Published:Updated:

கம்பெனி டிராக்கிங்

கம்பெனி டிராக்கிங்
பிரீமியம் ஸ்டோரி
கம்பெனி டிராக்கிங்

உஜ்ஜிவன் ஃபைனான்ஷியல் சர்வீசஸ் லிமிடெட்!(NSE SYMBOL: UJJIVAN)டாக்டர் எஸ்.கார்த்திகேயன்

கம்பெனி டிராக்கிங்

உஜ்ஜிவன் ஃபைனான்ஷியல் சர்வீசஸ் லிமிடெட்!(NSE SYMBOL: UJJIVAN)டாக்டர் எஸ்.கார்த்திகேயன்

Published:Updated:
கம்பெனி டிராக்கிங்
பிரீமியம் ஸ்டோரி
கம்பெனி டிராக்கிங்

ந்த வாரம் நாம் ஸ்கேனிங்கிற்கு எடுத்துக் கொண்டுள்ள நிறுவனம் டெல்லியில் பதிவு அலுவலகத்தையும், பெங்களூருவில் தலைமை அலுவலகத்தையும் கொண்டு செயல்படும் உஜ்ஜிவன் பைனான்ஷியல் சர்வீசஸ் லிமிடெட்  எனும் நிறுவனத்தை.  

கம்பெனி டிராக்கிங்

நிறுவனத்தின் வரலாறு

வங்கித் துறையில் முப்பது ஆண்டுகள் அனுபவம் பெற்ற சமித் கோஷ் என்பவர், கடந்த 2005-ல் பொருளாதார ரீதியாகப் பின்தங்கியிருக்கும் மக்களுக்குக் கடன்கள் கிடைக்க உதவும்வகையில் மைக்ரோ ஃபைனான்ஸ் துறையில் கால்பதிக்க நினைத்து ஆரம்பித்ததுதான் உஜ்ஜிவன் ஃபைனான்ஷியல் சர்வீசஸ் நிறுவனம்.

ஒட்டுமொத்த விகடனுக்கும் ஒரே ஷார்ட்கட்!

கம்பெனி டிராக்கிங்



குறுங்கடன் டு பெருங்கடன்

ஆரம்பத்தில் பெங்களூருவில் முன்னோட்ட அடிப்படையில் தன்னுடைய சேவையை வழங்கிவந்த இந்த நிறுவனம், படிப்படியாகத் தனது சேவையை விரிவாக்கம் செய்ய ஆரம்பித்தது. கிராமீன் நிதிநிறுவன செயல்பாட்டுச் சாயல்களைக்கொண்டும், அதேநேரத்தில் ஒரு ரீடெயில் வங்கியைப்போன்ற நடைமுறை அலுவலக மேலாண்மையைக் கொண்டும் செயல்பட்டுவந்த இந்த நிறுவனம், 2006 மற்றும் 2007-ம் ஆண்டுகளிலேயே பணியாளர்களுக்கான ‘எம்ப்ளாய் ஸ்டாக் ஆப்ஷனை’ அனைத்துப் பணியாளர்களுக்கும் அறிமுகப்படுத்தியது. அதே வருடத்தில் வடக்கு மற்றும் கிழக்கு இந்தியாவில் தனது சேவைகளை வழங்க ஆரம்பித்தது.   

கம்பெனி டிராக்கிங்

2008-ம் ஆண்டு தனது நூறாவது கிளையைத் தொடங்கிய இந்த நிறுவனம், 2009-ம் ஆண்டு மேற்கிந்தியாவில் தனது சேவையைத் தொடங்கியது. 2013-ம் ஆண்டு இந்திய ரிசர்வ் வங்கி இந்த நிறுவனத்திற்கு என்.பி.எஃப்.சி - மைக்ரோ ஃபைனான்ஸ் நிறுவனம்  என்ற அந்தஸ்தை வழங்கியது. அப்போதே தனிநபர் கடன் வழங்குதல் பிரிவை வேகமாக விரிவாக்கம் செய்ய ஆரம்பித்து, கடன் வாங்கியவர்களின் எண்ணிக்கையை ஒரு மில்லியன் அளவிற்கு உயர்த்தியது இந்த நிறுவனம்.

2014-ம் ஆண்டில் வீட்டுக் கடன் பிரிவை  சோதனை முறையில் ஆரம்பித்த இந்த நிறுவனம், பின்னர் 2015-ம் ஆண்டில் சிறு நிதி வங்கி (Small Finance Bank) என்ற அந்தஸ்துக்கான கொள்கை ரீதியான ஒப்புதலை ரிசர்வ் வங்கியிடம் இருந்து பெற்றது. 2016-ம் ஆண்டில் சிறு மற்றும் குறுந்தொழில்களுக்கான கடன் வழங்குவதற்கான கடன் பிரிவைச்  சோதனை முறையில் ஆரம்பித்தது இந்த நிறுவனம். அதே வருடத்தில், ஸ்மால் ஃபைனான்ஸ் பேங்க் அந்தஸ்த்தை இறுதி வடிவத்தில் பெற்று ‘உஜ்ஜிவன் ஸ்மால் பைனான்ஸ் பேங்க்’ என்னும் வங்கியைத் தன்னுடைய 100%  துணை நிறுவனமாக ஆரம்பித்தது.

