Published:Updated:

பட்ஜெட் எதிரொலி... பாசிட்டிவ் பங்குகள்!

 பட்ஜெட் எதிரொலி... பாசிட்டிவ் பங்குகள்!
பிரீமியம் ஸ்டோரி
பட்ஜெட் எதிரொலி... பாசிட்டிவ் பங்குகள்!

சோ.கார்த்திகேயன்

பட்ஜெட் எதிரொலி... பாசிட்டிவ் பங்குகள்!

சோ.கார்த்திகேயன்

Published:Updated:
 பட்ஜெட் எதிரொலி... பாசிட்டிவ் பங்குகள்!
பிரீமியம் ஸ்டோரி
பட்ஜெட் எதிரொலி... பாசிட்டிவ் பங்குகள்!
 பட்ஜெட் எதிரொலி... பாசிட்டிவ் பங்குகள்!

த்திய அரசின் 2017-18 -க்கான பட்ஜெட்டைப் பலரும் பலவிதமாக எதிர்பார்த்ததைப்போல, பங்குச் சந்தை முதலீட்டாளர்களும் ஆவலுடன்  எதிர்பார்த்துக் காத்திருந்தனர். பட்ஜெட்டில், பங்குச் சந்தைக்கு பாதகமான விஷயமான நீண்ட கால மூலதன ஆதாய வரி விதிக்கப்படலாம்; அதற்கான கால அளவு ஓராண்டிலிருந்து மூன்று ஆண்டுகளாக உயர்த்தப்படலாம் என்கிற பயம் இருந்தது.

 பட்ஜெட் எதிரொலி... பாசிட்டிவ் பங்குகள்!



நல்லவேளையாக, அப்படி எதுவும் நடக்கவில்லை என்றாலும், பங்குச் சந்தைக்கு பாதகமான எந்தவொரு விஷயமும் இந்த பட்ஜெட்டில் இல்லை. 

மாறாக, இந்த பட்ஜெட்டில் பங்குச் சந்தைக்கு சாதகமாக, ‘வங்கிக் கடனைத் திருப்பித் தராதவர்களின் சொத்துக்கள் பறிமுதல் செய்ய சட்டம் கொண்டுவரப்படும்; ரூ.3 லட்சத்துக்கும் மேல் உள்ள ரொக்க பணப் பரிவர்த்தனைக்குத் தடை விதிக்க முடிவு; ரூ.50 கோடிக்கு கீழ் டேர்ன் ஓவர் கொண்ட நிறுவனங்களுக்கு கார்ப்பரேட் வரி 30 சதவிகிதத்தில் இருந்து 25 சதவிகிதமாகக்  குறைக்க நடவடிக்கை’ என சில விஷயங்களைக் குறிப்பிட்டுச் சொல்லலாம்.

மேலும், ‘வங்கிகள் மறு சீரமைப்புக்கு ரூ.10,000 கோடி; அரசு உள்கட்டமைப்புத் திட்டங்களுக்கு ரூ.3.96 லட்சம் கோடி நிதி ஒதுக்கீடு; புதிய அந்நிய நேரடி முதலீடு (எஃப்டிஐ) கொண்டு வரப்படும்; அந்நிய முதலீட்டு மேம்பாட்டு வாரியம் ஒழித்துக் கட்டப்படும்’ என பங்குச் சந்தைக்கு சாதகமான   மேலும் பல அறிவிப்புகளையும் குறிப்பிடலாம். இத்தகைய சாதகமான அம்சங்களால் சென்செக்ஸ் மற்றும் நிஃப்டி மளமளவென உயர்ந்தது. 

இந்த நிலையில், பங்குச் சந்தை குறித்தும், பட்ஜெட் அறிவிப்பால் கவனிக்கவேண்டிய பங்குகள் குறித்தும் ஐடிபிஐ கேப்பிட்டல் நிறுவனத்தின் ஈக்விட்டி ரிசர்ச் பிரிவின் தலைவர் ஏ.கே.பிரபாகரிடம் கேட்டோம்.

“பட்ஜெட் வருவதற்குமுன், பலரும் நெகட்டிவ் விஷயங்களே வரும் என எதிர்பார்த்தனர். இந்த பட்ஜெட்டில், நீண்ட கால மூலதன ஆதாய வரி உயர்த்தப்படும்; வங்கிப் பரிவர்த்தனை வரி உயரும்; நாட்டின் நிதிப்பற்றாக்குறை அதிகரிக்கும் என்று பரவலாக எதிர்பார்த்தோம். இதில் எதுவும் நடக்கவில்லை. அதேசமயம், கார்ப்பரேட் நிறுவனங்களுக்கான வரியைக் குறைப்பார்கள் என்றும் சொல்லப்பட்டது. அதுவும் நடக்கவில்லை.

 சாதாரண பட்ஜெட்

பட்ஜெட்டில், அந்நிய முதலீட்டு மேம்பாட்டு வாரியம் கலைக்கப் பட்டுள்ளது. இது பங்குச் சந்தைக்கு சாதகமான விஷயம். இதன் மூலம் இனி வரும் காலங்களில் அந்நிய முதலீடு அதிகரிக்கும்.

மற்றொரு முக்கியமான அம்சம், ஆண்டு வர்த்தகம் ரூ.50 கோடிக்கும் குறைவாக உள்ள நிறுவனங்களுக்கு வரி 25 சதவிதமாகக் குறைக்கப் பட்டுள்ளது. ரூ.50 கோடி வரை வர்த்தகம் செய்யும் சிறு நிறுவனங்களுக்கு 5% வரி குறைப்பு ஒரு பாசிட்டிவான அம்சமாகும்.

ஒட்டுமொத்தத்தில், இந்த பட்ஜெட் ஜனரஞ்சகமான பட்ஜெட்டாக இருக்கும் என்றுதான் எல்லோரும் எதிர்பார்த்தார்கள். நாங்களும் அப்படித்தான் எதிர்பார்த்தோம். ஆனால், சொல்லும்படி இந்த பட்ஜெட்டில் எந்த பெரிய அறிவிப்பும் வெளியாகவில்லை. இது ஒரு சாதாரண பட்ஜெட்டாகவே தாக்கல் செய்யப் பட்டுள்ளது. பட்ஜெட் எதிரொலியால் பங்குச் சந்தைக்கு பெரிய பாதிப்பு எதுவும் இல்லை.

 சிகரெட்டுக்கு வரி

இந்த பட்ஜெட்டில் ஒரு சாதகமான விஷயம், சிகரெட்டுக்கு 6% மட்டுமே வரி உயர்த்தப்பட்டுள்ளது.  இதற்குமுன் எப்போதுமே 10%, 15% அல்லது 20% என வரி அதிகரித்தே வந்தனர். இந்த முறை சிகரெட்டுக்கு பெரியளவில் வரி விதிக்கப்பட வில்லை.

ஏனெனில் இதற்கு மேல் சிகரெட்டுக்கு வரி வசூலித்தால், இறக்குமதி செய்யப்படும் சிகரெட், இந்தியாவில் குறைந்த விலையில் விற்பனையாகும் நிலை உருவாகும். இதனாலேயே குறைந்த அளவில் வரி விதிக்கப்பட்டு உள்ளதாகத் தெரிகிறது. ஆனால், ஐடிசி போன்ற நிறுவனங்கள், பட்ஜெட் வருவதற்கு முன்பே டிசம்பர் மாதத்திலேயே சிகரெட் விலையை 10% வரை அதிகரித்துவிட்டன.  

 பட்ஜெட் எதிரொலி... பாசிட்டிவ் பங்குகள்!

மாநில தேர்தல்கள்

பட்ஜெட்டுக்குப்பின் உத்தரப் பிரதேசம், பஞ்சாப், கோவா, உத்தரகாண்ட் எனப் பல மாநில சட்டமன்றத் தேர்தல்கள் நடைபெற இருப்பதால், பட்ஜெட்டில் கவர்ச்சிகரமான எந்தவொரு  அறிவிப்பும் இல்லை. மீறி பட்ஜெட்டில் அறிவிக்கப்பட்டாலும் தேர்தல் ஆணையம் அதை ஏற்றுக் கொள்ளாது. ஆகையால் பட்ஜெட் ஒரு சாதாரண பட்ஜெட்டாகவே தாக்கல் செய்யப்பட்டுள்ளது.

பட்ஜெட்டுக்குப் பிறகு பங்குச் சந்தையில் குறிப்பிட்டுச் சொல்லும்படி பெரியளவில் எந்தவொரு தாக்கமும் இருக்காது. ஒட்டுமொத்த பங்குச் சந்தையின் பாதிப்பைவிட, தனிப்பட்ட முறையில் பங்குகளின் நடவடிக்கை அடிப்படையில் மட்டுமே ஏற்ற இறக்கம் என்பது இருக்கும்.

இந்த பட்ஜெட் சாதாரணமாக இருந்தாலும்,  ஒரு சில நிறுவனங்களுக்குச் சாதகமான விஷயங்கள் அறிவிக்கப்பட்டுள்ளன. ஆகையால், இந்த நிறுவனங்களை மட்டுமே தேர்ந்தெடுத்து முதலீட்டை மேற்கொள்வது நல்லது. இந்த பங்குகளை 8 மாதம் முதல் ஒரு ஆண்டு வரை வைத்துக்கொள்ளலாம்’’ என்றார்.

பட்ஜெட் அறிவிப்பினால் சாதகமான விளைவுகளை எதிர்கொள்ள வாய்ப்புள்ள சில பங்குகளை பரிந்துரைக்கும்படி ஏ.கே.பிரபாகரிடம் கேட்டோம். அவரும் பரிந்துரைத்தார்.

“பிரிசம் சிமென்ட், இன்ஜினீயர்ஸ் இந்தியா, சீமென்ஸ் மற்றும் ஏபிபி போன்ற நிறுவனங்களின் பங்குகளில் முதலீடுகளை மேற்கொள்ளலாம்.

 சீமென்ஸ் மற்றும் ஏபிபி

பட்ஜெட் அறிவிப்பில் முக்கியமாக பலனடைந்த நிறுவனங்களில் சீமென்ஸ் மற்றும் ஏபிபி இந்தியா ஆகும். பட்ஜெட்டில் ரயில்வேக்கு ரூ.1.3 லட்சம் கோடிக்கு நிதி ஒதுக்கப்பட்டுள்ளது. இதில் ரயில்வேயைவிட, மெட்ரோ ரயிலுக்கு அதிகளவில் நிதி ஒதுக்கப்பட்டுள்ளது.

ரயில்வே பலனடையும் வகையில் அறிவிப்புகள் வந்தாலே சீமென்ஸ் நிறுவனத்துக்கு சாதகம்தான். ஏனெனில் ரயில்வே துறையைப் பொறுத்தவரை, எந்தவொரு அறிவிப்பாக இருந்தாலும் சீமென்ஸ் நிறுவனத்தின் பங்களிப்பு அதிகம்.  இப்போது இரண்டாம் கட்டமாக கூடுதலாக 20,000 மெகாவாட் திறனுள்ள சோலார் பார்க் கட்டப்பட உள்ளது. இது சீமென்ஸ் மற்றும் ஏபிபி இந்தியாவுக்கு மகிழ்ச்சியான செய்தி.

ஆகையால் இந்த இரண்டு நிறுவனங்களும் பட்ஜெட் அறிவிப்பால் பலனடையும். சீமென்ஸ் நிறுவனப் பங்கை ரூ.1,165 என்ற விலையில் வாங்கலாம், டார்கெட் ரூ.1,374. ஏபிபி இந்தியா நிறுவனப் பங்கை ரூ.1,108 என்ற விலையில் வாங்கலாம், டார்கெட் ரூ.1,120.

 பிரிசம் சிமென்ட்

பட்ஜெட்டில், ரயில்வே துறையைப் போல, சிமென்ட் துறைக்கும் சில பாசிட்டிவான அம்சங்கள் இடம் பெற்றுள்ளன. பிரிசம் சிமென்ட் நிறுவனம் நான்கு வணிகப் பிரிவுகளைக் கொண்டுள்ளது. நாட்டின் மத்திய மற்றும் வடக்குப் பகுதிகளில் ஆண்டுக்கு 7 மில்லியன் டன்னுக்கு சிமென்ட் உற்பத்தி செய்வதற்கான ஆலைகள் உள்ளன. 

பட்ஜெட்டில் இயற்கை எரிவாயு இறக்குமதி வரி 5 சதவிகிதத்தில் இருந்து 2.5 சதவிகிதமாகக் குறைக்கப்பட்டுள்ளது. இது எரிவாயு சார்ந்த நிறுவனங்களுக்கு எரிபொருள் செலவைக் குறைக்கும். பிரிசம் சிமென்ட் பங்கை ரூ.90 என்ற விலையில் வாங்கலாம், டார்கெட் ரூ.125.

  இன்ஜினீயர்ஸ் இந்தியா!

பட்ஜெட்டில், இன்ஜினீயர்ஸ் இந்தியா நிறுவனத்துக்கும் பாசிட்டிவான சில அம்சங்கள் தாக்கல் செய்யப்பட்டுள்ளன. இந்த நிறுவனம் ராஜஸ்தான் மற்றும் ஒடிசா மாநிலத்தில் கச்சா எண்ணெய் கையிருப்பு ஆலை அமைக்க திட்டமிட்டுள்ளது. இதன் மூலம் இந்தியாவின் கச்சா எண்ணெய் கையிருப்புத் திறன் 15.33 மில்லியன் மெட்ரிக் டன் ஆக அதிகரிக்கும். இந்த இரண்டு ஆலைகளையும் அமைக்க இன்ஜினீயர்ஸ் இந்தியா நிறுவனத்துக்குப் பரிந்துரை செய்யப் பட்டுள்ளது. ஆகையால் இந்த நிறுவனத்தில் முதலீடு மேற்கொள்ளலாம். இன்ஜினீயர்ஸ் இந்தியா பங்கை ரூ.152 என்ற விலையில் வாங்கலாம்; டார்கெட் ரூ.173’’.

இந்தப் பங்குகளை வாங்குவதற்குமுன், முதலீட்டாளர்கள் நன்கு ஆய்வு செய்வதும், பங்குகளை வாங்கியபின் நிறுவனங்களின் செயல்பாட்டினைத் தொடர்ந்து கண்காணிப்பதும் அவசியம்!