Published:Updated:

பார்மா ஃபண்டுகளில் முதலீடு செய்யலாமா?

பார்மா ஃபண்டுகளில் முதலீடு செய்யலாமா?
பிரீமியம் ஸ்டோரி
பார்மா ஃபண்டுகளில் முதலீடு செய்யலாமா?

மீ.கண்ணன், நிதி ஆலோசகர், Radhaconsultancy.blogspot.in

பார்மா ஃபண்டுகளில் முதலீடு செய்யலாமா?

மீ.கண்ணன், நிதி ஆலோசகர், Radhaconsultancy.blogspot.in

Published:Updated:
பார்மா ஃபண்டுகளில் முதலீடு செய்யலாமா?
பிரீமியம் ஸ்டோரி
பார்மா ஃபண்டுகளில் முதலீடு செய்யலாமா?

ந்தியப் பங்குச் சந்தை மீண்டும் உச்சத்தில் இருக்கிறது. சென்செக்ஸ் 37750 புள்ளிகளுக்கு மேல் வர்த்தகம் ஆகிறது. முன்னர் முதலீடு செய்தவர்கள் இப்போது சந்தோஷத்தின் உச்சத்தில் இருக்கிறார் கள். முதலீடு செய்யும் வாய்ப்பினைத் தவறவிட்டவர்கள் சற்று வருத்தத்தில் இருக்கிறார்கள்.

‘அய்யய்யோ, முதலீட்டு வாய்ப்பைத் தவறவிட்டுவிட்டோமே’ என்று எவரும் நினைக்கத் தேவை யில்லை. சந்தை உச்சம் என்பது நிரந்தரமில்லை. எந்த நேரத்திலும் சந்தையில் லாபம் பெற வழிவகை இருந்துகொண்டே இருக்கிறது. ஏதாவது ஒரு ரூபத்தில் முதலீட்டு வாய்ப்பு நமக்கு வரும். அதுபோன்ற தொரு வாய்ப்பு இப்போது வந்திருக்கிறது.

அதுதான் உடல்நலம் பேணும் பங்குகளும் அதுசார்ந்து முதலீடு செய்யும் ஃபண்டுகளும். இதை ‘பார்மா அண்டு ஹெல்த் கேர் ஃபண்ட்’ என்று கூறுவார்கள்.

பார்மா ஃபண்டுகளில் முதலீடு செய்யலாமா?

முன்னர் இந்த பார்மா மற்றும் ஹெல்த்கேர் பண்டுகள் நல்ல வருமானம் தந்து வந்தது. சமீப காலத்தில் அமெரிக்க அரசாங்கத்தின் கெடுபிடிகளால் மருந்து தயாரிக்கும் பார்மா நிறுவனங்களின் லாபம் குறைந்து பங்குகளின் விலையும்  குறைந்தது. இந்தப் பங்குகளில் முதலீடு செய்யப்பட்ட பார்மா ஃபண்டுகளின் செயல்பாடு சிறப்பாக இல்லாமல் இருந்து வந்தது.

தற்போது அந்த நிலைமை மாறி வருகிறது. பி/இ விகிதம் 34 என்று இருந்துவந்த பார்மா பங்குகள் தற்போது 25 என்றவாறு உள்ளது. எனவே, பங்குகளின் விலை குறையும்போது அல்லது குறைவாக இருக்கும் அந்தப் பங்குகளில், அதுசார்ந்த ஃபண்டு களில் முதலீடு செய்வது லாபகரமான செயலாகும். தற்போது இந்த பார்மா மற்றும் ஹெல்த்கேர் ஃபண்டுகளில் முதலீடு செய்வது லாபகரமாக இருக்கும். அதற்கான காரணங் களைப் பார்ப்போம்.

ஒட்டுமொத்த விகடனுக்கும் ஒரே ஷார்ட்கட்!

பார்மா ஃபண்டுகளில் முதலீடு செய்யலாமா?

1. இந்திய மருந்துத் தயாரிப்பில் முன்னேற்றம்

தற்போது நமது இந்திய பார்மா நிறுவனங்கள் அமெரிக்க அரசாங்கத்தின் கெடுபிடிகளுக்கு ஏற்றவாறு தங்களின் உற்பத்தி முறையை மாற்றிக் கொண்டு வந்து அமெரிக்க அரசாங்கத்தின் அனுமதியைப் (US FDA)  பெற்றுத் திரும்பவும் தமது ஏற்றுமதியை அதிகரிக்கும்  நிலையை உண்டாகி வருகின்றன. இது ஒரு மிகப் பெரிய மாற்றம். எனவே, இந்தப் பங்குகள் மிகவும் சிறப்பாகச் செயல்பட சாத்தியக்கூறுகள் அதிகமாக உள்ளன.

அமெரிக்கச் சந்தையில் விற்கும் இந்திய மருந்துகளின் பங்களிப்பு 2010-ல்  20 சதவிகிதமாக இருந்தது. 2017-ல் இது 35 சதவிகிதமாக அதிகரித்துள்ளது. எனவே, வருங்காலத்தில்  இந்திய மருந்துகள் அமெரிக்க சந்தைக்கு ஏற்றுமதி  ஆகும் வாய்ப்புகள் அதிகரிக்கக் கூடும்.

2. பங்குச் சந்தையின் ஏற்ற இறக்கச் சுழற்சி

நாம் முன்னர் கூறியபடி, இந்த பார்மா பங்குகளின் சந்தை குறியீடு எண் உச்சத்திலிருந்து குறைந்து கொண்டே வந்தது. தற்சமயம் குறைந்த நிலையில் உள்ளது. இது மேல்முகமாக ஏறுவதற்கு ஏதுவாக உள்ளது. பங்குச் சந்தையின் போக்கு மாறுவதைக் கண்டறிந்து ஏறுமுகமாக மாறும். தொடக்கத்தில் முதலீடு செய்வதே முதலீட்டிற்கேற்ற காலம்.

அந்த வகையில், மருத்துவம் மற்றும் பார்மா உடல்நலம் பேணும் நிறுவனப் பங்குகளும், அதுசார்ந்த மியூச்சுவல் ஃபண்டுகளும் வருங்காலங்களில் நல்ல லாபம் தர  வாய்ப்புகள் உள்ளன. (பார்க்க மேலே உள்ள வரைபடம்) 

பார்மா ஃபண்டுகளில் முதலீடு செய்யலாமா?

3. உடல்நிலை மாற்றங்கள்

இதய நோய், நீரிழிவு நோய், புற்றுநோய் போன்ற ஆள்கொல்லி நோய்கள் நமது இந்தியர்களை அதிகமாகத் தாக்கி வருகின்றன. இந்த நோய்களால் பாதிக்கப் படுபவர்களின் எண்ணிக்கை வருடா வருடம் கூடிக்கொண்டே போகிறது.

2008-ல் இருந்ததைவிட இப்போது நான்கு மடங்கு அதிகமாக இருக்கிறது. முன்னர் வயதான காலத்தில் வந்த நோய்கள் இப்போது இளம் வயதிலேயே தாக்குகிறது. இளைஞர்களும், பெண்களும் பாதிக்கப்படு கிறார்கள். எனவே, உடல்நலம் பேணுவதற்கும் அதற்குத் தேவை யான மாத்திரைகளுக்கும் மற்றும் இது சம்பந்தமான மருத்துவ சேவைகளுக்கும் தேவை அதிகரித்துக்கொண்டே வருகிறது.

4. மருத்துவ சேவைகள் அதிகரிப்பு

தனிநபர் வருமானம் அதிகரிப்பதால், சிறுசிறு வியாதிகளுக்கும் மருத்துவச் சேவையை நாடுபவர்கள் அதிகமாக இருக்கிறார்கள். இந்தியாவில் 65 வயதிற்கு மேற்பட்டவர்கள் 6%, 55 வயதிற்கு மேற்பட்டவர்கள் 28% உள்ளனர். இதனால், இந்தியாவில் மூன்றில் ஒரு பகுதி வயதானவர்களாக இருக்கிறார்கள். இவர்களுக்கு மருத்துவ சேவை அதிகமாகத் தேவைப்படுகிறது. 

வெளிநாடுகளிலிருந்து மருத்துவத் தேவை களுக்காக இந்தியா வருபவர்களின் எண்ணிக்கையும் நாளுக்கு நாள் அதிகரித்துக் கொண்டே இருக்கிறது.

பார்மா ஃபண்டுகளில் முதலீடு செய்யலாமா?

மருத்துவச் செலவின் பணவீக்கம், சாதாரண  பணவீக்கத்தைவிட அதிகமாக இருக்கிறது. எனவே, மருத்துவச் சேவைக்கு நாம் செலவழிக்கும் பணம் அதிகரித்துக்கொண்டே வருகிறது.

5. மருத்துவக் காப்பீடுகள்

உடல்நலம் பேண ஹெல்த் இன்ஷூரன்ஸ் மிகவும் முக்கியம் என்ற கருத்து மக்களுக்குப் புரிய ஆரம்பித்திருக்கிறது. ஹெல்த் இன்ஷூரன்ஸ் துறை வளர்வதால், மருத்துவ சேவைகள் அதிகரிக்க வாய்ப்புகள் உள்ளன.

இதுபோன்ற மருத்துவம் சார்ந்த மியூச்சுவல் ஃபண்டுகளை தற்சமயம் எஸ்.பி.ஐ, ரிலையன்ஸ், டாடா மற்றும் யூ.டி.ஐ  நிறுவனங்கள் பல ஆண்டு களாக வழங்கி வருகின்றன. வருங்காலத்தில் நல்ல லாபம் வரும் என்ற நோக்கில் இப்போது,     ஐ.சி.ஐ.சி.ஐ புரூ.  மற்றும் மிரே அஸெட் போன்ற  நிறுவனங்கள் புதிதாக ஃபண்டுகளை வழங்கி வருகின்றன. 

பார்மா ஃபண்டுகளில் முதலீடு செய்யலாமா?

* எஸ்.ஐ.பி முறையில்...

தற்போது செயல்பாட்டிலிருக்கும் ஃபண்டு களின் ஒன்று அல்லது மூன்று வருட லாபம் பெரிதாகத் தரவில்லை. மேற்கூறிய காரணங்களால் இந்த ஃபண்டுகளில் இனிவரும் காலத்தில் லாபம் பார்ப்பதற்கு நிறைய வாய்ப்புகள் இருக்கும் என்கிற எதிர்பார்ப்பினால், இந்த ஃபண்டுகளில் எஸ்.ஐ.பி (SIP) முறையில் முதலீடு செய்யலாம்.

* அதிக லாபம், அதிக ரிஸ்க்

பார்மா ஃபண்டுகள் என்பவை செக்டோரல் வகை ஃபண்டுகளாகும். இந்த வகை ஃபண்டுகள் அதிக லாபமும் அதிக ரிஸ்க்கும் கொண்டவை என்பதை நாம் மறக்கக்கூடாது. எனவே, புதிதாக மியூச்சுவல் ஃபண்டுகளில் முதலீடு செய்பவர்கள் இதுபோன்ற துறை சார்ந்த ஃபண்டுகளில் அதிகம் முதலீடு செய்யக்கூடாது.

பங்குச் சந்தை, செக்டோரல் ஃபண்டுகளில் உள்ள ரிஸ்க்கைப் பற்றி நன்கு புரிந்துகொண்ட வர்கள், மியூச்சுவல் ஃபண்டுகளில் ஏற்கெனவே முதலீடு செய்த அனுபவம் உள்ளவர்கள், செக்டோரல் ஃபண்டுகளில் உள்ள ஏற்ற இறக்கத்தைத் தெரிந்துகொண்டவர்கள் இது போன்ற பார்மா ஃபண்டுகளில் முதலீடு செய்து லாபம் பெறலாம். ஒருவர், தனது மொத்த முதலீட்டில் 10 சதவிகிதத்தை இதுபோன்ற செக்டார் ஃபண்டுகளில் முதலீடு செய்யலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism