Published:Updated:

எது ரிஸ்க், எது ரிஸ்க் இல்லை..?

எது ரிஸ்க், எது ரிஸ்க் இல்லை..?
பிரீமியம் ஸ்டோரி
எது ரிஸ்க், எது ரிஸ்க் இல்லை..?

எது ரிஸ்க், எது ரிஸ்க் இல்லை..?

எது ரிஸ்க், எது ரிஸ்க் இல்லை..?

எது ரிஸ்க், எது ரிஸ்க் இல்லை..?

Published:Updated:
எது ரிஸ்க், எது ரிஸ்க் இல்லை..?
பிரீமியம் ஸ்டோரி
எது ரிஸ்க், எது ரிஸ்க் இல்லை..?

``கடந்த ஆண்டு ஓய்வு நிதியாகக் கிடைத்த 30 லட்சம் ரூபாயை லார்ஜ் கேப் பண்டில் முதலீடு செய்தேன். அது, தற்போது ரூ.50 லட்சமாக உயர்ந்திருக்கிறது. தற்போது, ரிஸ்க் எடுக்கலாம் என்று இருக்கிறேன். இனி, மிட் கேப் பண்டிலும், ஸ்மால் கேப் பண்டிலும் முதலீடு செய்யலாமா?” என்று கேட்டு பலரையும் திரும்பிப் பார்க்க வைத்தார் திருச்சி வாசகர் ஒருவர். இவர், நாணயம் விகடனின் ‘செல்வம் சேர்க்கும் சூப்பர் ஃபார்முலா... அஸெட் அலோகேஷன்’  நிகழ்ச்சியில் கலந்துகொண்டு இந்தக் கேள்வியை முன்வைத்தார்.  

எது ரிஸ்க், எது ரிஸ்க் இல்லை..?

``சந்தை ஏற்றத்தில் இருக்கும்போது ஸ்மால் கேப் ஃபண்டும், மிட்கேப் ஃபண்டும் தொடர்ந்து நல்ல வருமானத்தைத் தருகின்றன. சந்தை ஏற்ற இறக்கத்தைப் பயன்படுத்தி இந்த இரண்டு ஃபண்டுகளிலும் முதலீடு செய்து நல்ல லாபம் பார்க்கலாம். உங்களுடைய போர்ட்ஃபோலி யோவில் லார்ஜ், மிட், ஸ்மால் கேப் ஃபண்டுகள் இருக்கும் வகையில் உங்களுடைய முதலீட்டை அமைத்துக்கொள்ளுங்கள்” என்று வாசகரின் கேள்விக்கு விரிவாக ஆலோசனை வழங்கினார் நிதி ஆலோசகர் பா.பத்மநாபன்.

கடந்த வாரம், தேவகோட்டை மற்றும் திருச்சியில் ‘செல்வம் சேர்க்கும் சூப்பர் ஃபார்முலா அஸெட் அலோகேஷன்’ என்ற விழிப்பு உணர்வு நிகழ்ச்சி நடந்தது. இந்த நிகழ்ச்சியை, நாணயம் விகடன், இன்டகிரேட்டட் நிறுவனம், என்.எஸ்.டி.எல், என்.எஸ்.சி மற்றும் சிட்டி யூனியன் பேங்க் இணைந்து நடத்தின. இதில் வாசகர்கள், முதலீடு சார்ந்த ஏராளமான கேள்விகளைக் கேட்டு நிபுணர்களின் பதிலைப் பெற்றனர்.  

எது ரிஸ்க், எது ரிஸ்க் இல்லை..?

இந்த நிகழ்ச்சிகளில் முதலில் பேசிய  இன்டகிரேட்டட் நிறுவனத்தின் உதவிப் பொது மேலாளர் ஆர்.ரவிச்சந்திரன், ``சேமிக்கும் பணத்தைத் திட்டமிட்டு முதலீடு செய்ய வேண்டும். இந்த முதலீடு, பணவீக்கத்தை மீறி வருமானத்தைத் தரும்வகையில் இருக்க வேண்டும். தற்போது, வங்கி டெபாசிட், தங்கம், ரியல் எஸ்டேட் போன்றவற்றில் உள்ள முதலீட்டை விட மியூச்சுவல் ஃபண்ட் முதலீடுகள் நல்ல வருமானத்தைத் தருகின்றன. பங்குச் சந்தை சார்ந்த லார்ஜ், மிட், ஸ்மால் கேப் என ஏராளமான ஃபண்டுகள் இருக்கின்றன. இந்தத் திட்டங்களைத் தொடங்குவதற்கு முன்னதாக எங்கெங்கு முதலீடு செய்கிறார்கள் என்பதையும், ஃபண்ட் மேனேஜர் யார், இந்தத் திட்டத்துக்கான பெஞ்ச்மார்க் என்ன என்பதையும் தெரிந்துகொண்டு செய்வது நல்லது. மியூச்சுவல் ஃபண்டில் 500 ரூபாய், 1,000 ரூபாய் எனக் குறைந்த தொகையை முதலீடு செய்யலாம்’’ என்றவர், கடந்த காலத்தில் மியூச்சுவல் ஃபண்ட் திட்ட முதலீடு எவ்வாறு வருமானம் தந்திருக்கிறது என்பதை உதாரணத்துடன் எடுத்துச்சொல்லி அசத்தினார்.   

எது ரிஸ்க், எது ரிஸ்க் இல்லை..?

அடுத்துப் பேசிய இன்டகிரேட்டட் இன்ஷூரன்ஸ் நிறுவனத்தின் உதவிப் பொது மேலாளர் ஆர். குருராஜன், ``ஒவ்வொருவரின் பொருளாதார மதிப்பை அறிந்து அதற்குத் தகுந்தாற்போல் இன்ஷூரன்ஸ் எடுத்துக்கொள்ள வேண்டும். உங்கள் குடும்பம் பெரியதாக இருக்கும் போது இன்ஷூரன்ஸ் தொகையை அதிகப்படுத்திக் கொள்ள வேண்டும். தற்போது மிகக் குறைந்த கட்டணத்தில் டேர்ம் இன்ஷூரன்ஸ் திட்டங்கள் இருக்கின்றன. இந்தத் திட்டத்தை ஆண்கள் திருமணம் செய்துகொள்வதற்கு முன்பே எடுத்துவிடுவது நல்லது’’ என்றார்.   

எது ரிஸ்க், எது ரிஸ்க் இல்லை..?

நிதி ஆலோசகர் பத்மநாபன், ``எல்லா முதலீடு களிலும் ரிஸ்க் உள்ளது. ஒரு வருடத்துக்குள் தேவைப்படும் பணத்தை மியூச்சுவல் ஃபண்ட் திட்டத்தில் முதலீடு செய்தால் ரிஸ்க். பதினைந்து வருடங்களுக்குப் பிறகு தேவைப்படும் தொகையை வங்கி டெபாசிட்டில் வைத்திருந்தால், அதைவிட பெரிய ரிஸ்க் வேறெதுவும் இல்லை. கடந்த  பத்து வருடங்களில் சந்தை 63% வருமானம் தந்துள்ளது. இந்தக் காலகட்டத்தில், மற்ற முதலீடுகளைக் காட்டிலும், பங்குச் சந்தை முதலீடுகள் நல்ல வருமானம் தந்துள்ளன. மியூச்சுவல் ஃபண்டில் லார்ஜ்கேப் ஃபண்டில் முதலீடு செய்திருந்தால், 170% வருமானமும், ஸ்மால்கேப் ஃபண்டில் முதலீடு செய்திருந்தால் 320% வருமானம் பெற்றிருக்கலாம்’’ என்றார்.

நிகழ்ச்சியில் என்.எஸ்.டி.எல் நிறுவனத்தின் உதவி மேலாளர் சிவப்பழம், ``பங்குச் சந்தை முதலீட்டாளருக்கு உதவும் வகையில் 27,000 சேவை மையங்கள் இருக்கின்றன. அடையாள அட்டை, பான் கார்டு, முகவரிக்கான அடையாளச் சான்றிதழ் இருந்தால், டீமேட் கணக்கை எளிதாகத் தொடங்கிவிடலாம்’’ என்றார்.

தேவகோட்டையில் சிட்டி யூனியன் வங்கியின் கிளை மேலாளர் பழனியப்பனும், திருச்சியில் உதவி பொது மேலாளர் கணேசனும், சிட்டி யூனியன் வங்கி வழங்கி வரும் பல்வேறு சேவைகள் குறித்து விவரித்தனர்.

பல விஷயங்களைக் கற்றுக்கொண்ட வாசகர்கள், மனநிறைவோடு சென்றனர்.

ஞா.சக்திவேல் முருகன்

படங்கள்: எஸ்.சாய்தர்மராஜ், தே.தீட்ஷித்