்பு. இது மட்டுமின்றி, தொடர்ந்து 2017-ம் ஆண்டிலும் வட்டி விகிதம் ஏற்றப்படுவதற்கான வாய்ப்புகள்.

* 2017-ம் ஆண்டில் டாலரின் மதிப்பு, மற்ற நாட்டின் நாணயங்களுக்கு எதிராகக் குறையலாம் என்ற எதிர்பார்ப்பு உள்ளது. அதற்கான காரணம், புதிய அமெரிக்க அதிபர், உள்நாட்டுக் கட்டமைப்புகளை மேம்படுத்துவதற்காக அதிக அளவில் செலவழிக்கலாம் என்று எதிர்பார்க்கப் படுகிறது. இதன் மூலம் அமெரிக்காவில் நிதிநிலைப் பற்றாக்குறை அதிகரிக்கலாம்.

* சமீபத்தில் எண்ணெய் வள நாடுகளுக்கு (ஒபெக்) இடையேயான கச்சா எண்ணெய் உற்பத்தியைக் குறைப் பதற்கான ஒப்பந்தம். இதன் காரணமாக கச்சா எண்ணெய் விலை ஏற்றம் அடையலாம்.

* பழைய 500 மற்றும் 1000 ரூபாய் நோட்டுகளின் பண மதிப்பு நீக்கம் காரணமாக இந்திய உள்நாட்டுப் பொருளாதார வளர்ச்சி விகிதத்தில் சற்று தொய்வு ஏற்பட்டுள்ளது. இது பல நிறுவனங்களின்  டிசம்பர் மற்றும் மார்ச் காலாண்டு நிதி நிலை முடிவினைப் பாதிக்கலாம்.

* டொனால்ட் டிரம்ப் ஜனவரி 20-ம் தேதி அமெரிக்க அதிபராக பதவியேற்றபின், அவர் அந்த நாட்டுப் பொருளாதாரத்தை மேம்படுத்துவதற்காக நடவடிக்கைகள் குறித்த அறிவிப்பினை வெளியிடுவார். இரும்பு, மருந்து மற்றும் ஆட்டோமொபைல் சார்ந்து அமெரிக்காவில் விற்பனை செய்யப்படும் பொருட்கள்,  அமெரிக்காவிலேயே உற்பத்தி செய்யப்பட வேண்டும் என்று சொல்லி இருக்கிறார்.

* மத்திய பட்ஜெட் ஒரு மாதம் முன்பாகவே, பிப்ரவரி 1-ம் தேதி தாக்கல் செய்யப்பட உள்ளது. பொதுவான சந்தையின் எதிர்பார்ப்பு, பண மதிப்பு நீக்கத்தின் காரணமாக பொருளாதார வளர்ச்சியில் சற்று தொய்வு ஏற்படலாம். இந்தத் தொய்வினை சரிவு செய்யும் விதமாக இந்த நிதிநிலை அறிக்கை இருக்கும் என்று எதிர்பார்க்கப்படுகிறது.

இந்தச் சூழ்நிலைகளை மனதில் கொண்டு எந்தெந்த துறைகள் எவ்வாறு இருக்கின்றன என்பதையும் பார்க்கலாம்.

* பண மதிப்பு நீக்கத்தினால் பாதிக்கப்படாத துறைகள் என்று பார்க்கும்போது, எண்ணெய் மற்றும் எரிவாயு, மூலதனப் பொருட்கள், ஹெல்த்கேர், மின் சக்தி மற்றும் அதனைச் சார்ந்த துறைகள்.

* கமாடிட்டி போன்ற துறைகள் சரிவைச் சந்தித்து, கொஞ்சம் மேலே ஏற ஆரம்பித்துள்ளன. குறிப்பாக, உலோகங்கள். வரும் ஆண்டில் டாலரின் மதிப்பு குறையுமானால் கமாடிட்டி விலை ஏறலாம்.

காலாண்டு முடிவுகள்... சொல்வது என்ன?

* உள்கட்டமைப்புத் துறையில் பண மதிப்பு நீக்கத்தின் தாக்கம் குறுகிய கால அளவில் இருக்கும். ஏனென்றால், சுங்கச் சாவடி வருவாய் இழப்பு ஏற்பட்டுள்ளது. வட்டி குறைக்கப்பட்டால், இந்தத் துறை வளர்ச்சி காணும்.

* ஆட்டோ செக்டாரைப் பொறுத்தவரை, பண மதிப்பு நீக்கத்தின் காரணமாக புதிய வாகனங்களுக்கான முன்பதிவுகள் 30% முதல் 40% வரை குறைந்து இருப்பதாகத் தகவல் வெளியாகி உள்ளது.

* ஐடி செக்டார் பெரிய அளவில் வளர்ச்சி அடையாமல் உள்ளது. அமெரிக்க புதிய அதிபர், ஐடி துறையில் சில கட்டுப்பாடுகளை விதிப்பார் என்று எதிர்பார்க்கப்படுகிறது. இதனால் இந்திய ஐடி துறை புதிய சவால்களை சந்திக்க நேரிடலாம்.

அதே நேரத்தில், தற்போதைய நிலையில் அமெரிக்காவில் திறன் வாய்ந்த பணியாளர்களுக்கு அதிக பற்றாக்குறை நிலவி வருகிறது. இதனால் புதிய வாய்ப்புகள் வரலாம் என்ற எதிர்பார்ப்பு நிலவுகிறது.

* சிமென்ட் மற்றும் நுகர்வோர் சாதனங்கள், வீட்டு உபயோகப் பொருட்கள் விற்பனை ஏற்கெனவே மந்த நிலையில் இருக்கும் நிலையில், பண மதிப்பு நீக்கத்தினால் அது மேலும் குறையும். இதனால் இந்தத் துறை நிறுவனங்களின் நிதி நிலையில் சற்று தொய்வு ஏற்படலாம் என்று எதிர்பார்க்கப்படுகிறது.

தொகுப்பு: சோ.கார்த்திகேயன்

காலாண்டு முடிவுகள்... சொல்வது என்ன?

நிறுவனங்களின் காலாண்டு முடிவுகளை சரியாகப் புரிந்துகொள்ள இங்கே முக்கிய கலைச் சொற்களுக்கான பொருளைத் தந்திருக்கிறோம்.

புத்தக மதிப்பு! (Book Value)

 ஒரு நிறுவனத்தின் மொத்தச் சொத்து மதிப்பிலிருந்து அதன் கடன்களைக் கழித்தால் கிடைக்கும் மதிப்புதான் புத்தக மதிப்பு. சுருக்கமாக, ஒரு நிறுவனத்தை விற்றால் என்ன தொகைக் கிடைக்குமோ, அதுதான் அந்த கம்பெனியின் புத்தக மதிப்பு.

 முக மதிப்பு! (Face Value)

 ஒரு பங்கின் முக மதிப்பு என்பது, பங்கின் மூலம் பங்கு மூலதனத்துக்குப் போய்ச் சேரும் தொகையைக் குறிப்பதாகும். இந்த மதிப்புக்குதான் டிவிடெண்ட் வழங்கப்படுகிறது. இந்த முக மதிப்பு 1, 2, 5, 10 ரூபாய் என்பதுபோல் இருக்கும்.

 இ.பி.எஸ்.! (Earnings per share)

 ஒரு பங்கு சம்பாதித்து தரும் லாபமே இ.பி.எஸ். எனப்படுகிறது. குறிப்பிட்ட காலத்தில் (காலாண்டு, அரையாண்டு, ஓராண்டு என்பதுபோல்) ஒரு பங்கின் மூலம் எவ்வளவு வருமானம் கிடைத்திருக்கிறது என்பதைக் குறிப்பது இது. நிறுவனத்தின் நிகர லாபத்தை, அதன் மொத்தப் பங்குகளின் எண்ணிக்கையால் வகுத்தால் இது கிடைக்கும். இ.பி.எஸ். அதிகமாக இருக்கும் பங்குகளை வாங்கினால் அதிக லாபம் கிடைக்க வாய்ப்பு உள்ளது.

 செயல்பாட்டு லாப வரம்பு! (Operating Profit Margin)

 நிறுவனம் வழக்கமாகச் செய்யும் செலவுகளான மூலப்பொருட்கள் விலை, பணியாளர் சம்பளம், வரிகள் மற்றும் தேய்மானத்துக்கு முந்தைய செலவு போன்றவற்றை அதன் விற்பனை வருமானத்திலிருந்து கழித்தபின் கிடைக்கும் லாபம் செயல்பாட்டு லாபம். இந்த லாபம் விற்பனை வருமானத்தில் எத்தனை சதவிகிதம் என்பதுதான் செயல்பாட்டு லாப வரம்பு.

 பி/பி.வி.! (Price to Book Value)

 நிறுவனப் பங்கின் விலைக்கும் புத்தக மதிப்புக்கும் உள்ள விகிதம் இது. அதாவது, பங்கின் சந்தை விலையை, பங்கின் புத்தக மதிப்பால் வகுக்கக் கிடைப்பது. இந்த விகிதம் குறைவாக இருந்தால் லாபம் கிடைக்க வாய்ப்பு உண்டு.

 மார்க்கெட் கேப்பிட்டலைசேஷன்! (Market Capitalization)

 ஒரு நிறுவனத்தின் அங்கீகரிக்கப்பட்ட மற்றும் வெளியிடப்பட்ட மற்றும் முதலீட்டாளர்கள் வசம் உள்ள மொத்தப் பங்குகளின் சந்தை மதிப்பு மார்க்கெட் கேப்பிட்டலைசேஷன். ஒரு கம்பெனி எந்த அளவுக்குப் பெரியது என்பதை இது சுட்டிக்காட்டும்.

 பி/இ விகிதம்! (Price to Earnings Ratio)

 ஒரு நிறுவனப் பங்கின் சந்தை விலைக்கும், அந்தப் பங்கின் இ.பி.எஸ்-க்கும் உள்ள விகிதம்தான் பி/இ விகிதம். இந்த விகிதம் குறைவாக இருக்கும் பங்குகளை வாங்கினால் கூடுதல் லாபம் கிடைக்க வாய்ப்பு இருக்கிறது.

- சி.சரவணன்.

காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?
காலாண்டு முடிவுகள்... சொல்வது என்ன?