சிறப்பம்சங்கள்

உஜ்ஜிவன் ஃபைனான்ஷியல் சர்வீசஸ் லிமிடெட் நிறுவனத்தில்  பங்கு முதலீட்டு ரீதியாகப் பார்த்தால், உள்நாட்டு முதலீட்டாளர்கள் 51  சதவிகிதமும், வெளிநாட்டு முதலீட்டாளர்கள் 49 சதவிகிதமும் பங்குகளை (மார்ச் 2017 நிலவரப்படி) வைத்துள்ளனர். இந்த நிறுவனமே பங்குச் சந்தையில் பட்டியலிடப்பட்டுள்ள நிறுவனமாகும்.  

கம்பெனி டிராக்கிங்

வங்கி வசதிகளைப் பெறமுடியாத மற்றும் வங்கி வசதிகள் இல்லாத இடத்தில் இருக்கிற நபர்களுக்கு, தங்களுடைய சிறப்பான சேவைகளை வழங்குவதில் முன்னணியில் இருக்கிறது உஜ்ஜிவன் நிறுவனம். கடந்த 10 வருட காலத்தில் வெற்றிகரமாக 66,000 ரூபாய்க்கும்  (2017 நிதியாண்டு ஆரம்ப நிலவரம்) மேலான மைக்ரோ லெண்டிங் வர்த்தகத்தை வளர்த்தெடுத்துள்ளது இந்த நிறுவனம். வியாபாரரீதியாக, 22 மாநில / யூனியன் பிரதேசங்களில் தனது சேவைகளை வழங்கி வருகிறது இந்த நிறுவனம்.  

கம்பெனி டிராக்கிங்

கடந்த நிதியாண்டின் இறுதியில் 187  கிளைகளை (இதில் 47 வங்கிகள் அல்லாத கிராமப்புற மையங்கள்) எட்டிய இந்த நிறுவனம், தனது மைக்ரோ ஃபைனான்ஸ் வியாபாரத்தில் சீரான வளர்ச்சியையும், சிறு மற்றும் குறுந்தொழில்களுக் கான கடன், வீட்டு வசதிக் கடன் போன்ற தொழில் பிரிவில் வேகமான வளர்ச்சியையும்  (மார்ச் 17-ல் முடிவடைந்த நிதியாண்டில் 2.7 சதவிகித வளர்ச்சியைக் கண்ட இந்த நிறுவனம், மார்ச் 18-ல் முடிவடைந்த நிதியாண்டில் 7.3 சதவிகித வளர்ச்சி) கண்டுவந்துள்ளது. 3772  கோடி ரூபாய் டெபாசிட்டைப் பெற்றுள்ள இந்த நிறுவனம், தனது நிதிக்கான செலவினத்தை 10.4% (மார்ச் 17 நிலை) என்கிற நிலையிலிருந்து, 9 சதவிகிதமாக (மார்ச் 18 நிலை) குறைத்துக் கொண்டுள்ளது.    

கம்பெனி டிராக்கிங்

இந்த நிறுவனம் தனது வாடிக்கையாளர்கள் மத்தியில் சிறந்ததொரு தேர்வாகத் திகழவேண்டும் என்ற எண்ணத்துடன் தனது செயல்பாட்டை வடிவமைத்துக்கொண்டுள்ளது. எந்தவிதமான வாடிக்கையாளர்களை நாம் அணுகவேண்டி யிருக்கும், எப்படி அந்த வாடிக்கையாளர்களைக் கண்டறிவது என்பது போன்ற விஷயங்களில் தனித் திறமையுடன் செயல்பட்டுவருகிறது. பல்வேறு ஊடகங்கள் மூலம் தனது பிராண்டை வளர்த்தெடுக்கும் முயற்சிகளைச் செய்துவருகிறது.  இந்த நிறுவனம் தனது மைக்ரோ ஃபைனான்ஸ் தொழில் பிரிவில் ரூ.2,000 முதல் ரூ.50 ஆயிரம் (ஈடற்ற கடன்) வரை கடனை மகளிர் சுயஉதவிக் குழுக்களுக்கு வழங்கிவருகிறது. இந்தக் கடன்களைத் திருப்பிச் செலுத்துவதற்கான காலம் ஓராண்டு முதல் இரண்டு ஆண்டுகளாகும்.  

கம்பெனி டிராக்கிங்

மேலும், தனிநபர் கடன் பிரிவில் ரூ.51 ஆயிரம் முதல் ரூ.1.5 லட்சம் வரையிலான ஆறு மாதம் முதல் 31 மாத காலத்தில் திருப்பிச்செலுத்தும் வகையிலான கடன்களை வழங்கிவருகிறது. சிறு மற்றும் குறுந்தொழில்களுக்கான கடன் பிரிவில் ரூ.1.5 லட்சம் முதல் ரூ.5 லட்சம் வரையிலான  1-3 ஆண்டுகளில் திருப்பிச் செலுத்தக்கூடிய வகை யிலான ஈடாக ஏதும் பெறாத (Unsecured) கடன்களை வழங்கிவருகிறது இந்த நிறுவனம்.   

கம்பெனி டிராக்கிங்

மலிவு விலை வீடுகளை வாங்குவதற்கான கடன்களை வழங்கும் இந்த நிறுவனம், இந்தப் பிரிவில் 3-20 ஆண்டுகளில் திருப்பிச்செலுத்தும் அளவிலான ரூ.2-20 லட்சம் வரையிலான வீடு கட்ட/வாங்க, வீடுகளை மேம்படுத்த மற்றும் வீடு போன்ற அசையாத சொத்துக்கு ஈடாக வழங்கும் கடன்களை வழங்கிவருகிறது.

குறைந்தபட்ச பணம் இருக்கவேண்டும் என்ற கட்டாயமில்லாத, உஜ்ஜிவன் ஏ.டி.எம்-ல் எத்தனை முறை பணம் எடுத்தாலும் கட்டணம் ஏதும் செலுத்தவேண்டியில்லாத சேமிப்புக் கணக்குகளை அறிமுகப்படுத்தியுள்ளது இந்த வங்கி. இதன் நடப்புக் கணக்குகளில் சராசரி பேலன்ஸ் அளவில் 20 மடங்குவரை ரொக்கமாகக் கட்டணம் ஏதும் இல்லாமல் பணத்தைச் செலுத்தும் வசதியை அளித்தும் வருகிறது. 

கம்பெனி டிராக்கிங்

கிளைகள் என்று கணக்கில் எடுத்துக் கொண்டால், 2017-18-ம் நிதியாண்டின் இறுதியின் படி, இந்த நிறுவனம் 277 கிளைகளையும், உஜ்ஜிவன் ஸ்மால் ஃபைனான்ஸ் பேங்க் 187 கிளைகளையும், 147 பயோமெட்ரிக் ஏ.டி.எம் களையும் கொண்டு செயல்பட்டு வருகிறது. இந்த நிறுவனம் வழங்கியுள்ள கடனின் அளவு ரூ.7,560 கோடி என்ற அளவில் இருந்தது. கணக்குகளைத் துவங்க டிஜிட்டல் முறையைப் பயன்படுத்திவரும் இந்த நிறுவனம் 7,400-க்கும் மேற்பட்ட கையில் எடுத்துச் செல்லக்கூடிய கருவிகளை உபயோகித்தே கணக்குகளைத் தொடங்குகிறது.

ரிஸ்க்குகள் ஏதும் உண்டா?

வங்கி மற்றும் வங்கியல்லாத நிதி நிறுவனத்திற்கு உரிய அனைத்து ரிஸ்க்குகளும் இந்த நிறுவனத் திற்கும் இருக்கவே செய்கிறது. பொருளாதார வளர்ச்சிக்கேற்ப தொழில் வளர்ச்சியும், வாராக் கடனின் அளவும் இருக்கும் என்பதால், ஏதாவது ஒரு காரணத்தினால் பொருளாதார வளர்ச்சி எதிர்பார்க்கும் அளவிற்கு இல்லாமல்போனால் அது இந்த நிறுவனத்தின் செயல்பாட்டைப் பாதிக்கலாம். மேலும், இதேபோன்று செயல்படும் வங்கிகளின் போட்டியினாலும் வியாபாரத்தின் அளவு பாதிக்கப்பட வாய்ப்பிருக்கிறது. 

கம்பெனி டிராக்கிங்

ரிஸ்க்குகள் பல இருக்கிறபோதிலும் நல்ல தொழில் அனுபவமும், வாடிக்கையாளர்கள் மத்தியில் கவனத்தைப் பெறவேண்டும் என்ற எண்ணத்துடன் நடந்துகொள்ளும் முறையும் கொண்டிருக்கும் இந்த நிறுவனத்தின் பங்குகள் சந்தை ஏதாவது ஒரு காரணத்தினால் வேகமான வீழ்ச்சியைச் சந்திக்கும்போது வரும் கடுமையான விலை வீழ்ச்சியின்போது மிகவும் சிறிய எண்ணிக்கையில் வாங்கி, ஐந்து ஆண்டு காலத்திற்கு வைத்திருக்கும் போர்ட்ஃபோலியோ வில் சேர்த்துக்கொள்ளத் தொடர்ந்து ட்ராக் செய்துவரலாம். ஏற்கெனவே வங்கிகளின் பங்கு களை அதிகம் கொண்டிருக்கும் போர்ட்ஃபோலி யோவை வைத்திருக்கும் வாசகர்களும், பங்கை வாங்கியபின் தாங்களாகவே இந்த நிறுவனத்தின் செயல்பாடுகளை ட்ராக் செய்ய வேண்டும்.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: UJJIVAN)  /name of company/time duration)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism