Published:Updated:

டெக்ஜாம்பவான்கள்! - இமி லைஃப் ஹெல்த்கேர்!

டெக்ஜாம்பவான்கள்! - இமி லைஃப் ஹெல்த்கேர்!
பிரீமியம் ஸ்டோரி
டெக்ஜாம்பவான்கள்! - இமி லைஃப் ஹெல்த்கேர்!

சூப்பர் ஸ்டார்ட்அப்களின் தொழில் ஜாதகம்! - 4

டெக்ஜாம்பவான்கள்! - இமி லைஃப் ஹெல்த்கேர்!

சூப்பர் ஸ்டார்ட்அப்களின் தொழில் ஜாதகம்! - 4

Published:Updated:
டெக்ஜாம்பவான்கள்! - இமி லைஃப் ஹெல்த்கேர்!
பிரீமியம் ஸ்டோரி
டெக்ஜாம்பவான்கள்! - இமி லைஃப் ஹெல்த்கேர்!

“அதிகமான இதய நோயாளிகள் கொண்ட ஒரு நாடு இந்தியா. ஆனால், இங்கே போதுமான அளவுக்கு இதய அறுவை சிகிச்சை நிபுணர்கள் இல்லை. மேலும், இதயநோய்கள்  குறித்த விழிப்பு உணர்வும் மக்களிடத்தில் இல்லை. இதனால், மிகக் குறைந்த வயதிலேயே நிறைய பேர் மாரடைப்பால் மரணமடைகின்றனர். இதனை மாற்ற வேண்டும் என்றுதான் இமி ஹெல்த்கேர் நிறுவனத்தை ஆரம்பித்தேன்” - மருத்துவத் துறையில் இயங்கிவரும் ஸ்டார்ட்அப்பான இமி ஹெல்த்கேரின் கதையை  நம்முடன் பகிர்ந்துகொண்டார் மாணிக் ராஜேந்திரன்.   

டெக்ஜாம்பவான்கள்! - இமி லைஃப் ஹெல்த்கேர்!

இன்ஸ்பிரேஷன்

“சென்னையில் என் படிப்பை முடித்ததுமே அமெரிக்கா சென்று விட்டேன். அங்கேதான் என் பிசினஸ் எல்லாம். 2000-ல் நான் மருத்துவ நிறுவனம் ஒன்றில் பணிபுரிந்துவந்தேன். 2005-ல் அதனை விட்டு வந்துவிட்டேன். பின்னர் 2007-ம் ஆண்டிலிருந்து 2009-ம் ஆண்டு வரைக்கும் அமெரிக்க அதிபர் ஒபாமா அமைத்த மருத்துவ தர நிர்ணயக் குழுவில் உறுப்பினராகி பணிபுரிந்தேன். அதன் அறிக்கையை அரசிடம் சமர்ப்பித்ததும் நான்தான். இப்படி அமெரிக்காவில் பணிபுரிந்தாலும், அவ்வப்போது இந்தியாவிற்கு வருவேன். அப்போதெல்லாம் இந்தியாவின் வணிக நிலவரங்களை அலசுவேன். அப்போதுதான் ஒரு யோசனை வந்தது; ஏன் இந்தியாவில் ஒரு பிசினஸைத் தொடங்கக்கூடாது என்று. உடனே இந்தியாவுக்குப் புறப்பட்டுவிட்டேன்.  இங்கே வந்ததும் மருத்துவமனைகள், அதுசார்ந்த ஆராய்ச்சி நிலையங்கள் எனச் சில இடங்களில் தலைவராகச் செயல் பட்டேன். இப்படி, பல ஆண்டுகளாக மருத்துவம் மற்றும் அதுசார்ந்த இடங்களிலேயே இயங்கிவந்ததால், இந்தத் துறையில் இருக்கும் பிரச்னைகள் குறித்து நன்கு தெரியும்.

மருத்துவத் துறையில் இருக்கும் பெரிய பிரச்னைகளில் ஒன்று இடைத்தரகர்கள். இந்தத் துறையின் எல்லா இடங்களிலும் இவர்கள் உண்டு. இவர்களால்தான் மக்களுக்கு மருத்துவம் முழுமையாகச் சென்று சேர்வதில்லை. அதிகமான மருத்துவச் செலவுகள், தரமற்ற சேவை, தேவையற்ற தாமதம் என நிறைய சிக்கல்கள் இவர்களால் வருகின்றன. மருத்துவமனைகளுக்கும் நோயாளிகளுக்கும் இடையே இவர்கள்தான் பாலமாகச் செயல்படுகின்றனர். இதை மாற்றிவிட்டு, மக்களுக்கு சரியான சிகிச்சை, சரியான நேரத்தில், சரியான விலையில் கிடைக்கவேண்டும் என நினைத்தேன். அதற்காக உருவாக்கியதுதான் இமி ஹெல்த்கேர்.

அடித்தளம்

இந்தியாவின் மிக முக்கியமான ஆட்கொல்லி மாரடைப்பு. 50 வயதுக்கு மேற்பட்டவர்களுக்குத்தான் மாரடைப்பு வரும் என நினைத்தால் அது தவறு. தற்போது இளைஞர்களைக்கூட மாரடைப்பு தாக்குகிறது. மாரடைப்பு வந்த ஒருவர் ‘கோல்டன் ஹவருக்குள்’ சிகிச்சை எடுக்கவில்லை எனில், அவர் உயிருக்கே ஆபத்து. மேலும், மாரடைப்பு வந்தபின்னர் சிகிச்சை அளிப்பதும் மருத்துவர்களுக்குச் சவாலான ஒன்று. ஆனால், மாரடைப்பின் அறிகுறிகளை முன்னரே கண்டுபிடித்து விட்டால் மாரடைப்பை எளிதாகத் தடுத்துவிடமுடியும். ஆனால், நம்மில் பலருக்கும் இதற்கான அறிகுறிகள் தெரிவதில்லை. அப்படியே தெரிந்தாலும், அதற்கான சிகிச்சையை முறையாக எடுப்பதில்லை.

இந்த சிக்கலைத்தான் நாங்கள் சரிசெய்கிறோம். உதாரணமாக, ஒருவர் மாரடைப்பிற்கான அறிகுறிகளில் ஏதேனும் ஒன்று தனக்கு இருப்பதாகத் தெரிந்தால் உடனே அருகில் இருக்கும் இ.சி.ஜி. பரிசோதனை மையத்திற்குச் சென்று இ.சி.ஜி எடுக்கவேண்டும். உடனே, அந்தப் பரிசோதனை மைய ஊழியர் அந்த இ.சி.ஜி ரிப்போர்ட்டை மொபைல் மூலம் ஸ்கேன் செய்து எங்கள் ஆப்பிற்கு அனுப்புவார். எங்கள் ஆப் உடனே அதை இதயநோய் சிறப்பு மருத்துவர்களுக்கு அனுப்பிவிடும். மொத்தம் ஐந்து மருத்துவர்கள் அந்த இ.சி.ஜி சோதனை முடிவுகளைப் பார்த்துவிட்டு, அந்த ஆப்பில் கருத்து தெரிவிப்பார்கள். அதைப் பொறுத்து அந்தப் பரிசோதனை மைய ஊழியர், நோயாளிக்கு முதலுதவி மற்றும் அறிவுரைகள் வழங்குவார். தேவைப்பட்டால் உடனே மருத்துவரிடம் பேசுவார். அவரின் அறிவுரைப்படி அடுத்தகட்ட சிகிச்சைகள் மேற்கொள்ளப்படும். இதனால் நோயாளிக்கு வரவிருக்கும் ஆபத்து தவிர்க்கப்படும். மேலும், விரைந்து சென்று மருத்துவமனையில் சிகிச்சை பெறமுடியும். இதற்கான செலவும் மிகமிகக் குறைவு.

பல மாதங்கள் யோசித்து இந்த ஆப்பை உருவாக்கினோம். பின்னர், இதயநோய் மருத்துவர்கள், பரிசோதனை மையங்கள் மற்றும் நர்ஸிங் ஹோம்களை எங்கள் நெட்வொர்க்கில் இணைத்தோம். இப்படித்தான் இமியின் பயணம் துவங்கியது.

சவால்

இதிலிருந்த முதல் சவால் மக்களுக்கு இதுகுறித்து விழிப்புஉணர்வு ஏற்படுத்துவதுதான். அவர்கள் சரியான நேரத்தில் பரிசோதனை செய்தால்தான், அவர்களுக்கு இருக்கும் ஆபத்தே புரியவரும். இதற்காக மருத்துவர்கள், மருத்துவமனைகள் மற்றும் பரிசோதனை மையங்கள் மூலமாக விழிப்புஉணர்வு ஏற்படுத்தினோம். அடுத்த சவால் மருத்துவர்களையும், நர்ஸிங் ஹோம்களையும் இதில் இணைப்பது.

இந்தச் சிக்கலைத் தீர்க்க பல மாதங்கள் தேவைப்பட்டன. இதன் தேவை, பயன்கள், இதன்மூலம் மருத்துவர்களுக்குக் கிடைக்கும் பயன்கள் போன்றவற்றையெல்லாம் தெளிவாக விளக்கினோம். உடனே நிறைய மருத்துவர்கள் இதில் இணைய முன்வந்தார்கள். நர்ஸிங் ஹோம்களிடம் இந்தச் சேவை குறித்து நிறைய தயக்கங்கள் இருந்தன. அவர்கள் எங்களைப் போட்டியாளர்களாகக் கருதும் அபாயமும் இருந்தது. அந்தச் சந்தேகங்களையெல்லாம் போக்கினோம். தற்போது எங்கள் நெட்வொர்க்கில் இந்தியா முழுவதிலுமிருந்து 82 இதயநோய் மருத்துவர்கள் இருக்கிறார்கள். 260 நர்ஸிங் ஹோம்கள் இருக்கின்றன. கூடிய விரைவில் இந்த எண்ணிக்கை பல மடங்கு உயரவிருக்கிறது.

இந்தச் சேவையை அதிகமானவர்கள் பயன்படுத்த கார்ப்பரேட் நிறுவனங்களிடம் நேரடியாக்கொண்டு சென்றோம். அதன்மூலம் பயனாளர்களின் எண்ணிக்கை அதிகரித்தது. மேலும், எங்கள் சேவை பற்றி இன்னும் நிறைய பேர் அறிந்துகொண்டனர்.

வெற்றி

எங்கள் ஆப் மூலம் இதுவரைக்கும் 421 பேரின் உயிரை நாங்கள் காப்பாற்றியிருக்கிறோம். அவசர இதய சிகிச்சை தேவைப்படும் ஒருவருக்கு, வெறும் ஐந்து நிமிடத்திற்குள் சிகிச்சை கிடைக்கவேண்டும் என்பதுதான் எங்கள் இலக்கு. இன்று அது நடந்துள்ளது. எங்கள் நெட்வொர்க்கில் இருக்கும் எந்தவொரு நர்ஸிங் ஹோமில் இ.சி.ஜி எடுத்தாலும் அடுத்த ஐந்தாவது நிமிடத்திற்குள் அது மாரடைப்பா, இல்லையா என்பதைத் தெரிந்துகொள்ளலாம். ஒருவேளை மாரடைப்பு ஏற்படுவதற்கான வாய்ப்பிருந்தால், எங்கள் மருத்துவர்களின் மருத்துவ மனையிலேயே விரும்பினால் சிகிச்சையும் பெறமுடியும். கட்டாயம் எதுவுமில்லை. இதன்மூலம் நர்ஸிங் ஹோம்கள், மருத்துவர்கள் மற்றும் மக்கள் என அனைவருமே பயனடைகின்றனர். மருத்துவர்களும், நோயாளிகளும் நேரடியாகப் பேசிக்கொள்வதால், இடைத்தரகர்களுக்கும் இங்கே வேலையில்லை’’ என உற்சாகமாகப் பேசி முடித்தார் மாணிக் ராஜேந்திரன். கீப் இட் அப் சார்!

ஞா.சுதாகர்

படங்கள்: ஜே.வேங்கடராஜ்

ஒட்டுமொத்த விகடனுக்கும் ஒரே ஷார்ட்கட்!

டெக்ஜாம்பவான்கள்! - இமி லைஃப் ஹெல்த்கேர்!

வெற்றிக்கு வயது ஒரு தடை இல்லை!

ஸ்
டார்ட் அப் என்றாலே  இளைஞர்களுக்கானது என்றுதான் நம்மில் பலரும் நினைத்துக் கொண்டிருக்கிறோம். காரணம், ஸ்டார்ட் அப்களை இன்றைக்குத் தொடங்குகிறவர்களில் பலர் இளைஞர்களாகவே இருக்கிறார்கள் என்பது தான். ஆனால், இமி ஹெல்த் கேர் நிறுவனத்தை மாணிக் ராஜேந்திரன் தொடங்கிய போது அவரின் வயது 52. இதுபற்றி அவரிடம் கேட்ட போது, அவர் சொன்னது...

“இளைஞர்களுக்கு அவர்களின் வயதுதான் ப்ளஸ் என்றால், எனக்கு என் அனுபவம்தான் ப்ளஸ். எனவே, ஸ்டார்ட்அப் ஆரம்பிக்க வயதையெல்லாம் பார்க்கவேண்டிய தில்லை.”

டெக்ஜாம்பவான்கள்! - இமி லைஃப் ஹெல்த்கேர்!

விவசாயிகளுக்கு ஆதரவாகப் பேசிய மத்திய அமைச்சர்!

லக வர்த்தகம் மையம் தனது அமைச்சர்கள் மாநாட்டைச் சமீபத்தில்  அர்ஜென்டினாவில் நடத் தியது. இந்த மாநாட்டில் மத்திய வர்த்தக மற்றும் தொழில் விவகாரத் துறை அமைச்சர் சுரேஷ் பிரபு கலந்துகொண்டார். விவசாயிகளுக்கு வழங்கப்பட்டு வரும் மானியம் 10 சதவிகிதத்துக்குள் இருக்க வேண்டும் என உலக வர்த்தக மையம் சொல்லி வருகிறது. ‘‘இந்தக் கட்டுப் பாட்டை ஏற்க முடியாது. இந்தியாவில் விவசாயிகள் அரசு அளிக்கும் மானி யத்தை நம்பித்தான் விவசாயம் செய்கிறார்கள். அதற்கும் கட்டுப்பாடு விதித்தால், அவர்கள் விவசாயம் செய்வதையே விட்டுவிடுவார்கள்’’ என விவசாயிகளுக்கு ஆதர வாகப் பேசியிருக்கிறார்.