Published:Updated:

ஐபிஒ வரும் ஐஆர்சிடிசி... எப்படி இருக்கும் எதிர்காலம்?

ஐபிஒ வரும் ஐஆர்சிடிசி... எப்படி இருக்கும் எதிர்காலம்?
பிரீமியம் ஸ்டோரி
ஐபிஒ வரும் ஐஆர்சிடிசி... எப்படி இருக்கும் எதிர்காலம்?

ஜெ.சரவணன்

ஐபிஒ வரும் ஐஆர்சிடிசி... எப்படி இருக்கும் எதிர்காலம்?

ஜெ.சரவணன்

Published:Updated:
ஐபிஒ வரும் ஐஆர்சிடிசி... எப்படி இருக்கும் எதிர்காலம்?
பிரீமியம் ஸ்டோரி
ஐபிஒ வரும் ஐஆர்சிடிசி... எப்படி இருக்கும் எதிர்காலம்?

ரசுக்குச் சொந்தமான பொதுத்துறை நிறுவனங்கள் மொத்தம் 169 உள்ளன. அவற்றில் 142 நிறுவனங்கள் லாபம் ஈட்டுபவையாக உள்ளன. இவற்றில் 47 நிறுவனங்கள் மட்டுமே பங்குச் சந்தையில் பட்டியலிடப்பட்டுள்ளன. கடந்த எட்டு ஆண்டுகளில், ஆறு பொதுத்துறை நிறுவனங்கள் மட்டுமே பங்குச் சந்தையில் பட்டியலிடப்பட்டுள்ளன. எவ்வளவோ தனியார் நிறுவனங்கள், தொடங்கப்பட்ட சில வருடங்களிலேயே பங்குச் சந்தையில் பட்டியலிடப்பட்டு விடுகின்றன. ஆனால், அரசுக்குச் சொந்தமான சிறப்பாகச் செயலாற்றக்கூடிய பொதுத்துறை நிறுவனங்கள் பட்டியலிடப்படுவதில்லை.

தற்போது மத்திய அரசு, மேலும் சில பொதுத்துறை நிறுவனங்களைப் பட்டியலிட முடிவு செய்துள்ளது. 2017-18-ம் நிதி ஆண்டுக்கான பட்ஜெட்டில் நிதி அமைச்சர், ‘பொதுத்துறை நிறுவனங்கள் பங்குச் சந்தையில் பட்டியலிடப்படும்’ என்று கூறியுள்ளார். அவற்றில் மிக முக்கியான ஒன்றாக ஐஆர்சிடிசி எனப்படும் இந்திய ரயில்வே கேட்டரிங் மற்றும் டூரிஸம் கார்ப்பரேஷன் உள்ளது. 

ஐபிஒ வரும் ஐஆர்சிடிசி... எப்படி இருக்கும் எதிர்காலம்?

   தவிர்க்கமுடியாத சேவை!

அரசுப் பொதுத்துறை நிறுவனங்களிலேயே பெரும்பாலான மக்களுடன் நேரடியாகத் தொடர்புடைய ஒன்றாக இருப்பது ரயில்வே துறை நிறுவனங்கள்தான். ஏனெனில் இந்தியாவின் மிகப் பெரிய போக்குவரத்துத் துறையாக ரயில்வே இருக்கிறது. நம் நாட்டில் மற்ற போக்குவரத்து வசதிகளைப் பயன்படுத்தாதவர்கள்கூட, ரயில்வே போக்குவரத்து வசதியை ஒருமுறையேனும்  பயன்படுத்தாமல் இருக்கமாட்டார்கள். 1853-ல் ஆரம்பிக்கப்பட்ட இந்திய ரயில்வே துறையின் வரலாறு பாரம்பர்யமும் பிரமிக்கமும் கொண்டது. 

ரயில்வே துறை, ஒவ்வொரு காலகட்டத்திலும் தன்னை மெருகேற்றிக்கொண்டேதான் இருக்கிறது. நவீனங்களும் தொழில்நுட்பங்களும் அறிமுகம் செய்வதில் தனியார் நிறுவனங்களுக்கு நிகராகப் பொதுத்துறை நிறுவனங்களும் உள்ளன என்பதற்கு ரயில்வே துறை நிறுவனமனா ஐஆர்சிடிசி மிகச் சிறந்த உதாரணம். ஸ்மார்ட் போன்களும், ஆண்ட்ராய்டு ஆப்களும் ஆளும் இந்தக்  காலத்துக்கேற்ப ஐஆர்சிடிசி, தன்னைத் தகவமைத்துக் கொண்டே வந்துகொண்டிருக்கிறது.

ஐஆர்சிடிசியின் மூலம் டிக்கெட் புக்கிங் செய்யவும், உணவு ஆர்டர் செய்யவும் இணைய தளமும், ஆப் வசதியும் உருவாக்கப்பட்டுள்ளன. 2009-ல் தொடங்கப்பட்ட இணைய வசதி, தற்போது ஆப்களில் பட்டையைக் கிளப்பிக் கொண்டு இருக்கின்றன. எந்தவொரு தனியார் டூரிஸம் நிறுவனத்தின் புக்கிங் ஆப்பை விடவும் மிக அதிகமான மக்கள் பார்க்கவும், பயன்படுத்தவும் செய்யும் ஒன்றாக ஐஆர்சிடிசி ஆப் விளங்குகிறது. 

