Published:Updated:

பணம் பழகலாம்! - 21

பணம் பழகலாம்! - 21
பிரீமியம் ஸ்டோரி
News
பணம் பழகலாம்! - 21

சொக்கலிங்கம் பழனியப்பன்

டந்த இதழில் என்.பி.எஸ் பற்றிப் பார்த்தோம். இந்த வாரம் இந்தக் கணக்கை எப்படித் தொடங்குவது, பராமரிப்பது என்பதைப் பார்ப்போம்.

என்.பி.எஸ்., டிரஸ்ட் முதலீட்டாளர்களின் நலனைப் பாதுகாக்கும் அமைப்பு. ரெக்கார்டுகளைப் பராமரிப்பது சி.ஆர்.ஏ-வின் (CRA – Central Record Keeping Agency) பொறுப்பு.  பி.ஓ.பி (POP –- Point of Presence) என்பவர்கள், என்.பி.எஸ்-ஐ விநியோகிப்பவர்கள். ஃபண்டுகளை மேனேஜ் செய்வதற்கு ஃபண்டு மேனேஜர்கள் தனியாக இருப்பார்கள். இதுபோன்ற இன்னும் பல அங்கங்கள் சேர்ந்ததுதான் `என்.பி.எஸ் சிஸ்டம்.’

இத்தனை நிறுவனங்கள் பற்றியும் நீங்கள் கவலைகொள்ளத் தேவையில்லை. நீங்கள் என்.பி.எஸ் கணக்கைத் தொடங்க வேண்டுமென்றால், உங்கள் அருகில் உள்ள வங்கிகளை அல்லது அஞ்சலகங்களைத் தொடர்புகொள்ளுங்கள். இவர்களெல்லாம் விநியோகஸ்தர்கள் (பி.ஓ.பி) ஆவார்கள். இவர்கள் உங்களுக்கு வேண்டிய வேலைகளைச் செய்து, கணக்கையும் தொடங்கிக் கொடுப்பார்கள்.

பணம் பழகலாம்! - 21

இல்லையென்றால், நீங்களே எளிதாக ஆன்லைன் மூலம் https://enps.nsdl.com/eNPS/NationalPensionSystem.html என்ற இணையதளத்துக்கு விசிட் செய்து, கணக்கைத் தொடங்கலாம். நீங்கள் ஆன்லைனில் கணக்கைத் தொடங்கச் செல்லும் முன் பான் கார்டு, ஆதார் அட்டை, டெபிட்/ கிரெடிட் கார்டு, உங்களின் பாஸ்போர்ட் சைஸ் போட்டோ மற்றும் கையெழுத்தின் சாஃப்ட் காப்பி போன்றவற்றைத் தயாராக வைத்துக்கொள்ளுங்கள். சில நிமிடத்திலேயே நீங்கள் ஆன்லைனில் அக்கவுன்டைத் திறந்துவிடலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பணம் பழகலாம்! - 21


அவ்வாறு திறக்கும்போது, உங்களுக்கென பிரான் (PRAN - Permanent Retirement Account Number) ஒதுக்கப்படும். பான் கார்டைப்போல அந்த அட்டையும் உங்களுக்கு போஸ்ட் மூலம் கிடைத்துவிடும். இதில் இரு வகைக் கணக்குகள் உள்ளன. டயர் 1 மற்றும் டயர் 2. டயர் 1 கணக்கை முதலில் திறந்தால்தான், டயர் 2 கணக்கைத் திறக்க முடியும். டயர் 2 கணக்கைத் திறக்க வேண்டும் என்ற கட்டாயமில்லை. டயர் 1 கணக்குக்குத்தான் வரிவிலக்கு கிடைக்கும்.

டயர் 1 கணக்கைத் திறந்துவிட்டீர்கள் என வைத்துக்கொள்வோம். அடுத்து முதலீட்டையும் (பங்கு சார்ந்த முதலீடு, அரசாங்க பாண்டுகள், கார்ப்பரேட் பாண்டுகள்), அந்த முதலீட்டை மேனேஜ் செய்யும் நிறுவனத்தையும் நீங்கள் தேர்ந்தெடுத்துக்கொள்ளலாம். முதலீட்டைத் தேர்வுசெய்யும்போது முழுக்க முழுக்க பாண்டுகளில் முதலீடு செய்யலாம்.  அதிகபட்சமாக 50 சதவிகிதப் பணத்தைப் பங்கு சார்ந்த முதலீட்டிலும், எஞ்சியதை பாண்டுகளிலும் முதலீடு செய்யலாம். ஒதுக்கீடு செய்யச் சிரமப்படுபவர்கள், ஆட்டோ ஆப்ஷனைத் தேர்வுசெய்துகொள்ளலாம். யூ.டி.ஐ., ஹெச்.டி.எஃப்.சி., ஐசிஐசிஐ, கோடக் மகேந்திரா, எல்.ஐ.சி., ரிலையன்ஸ், எஸ்.பி.ஐ., பிர்லா எனப் பல ஃபண்டு மேனேஜர்கள் உள்ளனர். அந்த நிறுவனங்களில் ஒன்றை உங்கள் ஃபண்டை மேனேஜ் செய்ய நீங்கள் தேர்வுசெய்துகொள்ள வேண்டும். தேவைப்பட்டால், ஒதுக்கீடு ஃபண்டு மேனேஜர் போன்றவற்றை நீங்கள் மாற்றிக்கொள்ளும் வசதியும் உள்ளது.

அக்கவுன்டைத் திறந்த பிறகு, வருடத்துக்கு, குறைந்தபட்சம் 1,000 ரூபாய் செலுத்த வேண்டும். 65 வயது வரை ஒருவர் என்.பி.எஸ்-ல் சேரலாம். டயர் 1 அக்கவுன்ட், ஓய்வூதியத்துக்காக அமைக்கப்பட்டது என்பதால், 60 வயது வரைக்கும் அதிலிருந்து குறிப்பிட்ட சில தேவைகளுக்குத் தவிர (குழந்தைகள் கல்வி/திருமணம், வீடு, மருத்துவச் செலவு), குறிப்பிட்ட சதவிகி தத்துக்குமேல், பணத்தை எடுக்க முடியாது. 70 வயது வரைக்கும் முதலீட்டைத் தொடரலாம்.

60 வயதை அடைந்த பிறகு பணத்தை எடுத்துக்கொள்ள லாம். அன்று இருக்கும் தொகையில் 60 சதவிகிதம் வரை எடுத்துக்கொள்ளலாம் அல்லது முழுத் தொகைக்கும் அனுயிட்டி (annuity)-யை ஒரு லைஃப் இன்ஷூரன்ஸ் நிறுவனம் மூலம் பெற்றுக்கொள்ளலாம். அனுயிட்டி குறைந்தது 40 சதவிகித மெச்சூரிட்டித் தொகைக்குப் பெற்றுக்கொள்வது அவசி யமாகும். அனுயிட்டியின் மூலம் மாதாந்திர பென்ஷன் உங்களுக்கு வாழ்நாள் முழுவதும் வந்து கொண்டே யிருக்கும். உங்களுக்குப் பிறகு உங்களின் சந்ததியினருக்கு அந்தத் தொகை கிடைக்கவும் வழிசெய்துகொள்ளலாம்.

 - முற்றும்