Published:Updated:

இப்படி சேமித்து, வரியை மிச்சப்படுத்தலாம்!

இப்படி சேமித்து, வரியை மிச்சப்படுத்தலாம்!
இப்படி சேமித்து, வரியை மிச்சப்படுத்தலாம்!

சம்பளத்தின் முதல் செலவு சேமிப்பாக இருக்க வேண்டும். இதுவே நிதி அறிவு படைத்தவர்களின் ரகசியமாகும். குறிப்பிட்ட தொகையை சம்பளத்திலிருந்து எடுத்து சேமித்து வைத்துவிட்டு, மீதிப் பணத்தை செலவு செய்வதன்மூலம், அவசர காலத்துக்கு உதவும் பணம் கையில் இருக்கிறது என்கிற நம்பிக்கையோடு நடமாடலாம். சேமிப்பு இல்லை என்றால், கடனில் மூழ்க வாய்ப்புள்ளது. எனவே சேமிப்பு = ஆபத்துதவி.

இப்படி சேமித்து, வரியை மிச்சப்படுத்தலாம்!

ஒரு கணக்குக்காக: வங்கிக் கணக்கில் சேமிக்கப்படும் பணத்துக்கு, வருடத்துக்கு தோராயமாக 4% வட்டி கிடைக்கிறது, மாதம் 1,000 ரூபாயை நீங்கள் சேமித்துவந்தால், ஆண்டு இறுதியில் 12,000 ரூபாய்க்கு வட்டியாக 480 ரூபாய் கூடுதலாக கிடைத்திருக்கும். உண்டியலில் பணத்தை சேர்ப்பதைக்காட்டிலும், இது சிறந்தது, முன்பெல்லாம் இவ்வாறுதான் ரொக்கப் பணத்தை சேமித்தோம். ஆனால், நாம் செய்யும் சேமிப்புக்குக் கிடைக்கும் வட்டி, பணவீக்கம் என்கிற விலைவாசி  உயர்வைவிட அதிகமாக இருக்க வேண்டியது முக்கியம்.

பணவீக்கம் (Inflation): 2007-ம் ஆண்டு ஒரு கிலோ அரிசி 20 ரூபாய், 2017 -இல் 60 ரூபாய் ஆகிவிட்டது என வைத்துக்கொண்டால், கடந்த பத்து வருடத்தில் அரிசியின் விலை 3 மடங்கு அதிகரித்திருக்கிறது. இவ்வாறு ஒவ்வொரு பொருளும், நாள் ஆக ஆக விலை அதிகரித்து வருவதை பணவீக்கம் என்கிறோம். வளர்ந்துவரும் பொருளாதாரத்தில், பணவீக்கம் ஏற்படுவதுபோல மக்களின் நிதிநிலைமையும் அதற்கேற்றவாறு ஒத்திசைந்து அதிகரித்துவருவது அவசியம். 2017 - ஐவிட 2018-இல் பணவீக்கம் 5% (சராசரி) ஆக அதிகரித்துள்ளது. ஆனால், நாம்  வங்கி சேமிப்பு கணக்கில் சேமிக்கும் பணத்துக்கு கிடைக்கும் வட்டியோ 4%தான்! பணவீக்கத்துடன் ஒப்பிடும்போது, நம் பணத்தின் மதிப்பு 1% குறைந்துவிட்டது, இது நஷ்டமாகும்.

நஷ்டத்தைத் தாண்டி செல்வத்தைப் பெருக்குவது எப்படி?

ஆண்டுக்கு 4% வட்டி தரும் வங்கி சேமிப்பு கணக்கைக் காட்டிலும், சராசரியாக ஆண்டுக்கு 7%-8% வட்டி தரும் வங்கி ஃபிக்ஸட் டெபாசிட் & ரெக்கரிங் டெபாசிட் ஆகியவை பணவீக்கத்தைத் தாண்டி லாபம் தரும்  வழிகளாக பார்க்கப்படுகின்றன. ஆனால், இங்கும் ஒரு சிக்கல் உள்ளது, அதுதான்,  வட்டி வருமானத்துக்கு நாம் கட்டவேண்டிய வரி. சிறுகச் சிறுகச் சேர்க்கும் பணத்துக்கு அரசுக்கு வரி கட்டவேண்டியுள்ளது. அதேநேரத்தில், மத்திய அரசு, வருமான வரியைச் சேமிக்கும் வழி முறைகளை அறிமுகப்படுத்தியுள்ளது. 

இப்படி சேமித்து, வரியை மிச்சப்படுத்தலாம்!

அவை என்னென்ன?

வரிச்சலுகை உள்ள சேமிப்பு வழிகள் !

வருமான வரி பிரிவு 80சி -ன் படி, நிதி ஆண்டில் ரூபாய் 1.50 லட்சம் வரை வருமான வரிச் சலுகை பெற முதலீடுகள் உள்ளன. முதலீட்டாளர்கள் அதிகம் விரும்புவது பப்ளிக் பிராவிடண்ட் ஃபண்ட் (PPF) மற்றும் இ.எல்.எஸ்.எஸ். (ELSS) திட்டங்களைத்தான். 

பிபிஎஃப்...

பிபிஎஃப் என்பது அரசின் உத்திரவாதமுள்ள சேமிப்புத் திட்டமாகும். ஆண்டு வட்டி 8% கிடைக்கிறது. ஆனால், இதில் உள்ள குறைபாடு, நீங்கள் மாதாமாதம் சேமித்துவரும் தொகையை 15 வருடங்கள் கழித்தே  எடுத்து உபயோகிக்க முடியும் (சில நிபந்தனைகளுக்கு உட்பட்டு 7-ம் வருடத்தில் பணத்தை எடுக்கவும் வழி உண்டு).

இ.எல்.எஸ்.எஸ்  - மற்றொரு  முதலீடு!

இ.எல்.எஸ்.எஸ். எனப்படுவது  பங்குச் சந்தை சார்ந்த சேமிப்புத் திட்டம் (ELSS -Equity Linked Savings Scheme)  எனப்படும் மியூச்சுவல் ஃபண்டாகும். இந்தத் திட்டத்தில் செய்யப்படும் முதலீட்டை மூன்றாண்டுகள் கழித்து எடுக்க முடியும். இதில் நாம் செய்யும் முதலீடு, பங்குச் சந்தையில் முதலீடு செய்யப்படுவதால், ரிஸ்க் அதிகமாகும். ஆனால், எங்கு ரிஸ்க் அதிகமோ, அங்குதான் லாபமும் அதிகம் கிடைக்கிறது. மிகச்சிறந்த இ.எல்.எஸ்.எஸ். ஃபண்ட்களில் நாம் குறைந்தபட்சமாக 5 வருடம் முதல் 20 வருடங்கள் முதலீடு செய்வதன்மூலம்,  ஆண்டுக்கு சராசரியாக 12% - 14% லாபம்  பெறமுடியும். 

இப்படி சேமித்து, வரியை மிச்சப்படுத்தலாம்!

செய்யும் முதலீட்டுக்கு வரிச் சலுகை; நல்ல லாபம்; அந்த லாபத்துக்கும் வரி கட்டவேண்டிய அவசியமில்லை (நிதி ஆண்டில் ரூ.1 லட்சம் வரைக்கும் வரி விலக்கு இருக்கிறது. அதற்கு மேற்பட்ட மூலதன ஆதாயத்துக்கு 10% வரி கட்ட வேண்டும்) என மூன்று அற்புதமான சலுகைகள் இ.எல்.எஸ்.எஸ் மியூச்சுவல் ஃபண்ட் திட்டத்தில் இருக்கின்றன.

வரிச் சலுகையை மட்டுமே மனதில் வைத்து முதலீடு செய்யாமல், கூடுதல் ரிஸ்க் எடுத்தால், அதிக வருமானம் பெறுவதோடு, வரிச் சலுகையும் பெறலாம் என்பதற்கு இ.எல்.எஸ்.எஸ். திட்டம் சிறந்த உதாரணமாக விளங்குகிறது. லாபநோக்கோடு வருமான வரியையும் சேமிக்க எந்த இ.எல்.எஸ்.எஸ். ஃபண்ட்களில் முதலீடு செய்யலாம் என அறிந்துகொள்ள கீழ்க்கண்ட படிவத்தைப் பூர்த்தி செய்யவும்.

விவரங்களைப் பெற