   வளர்ச்சியும் எதிர்காலமும்

ஒரு நாளைக்கு ஐஆர்சிடிசி இணையதளத்தைப் பயன்படுத்துவோரின் எண்ணிக்கை சராசரியாக 5 கோடி முதல் 6 கோடி வரை இருக்கிறது. ஒவ்வொரு நாளும் 15 ஆயிரம் புதிய பயனாளிகள், ஐஆர்சிடிசி சேவையைப் பயன்படுத்துகிறார்கள். ஒரு வருடத்தில் 3 பில்லியன் டாலருக்கு டிக்கெட் புக்கிங் செய்யப்படுகிறது.

ஐஆர்சிடிசி ஆப்பில் மட்டுமே தினசரி 30 ஆயிரம் டிக்கெட்டுகள் புக் செய்யப்படுகின்றன. இத்தகைய நம்பகமான வாடிக்கையாளர்கள் வேறு எந்த இ-காமர்ஸ் சேவைத்தளங்களுக்கும் இல்லை.

ஐஆர்சிடிசி, உலகின் மூன்றாவது பெரிய ட்ராவல் பிளாட்ஃபாரமாக இருக்கிறது. 2015-16-ம் நிதி ஆண்டில், கிட்டதட்ட 20 கோடி டிக்கெட்டுகள் ஐஆர்சிடிசி-யில் புக் செய்யப்பட்டுள்ளன. இது கடந்த நிதி ஆண்டைக் காட்டிலும் 9% அதிகம்.

ஒட்டுமொத்த விகடனுக்கும் ஒரே ஷார்ட்கட்!

ஐபிஒ வரும் ஐஆர்சிடிசி... எப்படி இருக்கும் எதிர்காலம்?

2015-16-ம் நிதி ஆண்டில் ஐஆர்சிடிசி நிறுவனத்தின் வருவாய், முந்தைய நிதி ஆண்டைக் காட்டிலும் 31 சதவிகிதமும், நிகர லாபம் 38 சதவிகிதமும் உயர்ந்துள்ளது. 2010-11-ம் நிதி ஆண்டில் ஐஆர்சிடிசி வருவாய், ரூ.765 கோடியாக இருந்தது, 2015-16-ம் நிதி ஆண்டில் அது ரூ.1,141 கோடியாக உயர்ந்துள்ளது. அதேபோல், ரூ.61 கோடியாக இருந்த இதன் நிகர லாபம், தற்போது ரூ.131 கோடியாக உயர்ந்துள்ளது. இந்த வளர்ச்சிக்குக் காரணம், ஐஆர்சிடிசி மீதான மக்களின் கவனம் தொடர்ந்து அதிகரித்துக்கொண்டே இருப்பதுதான். ஐஆர்சிடிசி ஆன்லைன் சேவை மூலம் தற்போது டிக்கெட் புக் செய்பவர்கள் 55% பேர். ஐஆர்சிடிசி விரைவில் இதனை 100 சதவிகிதமாக மாற்றத் திட்டமிட்டுள்ளது.

மேலும், ஐஆர்சிடிசி-யை இந்தியாவின் ஒட்டுமொத்த டூரிஸத்துக்குமான ஒரே சேவை மையமாக மாற்ற வேண்டும் என்பதற்கான முயற்சியில் ஐஆர்சிடிசி தீவிரமாக உள்ளது. அதன் மூலம் டிக்கெட் புக்கிங், செயல்திறன் மற்றும் கவரேஜ் என நாடு முழுவதும் எல்லோரும் எளிதில் பயன்படுத்தும் வண்ணம் ஐஆர்சிடிசி-யின் சேவைகள் கட்டமைக்கப்படும் என்றும் ஐஆர்சிடிசி தரப்பில் சொல்லப்பட்டுள்ளது. டேட்டா லைசென்ஸிங் மற்றும் இ-காமர்ஸ் ஆகிய இரண்டு தளங்களும்தான் எதிர்கால வளர்ச்சிக்கான முக்கிய காரணிகள். இதற்காகப் பல்வேறு ஸ்டார்ட்-அப் மற்றும் இன்டர்நெட் பிசினஸ் நிறுவனங்களுடன் கூட்டு சேர்ந்து இயங்க திட்டங்கள் வகுக்கப்பட்டு வருகின்றன.  

   சோபிக்காத கேட்டரிங் சர்வீஸ்

ஐஆர்சிடிசி ஈட்டும் லாபத்தில், 70% ஆன்லைன் டிக்கெட் புக்கிங் மூலம் மட்டுமே கிடைக்கிறது. மாறாக, ஐஆர்சிடிசி நிறுவனத்தின் கவனிக்க வேண்டிய விஷயமாக அதன் கேட்டரிங் சேவை இருக்கிறது. ஏனெனில் டிக்கெட் புக்கிங் மூலம் பயனாளிகள் அடையும் திருப்தி, ஐஆர்சிடிசி கேட்டரிங் சேவையில் கிடைப்பதில்லை. இது ஐஆர்சிடிசியின் மிகப் பெரிய தோல்வியாகவே இருக்கிறது.

இதற்கு கேட்டரிங் சேவை, ஐஆர்சிடிசி-யின் கீழ் இயங்குவதற்குப் பதிலாக ரயில்வே துறையின் கீழ் செயல்படுவதும் ஒரு காரணமாக இருக்கலாம் என்கிறார்கள். ரயில்வே துறை அமைச்சர் சுரேஷ் பிரபு சமீபத்தில், ரயில்வேயின் கேட்டரிங் பாலிசியில் மாற்றங்கள் கொண்டு வரப்படும் என்று கூறினார். ரயில்வே கேட்டரிங் தற்போது ரயில்வே துறையின் கீழும் மற்றும் உரிமம் பெற்ற கேட்டரிங் ஏஜென்ஸி மூலமும் நடக்கிறது. ரயில்வே துறையின் கேட்டரிங் ரயில்களிலும், ரயில் நிலையங்களிலும் மற்றும் ரயில்வே அலுவலகங்களிலும் செயல் படுகிறது. கேட்டரிங் ஏஜென்ஸிகளுக்கான உரிமங்கள் ஐஆர்சிடிசி-யினால் வழங்கப்படு கின்றன.

கேட்டரிங் சேவையை மேம்படுத்துவதற்காக இ-கேட்டரிங் 2014-ல் அறிமுகப்படுத்தப்பட்டது. அதன்பின்னர் கேட்டரிங் சேவையும் ஓரளவுக்கு வளர்ச்சி அடைய ஆரம்பித்திருக்கிறது. மக்கள் விரும்பும் பல்வேறு பிரபல உணவு நிறுவனங்களோடு ஐஆர்சிடிசி ஒப்பந்தம் செய்துகொண்டு,  மேலும் கேட்டரிங் சேவையை மக்களின் விருப்பப்படி தருவதற்கான முயற்சிகளை எடுத்து வருகின்றன.

   முதலீட்டாளர்களுக்கு ஜாக்பாட்


ரயில் நிலையங்களில் அதிவேக இலவச வை-ஃபை சேவை, மக்கள் விரும்பும் உணவுகள் என ஐஆர்சிடிசி நிறுவனத்தின் சேவைகள் மக்களின் விருப்பப்படி மாற்றத்துக்குத் தயாராகி வருவதாலும், ரயில் பயணங்கள் என்றென்றும் நீடித்திருக்கும் என்பதாலும், ஐஆர்சிடிசியின்  எதிர்காலம் பிரகாசமாகவே இருக்கும். 

மேலும், பயணம் மற்றும் சுற்றுலாவின் மொத்த சந்தை மதிப்பில் பெரும்பகுதியை தன் வசம் வைத்துக்கொள்வதற்கான அத்தனை அம்சங்களும் ஐஆர்சிடிசி நிறுவனத்திடம் உள்ளது. எனவே, விரைவில் பொதுப் பங்கு வெளியீடு மூலம் பங்குச் சந்தைக்குள் நுழைய இருக்கும் ஐஆர்சிடிசி பங்குகள், முதலீட்டாளர்களுக்கு ‘ஜாக்பாட்’ பரிசாகவே இருக்கும் என்பதில் சந்தேகமே இல்லை.

ஐஆர்சிடிசியின் இதர சேவைகள்!

ஐஆர்சிடிசி நிறுவனம் டிக்கெட் புக்கிங், கேட்டரிங் போன்ற சேவைகள் மட்டுமல்லாமல் பயணிகளுக்கும் சுற்றுலா ஆர்வலர்களுக்கும் மேலும் பல சேவைகளை வழங்கி வருகிறது. ஐஆர்சிடிசி-யின் செயலி மூலம் கால்டாக்ஸி புக் செய்வது, ரயில் நிலையங்களில் ஓய்வு எடுப்பதற்கு அறைகள் முன்பதிவு செய்வது, பிற தனியார் ஹோட்டல் அறைகளில் முன்பதிவு செய்வது, போர்ட்டர் சேவைகளைப் பெறுவது போன்ற சேவை களையும் வழங்கி வருகிறது.

மேலும், காத்திருப்போர் பட்டியல் அதிகமாக இருந்தால், விமானப் பயணத்தின் சேவையைப் பெறவும் ஐஆர்சிடிசி ஆப் வழிவகை செய்கிறது.  பயணிகளின் சுகாதாரம் மற்றும் பாதுகாப்பு அம்சங்களையும், புகார் தெரிவிக்கும் வசதிகளையும் ஐஆர்சிடிசி வழங்குகிறது. கடைசி நேரத்தில் டிக்கெட் இல்லாமல் அவதிப்படுபவர்களின் நலனுக்காகவே ரயில் புறப்படுவதற்கு 30 நிமிடங்களுக்கு முன்புவரை டிக்கெட் புக்கிங் செய்யும் வசதியையும் வழங்குகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism