Published:Updated:

பிட்காயின் பித்தலாட்டம் - மும்பை - த்ரில் தொடர் - 21

ஒட்டுமொத்த விகடனுக்கும் ஒரே ஷார்ட்கட்

Use App
பிட்காயின் பித்தலாட்டம் - மும்பை - த்ரில் தொடர் - 21
பிட்காயின் பித்தலாட்டம் - மும்பை - த்ரில் தொடர் - 21

ரவி சுப்ரமணியன்,(GOD IS A GAMER - Published by Penguin Random House India Pvt Ltd)ஓவியங்கள்: ராஜன்

பிரீமியம் ஸ்டோரி

மாள்விகாவின் மரணம் குறித்து அனைத்து முக்கியமான நாளேடுகளும், நிதி சம்பந்தப்பட்ட செய்தித்தாள்களும் முதல் பக்கச் செய்தியாக வெளியிட்டிருந் தன. அவரது மரணம் பின்னிரவில் நடந்திருந்தாலும், அனைத்துச் செய்தித் தாள்களும் அந்தக் கொடூரமான சம்பவத்தின் விவரங்களை எழுதியிருந்தன.  ஹோட்டலின் நடைபாதையில் சிதறிக் கிடந்த அவரது உடலின் புகைப்படம் அனைத்துச் செய்தித்தாள்களிலும், இணையதளங்களிலும் வெளியாகி யிருந்தது. இதற்கெல்லாம் ஒருபடிமேல், பார்ட்டியில் கலந்துகொண்டவர்களிடம் என்ன நடந்தது எனக் கேட்டறிந்து, அந்த நிகழ்வு குறித்த பல துண்டுச் செய்திகளை ஒன்றிணைத்து நிமிடத்துக்கு நிமிடம் செய்தியைத் தந்துகொண்டிருந்தன தொலைக்காட்சிகள். பலபேர்களுக்கு முன்பாக இந்தச் சம்பவம்  நடந்திருந்தாலும் கூடக் கொஞ்சம் `மசாலா’வை சேர்த்துத் தந்துகொண்டிருந்தன ஊடகங்கள்.

பிட்காயின் பித்தலாட்டம் - மும்பை - த்ரில் தொடர் - 21

‘`அம்மாவைப் பற்றி மீடியாக்கள் எழுதுவதைத் தடுக்க நாம் கோர்ட்டில் ஸ்டே வாங்க முடியுமா?” என விரக்தி யோடு தான்யா ஆதித்யாவைக் கேட்டாள்.

‘`கஷ்டம் தான்யா. நாம் அவர்களை ஒன்றைச் செய்ய வேண்டாம் என்று சொன்னால், அது குறித்துதான் அதிகமாகச் செய்வார்கள். அதுதான் பிரபலங்களைப் பின்தொடரும் பப்ராசிகளின் (paparazzi) வேலை’’ என்றார்.

தான்யாவின் கண்களில் கண்ணீர். அவளுக்கு ஆறுதல் அளிக்கும் விதமாக அவளைச் சுற்றி தனது கையைப் போட்டுக் கொண்டார். அன்று மாலை மாள்விகாவை அடக்கம் செய்வதற்கான வேலைகள் ஆரம்பமாயின. அதில் கலந்துகொள்ள நிதி மந்திரி, ஆர்.பி.ஐ கவர்னர், என்.ஒய்.ஐ.பி-யைச் சேர்ந்த உயர் அதிகாரிகளும் பணியாளர்களும் வந்திருந்தனர். பீட்டரும் இதற்காக வந்திருந்தார்.

பிட்காயின் பித்தலாட்டம் - மும்பை - த்ரில் தொடர் - 21



சில நாள்கள் கழித்து, மும்பைக் குற்றப் பிரிவைச் சேர்ந்த குழுவினர் தன்யாவைச் சந்திக்க அவளது வீட்டிற்குச் சென்றார்கள். அவர்களிடம் மாள்விகாவின் மரணம் குறித்து போஸ்ட்மார்ட்டம் செய்தது பற்றி ஆறு பக்கத்திற்கான அறிக்கை இருந்தது. தான்யா அதை முன்பே பார்த்திருந்தாலும், கடைசி சில வரிகளைத் தவிர, அவளுக்கு அதில் வேறெதுவும் புரியவில்லை.

அதிகமான ரத்தக்கசிவு மற்றும் உட்புற ரத்தப் போக்கு அவரது மரணத்துக்குக் காரணமாக இருந்திருக்கிறது. அவரது உடம்பில் காணப்பட்ட காயங்கள் அனைத்தும் அவர் உயரத்தில் இருந்து விழுந்ததால் ஏற்பட்டது போல சீராக இருக்கிறது. பாதிக்கப் பட்டவர் மரணம் நிகழும்போது குடிபோதையில் இருந்திருக்கிறார். இது அவருடைய ரத்தத்தில் காணப்பட்ட ஆல்கஹால் அளவிலிருந்து தெரிய வருகிறது.

பிட்காயின் பித்தலாட்டம் - மும்பை - த்ரில் தொடர் - 21

‘`இந்த அறிக்கையின் அடிப்படையில் இது தெளிவான ஒரு தற்கொலை எனத் தெரிய வருகிறது, தான்யா’’ என்றனர்.

தான்யா அந்த அறிக்கையை நம்பத் தயாராக இல்லை. அவள் அதை குற்றப்பிரிவைச் சேர்ந்த குழுவினருக்கு எடுத்துச் சொல்ல முயற்சி செய்தாள். ஆனால், அதனால் பலனெதுவுமில்லை. காவல் துறையினர் அவர்களது மனதில் ஒரு முடிவுக்குக் வந்திருந்தனர்.

யு.எஸ்.ஏ

‘‘உடனடி நடவடிக்கை: 1 மில்லியன் டாலரை பிட்காயின் களாக மாற்றி அதை `வாலட்’க்கு (wallet) அனுப்பவும். அதற்குரிய விவரங்கள் உங்களுக்குத் தனியாக அனுப்பி வைக்கப்படும். ஒரு மில்லியன் டாலரை நம்பிக்கையான ஒருவர் மூலம் அனுப்பி வைக்கவும். இரண்டு ரோலக்ஸ் சப்மரைனர்ஸ் வாங்கி – அவை 5,00,000 டாலருக்கு மேல் இருக்காது – அதில் ஒன்றைக் கையில் கட்டிக்கொண்டும், இன்னொன்றை `செக்-இன்’ பேக் கேஜிலும் வைக்கவும். இன்னுமொரு 5,00,000 டாலரை 500 டாலர் நோட்டுகளாக உங்களோடு எடுத்து வரவும். மீதமுள்ள தொகையை எப்படி அனுப்ப வேண்டும் என்பதைப் பிறகு சொல்கிறோம்.’’

இந்தச் செய்தியைப் படித்தவுடன் ஜோஷூக்கு சற்றே ஆசுவாசம் ஏற்பட்டது. ஏ.டி.எம்-கள் கொள்ளை அடிக்கப்பட்டதில் இருந்து அவர் இந்தச் செய்திக்காகக் காத்திருந்தார். 20, 50, 100, 200 என்று 5 மில்லியன் டாலர் தொகைக்கான நோட்டுகள் அறையெங்கும் நிறைந்திருந்ததைப் பார்த்த ஜோஷுக்கு ஒரே படபடப்பு. கொள்ளை அடிக்கப் பட்டதற்கு மறுநாள், அவர் மொத்தத் தொகையையும் இரண்டு பெரிய சூட்கேஸ்களுக்குள் அடைத்து வைத்தார். 

பிட்காயின் பித்தலாட்டம் - மும்பை - த்ரில் தொடர் - 21

மின்னஞ்சலில் சொல்லப் பட்டுள்ள விஷயத்தை நாம் சரியாகப் புரிந்துகொண்டோமா, இல்லையா என்பதை உறுதிசெய்து கொள்ள அவர் அந்த மின்னஞ்சலை மூன்று முறை படித்துப் பார்த்தார்.

கரன்சியை பிட்காயினாக மாற்றக்கூடிய செயல்முறை ஜோஷுக்குப் பழக்கமானதுதான். கடந்த இரண்டு வருடங்களாக `அண்டர்வேர்ல்டு’ ஆசாமிகளுக்கும், கறுப்பை வெள்ளை ஆக்குபவர்களுக்கும் ஒரு வரப்பிரசாதமாக இருந்தது இந்த இருட்டடிக்கப்பட்ட இணையம்.

தனக்கு நம்பிக்கையான ஒருவர் மூலம் ஒரு மில்லியன் டாலரைக் குறிப்பிடப்பட்ட முகவரிக்கு அனுப்பி வைக்க முடிவெடுத்தார் ஜோஷ்.  அவருக்கு அனுப்பப்பட்ட முகவரி டொமினிகன் குடியரசில் இருக்கும் சாண்ட்டோ டொமிங்கோ-வில் (Santo Domingo) இருந்தது. அவர் யாரையும் நம்பத் தயாராக இல்லை. அதேசமயம், அவராலும் போய்த் தரமுடியாது. அப்படி அவர் போனால், அறையில் இருக்கக்கூடிய பணத்தை எங்கே விட்டுவிட்டுச் செல்வது என்பது பெரிய கேள்விக் குறியாக இருந்ததுடன், அவரை ஒரு இக்கட்டான சூழ்நிலைக்குக் கொண்டு சென்றது.

அப்போதுதான், ஒரு சிறிய படகின் (punt) மூலம் பணத்தை அனுப்பி வைக்க அவர் முடிவு செய்தார். அவர் தன் அறை நண்பனை நோக்கிச் சென்று, `ஸ்டான், இந்த வாரம் நீ ஃப்ரீயா?” என்று கேட்டார்.

‘`எதற்காக...?”

‘`நீ சாண்ட்டோ டொமிங்கோ வரை போய்வர வேண்டும், இலவசமாக இல்லை...”

‘`டீல் என்ன?”

‘`ரொக்கத்தைக் கொண்டுபோய்க் கொடுத்துவிட்டுத் திரும்பிவர 10,000 டாலர்கள்” என்றார்.

ஸ்டான் ஒப்புக்கொண்டான். ‘காட்டன் ட்ரைல்’ வாயிலாகத் தொடர்புகொண்டு ஒரு ட்ராவல் ஏஜென்ட் மூலம் ஆவணங்கள் தயாராயிற்று. ஸ்டானிடம் பேசியபிறகு, ஜோஷ் அவருடைய பாஸுக்கு, ‘`என் ஆள் இன்னும் மூன்று நாள்களில் புறப்பட்டு அங்கு வருவான். இந்த வார இறுதியில் பணம் உங்களை வந்தடையும்’’ என்று தகவல் அளித்தார்.

மும்பை

இடியோஸ் (eTIOS) நிர்வகித்துவரும் என்.ஒய்.ஐ.பி கார்டு இயக்கத்தில் நடந்த முறைகேடுகள் பற்றி எல்லோருக்கும் தெரியவந்தபின், மற்ற வங்கிகளும் அதனால் பீதியடைந்தன. நாட்டில் உள்ள பெரும்பாலான வங்கிகள் அவற்றின் சில செயல்முறைகளை இடியோஸுக்கு அவுட்சோர்ஸ் செய்திருந்தன. 

பிட்காயின் பித்தலாட்டம் - மும்பை - த்ரில் தொடர் - 21

இந்த மீறல் இடியோஸின் தவறு இல்லை என்றும், சர்வதேசக் குற்றவாளிக் கும்பலின் மோசமான வேலை என்றும் தர்க்கரீதியாக வங்கிகளுக்கு விளக்கிச் சொல்வது ஆதித்யாவுக்கு மிகப்பெரிய சவாலாக இருந்தது. பெரும்பாலான வங்கிகள் இவர் சொல்லும் `கதை’யை ஏற்றுக்கொள்ளத் தயாராக இல்லை. ஆதித்யாவுக்கு சரியான தகவல்களைக் கொடுப்பதில் சந்தீப் உதவி வந்ததால், அவருக்கும் வேலை அதிகமாக இருந்தது.

அன்று மாலை சுவாமி ஆதித்யாவை அழைத்து, ‘`உங்களுடைய இடியோஸுடன் எங்கள் வங்கிக்கு இருக்கும் வருடாந்திர ஒப்பந்தத்தை மாட் கிடப்பில் போடச் சொல்கிறார்’’ என்றார்.

‘`வாட்..?” ஆதித்யாவுக்கு அதிர்ச்சியாக இருந்தது. மற்ற  வாடிக்கையாளர்களுடன் ஒப்பிடும் போது என்.ஒய்.ஐ.பி இடியோஸின் வாடிக்கையாளராக ஆரம்பத்தி லிருந்து இருந்துவருகிறது. என்.ஒய்.ஐ.பி போன்று ஒரு வலுவான வாடிக்கையாளரின் ஆதரவில்லாமல் இடியோஸை நடத்துவதென்பதைக் கற்பனை செய்துகூடப் பார்க்கமுடியாது.

‘`யெஸ், இவர்கள் எல்லோரும் குறுகியகால சிந்தனையாளர்கள். சேவை வழங்குபவருக்கு எதிராக நாங்கள் கடுமையான நடவடிக்கை எடுத்துவிட்டோம் என உலகுக்கு வெளிப்படுத்த விரும்புகிறார்கள். உங்களுக்கு எதிராக இவர் எடுக்கக் கூடிய ஒரே நடவடிக்கை ஒப்பந்தத்தை இடையிலேயே முறித்துக்கொள்வதுதான்” என்றார்.    
 
‘`சுவாமி, இது எங்களின் தப்பு இல்லை என்பது உங்களுக்குத் தெரியும். எந்தவொரு வங்கி, பி.பி.ஓ, சேவை வழங்குபவரின் சிஸ்டத்தை யும் ஹேக்கர்களால் ஊடுருவ முடியும்!”

‘`ஏற்கெனவே முடிவெடுத்த வர்களிடம் நீங்கள் போதிப்பதில் எந்தப் பிரயோசனமும் இல்லை. மாட் சொன்னதைத்தான் நான் உங்களிடம் சொல்கிறேன். குறைந்த பட்சம், விசாரணை முடியும் வரை அவரது முடிவை ஒத்திப்போடும்படி நான் அவரைக் கேட்டுக் கொண்டி ருக்கிறேன். அதற்குள் எங்கே தவறு நடந்தது என்பது நமக்குத் தெரிய வரும் என நம்புகிறேன்’’ என்றார்.

‘`ஆமாம்’’

‘`மாட் கூறிய விதத்தைக் கேட்டதும், எனக்கு ஒரு மாதிரியாக இருந்தது. இந்தியாவில் நாம் எப்படி செயல்பட்டுவருகிறோம் என்பது இந்தக் குடியேறிகளுக்குத் (expats) தெரிவதில்லை. உறவு என்பது அவர் களுக்கு ஒருபொருட்டே இல்லை, ஆதித்யா’’ என்றார்.

ஆதித்யா பெரும்பாலும் கடுமையான சொற்களை உபயோகிப் பதில்லை. ஆனால், இதைக் கேட்ட வுடன் கெட்ட வார்த்தையால் திட்டினார்.

அன்றைக்கான வேலை நேரம் முடிவதற்குக் கொஞ்சம் நேரம் இருந்தது. அதற்குள் அவர் நான்கு வங்கிகளின் தலைமை அதிகாரிகளைச் சந்தித்திருந்தார். ‘இடியோஸ் மிகவும் பாதுகாப்பான நிறுவனம்’ எனக் கூறி அவர்களைச் சமாதானப்படுத்த முயற்சி செய்தார். ஆதித்யா கூறியதில் அவர்களுக்கு முழுச்சம்மதம் இல்லை யென்றாலும், சில நாள்கள் காத்திருக்கலாம் என நினைத்தனர்.

இதற்கிடையில், இண்டிஸ்கேப்பின் முழுப் பொறுப்பையும் வருண் எடுத்துக்கொண்டிருந்தான். கடந்த இரண்டு வாரங்களில் `டவுன்ஸ்விலே’ விளையாட்டு கேமர்களை ஈர்க்க ஆரம்பித்திருந்தது. இந்த விளையாட்டு அவர்களின் இணையதளத்திலிருந்து முற்றிலுமாக நீக்கப்பட்டு ஃபேஸ்புக் கில் மட்டும் பிரத்யேகமாகக் கிடைக்கும்படி செய்யப்பட்டிருந்தது. உபயோகிப்பவர்கள் காட்டிய சுவாரஸ்யம் நல்ல உற்சாகத்தைத் தந்தது. இண்டிஸ்கேப்பின் எல்லா விளையாட்டுகளையும் ஃபேஸ்புக்கில் மட்டும் கிடைக்குமாறு செய்வதற்கான வேலைகள் முனைப்பாக நடந்து வந்தன. இண்டிஸ்கேப் மீண்டும் நன்கு செயல்பட ஆரம்பித்திருந்தது. வருண், மிகப்பெரிய தாக்கத்தை ஏற்படுத்தியிருந்தான். 

(பித்தலாட்டம் தொடரும்)

தமிழில்:
சித்தார்த்தன் சுந்தரம்

பிட்காயின் பித்தலாட்டம் - மும்பை - த்ரில் தொடர் - 21

2 கோடி கார்கள்... மாருதி சாதனை!

றக்குறைய இரண்டு கோடி கார்களை உற்பத்தி செய்து சாதனை படைத்தி ருக்கிறது மாருதி சுஸூகி. இந்தியாவிலேயே கார் தயாரிக்க வேண்டும் என்ற அடிப்படையில் 1983-ம் ஆண்டில் தொடங்கப்பட் டது மாருதி சுஸூகி. ஏறக்குறைய 50 லட்சம் கார்களைத் தயாரிக்க 21 வருடங்களை எடுத்துக் கொண்டது இந்த நிறு வனம். ஆனால், அடுத்த ஆறு ஆண்டுகளில் ஒரு கோடி கார்கள் என்கிற இலக்கினையும், அதற்கு அடுத்த நான்காண்டு களில் 1.5 கோடி என்கிற இலக்கினையும் தொட்டது. ஆனால், கடந்த மூன்று ஆண்டுகளில் 50 லட்சம் கார்களைத் தயாரித்து, இரண்டு கோடி என்ற சாதனையைப் படைத்தி ருக்கிறது. மாருதியின் இந்தச் சாதனையை வேறு எந்த இந்திய நிறுவனமும் செய்ததில்லை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு