Published:Updated:

ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?

ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?
பிரீமியம் ஸ்டோரி
ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?

மீ.கண்ணன், நிதி ஆலோசகர் - Radhaconsultancy.blogspot.in

ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?

மீ.கண்ணன், நிதி ஆலோசகர் - Radhaconsultancy.blogspot.in

Published:Updated:
ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?
பிரீமியம் ஸ்டோரி
ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?

மியூச்சுவல் ஃபண்ட் திட்டங்களில் பல்வேறு மாற்றங்களைக் கொண்டுவந்திருக்கிறது செபி. ஒரே மாதிரியான பல ஃபண்ட் திட்டங்களை ஒன்றிணைக்கச் சொல்லியிருக்கிறது. சில ஃபண்ட் திட்டங்களின் பெயரும், சில ஃபண்ட் திட்டங்களில் முதலீட்டுக் கலவையும் (போர்ட் ஃபோலியோ) மாற்றப்பட்டிருக்கிறது. இன்னும் சில ஃபண்டுகளில் இந்த இரண்டுமே செய்யப்பட்டிருக்கிறது. இந்த மாற்றங்களைத் தொடர்ந்து மியூச்சுவல் ஃபண்டுகளில் முதலீடு செய்துள்ள முதலீட்டாளர்கள் என்ன செய்ய வேண்டும் என்பதைப் பார்ப்போம்.  

ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?

செபி வழிகாட்டுதல்படி, ஃபண்ட் நிறுவனங்கள் செய்துள்ள மாற்றங்களை நான்கு வகையாகப் பிரிக்கலாம். அதைப் பற்றி இனி பார்ப்போம். 

பெயரிலும், முதலீட்டுக் கலவையிலும் எந்த மாற்றமும் இல்லை

சில ஃபண்டுகளின் பெயரில் எந்த மாற்றமும் செய்யப்படவில்லை. இந்தத் திட்டத்தின் அடிப்படை முதலீட்டுக் கலவையிலும், நோக்கத்திலும்  எந்த மாற்றமும் செய்யப்படவில்லை. இந்த வகையான பிரிவுகளில் முதலீட்டாளர்கள் செய்ய வேண்டியது ஒன்றுமில்லை. அவர்கள்   தங்கள் முதலீட்டைத் தொடரலாம்.

பெயரில் மாற்றம்; முதலீட்டுக் கலவையில் மாற்றம் இல்லை

இந்தத் திட்டத்தின் பெயரில் மாற்றம் வந்திருக்கிறது. ஆனால், இதன் முதலீட்டுக் கலவையில் பெரிய மாற்றம் எதுவும் இல்லை அல்லது சிறிய அளவில் மாற்றம் செய்யப்பட்டிருக் கிறது. இதுபோன்று நிறைய திட்டங்களுக்குப் புதிய நாமகரணம் சூட்டப்பட்டுள்ளது. இதன் அடிப்படை முதலீட்டு நோக்கம் / கலவை பெரிதாக மாறாதபோதும் அல்லது சிறிய அளவில் மாறியிருந்தாலும், இந்தத் திட்டங்களில் முதலீட்டைத் தொடரலாம். ஆறு அல்லது 12 மாதங்களுக்குப்பிறகு அதன் லாபமீட்டும் தன்மையைத் திரும்பவும் ஆராய்ந்து அதில் தொடர்வதை உறுதி செய்துகொள்ளலாம். லார்ஜ் கேப் ஃபண்ட் என்பது லார்ஜ் அண்டு மிட் கேப் ஃபண்டாக மாறும்போது பெரிய மாற்றம் இருக்காது. 

ஒட்டுமொத்த விகடனுக்கும் ஒரே ஷார்ட்கட்!

ஃபண்டுகளின் போர்ட்ஃபோலியோவில் மாற்றம்... முதலீட்டாளர்கள் என்ன செய்ய வேண்டும்?



பெயரில் மாற்றம் இல்லை; முதலீட்டுக் கலவையில் மாற்றம்

பெயரில் செய்யப்பட்டுள்ள மாற்றங்களைப் பற்றிப் பெரிதாக நாம் கவலைப்பட வேண்டிய தில்லை. அதேசமயம், ஃபண்ட் முதலீட்டு நோக்கங்களில் மாற்றம் வரும்போது அந்த மாற்றத்தைப் பற்றி அவசியம் ஆராய வேண்டும். இந்தப் புதிய மாற்றம் சிறிதாக இருக்கும்பட்சத்தில், அதே ஃபண்டில் தொடரலாம். மாற்றத்துக்குப்பின்,  அந்தப் புதிய மாற்றம் நமது முதலீட்டிற்கு ஏற்றது எனில், தொடரலாம். ரிஸ்க் அதிகம் என்று நினைத்தால், அந்த ஃபண்டிலிருந்து மாறிக் கொள்வது நல்லது. டைவர்சிஃபைடு ஃபண்ட், செக்டோரல் ஃபண்டாக மாறும்போது  அடிப்படை நோக்கத்தில் மாற்றம் அதிகமாவதுடன், ரிஸ்க்கும் அதிகமாகிறது.

பெயரிலும் மாற்றம்; முதலீட்டுக் கலவையிலும் மாற்றம்


இரண்டிலும் மாற்றம் என்றால் அந்தத் திட்டம் நன்கு மாறிவிட்டது என்று அர்த்தம். இந்த வகையில், நாம் புதிய திட்டத்தின் முதலீட்டுக் கலவை மற்றும் நோக்கத்தை நன்கு அறிந்துகொள்ள வேண்டும். அது நமக்கேற்றது எனில்,  தொடரலாம்; இல்லையெனில், திட்டத்தில் இருந்து விலகிக் கொள்வது நல்லது.

சலுகைகள்... 


செபி கொண்டுவந்திருக்கும் திட்ட மாறுதல் களினால் குறிப்பிட்ட காலத்துக்குள் இந்தத் திட்டத்திலிருந்து நாம் விலகினால், அதற்கு எந்த வெளியேற்றுக் கட்டணமும் (Exit Load) கட்டத் தேவையில்லை. இந்த முறையில், ஃபண்டுகள் இணைக்கப்படும்போது முதலீட்டாளர்கள் புதிதாக வருமான வரி செலுத்தவேண்டிய தேவை ஏற்படாது. அந்த ஃபண்டுகளை விற்றால், அது விற்பனைக் கணக்கில் வரவும் செய்யாது. அதே ஃபண்டை நாம் வைத்திருப்பது போன்று கணக்கிடப்படும்.

முடிவாகச் செய்ய வேண்டியது 

முதலில், உங்களின் மியூச்சுவல் ஃபண்டுகள் எந்த வகையான மாற்றத்தைச் சந்தித்திருக்கிறது என்று பாருங்கள். அதன் அடிப்படை முதலீட்டுக் கலவையில் சிறிதாக அல்லது பெரிதாக மாற்றம் ஏற்பட்டுள்ளதா என்பதைக் கூர்ந்து கவனியுங்கள். முதலீட்டுக் கலவையில் மாற்றம் பெரிதாக இல்லை அல்லது மாற்றமே இல்லை என்கிறபோது அந்த ஃபண்ட் முதலீட்டைத் தொடருங்கள்.

முதலீட்டின் நோக்கம் மற்றும் முதலீட்டுக் கலவையில் மாற்றம் அதிகமாகும்போதும், புதிய ஃபண்டின் ரிஸ்க் அதிகமாகும்போதும் நன்கு ஆராய்ந்து அதற்கான மாற்று ஏற்பாடுகளைச் செய்யுங்கள்!  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism