Published:Updated:

சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!
பிரீமியம் ஸ்டோரி
சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! - 6

சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

ஃபண்ட் வகைகள்... ஒரு பார்வை, சில பரிந்துரை! - 6

Published:Updated:
சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!
பிரீமியம் ஸ்டோரி
சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!
சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

- சொக்கலிங்கம் பழனியப்பன்,
 டைரக்டர், ப்ரகலா வெல்த் மேனேஜ்மென்ட்  (www.prakala.com)

லப்பின ஃபண்டுகள் என ஹைபிரீட் ஃபண்டுகளை அழைக்கலாம். இந்த வகை ஃபண்டுகள் இரண்டு அல்லது அதற்கும் மேற்பட்ட சொத்து வகைகளில் முதலீட்டை மேற்கொள்கின்றன. இந்தவகை ஃபண்டுகளின் ரிஸ்க் அளவு முழுமையான ஈக்விட்டி ஃபண்டுகளைவிட குறைவு. வருமானமும் சற்று குறைவே.

ஹைபிரீட் ஃபண்டுகளை 6 அல்லது 7 வகைகளாக செபி பிரித்துள்ளது. அவற்றில் அக்ரெஸிவ் ஹைபிரீட் ஃபண்டுகளைப் பற்றி இந்த வாரம் காண்போம்.

இந்த வகை ஃபண்டுகள் முன்பு பொதுவாக பேலன்ஸ்டு ஃபண்டுகள் என்று அழைக்கப்பட்டன. தற்போதைய நிலையின்படி, இந்தவகை ஃபண்டுகள் குறைந்தபட்சம் 65%, அதிகபட்சம் 80 சதவிகிதத்தைப் பங்கு மற்றும் பங்கு சார்ந்த முதலீடுகளிலும், எஞ்சியதைக் கடன் சார்ந்த முதலீடுகளிலும் வைத்துக்கொள்ள வேண்டும்.

இந்தக் கடன் சார்ந்த முதலீட்டை சில ஃபண்டுகள், நீண்ட கால அரசாங்க பாண்டுகளில் வைத்துக் கொள்கின்றன. சில ஃபண்டுகள், குறுகிய கால கார்ப்பரேட் பாண்டுகளில் வைத்துக்கொள்கின்றன. அதேபோல சில ஃபண்டுகள், லார்ஜ்கேப் பங்குகளில் மட்டும் பங்கு சார்ந்த முதலீட்டை வைத்துக்கொள்கின்றன; வேறு சில ஃபண்டுகள் மிட் & ஸ்மால்கேப் பங்குகளில் அதிகமான முதலீட்டை வைத்துக்கொள்கின்றன. ஆகவே, இந்த வகை ஃபண்டுகளைத் தங்களது ரிஸ்க் எடுக்கும் திறனுக்கேற்ப தேர்வுசெய்ய வேண்டும்.

சென்ற ஆண்டுகளில் பல ஃபண்ட் நிறுவனங் கள், பேலன்ஸ்டு ஃபண்டுகளில் டிவிடெண்ட் டுக்கான வருமான வரி இல்லாதபோது, மாதாந்திர டிவிடெண்டை அறிமுகப்படுத்தின. அதனால்  இந்த ஃபண்டுகள் நிர்வகிக்கும் தொகை வேகமாக ஏறியது. நடப்பாண்டில் டிவிடெண்டிற்கு 10% வரி, மூலத்தில் பிடித்தம் செய்யப்படும் என்றவுடன், முதலீட்டாளர்கள் யோசிக்கத் தொடங்கினார்கள். மேலும், மாதாந்திர டிவிடெண்ட் நிரந்தரமாகத் தருவது, சந்தை இறங்குமுகத்தில் இருக்கும்போது இயலாதது.

ஒட்டுமொத்த விகடனுக்கும் ஒரே ஷார்ட்கட்!

சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

பங்குச் சந்தை உச்சத்தில் இருக்கும்போது, சில சதவிகிதத்தை எடுத்துக் கடன் சார்ந்த முதலீடு களில் மாற்றிக்கொள்ளும் வசதி இந்தவித ஃபண்டுகளில் ஃபண்டு மேனேஜருக்கு உள்ளது. அதேபோல், பங்குச் சந்தை கரடியின் பிடியில் இருக்கும்போது, பாண்டுகளில் உள்ள சில சதவிகித முதலீட்டை எடுத்து பங்குச் சந்தையில் முதலீடு செய்யும் வசதியும் உள்ளது. ஒருவகையில் ஆட்டோமேட்டிக் பேலன்ஸிங் போல, இது செயல்படும். இதிலுள்ள கடன் சார்ந்த முதலீடு களுக்கும் சேர்த்து, ஈக்விட்டி டாக்ஸேஷன்தான் வரும்.

அக்ரெஸிவ் ஹைபிரீட் ஃபண்டுகளுக்கு டாக்ஸேஷன், பங்கு சார்ந்த ஃபண்டுகளுக்கு உள்ளதுதான். 12 மாதங்களுக்குமேல் வைத்திருந்து ரிடெம்ப்ஷன் செய்யும்போது, வரும் லாபத்தில் வருடத்திற்கு ரூ.1 லட்சம் வரை வரிச் செலுத்த வேண்டாம். அதற்குமேல் உள்ள லாபத்திற்கு 10% வரிச் செலுத்த வேண்டும். 12 மாதத்திற்குள் ரிடெம்ப்ஷன் செய்தால், வரும் லாபத்திற்கு 15% வரிச் செலுத்த வேண்டும்.

இனி, முதலீட்டிற்கு உகந்த சில ஃபண்டுகளை பார்ப்போம். 

ஹெச்.டி.எஃப்.சி ஹைபிரிட் ஈக்விட்டி ஃபண்ட்: ஹெச்.டி.எஃப்.சி பேலன்ஸ்டு ஃபண்ட் என அழைக்கப்பட்ட இதனுடன் ஹெச்.டி.எஃப்.சி பிரீமியர் மல்டிகேப் ஃபண்டும் இணைக்கப்பட்டு, ஹெச்.டி.எஃப்.சி ஹைபிரீட் ஈக்விட்டி ஃபண்ட் எனப்படுகிறது. இதன் ஃபண்ட் மேனேஜர் சிராக் சேத்தல்வத். பங்கு சார்ந்த முதலீடு கிட்டத்தட்ட 69 சதவிகிதமும், எஞ்சியது கடன் சார்ந்த முதலீடு களிலும் உள்ளது. பங்கு சார்ந்த முதலீட்டில், நிதித் துறையில் அதிக முதலீட்டை வைத்துள்ளது. பங்குகளில் ஹெச்.டி.எஃப்.சி பேங்க், இன்ஃபோசிஸ், ஹெச்.டி.எஃப்.சி, ஐ.சி.ஐ.சி.ஐ பேங்க், எல் & டி போன்றவை டாப் ஹோல்டிங்ஸாக உள்ளன.

ஐசிஐசிஐ புரூ ஈக்விட்டி & டெப்ட் ஃபண்ட்: இதன் ஃபண்ட் மேனேஜர்கள் அதுல் படேல், மனீஷ் பாந்தியா, சங்கரன் நரேன். பங்கு சார்ந்த முதலீடு கள் சுமார் 68 சதவிகிதமும், எஞ்சியது கடன் சார்ந்த முதலீடுகளிலும் உள்ளது. பங்கு சார்ந்த முதலீட்டில் நிதித் துறையில் அதிக வெயிட்டேஜ் இருந்தபோதும், 16 சதவிகிதம்தான் உள்ளது.

வேல்யூ ஸ்டைல் முதலீட்டு முறையில் இந்த ஃபண்ட் முதலீடு செய்வதால், எனர்ஜி, மெட்டல்ஸ், டெக்னாலஜி, கம்யூனிகேஷன் போன்ற துறைகளில் அதிகமான வெயிட்டேஜைக் கொண்டுள்ளது. அதனால்தான் இந்த ஃபண்டின் வேல்யூவேஷன் பேராமீட்டர்களும் குறைவாக உள்ளன. ஐ.சி.ஐ.சி.ஐ பேங்க், ஏர்டெல், எஸ்.பி.ஐ, ஐ.டி.சி, வேதாந்தா போன்றவை பங்கு சார்ந்த முதலீட்டில் டாப் ஹோல்டிங்களாக உள்ளன.

சராசரி ரிஸ்க், சராசரி வருமானம்... அக்ரெஸிவ் ஹைபிரீட் ஃபண்டுகள்!

மிரே அஸெட் ஹைபிரீட் ஈக்விட்டி ஃபண்ட்: 2015-ல் இந்த ஃபண்ட் தொடங்கப்பட்டது. இதன் ஃபண்ட் மேனேஜர்கள் நிலேஷ் சுரானா, மகேந்திர குமார் ஜாஜு மற்றும் சுதிர் கேடியா. பங்கு சார்ந்த முதலீட்டில் ஃபைனான்ஸ், எனர்ஜி மற்றும் டெக்னாலஜி இதன் டாப் துறை சார்ந்த முதலீடுகள். ஹெச்.டி.எஃப்.சி பேங்க், ரிலையன்ஸ் இண்டஸ்ட்ரீஸ், ஐ.சி.ஐ.சி.ஐ பேங்க், ஆக்ஸிஸ் பேங்க், எல்&டி போன்றவை இதன் டாப் பங்கு முதலீடுகள். 

பிரின்சிபல் ஹைபிரீட் ஈக்விட்டி ஃபண்ட்:  குறைவான நிர்வகிக்கும் தொகையைக் கொண்டது. இதன் ஃபண்ட் மேனேஜர்கள் பி.வி.கே மோகன், பெக்கி குரியகோஸ். பங்கு சார்ந்த முதலீட்டில் நிதி, எஃப்.எம்.சி.ஜி, எனர்ஜி துறைகளில் இதன் வெயிட்டேஜ் அதிகம். பங்குகளில் குறிப்பாக ஹெச்.டி.எஃப்.சி பேங்க், ரிலையன்ஸ் இண்டஸ்ட்ரீஸ் மற்றும் ஐ.சி.ஐ.சி.ஐ பேங்கில் அதிக முதலீட்டை வைத்துள்ளது.

எஸ்.பி.ஐ ஈக்விட்டி ஹைபிரீட் ஃபண்ட்: அக்ரெஸிவ் ஹைபிரீட் ஃபண்டுகளில் மிக அதிகமான தொகையை நிர்வகிக்கும் ஃபண்ட் இது. இதன் ஃபண்ட் மேனேஜர்கள் தினேஷ் அஹுஜா, ஆர்.ஸ்ரீனிவாசன். பங்கு சார்ந்த முதலீட்டில் சுமார் 68 சதவிகிதமும், எஞ்சியது கடன் சார்ந்த முதலீடுகளிலும் உள்ளது.

பங்கு சார்ந்த முதலீட்டில் நிதி, சர்வீசஸ், டெக்னாலஜி இதன் டாப் ஹோல்டிங்ஸாக உள்ளன. ஹெச்.டி.எஃப்.சி பேங்க், எஸ்.பி.ஐ, கோட்டக் பேங்க் இதன் டாப் ஈக்விட்டி ஹோல்டிங்களாக உள்ளன. மத்திய அரசு, ஐ.சி.ஐ.சி.ஐ பேங்க், இண்டஸ்இண்ட் பேங்க் போன்றவற்றின் பாண்டுகள் இதன் டாப் டெப்ட் ஹோல்டிங்களாக உள்ளன. இதன் ஃபண்ட் மேனேஜர்கள் ருபேஷ் படேல், என்னட்டீ ஃபெர்னாண்டஸ்.

(அலசுவோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism