Published:Updated:

புதிய ஐ.பி.ஓ பங்குகள்... முதலீடு செய்யலாமா?

ஒட்டுமொத்த விகடனுக்கும் ஒரே ஷார்ட்கட்

Use App
புதிய ஐ.பி.ஓ பங்குகள்... முதலீடு செய்யலாமா?
புதிய ஐ.பி.ஓ பங்குகள்... முதலீடு செய்யலாமா?

புதிய ஐ.பி.ஓ பங்குகள்... முதலீடு செய்யலாமா?

பிரீமியம் ஸ்டோரி

மீபத்தில் ஐ.பி.ஓ வந்து, கூடிய விரைவில் சந்தையில் பட்டியலிடப்பட்டு, வர்த்தகமாக உள்ளன சில பங்குகள். ஹிந்துஸ்தான் ஏரோ நாட்டிக்ஸ், கர்தா கன்ஸ்ட்ரக்‌ஷன் (Karda Construction), சந்தார் டெக்னாலஜீஸ் (Sandhar Technologies) ஆகிய நிறுவனங்கள் அந்த வரிசையில் அடுத்தடுத்து வரிசையாக நிற்கின்றன.

இந்த மூன்று பங்குகளும் ஐ.பி.ஓ முடிந்து, செகண்டரி மார்க்கெட்டில் வர்த்தமாகும்போது இந்த நிறுவனங்களின் பங்குகளை வாங்கலாமா எனப் பங்குச் சந்தை நிபுணர் ரெஜி தாமஸிடம் கேட்டோம். நம் கேள்விக்கு விளக்கமான பதிலைச் சொன்னார் அவர்.

புதிய ஐ.பி.ஓ பங்குகள்... முதலீடு செய்யலாமா?

   ஹிந்துஸ்தான் ஏரோநாட்டிக்ஸ்

``ஹிந்துஸ்தான் ஏரோநாட்டிக்ஸ் நிறுவனப் பங்கை நீண்ட கால அடிப்படையில் வாங்கலாம். பொதுத்துறை நிறுவனமான ஹிந்துஸ்தான் ஏரோ நாட்டிக்ஸ், ஐ.பி.ஓ மூலம் ரூ.4,320 கோடியைத் திரட்டியிருக்கிறது. தற்போது இதனுடைய பி/இ மதிப்பு,  முதலீட்டுக்கு ஏற்றதாக இல்லை. மேலும், தற்போதைய நிலையில், சந்தையும் சாதகமாக இல்லை.

பெங்களூருவை மையமாகக் கொண்டு செயல்படும் ஹிந்துஸ்தான் ஏரோநாட்டிக்ஸ் நிறுவனம், விமானங்கள் தயாரிப்பிலும், விமான நிலையங்களின் செயல்பாட்டுக்குத் தேவையான தொலைத்தொடர்பு கருவிகள் தயாரிப்பிலும் ஈடுபட்டுள்ளது.  2017-ம் ஆண்டில், இந்த நிறுவனம் ரூ.18,600 கோடிக்கு வர்த்தகம் செய்து, ரூ.3,580 கோடி நிகர லாபம் ஈட்டி இருக்கிறது. மேலும், ரூ.68,000 கோடி மதிப்புக்கு ஆர்டர் களையும் பெற்றிருக்கிறது. ஹிந்துஸ்தான் ஏரோநாட்டிக்ஸ் நிறுவனம் நல்ல செயல்பாட்டுத் திறனைக் கொண்டிருக்கிறது.    

இந்த நிறுவனம், தொடர்ந்து டிவிடெண்ட் வழங்கி வருகிறது. ஆகையால், இந்த நிறுவனத்தின் பங்கை  ஐ.பி.ஓ முடிந்து செகண்டரி மார்க்கெட்டில் இந்தப் பங்கு வர்த்தகமாகும்போது, நீண்ட கால அடிப்படையில் வாங்கலாம்.”

புதிய ஐ.பி.ஓ பங்குகள்... முதலீடு செய்யலாமா?


   கர்தா கன்ஸ்ட்ரக்‌ஷன்

கர்தா கன்ஸ்ட்ரக்‌ஷன் நிறுவனம், மகாராஷ்ட்ரா மாநிலம் நாசிக்கில் அமைந்துள்ளது. இந்த நிறுவனம் கட்டுமானப் பணிகளை முதன்மையாகச் செய்துவருகிறது. நிறுவனத்தின் கடனைக் குறைக்கவும், நடப்புச் செலவுகளுக்காகவும் பங்கு வெளியீட்டில் இறங்கியுள்ளது. 

கடனை அடைக்கப் பங்கு வெளியீட்டில் இறங்கி இருக்கும் இந்த நிறுவனத்தின் பங்குகளை, ஐ.பி.ஓ முடிந்த செகண்டரி மார்க்கெட்டில் வர்த்தகமாகும்போது வாங்கி முதலீடு செய்யாமல் இருப்பது நல்லது.

மேலும், இன்னமும் ரியல் எஸ்டேட் துறை பழைய நிலைக்குத் திரும்பவில்லை. எதிர்வரும் காலத்திலும் சர்வதேச நிலைமை களுக்கேற்பவே ரியல் எஸ்டேட் துறை சார்ந்த நிறுவனங்கள் செயல்பட வாய்ப்புள்ளதால், இந்தத் துறையில் முதலீட்டை மேற்கொள்ளும்போது எச்சரிக்கையாக இருப்பது நல்லது.’’

   சந்தார் டெக்னாலஜீஸ்

“ஆட்டோமொபைல் உதிரிபாகங்கள் தயாரிப்பில் உள்ள பட்டியலிடப்பட்ட 50 நிறுவனங்களில் ஒன்றாக இணைய உள்ளது சந்தார் டெக்னாலஜீஸ். இந்த நிறுவனத்துக்கு இந்தியா, ஸ்பெயின், போலந்து மற்றும் மெக்சிகோவில் உற்பத்தி மையங்கள் உள்ளன. இந்தியாவில் 1987-ம் ஆண்டிலிருந்து ஹீரோ நிறுவனத்துக்கு உதிரிபாகங்களை தயாரித்து வழங்கி வருகிறது.

இந்த நிறுவனம், இரு சக்கர வாகனப் பிரிவில் இரண்டு நிறுவனங்களின் மூலம் மட்டுமே 67 சதவிகித வருமானத்தைப் பெற்றுவருகிறது. இந்தியாவில் சில வழக்குகள் இந்த நிறுவனத்தின் மீது உள்ளது. மேலும், ஸ்பெயினில் தொழிலாளர் பிரச்னையையும் எதிர்கொண்டிருக்கிறது. 

இந்த நிறுவனம், இரு சக்கர வாகனச் சந்தையின் மூலம் அதிக வருமானம் பெற வாய்ப்பிருந்தாலும், உள்நாட்டிலும், வெளிநாட்டிலும் பிரச்னையை எதிர்கொண்டிருப்பதால், அதிக ரிஸ்க் எடுக்கக்கூடியவர்கள் மட்டுமே இதில் முதலீடு செய்யலாம்” என்றார் ரெஜி தாமஸ்.

புதிய முதலீடு செய்பவர்கள், நிபுணர் சொல்லும் கருத்துகளை ஆராய்ந்து பார்த்தபின் முதலீட்டு முடிவை எடுக்கலாமே!

-ஞா.சக்திவேல் முருகன்

 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு