Published:Updated:

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!
பிரீமியம் ஸ்டோரி
2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

Published:Updated:
2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!
பிரீமியம் ஸ்டோரி
2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!
2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

அஞ்சலி மல்ஹோத்ரா,
தலைவர் (வாடிக்கையாளர் சேவை), மார்க்கெட்டிங் & டிஜிட்டல் அதிகாரி, அவிவா லைஃப் இன்ஷூரன்ஸ்

புத்தாண்டில் நாம் அனைவரும் ஒரு புதிய ஆரம்பத்துக்குத் தயாராகி விட்டோம். ஒவ்வொரு புத்தாண்டிலும் நாம் ஆரோக்கியமான, வளமான வாழ்க்கைமுறையைப் பின்பற்ற விரும்புவோம்; அதற்காக நிதி ஒழுக்கத்தை ஏற்றுக்கொள்வதுடன்,  நிதிரீதியாக செழிப்புடன் இருக்க முதலீடுகளைச் செய்யவும் விரும்புவோம். ஒவ்வொர் ஆண்டும் நாம் நிதித் தொடர்பான பல தீர்மானங்களை எடுத்தாலும், நம்மில் பெரும்பாலோர் அவற்றைச் சரியாகப் பின்பற்றுவதில்லை என்பதே யதார்த்தம்.

தனிநபர் நிதித் திட்டமிடுவது    (Personal finance) நம் ஒவ்வொருவரின் வாழ்க்கையும் சிறப்பாகவும், வளமாகவும் இருக்க அவசியத் தேவையாக உள்ளது. நாம் உறுதியான  நிதித் தீர்மானங்களுடன் புத்தாண்டை ஆரம்பிக்கும்போது, நமது நிதி இலக்குகளை எளிதில் அடைய முடியும்.

அந்த நிதி இலக்குகள், ஓய்வுக்கால சேமிப்பை அதிகரிப்பதாகவோ அல்லது வீடு வாங்குவதற்கான முன் பணத்தை (Down payment) திரட்டு வதாகவோ அல்லது வருங்காலத்துக் கான நிதிப் பாதுகாப்புக்காக முதலீடு செய்வதாகவோ இருக்கலாம்.

கடந்த காலத்தில் புத்தாண்டுத் தீர்மானங்களை நாம் பின்பற்றாமல் இருந்திருக் கலாம். இனி இந்தப் புத்தாண்டிலிருந்தாவது புதிய நிதி இலக்குகளை வகுத்து, அவற்றை மிகுந்த கவனத்துடன் தொடர்வோம். பொருளாதார ரீதியாக வளமான வாழ்வை வாழவேண்டும் என நினைப்பவர்கள் இந்தப் புத்தாண்டு முதல்  பின்பற்ற  வேண்டிய 10 தீர்மானங்கள் இனி...

1. உங்கள் வருமானத்தை மதிப்பாய்வு செய்து, தனிப்பட்ட இலக்குகளை  நிர்ணயுங்கள்

உங்கள் சொத்து மற்றும் பொறுப்புகளைக்  (Liabilities) கணக்கெடுத்து, உங்களின் நிதிநிலையை ஆய்வு செய்யுங்கள். பணம் எப்படிச் செயல்படு கிறது என்பதைப் புரிந்துகொள்ளுங்கள். உதாரணத்துக்கு, கிரெடிட் கார்டு மூலம் செலவு செய்வதைக் கட்டுப்படுத்துங்கள். இதனால் அதிக வட்டிக்கு நீங்கள் கடன் வாங்குவது குறையும். தேவையில்லாத பொருள்களை நீங்கள் வாங்குவது  குறையும். இதனால் நீங்கள் சேமிக்கும் தொகை கணிசமாக அதிகரிக்கும். இந்தச் சேமிப்பு எதற்காக என்பதைத் திட்டமிடுங்கள். உதாரணமாக, குழந்தைகளின் கல்வி, புதிய வீடு, கார் அல்லது உள்நாட்டு, வெளிநாட்டு சுற்றுலா செல்ல நீங்கள் திட்டமிட்டுப் பணம் சேர்க்கலாம்.

ஒட்டுமொத்த விகடனுக்கும் ஒரே ஷார்ட்கட்!

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

2. தேவையில்லாத செலவுகளைக் குறையுங்கள்

தேவையில்லாத செலவுகளைக் குறைத்தால், நீங்கள் செலவு செய்யும் பணம் கணிசமாக மிச்சமாகும். நீங்கள் பணத்தைச் சேமிப்பது  பணத்தைச் சம்பாதிப்பதற்குச் சமம் என்பதை நீங்கள் புரிந்துகொண்டாலே போதும்,  தேவையற்ற செலவுகளைத் தானாகவே குறைக்கத் தொடங்கி விடுவீர்கள்.

3. பட்ஜெட் போட ஆரம்பியுங்கள்

புத்தாண்டிற்கான வரவு செலவுத் திட்டத்தைத்  தயாரிக்க இதுவே சரியான நேரமாகும். நீங்கள் தயாரிக்கும் பட்ஜெட்டுக்குள் உங்கள் செலவுகள் இருந்தால், அது உங்கள் நிதி இலக்குகளை அடைவதை உறுதிப்படுத்தும். நினைத்த போதெல்லாம் பொருள்களை வாங்கிக் குவித்தால், உங்கள் வருமானத்தில் பெரும்பகுதி காணாமல்  கடன் வாங்கி, பிரச்னைகளில் சிக்க வேண்டி இருக்கும். நீங்கள் தயாரித்த பட்ஜெட் சரியாக இருக்கிறதா என்பதை ஒவ்வொரு மாதமும் சரிபார்த்து சில மாற்றங்களைச் செய்து மேம்படுத்துங்கள். 

4. உங்கள் குழந்தைகளுடன் பட்ஜெட் தயாரியுங்கள்

உங்கள் பிள்ளைகளுக்குப் பணத்தைச் சேமிப்பதற்கும், தேவையற்ற செலவுகளைக் குறைப்பதற்கும் சொல்லிக்கொடுங்கள்; நிதி தொடர்பான அடிப்படைக் கருத்துகளை உங்கள் குழந்தைகளுக்குக் கற்றுக்கொடுப்பது குடும்பத்தின் நிதி இலக்குகளை  அவர்களுக்குப் புரியவைக்கும். மேலும், அவர்கள் வளர்ந்தபின்பு பணத்தைப் பொறுப்புடன் செலவழிக்கவும் அவர்களுக்குக் கற்றுத் தரும். சேமிப்பு மற்றும் செலவு, முதலீட்டில் அனைவரும் பங்கேற்கும்போது, அதன் பலனை அடைவதில் குடும்ப உறுப்பினர்கள் அனைவரும் பெருமையுடன் பங்கேற்க முடியும். 

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

5.  உடல்நலத்திற்காகக் காப்பீடு எடுங்கள்

குடும்பத்தினரின் ஆரோக்கியத்தை உறுதிப் படுத்த, ஒரு நல்ல நிறுவனத்தில் சிறந்த ஹெல்த் இன்ஷூரன்ஸ் பாலிசியை நீங்கள் எடுப்பது அவசியம். இது அவசர மருத்துவச் செலவுகளினால் ஏற்படும் இழப்பிலிருந்து உங்களைக் காக்க உதவும். இதுவரை ஹெல்த் இன்ஷூரன்ஸ் பாலிசி எடுக்காதவர்கள் இந்த ஆண்டு கட்டாயம் எடுப்பது அவசியம்.

6. குடும்பத்தினரின் பாதுகாப்பை உறுதிப்படுத்துங்கள்

நிதித் திட்டமிடலின்  அடிப்படை அம்சம், ஆயுள்  காப்பீடு (Life insurance) எடுப்பதாகும். நீங்கள் சரியான ஆயுள் காப்பீட்டு பாலிசியை எடுப்பதன்மூலம், உங்கள் குடும்பத்தின் எதிர்காலம் பாதுகாக்கப்படும். குடும்பத்தில் வருமானம் ஈட்டுபவர் இல்லாத நிலையில் குடும்ப உறுப்பினர்கள் வாழ்க்கைத் தரத்தைத் தக்கவைத்துக்கொள்வதற்குத் தேவைப்படும் தொகையைக் கணக்கிட்டு, அந்தத் தொகை அளவுக்கு ஆயுள் காப்பீடு எடுக்கவும். இதற்கு டேர்ம் பிளான் பாலிசிகள் மிகவும் ஏற்றவை. காரணம், குறைந்த பிரிமீயம் தொகையில், அதிக இழப்பீட்டைத் தருபவை டேர்ம் பிளான் பாலிசிகள் மட்டுமே.


7. குழந்தையின் எதிர்காலத் தேவைக்குத் திட்டமிடுங்கள்

தேசிய அளவில் நாங்கள் நடத்திய ஒரு கணக்கெடுப்பின்படி, குழந்தைகள் கல்விக்கான நிதித் திட்டமிடலுக்கு பெரும்பாலான இந்திய பெற்றோர்கள் அதிக  முன்னுரிமை கொடுப்பது தெரிய வந்துள்ளது. இருந்தாலும், பெரும்பாலான பெற்றோருக்கு முறையான நிதித் திட்டமிடல் தெரியவில்லை என்பதால், அவர்கள் குழந்தை களின் உயர்கல்விக்குத் தேவையான தொகையைக் கடனாக வாங்குகிறார்கள். இதனைத் தவிர்க்க, அவர்களின் உயர்கல்விக்குத் தேவைப்படும் முதலீட்டை மேற்கொள்வதை உறுதிப்படுத்த வேண்டும்.

8. கடன்களை அடையுங்கள்

உங்கள் நிதித் திட்டமிடலின் மிகப் பெரிய தடை கடன் ஆகும். சரியான நேரத்தில் உங்கள் கட்டணங்களைச் செலுத்துங்கள்.  நிலுவையிலுள்ள உங்கள் கடன்களை அடையுங்கள். கிரெடிட் கார்டு பாக்கித் தொகைக்கு அதிக வட்டி கட்ட வேண்டும். எனவே, அதனை வாங்குவது கூடாது. அப்படியே வாங்கியிருந்தால், சரியான நேரத்தில் அதை அடைத்துவிடுவது நல்லது. உங்கள் கடன்களை அடைக்க முயற்சி எடுங்கள். இது வட்டிச் செலவைக் குறைக்க உதவும்.

2019 புத்தாண்டு... வாழ்வை வளமாக்கும் 10 நிதி, முதலீட்டு தீர்மானங்கள்!

9. ஓய்வூதியத்திற்காகச் சேமிக்கத் தொடங்குங்கள்

 இருபது வயதிற்குள் நீங்கள் ஓய்வுக்காலத்துக்குச் சேமிக்கத் தொடங்க வேண்டும்.  இதுவரை நீங்கள் செய்யாவிட்டால் 2019-ம் ஆண்டின் தொடக்கத்தி லிருந்து தொடங்கலாம். உங்களின் ஓய்வுக்கால  சேமிப்பு மட்டுமே நீங்க வருமானம் ஈட்டுவதை நிறுத்தியபின் நீங்களும், உங்களைச் சார்ந்தவர்களும் பொருளாதார ரீதியில் தன்னிறைவுடன் வாழ்வதற்கான வாழ்க்கையை அமைத்துத் தரும். பொது சேமநல  நிதி,  தேசிய ஓய்வூதியத் திட்டம்  (NPS) போன்ற  திட்டங்களில் முதலீடு செய்யலாம். தனியார் துறை ஊழியர்கள் இந்த ஆண்டுமுதல் என்.பி.எஸ் திட்டத்தில் சேரும் தீர்மானத்தை எடுத்துச் செயல்படுத்துவது அவசியம்.

10. அவசரகால நிதியை உருவாக்குங்கள்

அவசரத் தேவைக்காக தொகையை உங்கள் சேமிப்பு வங்கிக் கணக்கு அல்லது லிக்விட் மியூச்சுவல் ஃபண்டுகளில் ஒதுக்கி வைத்திருங்கள்.   திடீர் மருத்துவச் செலவுகள் உங்கள் தனிப்பட்ட நிதிகளை எளிதாகப் பாதிக்கக்கூடும். உங்கள் மாதச் செலவைப்போல 24 மடங்கு தொகையை அவசர நிதியாக வைத்திருக்கத் திட்டமிடுங்கள்.  இதில், கடன் மாதத் தவணை தொகையும் சேரும்.

இந்த 10 தீர்மானங்களையும் ஏற்றுக்கொண்டு நீங்கள் செயல்படத் தயாரா?

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism