Published:Updated:

ஷேர் டிப்ஸ் எஸ்.எம்.எஸ் உஷார்!

ஒட்டுமொத்த விகடனுக்கும் ஒரே ஷார்ட்கட்

Use App
ஷேர் டிப்ஸ் எஸ்.எம்.எஸ் உஷார்!
ஷேர் டிப்ஸ் எஸ்.எம்.எஸ் உஷார்!

ஷேர் டிப்ஸ் எஸ்.எம்.எஸ் உஷார்!

பிரீமியம் ஸ்டோரி

ண்மைக் காலத்தில் ஏகப்பட்ட எஸ்.எம்.எஸ்-கள் வந்துகொண்டி ருக்கின்றன. அதுவும் பைசா பெறாத பங்குகளை வாங்கச் சொல்லி பல எஸ்.எம்.எஸ்-கள் வருகின்றன. கடந்த சில ஆண்டுகளாக மும்பை பங்குச் சந்தையில் வர்த்தகமாகும் குறிப்பிட்ட பிரபலம் இல்லாத நிறுவனப் பங்கில் முதலீடு செய்தால்,அதிக லாபம் கிடைக்கும் என்று எஸ்.எம்.எஸ் வந்தது. இந்த எஸ்.எம்.எஸ்.களை உண்மை என்று நம்பி, அந்தப் பங்குகளை வாங்கி, பெரும் நஷ்டம் அடைந்தவர்கள் பலர். 

ஷேர் டிப்ஸ் எஸ்.எம்.எஸ் உஷார்!

சில வாரங்களுக்கு முன்பு, மிட்கேப் நிறுவனமான கல்பா கமர்ஷியல் பங்கை வாங்குமாறு 28 புரோக்கிங் நிறுவனங்கள் முதலீட்டாளர்களுக்கு பல எஸ்.எம்.எஸ்-களை அனுப்பியுள்ளன. இதை அடுத்து, அந்த 28 நிறுவனங்களின் பங்குகளை வாங்க, விற்கத் தடை விதித்தது செபி. கடந்த ஆண்டு அக்டோபர் மாதம் 10-17-ம் தேதி வரையிலான காலத்தில், பங்குச் சந்தையில் இந்த நிறுவனப் பங்குகள் அதிகளவில், அதிக விலைக்கு வர்த்தகமாயின.

சந்தைக்குத் தொடர்பில்லாத நபர்கள் முதலீட்டாளர்களுக்குப் போலியான எஸ்.எம்.எஸ் அனுப்பி, பங்கில் முதலீடு செய்ய வலியுறுத்துவதாக செபிக்குப் புகார்கள் வந்தன. இதையடுத்து, இந்தப் பிரச்னை குறித்து செபி விசாரணையில் களமிறங்கியது. அந்த விசாரணையில், 3.42 கோடி எஸ்.எம்.எஸ்-கள் அனுப்பப்பட்டிருப்பதாகத் தெரியவந்தது. இதே போன்று பல நிறுவனப் பங்குகள் குறித்தும் எஸ்.எம்.எஸ் அனுப்பப்பட்டதும் தெரிந்தது.

கடந்த 2017-ம் ஆண்டு ஆகஸ்ட் மாதம் போலி எஸ்.எம்.எஸ்-கள் அதிக அளவில் அனுப்பப்படுவதாக செபிக்குப் புகார்கள் வந்ததைத் தொடர்ந்து, அப்படிப்பட்ட எஸ்.எம்.எஸ்-களை அனுப்புபவர்களைக் கண்டுபிடிக்க தொலைத்தொடர்பு நிறுவனங்களுடன் இணைந்து செயல்பட்டது. மேலும், 17 நிறுவனப் பங்குகளில் முதலீடு செய்ய வலியுறுத்தி அனுப்பப்பட்ட போலி எஸ்.எம்.எஸ் குறித்த முழு விவரங்களையும் செபி தன் இணையதளத்தில் வெளியிட்டது. பங்குச் சந்தையில் அறிமுகம் இல்லாதவர்கள், மியூச்சுவல் ஃபண்ட் மூலமாகவே பங்குச் சந்தையில் முதலீடு செய்வது சிறந்தது என்றும் செபி அறிவுறுத்தியுள்ளது. 

ஷேர் டிப்ஸ் எஸ்.எம்.எஸ் உஷார்!



இது மாதிரியான எஸ்.எம்.எஸ்-கள் வந்தால், என்ன செய்ய வேண்டும் என்பது குறித்துப் பங்குச் சந்தை ஆலோசகர் வ.நாகப்பனிடம் கேட்டோம். அவர் சொன்னதாவது...

‘‘பங்குகளில் முதலீடு செய்ய வலியுறுத்தி வரும் எஸ்.எம்.எஸ்-களை இரண்டு வகைகளாகப் பிரிக்கலாம். 

1. செபியிடம் அனுமதி பெற்றுச் செயல்படும் பங்குச் சந்தை தரகு நிறுவனத்திடம் இருந்துவரும் எஸ்.எம்.எஸ்-கள்

2. செபியிடம் அனுமதி பெறாத, முன்பின் தெரியாத ஒருவரிடம் இருந்துவரும் எஸ்.எம்.எஸ்-கள்

செபியிடம் அனுமதி பெற்றுச் செயல்படும் பங்குச் சந்தை தரகு நிறுவனத்தின் மூலம் நாம் டிரேடிங் செய்வதால், அந்த நிறுவனங்கள் வாடிக்கையாளர் என்ற அடிப்படையில் பங்குகளின் நிலவரங்கள் குறித்த விவரங்களை எஸ்.எம்.எஸ் அனுப்பும். அவற்றை நாம் கவனத்தில் எடுத்துக்கொள்ளலாம். யார் என்று தெரியாத நபர்களின் பெயரில் வரும் எஸ்.எம்.எஸ்-களைக் கருத்தில் கொள்ளக்கூடாது. அதை உடனே அழித்துவிட வேண்டும். மேலும், அந்த எஸ்.எம்.எஸ்-கள் வந்த மொபைல் எண்ணை உடனடியாக பிளாக் செய்துவிட வேண்டும்.

டிரேடிங்கில் ஈடுபடும் பதிவு பெற்ற நிறுவனத்திடம் இருந்து வாடிக்கையாளர் என்ற அடிப்படையில் எஸ்.எம்.எஸ் வந்தால், அதை அப்படியே எடுத்துக்கொள்ளக் கூடாது. அந்த நிறுவனம் பங்குகளின் நிலவரம் குறித்த விவரங்களை நமக்குத் தெரிவித்துள்ளது. எஸ்.எம்.எஸ்-ல் உள்ள 150 வார்த்தைகள் மூலம் ஒரு நிறுவனத்தை நாம் முழுமையாகத் தெரிந்துகொள்ள முடியாது. அந்த எஸ்.எம்.எஸ் அடிப்படையில் அந்த நிறுவனப் பங்குகள் குறித்து அதிகளவில் ஆய்வு செய்ய வேண்டும். அதாவது, நாமே அந்தப் பங்கு குறித்து சுயமாக ஆய்வு செய்ய வேண்டியது அவசியம்.

 பங்குச் சந்தையின் போக்கு, நிறுவனப் பங்குகளின் செயல்பாடுகள் குறித்துத் தெரிந்துகொள்ள வேண்டும். அப்படிச் செய்தபின், அந்தப் பங்குகள் விலை இறங்கும்போது, குறிப்பிட்ட அளவுக்கு அந்தப் பங்குகளை வாங்கி வைத்துக்கொள்ளலாம். மற்றபடி, முன்பின் தெரியாத நபர்களிடம் இருந்துவரும் ஷேர் டிப்ஸ் எஸ்.எம்.எஸ்-களை உடனுக்குடன் அழித்துவிடுவது நல்லது’’ என்றார்.

தவறான ஆலோசனை தரும் தேவையற்ற தகவல்கள் உடனே அழிக்கப்பட வேண்டியவை. இலவசமாகக் கிடைக்கிறதே என ஆசைப்பட்டு பங்குகளை வாங்கினால், மிகப் பெரிய தொகையை இழக்க வேண்டியிருக்கும் என்பது மட்டும் நிச்சயம்!

-கே.எஸ்.தியாகராஜன்

ஷேர் டிப்ஸ் எஸ்.எம்.எஸ் உஷார்!

இன்ஃபோசிஸ்... ரவி வெங்கடேஷன் ராஜினாமா!

ன்ஃபோசிஸ் நிறுவனத்தின் சுயாதின இயக்குநராக இருக்கும் ரவி வெங்கடேஷன் தனது பதவியை ராஜினாமா செய்திருக்கிறார். கடந்த 2011-ம் ஆண்டில் இன்ஃபோசிஸ் நிறுவனத் தின் சுயாதின இயக்குநராக ஆனார் ரவி வெங்கடேஷன். “இன்ஃபோசிஸ் நிறுவனம் புரமோட்டர்களிடமிருந்து புரஃபஷனலாக மாறும் காலத்தில் நான் இந்த  நிறுவனத்தில் சேர்ந்தேன். அந்த என் பொறுப்பை நல்லபடியாகச் செய்து முடித்துவிட்டேன். இப்போது இன்ஃபோசிஸ் நன்றாக இருக்கிறது. எனவே, புதிய வாய்ப் பினைத் தேடிச் செல் கிறேன்’’ என்று சொல்லி யிருக்கிறார் ரவி வெங்கடேஷன். வாழ்த்து கள் ரவி! 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு