Published:Updated:

டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!
பிரீமியம் ஸ்டோரி
டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

சூப்பர் ஸ்டார்ட்அப்களின் தொழில் ஜாதகம்! - 8

டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

சூப்பர் ஸ்டார்ட்அப்களின் தொழில் ஜாதகம்! - 8

Published:Updated:
டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!
பிரீமியம் ஸ்டோரி
டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

பிற நிறுவனங்களிடமிருந்து நம்மை எப்படி வேறுபடுத்திக் காட்டுகிறோம் என்பதில்தான் நம் நிறுவனத்தின் வெற்றி அடங்கியிருக்கிறது. இந்தச் சவாலை வெற்றிகரமாகக் கடந்துவந்த கதையை,  நம்மிடம் பகிர்ந்துகொண்டனர்  பிராணையான் டெக்னாலஜி நிறுவனத்தின் தீபக் ரமேஷ் மற்றும் சுந்தர் ஆகிய இருவரும்.  

டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

இன்ஸ்பிரேஷன்

“இன்றையச் சூழ்நிலையில் எந்தவொரு நிறுவனமும் தொழில் நுட்பத்தின் உதவியின்றி இயங்க முடியாது. அனைத்து நிறுவனங்களுக்கும் அதன் தன்மைக்கேற்ப தொழில்நுட்ப உதவிகள் மற்றும் வழிகாட்டுதல்கள் அவசியம்.

புதிதாக ஒருவர் ஒரு ஸ்டார்ட் அப்பைத் தொடங்குகிறார் என்றால், அவர் பிசினஸ் விஷயங் களை மட்டும்தான் அறிந்து வைத்திருப்பார்.அந்த நிறுவனத்தை இயக்குவதற்கான, அல்லது பிசினஸுக்கான தொழில் நுட்பத் தேவைகள் பற்றி அவருக்கு அதிகம் தெரிய வாய்ப்பில்லை. இதுபோன்ற சமயங்களில் அவர் இன்னொரு நிறுவனத்தின் உதவியைத்தான் நாடிச்செல்வார். நிறுவனத்தின் பணிகளை இன்னொரு நிறுவனத்திடம் முழுமையாக ஒப்படைப்பார். இதற்கு ‘அவுட்சோர்ஸ் புராடெக்ட் டெவலப்மென்ட்’ என்று பெயர்.

இதைச் செய்ய பல நிறுவனங்கள் இருக்கின்றன. ஆனால், மிகவும் சிக்கலான பிசினஸ் மாடல்கள், பிரச்னைகள், புதிய நிறுவனங்களின் பிரச்னைகள் போன்றவற்றைத் தீர்க்க மிகவும் குறைவான நிறுவனங்களே இருக்கின்றன. எனவேதான், இந்த பிசினஸைத் தேர்ந்தெடுத்தோம்.

அடித்தளம்

புதிய ஸ்டார்ட்அப் நிறுவனம் ஒன்றை நம்பி வாடிக்கையாளர்கள் வருவது ஆரம்பத்தில் கொஞ்சம் கடினமாகத்தான் இருந்தது. அப்போதெல்லாம் நாங்கள்தான் ஒவ்வொரு நிறுவனத்திடமும் எங்கள் சிறப்புகளை எடுத்துச் சொல்லி  வாடிக்கையாளர்களைப் பெற்றோம்.

ஐ.டி நிறுவனத்தைப் பொறுத்த வரை, மனிதவளத் துறையில் கவனம் செலுத்தவேண்டியது மிகவும் முக்கியம். அப்போதுதான் சரியான மற்றும் திறமையான பணியாளர்களை வேலைக்கு அமர்த்தமுடியும். இதுவும் ஆரம்ப காலத்தில் எங்களுக்குக் கொஞ்சம் சவாலாக இருந்தது.

தவிர, புதிய நிறுவனமான எங்களை நம்பிப் பணிபுரிய பலரும் தயங்கினர். அவர்களிடமெல்லாம் எங்களின் எதிர்காலத் திட்டங் களைப் பற்றி பகிர்ந்து கொண்டோம். பிறகுதான் கொஞ்சம் தைரியமாக ‘ஓகே’ சொன்னார்கள். இன்று நாங்கள் மொத்தம் 85 பேர் இருக்கிறோம்.

சவால்கள்

மிகவும் சிக்கலான பிரச்னை களைத் தீர்க்க முன்னணி ஐ.டி நிறுவனங்கள் முன்வருவதில்லை. அவர்கள் வழக்கமான பிரச்னை களை மட்டுமே அதிகமாகக் கையாள்வார்கள். ஆனால், பலரும் இதுபோன்ற நிறுவனங்களிடம் தங்கள் வேலைகளை ஒப்படைப் பதையே விரும்புவார்கள். புதிய நிறுவனங்களிடம் வரத் தயங்கு வார்கள். எனவே, எங்களுடைய தொடக்க கால வாடிக்கையாளர் களைப் பெறுவதில் சவால்கள் இருந்தன.

அடுத்த சவால், சரியான வாடிக்கையாளர்களைத் தேர்வு செய்வது. எங்களுடைய சேவை குறித்துத் தெரிந்து பல நிறுவனங்கள் எங்களைத் தொடர்புகொண்டன. ஆனால், நாங்கள் எங்களிடம் வரும் எல்லா வாடிக்கையாளர்களையும் ஏற்றுக்கொள்வதில்லை. நிறைய வாடிக்கையாளர்களைத் தேர்வு செய்தால், தனித்துவம் இருக்காது. எனவே, எந்தெந்த நிறுவனங்கள் மிகவும் வித்தியாசமான பிசினஸ் மாடல்களைக் கொண்டிருக்கின்றன, எத்தனை ஆண்டு களுக்கு எங்களுடன் இணைந்து பயணிக்கவிருக்கின்றன, அவர்களின் வருங்காலத் திட்டங்கள் என அனைத்தையும் அலசி ஆராய்ந்த பின்பே களத்தில் இறங்குவோம். இதன் மூலம் மிகக்குறைவான புராஜெக்ட்களே நாங்கள் செய்தாலும்கூட, நிறுவனத்தை லாபகரமாக நடத்தமுடிகிறது.

வெற்றி

இந்தியாவின் முன்னணிக் காப்பீட்டு நிறுவனமான ஸ்டார் ஹெல்த் இன்ஷூரன்ஸ் நிறுவனம் எங்களின் வாடிக்கையாளர்களுள் ஒருவர். புதிய ஐடியாவுடன் பிசினஸில் களமிறங்கும் நிறைய ஸ்டார்ட்அப்கள் இன்று எங்களைத் தேடிவருகின்றன.          

ஒட்டுமொத்த விகடனுக்கும் ஒரே ஷார்ட்கட்!

ஐ.டி-யைப் பொறுத்தவரை, ஒரு நிறுவனம் தொழில்நுட்பத்தில் பலம் வாய்ந்ததாக இருந்தால் மட்டும் போதாது; எந்த நிறுவனத்துடன் இணைந்து பணியாற்றுகிறதோ, அந்த நிறுவனத்தின் பிசினஸை முழுமையாக உள்வாங்கிக்கொண்டு செயல்பட வேண்டியதும் அவசியம். இந்த இரண்டிலுமே நாங்கள் கில்லியாகச் செயல்பட்டு வருகிறோம்.   

டெக்ஜாம்பவான்கள்! - #LetStartup - பிரச்னைகளுக்குத் தீர்வு தரும் பிராணையான் டெக்னாலஜி!

சமீபத்தில் நாங்கள் செய்துமுடித்த இரண்டு புராஜெக்டுகளை இங்கே குறிப்பிட விரும்புகிறோம். ஒன்று, ஸ்பெஷல் சோஷியல் நெட்வொர்க்ஸ் பற்றியது. இரண்டாவது, வங்கியானது ஒரு வாடிக்கையாளருக்குக் கடன் கொடுக்கலாமா, வேண்டாமா என்பதை அறிவுறுத்தும் ஒரு மென்பொருள் பற்றியது. ஸ்பெஷல் சோஷியல் நெட்வொர்க்ஸ் என்பது ஒரு குறிப்பிட்ட ஏரியாவில் இருக்கும், குறிப்பிட்ட நபர்களை மட்டும் தொடர்புகொள்ளப் பயன்படுவது. உதாரணமாக, ஷாப்பிங் மாலுக்குள் ஒருவர் நுழைகிறார் என்றால், அங்கே இருக்கும் கடைகளின் விவரம், தள்ளுபடி பற்றிய செய்திகள் போன்ற அனைத்து விஷயங்களும் அவருக்குச் சென்றுசேரும்படி செய்யலாம். இதனை வெற்றிகரமாகச் செய்து முடித்துள்ளோம்.

அடுத்தது, Early Warning Platform எனப்படும் வங்கி களுக்கான சேவை. வாடிக்கையாளர் ஒருவர், ஒரு வங்கியில் கடன் கேட்டு விண்ணப்பிக்கிறார் என்றால், அவருக்குக் கொடுக்கலாமா, வேண்டாமா என்பதை பிக்டேட்டா, ஏ.ஐ (AI) மூலம் வங்கிகள் முடிவெடுக்க முடியும். வாடிக்கையாளரின் தகவல்கள் அனைத்தும் இதற்காக ஆராயப்பட்டு, பின்னர் முடிவெடுக்கப்படும். இதுபோன்ற முன்னெச்சரிக்கை நடவடிக்கைகளைத் தற்போது ரிசர்வ் வங்கியே ஊக்குவிக் கிறது. இந்தத் திட்டத்தையும் செயல்படுத்தியிருக்கிறோம்.

இலக்கு

சமூகத்தில் இருக்கும் நிறையச் சிக்கல்களுக்கு எங்கள் தொழில்நுட்பத்தின் மூலம் தீர்வு காண வேண்டும் என்பதுதான் எங்கள் விருப்பம். அதை நோக்கித் தொடர்ந்து இயங்குவோம்” என்கின்றனர் உற்சாகமாக.

தெளிவான இலக்கு வைத்துச் செயல்படும் இந்த இளைஞர்களுக்கு நம் நாட்டில் நிறையவே வேலை இருக்கிறது!

- ஞா.சுதாகர்

படங்கள்: ப.பிரியங்கா

இது ஸ்டார்ட்அப்களின் காலம்!

“சில ஆண்டுகளுக்கு முன்னர் வரைக்கும் ஸ்டார்ட்அப்களை விடவும், பெரிய நிறுவனங்களிடம் புராஜெக்ட்களை ஒப்படைப்பதையே பலரும் விரும்பினர். அவர்கள் மீது இருந்த நம்பிக்கை, பாதுகாப்பான உணர்வு போன்றவைதான் அதற்குக் காரணம். ஆனால், தற்போது அந்த நிலை ரொம்பவே மாறியிருக்கிறது. புதிய ஸ்டார்ட்அப்களை நம்பி நிறையபேர் புராஜெக்ட்களைத் தருகின்றனர். பெரிய நிறுவனங்களைவிடவும் ஸ்டார்ட்அப்களுக்கு முன்னுரிமை தருபவர்களும்கூட அதிகரித்திருக்கின்றனர். இது ஸ்டார்ட்அப்களுக்கு சாதகமான ஒரு அம்சம்” என்கிறார் தீபக் ரமேஷ்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism