Published:Updated:

வளரும் தொழில்முனைவர்களுக்கு வழிகாட்டும் ‘யெஸ்’

ஒட்டுமொத்த விகடனுக்கும் ஒரே ஷார்ட்கட்

Use App
வளரும் தொழில்முனைவர்களுக்கு வழிகாட்டும் ‘யெஸ்’
வளரும் தொழில்முனைவர்களுக்கு வழிகாட்டும் ‘யெஸ்’

ஏ.ஆர்.குமார்

பிரீமியம் ஸ்டோரி

தொழில் தொடங்கி நடத்துபவர்கள் எல்லோருமே எம்.பி.ஏ படித்தவர்கள் அல்ல. ஏதோ ஒரு உந்துதலில் தொழில் செய்ய ஆரம்பித்துவிட்டு, பிற்பாடு நிறையப் பிரச்னைகளை எதிர்கொள்கிறார்கள். இந்தப் பிரச்னைகளுக்கு உற்ற நண்பனாக இருந்து வழிகாட்டி, தொழிலில் வெற்றி பெற உதவுகிறது  மதுரையைச் சேர்ந்த ‘யெஸ்’ அமைப்பு. (Yound Entrepreneurs School, சுருக்கமாக YES.)  

வளரும் தொழில்முனைவர்களுக்கு வழிகாட்டும் ‘யெஸ்’

மதுரையிலுள்ள தமிழ்நாடு தொழில் வர்த்தக சங்கத்தின்கீழ்  தமிழ்நாடு சேம்பர் அறக்கட்டளை உள்ளது. இந்த அமைப்பின் கீழ், வளரும் தொழில்முனைவர்களை வழிநடத்த எட்டு அமைப்புகள் உள்ளன. அவற்றில் ஒன்றுதான், இந்த ‘யெஸ்’.  இந்த அமைப்பினைக் கடந்த பல ஆண்டுகளாக வழிநடத்தி வருகிறார் இந்த அமைப்பின் தலைவரும், ஸ்தாபகருமான நீதிமோகன். சிவில் இன்ஜினீயரான நீதிமோகன், வைகை கெமிக்கல்ஸ் என்னும் நிறுவனத்தைக் கடந்த 25 ஆண்டுகளாக நடத்தி வருகிறார். ‘யெஸ்’ அமைப்பின் செயல்பாடுகள் பற்றி அவர் நம்முடன் பகிர்ந்துகொண்டார்.

‘‘பதினைந்து ஆண்டுகளுக்குமுன்பு தொழில்முனைவர்களுக்கு வழிகாட்டும் அமைப்புகள் இரண்டாம், மூன்றாம் கட்ட நகரங்களில் இல்லை. எனவே, முதல் தலைமுறை தொழில்முனை வர்களுக்கு வழிகாட்டவே 2004-ல் ‘யெஸ்’ அமைப்பினைத் தொடங்கினோம். வெறும் 50 உறுப்பினர்களுடன் தொடங்கிய இந்த அமைப்பில், இன்று ஆயிரத்துக்கும் மேற்பட்டவர்கள்  உறுப்பினர்களாக இருக்கிறார்கள். வருகிற 2025-ல் 10 ஆயிரம் தொழில்முனைவர்களை  உறுப்பினர்களாகச் சேர்க்க வேண்டும் என்பது எங்கள் இலக்கு. 

தற்போது மதுரை, சென்னை, கரூர், ராமநாதபுரம், திண்டுக்கல், சிவகாசி, சேலம், திருநெல்வேலி, திருச்சி, கோவை, பொள்ளாச்சி ஆகிய நகரங்களில் ‘யெஸ்’  அமைப்புக்குக் கிளைகள் உள்ளன.  ரூ.1 கோடி முதல் ரூ.1,500 கோடி வரை வியாபாரம் செய்கிற தொழில்முனைவர்கள் இந்த அமைப்பில் உறுப்பினர்களாக இருக்கிறார்கள். ஆண்டுக்கு ரூ.10 லட்சத்துக்கு மேல் வியாபாரம் செய்யும் புதிய தொழில்முனை வர்கள் யாராக இருந்தாலும் எங்கள் அமைப்பில் உறுப்பினராகலாம். ஆனால், அவர்கள் 45 வயதுக்கு உட்பட்ட வர்களாக இருக்க வேண்டும். 

எந்தத் தொழிலாக இருந்தாலும், அதை லாபகரமாகச் செய்வது எப்படி என்பதை எங்கள் உறுப்பி னர்களுக்கு எடுத்துச் சொல் கிறோம். தரம், மனிதவளம், மார்க்கெட்டிங், பிராண்டிங், நிதி நிர்வாகம், வணிக உத்திகள் என எல்லாத் துறைகளிலும் உறுப்பினர் களுக்கு ஏற்படும் சந்தேகங்களுக்குத் தீர்வு காணும் வகையில் சிறந்த வல்லுநர்களைக்கொண்டு மாதாந்திரக் கூட்டங்களை அனைத்துக் கிளைகளிலும் நடத்துகிறோம். புதிய தொழில் நுட்பங்களை அறிய செயல்முறைப் பயிற்சிகளுடன் கூடிய பட்டறை களை (Residential workshop) ஆண்டுக்கு ஆறுமுறை   நடத்துகிறோம்.  

வளரும் தொழில்முனைவர்களுக்கு வழிகாட்டும் ‘யெஸ்’

எங்கள் அமைப்பின் ஒவ்வொரு கிளையிலும் எட்டுப் பேர் கொண்ட ஆறு குழுக்கள் உள்ளன. ‘க்யூப் லேப்’ என்று அழைக்கப்படும் இந்தக் குழுவில் உள்ள உறுப்பினர்கள் பிசினஸ் தொடர் பான பல்வேறு சந்தேகங்கள் பற்றி தங்களுக்குள் பேசுவார்கள். அவர்கள் காணும் தீர்வுகளைக் குழுவின் மற்ற உறுப்பினர்களுடன் பகிர்ந்துகொள்வார்கள். இந்தத் தீர்வுகள் உறுப்பினர்களுக்கு உடனடியாக இல்லாவிட்டாலும், எதிர்காலத்தில் நிச்சயம் பயன்படும்.

ஒருவர், தனது தொழில் நிறுவனத்தைச் சிறிய அளவில் தொடங்கியிருக்கலாம். ஆனால், அந்த நிறுவனத்தை எப்போதும் சிறிதாகவே வைத்திருக்கக்கூடாது.  எனவே, ஒவ்வொரு நிறுவனமும் ஆண்டுதோறும் எவ்வளவு வளர வேண்டும் என்பதை இலக்காக வைத்துச் செயல்படுகிறோம். எங்களைப் பொறுத்தவரை, ஒரு நிறுவனம் ஆண்டுதோறும் 30% வளர்ச்சி காணவேண்டும். இந்த இலக்கு பெரிதுதான். இலக்கு பெரிதாக இருந்தால்தான், நாம் அடையும் வெற்றியும் குறிப்பிடும் படியாக இருக்கும்.

பெருநகரத்தில் இருக்கும் தொழில்முனைவர்கள்போல, சிறுநகரங்களில் இருக்கும் தொழில்முனைவர்கள் இருப்பதில்லை. அவர்கள் இன்னமும்கூடப் பலவிதமான அறியாமையில் இருக்கிறார்கள். உதாரணமாக, இந்த ஆண்டு இவ்வளவு கோடிக்கு பிசினஸ் செய்திருக்கிறோம். அடுத்த ஆண்டுக்கு எவ்வளவு கோடிக்கு வியாபாரம் செய்ய வேண்டும் என்கிற திட்டமிடல் சிறு நகரத்தில் இருக்கும் பல தொழில்முனைவர்களிடம் இருப்பதில்லை. 

வளரும் தொழில்முனைவர்களுக்கு வழிகாட்டும் ‘யெஸ்’



உதாரணமாக, ஒரு சிறு நகரத்தில் ஹோட்டல் நடத்துபவருக்கு அவருடைய மார்க்கெட் ஷேர் எவ்வளவு என்பது தெரிவதில்லை. பத்து, இருபது ஆண்டுகளுக்குமுன்பு இப்படி இருந்திருந்தால், அது தவறில்லை. ஆனால், தகவல் தொழில்நுட்பம் நன்கு வளர்ந்துவிட்ட இந்தக் காலகட்டத்தில் நம் தொழிலில் நாம் யார், நமக்குப் போட்டியாளர்கள் யார், அவர்கள் பலம் என்ன என்பது பற்றியெல்லாம் தெளிவான பார்வையும், புரிந்து கொள்ளலும் இல்லையென்றால், தொழில் தொடர்ந்து இருப்பதே கஷ்ட மாகிவிடும். இந்தச் சிக்கலில் சிக்காமல் இருக்கத் தேவையான தொழில் உத்தி களை நாங்கள் சொல்லித் தருகிறோம்.

நம் தொழில்முனைவோர்களுக்கு பிசினஸ் தொடர்பாக விசாலமான பார்வையை ஏற்படுத்த நம் நாட்டிலுள்ள பெரிய நகரங்களில் இருக்கும் தொழிற் சாலைகளுக்குச் சென்று பார்வையிடு கிறோம். அதைவிட முக்கியமாக, ஆண்டுதோறும் ஒருமுறை வெளிநாடு களுக்குச் சென்று, அங்கு தற்போது எப்படி பிசினஸ் நடக்கிறது, என்ன விதமான பிசினஸ் நடைமுறைகளை அவர்கள் பின்பற்றுகிறார்கள், என்னென்ன தொழில்நுட்பங்களை அவர்கள் கையாள்கிறார்கள் என்று பார்த்து, அவற்றிலிருந்து எதையெல்லாம் நமக்கேற்றமாதிரி மாற்றி இங்கு பயன்படுத்தலாம் என்று முடிவெடுக்க இந்த வெளிநாட்டுப் பயணம் உதவியாக இருக்கிறது. இதுவரை ஜப்பான், அமெரிக்கா, சீனா, இலங்கை, மலேசியா ஆகிய நாடுகளுக்குத் தொழில் பயணம் மேற்கொண்டிருக்கிறோம். வெளிநாட்டுப் பயணத்தில் பங்கேற்பதை உறுப்பினர்களே முடிவெடுக்கலாம். யாரையும் நாங்கள் கட்டாயப்படுத்துவதில்லை.

எங்கள் உறுப்பினர்களிடம் நாங்கள் வலியுறுத்துவது, வெளிப்புறத்தில் மாற்றங்கள் ஏற்பட வேண்டும் என்று நினைக்கும்முன், உங்கள் மனதில் பல மாற்றங்களைக் கொண்டுவரச் சொல்கிறோம். ‘நான் தொழில் செய்யும் இடத்தில் 24 மணி நேரமும் மின்சாரம் தடையில்லாமல் கிடைக்க இந்த அரசாங்கம் நடவடிக்கை எடுக்கலாமே’ என்று நாம் ஆசைப்படலாம். ஆனால், நமது இந்த ஆசை நிறைவேற அரசாங்கம் திட்டமிட வேண்டும்; நிதி ஒதுக்க வேண்டும்; அந்தச் செயல்திட்டம் நல்லபடியாக நிறைவேற வேண்டும். ஆனால், நாம் இதை மட்டுமே நினைத்துக் கொண்டிருக்காமல், மின்சாரம் எப்போதெல்லாம் தடைபடுகிறது என்பதைக் கண்டறிந்து, அதற்கான மாற்று ஏற்பாடுகளைச் செய்தாலேபோதும், பிரச்னையின் பாதிப்புகளிலிருந்து எளிதாகத் தப்பித்துவிடலாம்’’ என்று உற்சாகமாகப் பேசி முடித்தார் நீதிமோகன்.

இன்றைக்குச் சிறிய அளவில் பிசினஸ் செய்தாலும், எதிர்காலத்தில் பெரிய அளவில் பிசினஸ் செய்ய வேண்டும் என்கிற தொழில்முனைவர்கள் இந்த அமைப்பின் உதவியை நாடலாமே!  
                                                           
படம் :  சி.ரவிக்குமார்

கொசுறுத் தகவல்கள்மூலம் புதிய பிசினஸ் வாய்ப்பு!

ந்த அமைப்பின் உறுப்பினர்கள் மாதந்தோறும் நடத்தும் கூட்டத்தில் ‘ஸ்நிப்பட்’ (Snippet) என்பது ஒரு முக்கியமான பகுதி. செய்தித்தாள்களில் வரும் செய்திகளை பிசினஸ் நோக்கில் பார்த்து, அவற்றில் புதிய பிசினஸ் வாய்ப்புகள் ஏதும் உள்ளதா என்பதைக் கண்டறிவதுதான் இந்த ‘ஸ்நிப்பட்’ பகுதியின் நோக்கம். உதாரணமாக, குளச்சலில் புதிய துறைமுகம் வருகிறது என்பது செய்தி. இந்தத் துறைமுகம் வந்தால், புதிதாக என்னென்ன தொழில்கள் வளர்வதற்கு வாய்ப்புள்ளன என்பதை யோசித்துப் பார்த்தால், பல புதிய தொழில்கள் நமக்குப் புலப்படும். இந்தத் தொழில்களை யார் வேண்டுமானாலும் எடுத்துச் செய்யலாம். எல்லா நிகழ்வுகளும் நமக்கு ஒரு பிசினஸ் வாய்ப்பினை ஏற்படுத்தித் தருகிறது என்பதை இதன்மூலம் எளிதாகப் புரிந்துகொள்ளலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு