Published:Updated:

எஃப் & ஓ டிரேடிங்கில் புதிய மாற்றங்கள்... சிறு முதலீட்டாளர்களைக் காக்கும் செபி!

ஒட்டுமொத்த விகடனுக்கும் ஒரே ஷார்ட்கட்

Use App
எஃப் & ஓ டிரேடிங்கில் புதிய மாற்றங்கள்... சிறு முதலீட்டாளர்களைக் காக்கும் செபி!
எஃப் & ஓ டிரேடிங்கில் புதிய மாற்றங்கள்... சிறு முதலீட்டாளர்களைக் காக்கும் செபி!

எஃப் & ஓ டிரேடிங்கில் புதிய மாற்றங்கள்... சிறு முதலீட்டாளர்களைக் காக்கும் செபி!

பிரீமியம் ஸ்டோரி

ஃப் அண்டு ஓ-வில் வர்த்தகம் செய்வதற்கான நேரம் இரவு 11.55 வரை நீட்டிக்கும் செபியின் உத்தரவுதான் எல்லோருக்கும் போய்ச் சேர்ந்திருக்கிறது. ஆனால், எஃப் அண்டு ஓ டிரேடிங்கில் ஈடுபடும் சிறுமுதலீட்டாளர்களைப் பாதுகாக்க செபி கொண்டுவந்திருக்கும் புதிய மாற்றங்கள் இன்னும் பலருக்கும் தெரியவில்லை.  

எஃப் & ஓ டிரேடிங்கில் புதிய மாற்றங்கள்... சிறு முதலீட்டாளர்களைக் காக்கும் செபி!

வரும் ஜூன் மாதம் முதல் தேதியிலிருந்து எஃப் அண்டு ஓ மார்ஜின் முறைகளில் சில மாறுதலைக் கொண்டுவந்துள்ளது செபி. எஃப் அண்டு ஓ சந்தையில் வியாபாரம் செய்யும் முதலீட்டாளர் களிடமிருந்து கட்டாயமாக வசூலிக்கப்பட வேண்டிய மார்ஜின் தொகைகளான இனிஷியல் மார்ஜின், எக்ஸ்போஷர் மார்ஜின், எக்ஸ்ட்ரீம் லாஸ் மார்ஜின், காலண்டர் ஸ்ப்ரெட் மார்ஜின் மற்றும் மார்க்-டு-மார்கெட் செட்டில்மெண்ட் போன்ற அனைத்தையும் உள்ளடக்கியதாக வரும் ஜூன் மாதம் முதல் இருக்கும் என்று செபி தனது சுற்றறிக்கையில் தெரிவித்துள்ளது. இவை  அனைத்தும் கட்டாயமாக வசூல் செய்யப்பட வேண்டிய பட்டியலினுள் சேர்க்கப்பட்டு இருப்பதால், இவற்றைச் செலுத்திவிட்டுத்தான் ஒரு முதலீட்டாளர் வியாபாரம் செய்ய வேண்டும். அப்படிச் செலுத்தாமல் செய்தால், அதற்கான அபராதத் தொகையைச் செலுத்த வேண்டி யிருக்கும். செபியின் இந்த உத்தரவினால், கையில் பணம் இல்லாத சிறு முதலீட்டாளர்கள் எஃப் அண்டு ஓ-வில் பெரிய அளவில் வியாபாரம் செய்வதைத் தவிர்க்க நிச்சயம் உதவும்.  

அதேபோல், செபியிடமிருந்து சந்தை எதிர் நோக்கியிருக்கும் மற்றொரு நடவடிக்கை குறித்த செய்தி எஃப் அண்டு ஓ சந்தையில் முதலீட்டாளர் களுக்கு அளிக்கப்படும் வியாபாரத்திற்கான லிமிட் என்பது, முதலீட்டாளர்களின் வருமானத்திற்கு (அவர்களுடைய வருமான வரிக் கணக்கில் காட்டியுள்ள அளவில்) தகுந்தாற்போலவே இருக்கும் என்பதே. இந்த உத்தரவும் நடைமுறைக்கு வரும்போது சிறு முதலீட்டாளர்கள் தங்களுடைய நிதிநிலை யைத் தாண்டி வியாபாரம் செய்வதைத்  தடுக்க உதவியாக இருக்கும்.

மேலும், எஃப் அண்டு ஓ சந்தையில் தற்போதிருக்கும் கேஷ் செட்டில்மென்ட் முறையைக் (லாப நஷ்டத்தை இறுதியாகச் செலுத்திவிட்டு வெளியேறும் முறை) கொஞ்சம் கொஞ்சமாக மாற்றி, பங்குகளின் டெலிவரி தரப்பட்டே செட்டில்மென்ட் நடக்கும் நிலை வந்தாலும் ஆச்சர்யப்படுவதற் கில்லை. இந்த முறையுமே சிறுமுதலீட்டாளர் கள் பங்குச் சந்தையில் ஈடுபடுவதைக்  குறைக்கவே உதவும்.
 
இத்தனைப் புதிய சட்டதிட்டங்கள் நடை முறைப்படுத்தினால், எஃப் அண்டு ஓ சந்தை இனி என்னவாகும்..?

எஃப் அண்டு ஓ-வில் டிரேடிங் செய்பவர்களின் எண்ணிக்கையும், அவர்கள் செய்யும் வியாபாரத்தின் அளவும் குறையவே செய்யும். அப்படியெனில், பங்குச் சந்தையில் வருமான தகுதிக்கு மீறிய ரிஸ்க் எடுத்துச் சம்பாதிக்க நினைத்தால், அப்படிச் செய்ய முடியாதா என்று கேட்டால், முடியாது என்பதுதான் பதில்.

‘‘எல்லாத் தொழில்களையும் ரிஸ்க் எடுத்துத்தான் செய்கிறார்கள் என்கிறபோது பங்குச் சந்தையில் மட்டும் ஏன் ரிஸ்க் எடுக்க விடுவதில்லை’’ என ரிஸ்க் எடுக்கத் துணிந்த சிறுமுதலீட்டாளர்கள் சிலர் கேட்கலாம். ஏனைய தொழிலில் இருக்கும் ரிஸ்க்கிற்கும் எஃப் அண்ட் ஓ-வில் இருக்கும் ரிஸ்க்கிற்கும்  பெரிய வித்தியாசம் உண்டு. பங்குச் சந்தையில் செய்யப்படும் அனைத்து வியாபாரத்திற்கும் கிளியரிங் கார்ப்பரேஷன் உத்தரவாதம் தருகிறது. ஆனால், தொழிலில் அப்படியில்லை. ஒரு சிறுதொழில் முனைவர் நஷ்டம் அடைந்தால், அது அவரோடும், அவருக்குக் கடன் தந்த வங்கியோடும் முடிந்துவிடும். ஆனால், பங்குச் சந்தையிலோ நிறைய சிறு முதலீட்டாளர்கள் பெரிய ரிஸ்க் எடுக்கக் கிளம்பி, பெரிய அளவில் நஷ்டமடைந்தால், அது ஒட்டுமொத்தப் பங்குச் சந்தைக்கே நல்லதல்ல. பங்குச் சந்தை முதலீடு குறித்த எண்ணத்தையே அதனால் மாற்றிவிடும் ஆபத்து உருவாகும். எனவேதான், செபி இதுபோன்ற நடவடிக்கைகளை எடுத்திருக்கிறது. இந்த நடவடிக்கைகளால் எதிர்காலத்தில் எஃப் அண்டு ஓ வர்த்தகத்தில் ஈடுபடுவதைப் பலரும் தவிர்த்துவிடுவார்களே என்று சிலர் கேட்கலாம். சிறு முதலீட்டாளரைக் காப்பாற்றுவதுதான் முக்கியம் என்றான பின், சில தடைகளைக் கொண்டு வருவதில் என்ன தவறு இருக்க முடியும்?

- ராஜேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு