Published:Updated:

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்
பிரீமியம் ஸ்டோரி
மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

ஓவியம் : பிரேம் டாவின்ஸி

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

ஓவியம் : பிரேம் டாவின்ஸி

Published:Updated:
மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்
பிரீமியம் ஸ்டோரி
மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

2019-ம் ஆண்டு நாடாளுமன்றத் தேர்தலில் பிரதமர் நரேந்திர மோடி மீண்டும் வெற்றி பெற்று ஆட்சி அமைப்பாரா, இல்லையா என்பதற்கான முன்னோட்டமாகப் பார்க்கப் பட்டது கர்நாடக சட்டசபைத் தேர்தல். இந்தத் தேர்தலில் அதிக இடங்களைப் பிடித்த தனிப்பெரும் கட்சியாக பா.ஜ.க உருவெடுத்தாலும், தனியாக ஆட்சி அமைக்கும் அளவுக்கு வெற்றி பெறவில்லை.   

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

மோடி வெற்றி பெறாவிட்டால்..?

கர்நாடக மாநிலத் தேர்தலுக்கு முன்பே,  2019 நாடாளுமன்றத் தேர்தலில் மோடி வெற்றி பெறாவிட்டால், அது பங்குச் சந்தையில் பெரும் பாதிப்பை ஏற்படுத்தும் என்றும், மோடி வெற்றி பெற்றால் பங்குச் சந்தையைத் தொடர்ந்து முன்னேற்றப் பாதைக்கு அழைத்துச் செல்லும் என்றும் பல்வேறு நிதி முதலீட்டு நிறுவனங்கள் தங்கள் கணிப்புகளை வெளியிட்டன.

குறிப்பாக, பன்னாட்டு நிதிச் சேவை நிறுவனமான யு.பி.எஸ், “2019-ல் நடக்கும்  தேர்தலில் மோடி வெற்றி பெறுவார் என்று பெரும்பாலான முதலீட்டாளர்கள் நம்பிக்கை தெரிவித்துள்ளனர். கடந்த நான்கு ஆண்டு களாக அரசின் சீர்திருத்த நடவடிக்கைகள் முதலீட்டாளர்களுக்குப் பலவிதத்தில் உதவிகரமாக அமைந்தன. இந்த நிலையில், 2019 தேர்தலில் மோடியின் வெற்றி குறித்த சந்தேகம் எழுமானால், அது பங்குச் சந்தை யிலும், கரன்சி சந்தையிலும் கணிசமான பாதிப்பை ஏற்படுத்தும்.

அறுதிப் பெரும்பான்மையுடன்கூடிய மோடியின் வெற்றியை அடித்தளமாகக் கொண்டுதான் சந்தை இப்போது செயல்பட்டு வருகிறது. கர்நாடகாவைத் தொடர்ந்து இந்த ஆண்டில் ராஜஸ்தான், மத்தியப் பிரதேச மாநிலங்களுக்கு இந்த ஆண்டில்  சட்டசபைத் தேர்தல்கள் நடக்க உள்ளன. இந்த மாநிலங் களின் தேர்தல் முடிவும் 2019-ம் ஆண்டு தேர்தல் முடிவுக்கான முன்னோட்டமாக அமையும். 

ஒட்டுமொத்த விகடனுக்கும் ஒரே ஷார்ட்கட்!

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்



நாடாளுமன்றத் தேர்தலுக்கு இன்னும் ஓராண்டு உள்ள நிலையில், அடுத்து ஆட்சியைப் பிடிக்கப் போவது யார் என்பது குறித்து நிச்சயமற்ற தன்மையே நிலவுகிறது” என்று தெரிவித்திருந்தது.

இந்த நிலையில், நான்கு ஆண்டுகளை முடித்துவிட்டு, ஐந்தாம் ஆண்டில் நுழைந்திருக் கிறது மோடியின் தலைமையிலான பா.ஜ.க-வின் ஆட்சி. அடுத்துவரும் ஓராண்டில் பங்குச் சந்தை எப்படி இருக்கும், இந்த ஓராண்டு காலத்தில் எந்தெந்தத் துறை சார்ந்த பங்குகள் நன்கு செயல்பட வாய்ப்புள்ளன என்பது குறித்துப் பங்குச் சந்தை நிபுணரும்,  ஐ.டி.பி.ஐ கேப்பிட்டல் நிறுவனத்தின் ஈக்விட்டி ரிசர்ச் பிரிவின் தலைவர் ஏ.கே. பிரபாகரிடம் கேட்டோம். விரிவான விளக்கத்தை அவர் நமக்களித்தார்.

சந்தையின் தற்போதைய நிலை

‘‘பொதுவாக, தேர்தலுக்கு ஒரு வருடத்துக்குமுன்பே பங்குச் சந்தை இறங்க ஆரம்பித்துவிடும். நிஃப்டி, கடந்த ஜனவரி மாதத்தில் 11171 புள்ளிகள் வரை உயர்ந்து புதிய உச்சத்தை எட்டியது. தற்போது அது இறங்கி, மீண்டும் மேலே ஏறியுள்ளது என்றாலும், பெரும்பாலான பங்குகளின் மதிப்பு பெரிதாக உயரவில்லை.

என்.எஸ்.இ-யில் உள்ள பங்குகளில் 22 பங்குகள் கடந்த 52 வாரங்களில் இல்லாத அளவுக்குப் புதிய உச்சத்தை எட்டியுள்ளன. அதேசமயம், 211 பங்குகள் 52 வாரங்களில் இல்லாத அளவுக்குக் குறைந்த விலையில் வர்த்தகமாகி வருகின்றன. ஒரு சில லார்ஜ்கேப் பங்குகளின் விலைதான் ஏறியுள்ளதே தவிர, ஒட்டுமொத்த மாகப் பார்த்தால், சந்தை ஏறவில்லை என்றுதான் சொல்ல வேண்டும். 

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

2018-ல் நிஃப்டி புள்ளிகள் இதுவரை இல்லாத உச்சத்தின் அருகில் இருந்தாலும், மிட்கேப் பங்குகளும், ஸ்மால்கேப் பங்கு களும் அதிக அளவில் சரிந்துள்ளன. ஹிந்துஸ்தான் யுனிலிவர், ஹெச்.டி.எஃப்.சி பேங்க், ஹெச்.டி.எஃப்.சி, எஸ் பேங்க் போன்ற சில குறிப்பிட்ட பங்கு களின் விலை மட்டுமே உயர்ந்துள்ளன. மற்றபடி, பிற பங்குகளின் விலை சொல்லிக் கொள்கிற அளவுக்கு உயரவில்லை.

என்ன காரணம்?

இந்த நிலைமை வருகிற அக்டோபர் அல்லது நவம்பர் வரை நீடிக்க வாய்ப்புள்ளது. இந்தியாவில் பாண்ட் தரும் வருமானம் (Yield) தற்போது 7.8 சதவிகிதமாக உள்ளது.

மேலும், நம் நாட்டில் வட்டி விகிதம் உயரும் என எதிர்பார்க்கப் படுகிறது. அமெரிக்காவிலும் வட்டி விகித உயர்வு இருக்கும் என்று சொல்லப்படுகிறது. அப்படி உயர்த்தப்பட்டால், அது பங்குச் சந்தைக்குப் பாதகமாக இருக்கும். இதனால், இன்னும் ஆறு மாதங் களுக்கு பங்குச் சந்தைகள் இறங்கு முகமாகவே இருக்கக்கூடும். இந்த இறக்கத்தினால் நிஃப்டி 9800 புள்ளிகள் வரைகூட சரியலாம்.

முதலீட்டு அணுகுமுறை

இனிவரும் நாள்களைத் தேர்தலுக் கான காலம் என்றே சொல்லலாம். அதனால், தேர்தலுக்கு ஆயத்தமாகிற நடவடிக்கைகளைத்தான் இனி மத்திய அரசு மேற்கொள்ளும். அடுத்த ஆண்டு பிப்ரவரியில் தாக்கல் செய்யப்படும் பட்ஜெட் இடைக்கால பட்ஜெட்டாகவே இருக்கும் என்பதால், அது முழுமையான பட்ஜெட்டாக இருக்காது.

கடந்த நான்கு வருடங்களாக மத்திய அரசுக்கு உதவிகரமாக இருந்த கச்சா எண்ணெயின் விலையும் தற்போது உயரத் தொடங்கிவிட்டது. தற்போது,  ஒரு பேரலின் கச்சா விலை 78 டாலருக்கு மேல் வர்த்தகமாகி வருகிறது. இதன் காரணமாக, டாலருக்கு நிகரான ரூபாய் மதிப்பும் 68 என்ற அளவுக்குச் சரிந்து கொண்டிருக்கிறது. இதனால் பணவீக்கம் அதிகரித்து, வட்டி விகிதமும் உயரும் சூழ்நிலை உருவாகும் வாய்ப்பு ஏற்பட்டு உள்ளது.

கடந்த சில ஆண்டுகளில் சாதகமாக இருந்த பல விஷயங்களும், இப்போது பாதகமான அம்சங்களாகவே காட்சி அளிக்கின்றன. ஆக மொத்தத்தில், பங்குச் சந்தை இறக்கத்தை (கரெக்‌ஷன்) எதிர்நோக்கி இருக்கிறது என்பதில் எந்தச் சந்தேகமும் இல்லை.

ஆனால், அந்த இறக்கம் உடனே வருமா அல்லது சில மாதம் கழித்து வருமா, அப்படி வந்தால் எந்த அளவுக்கு இருக்கும் என்பதைப் பொறுத்திருந்து தான் பார்க்க வேண்டும்.

தற்போதைய நிலையை வைத்துப் பார்க்கும்போது, சந்தை இறங்கினாலும் அதாவது, நிஃப்டி 9000 புள்ளிகள் வரை சரிந்தாலும், 2020-ம் ஆண்டில் அது 13000 முதல் 14000 புள்ளிகள் வரை உயர வாய்ப்புள்ளது.

இன்னும் சரியாகச் சொல்ல வேண்டுமென்றால், 2019-ம் ஆண்டு நாடாளுமன்றத் தேர்தல் முடிவடைந்த பின்னர், சந்தை நல்ல முன்னேற்றத்தை நோக்கிச் சென்று, 2020-ல் நல்லதொரு நிலையை அடைய வாய்ப்புள்ளது. எனவே, அதற்கேற்ற வகையில் நமது பங்கு முதலீட்டை மேற்கொள்ள வேண்டும்.

இப்போதுள்ள நிலையில், அவசரப்பட்டு மொத்தப் பணத்தையும் பங்குகளில் முதலீடு செய்யக்கூடாது. நிதானமாக எஸ்.ஐ.பி முறையில் தொடர்ந்து பங்குகளை வாங்குவது புத்திசாலித்தனமான முடிவாக இருக்கும்.

பங்குச் சந்தை இனி எப்படி?

இது தேர்தல் ஆண்டு. இனிவரும் நாள்களில் சந்தையில் மிக அதிகமான ஏற்றம் இறக்கம் காணப்பட்டால், அதற்கு வட்டி விகித உயர்வுதான் காரணமாக இருக்கும். கடந்த ஜனவரியிலிருந்து பெரும்பாலான மிட்கேப் பங்குகள் சரியாகச் செயல்படவில்லை.

பங்குச் சந்தையில் சமீப காலத்தில் முதலீடு செய்தவர்களுக்குப் பெரிதாக லாபம் கிடைக்கவில்லை. வங்கி ஃபிக்ஸட் டெபாசிட்டுக்கு 7% வட்டி கிடைத்துவிடும். அதுவும் மூலதனத்துக்கு உத்தரவாதமுள்ள பாதுகாப்பான முதலீடாக இருக்கும்.

கர்நாடகாவில் தேர்தல் முடிவுக்குப்பின், பாரதிய ஜனதாவுக்கு எதிராக சில கட்சிகள் கூட்டணி அமைத்தது போன்று அகில இந்திய அளவிலும் கூட்டணி அமைவதற்கான சூழல் உருவானால், அது பாரதிய ஜனதா மீது தற்போதுள்ள தனிப் பெரும்பான்மை என்ற பிம்பத்தில் பாதிப்பை ஏற்படுத்திவிடும். குறிப்பாக, கர்நாடகாவில் பாரதிய ஜனதா ஆட்சி அமைக்க முடியாத சூழல் உருவானால், அதன் தாக்கம் அடுத்த  நாடாளு மன்றத் தேர்தல் வரைக்கும் நீடித்து, சந்தையில் தொடர்ந்து ஏற்ற இறக்கமான போக்கையே கொண்டுவரும்.

பொருளாதாரத்தின் மேக்ரோ காரணிகளைப் பொறுத்தவரை, கமாடிட்டி விலை உயர்வு, குறிப்பாக, அலுமினியம் மற்றும் கச்சா எண்ணெய் விலை உயர்வு காரணமாக நிறுவனங்களின் லாபம் பாதிக்கப்பட்டுள்ளது. மேலும், வட்டி விகிதம் அதிகரித்தால், அதுவும் லாபத்தில் பாதிப்பை ஏற்படுத்தும். தவிர, தேர்தல் ஆண்டை ஒட்டி நிதிப் பற்றாக்குறை (Fiscal Deposit) சற்று அதிகரிக்க வாய்ப்புள்ளது. மத்திய அரசு இதுவரை அதைக்  குறைந்த அளவிலேயே  வைத்திருந்தது. சர்வதேச சந்தையில் கச்சா எண்ணெய் விலை குறைவாக இருந்ததால், அதைக் குறைவாக மத்திய அரசால் வைத்திருக்க முடிந்தது.

தற்போது கச்சா எண்ணெய் விலை உயரத் தொடங்கியுள்ளது. இது இனிவரும் நாள்களில் அதிகரிக்குமானால், கச்சா எண்ணெய் இறக்குமதி மீதான வரியை அரசு குறைக்க வேண்டும். அப்படிச் செய்தால், நிதிப் பற்றாக்குறை அதிகரிப்பதுடன், பணவீக்கமும் அதிகரிக்கும். இவையெல்லாம் குறுகிய காலத்தில் உள்ள பாதகமான விஷயங்கள்.

சாதகமான விஷயம் என்றால், ஜி.எஸ்.டி மற்றும் இ-வே பில் நடைமுறைப்படுத்தியதால் ஏற்பட்ட நல்ல பலன்கள். இதனால் மத்திய அரசின் வருமானம் அதிகரிக்கும். மத்தியில் நிலையான அரசு அமைந்தால், அதுவும் ஒரு சாதகமான அம்சமாக இருக்கும்.

இந்தச் சமயத்தில் முக்கியமானதொரு விஷயத்தையும் நாம் கவனிக்கத் தவறக்கூடாது. தற்போதைய நிலையில், முதலீட்டைப் பொறுத்தவரை, மக்களுக்குப் பங்குச் சந்தையை விட்டால் வேறு நல்ல முதலீடு எதுவும் இல்லை. தங்கம், ரியல் எஸ்டேட் போன்றவை லாபம் தருகிற நிலையில் இல்லை. ஒருவேளை இந்திய அளவிலோ அல்லது உலக அளவிலோ ஏற்படும் நிகழ்வுகளின் தாக்கத்தால் பங்குச் சந்தை இறங்கினால், முதலீட்டுக்கு நல்லதொரு வாய்ப்பாக மாறும்.

முதலீடு செய்ய திட்டமிட்டுள்ள தொகையை ஆறு அல்லது எட்டு பங்காகப் பிரித்து, டிசம்பர் வரை முதலீடு செய்துவந்தால், நல்ல வருமானம் கிடைக்க வாய்ப்புள்ளது. அதேசமயம், முதலீட்டாளர்கள் 2020-ம் ஆண்டையே தங்களது முதலீட்டு இலக்காகக் கொள்ளவேண்டும். இது, குறுகிய காலத்துக்கான ஆலோசனைதான்.

2019-ம் ஆண்டு ஜனவரி மாதம் தொடக்கத்திலேயே தேர்தல் ஜுரம் பற்றிக்கொள்ளும் என்பதால், சந்தையும் அதிக இறக்கத்துக்குச் செல்லக் கூடும். அதேமயம், தேர்தலுக்காகச் சந்தை காத்திருக்காது என்பதையும் மறக்கக்கூடாது” என்றார் அவர்.

சந்தை ஏறினாலும், இறங்கினாலும் நல்ல பங்குகளின் விலை இறங்கும்போதெல்லாம் எஸ்.ஐ.பி முறையில் சிறுக சிறுக முதலீடு செய்துவந்தால், நல்ல லாபம் பார்க்கலாம் என்பது நிச்சயம்! 

-பா.முகிலன்

லாபத்துக்கு வாய்ப்புள்ள பங்குகள்!

“இ
ந்தியா முழுவதும் சில்லறை வர்த்தகக் கடைகளைக் கொண்டுள்ள டாடா குழுமத்தின் ட்ரென்ட் (Trent) மற்றும் ஃப்யூச்சர் ரீடெய்ல் (Future Reail) நிறுவனங்களின் பங்குகளுக்கு நல்ல லாபம் கிடைக்க வாய்ப்புள்ளது. மத்தியதர வர்த்தகத்தினரிடம் பணப்புழக்கம் அதிகரித்துவரும் நிலையில், இந்த நிறுவனங்கள் நல்ல லாபம் பாதிக்கம் என்று எதிர்பார்க்கலாம்.

மேலும், பேட்டா இந்தியா, அபாட் (Abbott) இது இந்தியச் சந்தையை அடிப்படையாகக் கொண்டு செயல்படும் எம்.என்.சி பார்மா கம்பெனி) மற்றும் ஹெச்.டி.எஃப்.சி லைஃப் இன்ஷூரன்ஸ் ஆகிய நிறுவனங்களையும் சொல்லலாம். 

இந்தப் பங்குகள் எல்லாமே 2020-ம் ஆண்டை இலக்குகளாகக் கொண்டவையே. அதற்கு இன்னும் இரண்டரை வருடங்கள் உள்ளன. அந்தக் காலத்துக்குள் இந்தப் பங்குகளின் விலை இரட்டிப்பாகும் என்று எதிர்பார்க்கலாம். இந்தப் பங்குகளில் எஸ்.ஐ.பி முறையில் முதலீடு செய்தால், இன்னும் அதிக வருமானம் எதிர்பார்க்கலாம்” என்றார் ஏ.கே.பிரபாகர்.

மோடியின் 5-ம் ஆண்டு... எப்படி இருக்கும் பங்குச் சந்தை? - ஒரு ஸ்கேன் ரிப்போர்ட்

வேகமாக வளரும்  என்.எஸ்.இ-  எஸ்.எம்.இ பிளாட்பாரம்!

சி
று மற்றும் நடுத்தர நிறுவனங்கள் பங்குச் சந்தையில் பட்டியலிடப் படுவது சமீபமாக அதிகரித் துள்ளது.  முதலீட்டாளர் களின் ஆர்வம் காரணமாக என்.எஸ்.இ-யில் பட்டிய லிடப்பட்ட சிறு மற்றும் நடுத்தர நிறுவனங்களின் (எஸ்.எம்.இ) எண்ணிக்கை 150 என்கிற அளவைத் தொட்டுள்ளது. சிறு மற்றும் நடுத்தர நிறுவனங்கள் ஐ.பி.ஓ மூலமாகத் திரட்டப்பட்ட தொகை ரூ.2,221 கோடியாக அதிகரித்துள்ளது. இந்த நிலையில், இ2இ நெட்வொர்க் மற்றும் 5 கோர் எலெக்ட்ரானிக்ஸ் ஆகிய நிறுவனங்களும் வருகிற வாரம் என்.எஸ்.இ. சந்தியில் பட்டியலிடப்பட உள்ளன.இந்த  எண்ணிக்கை இனி இன்னும் அதிகரிக்கும் என எதிர்பார்க்கலாம்! 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism