Published:Updated:

பாட்டா இந்தியா, ஐ.டி.சி... காலாண்டு ரிசல்ட் எப்படி? முக்கிய நிறுவனங்களின் 3-ம் காலாண்டு முடிவுகள்!

காலாண்டு முடிவுகள்
பிரீமியம் ஸ்டோரி
News
காலாண்டு முடிவுகள்

Q 3 R E S U L T S

நடப்பு 2020-21-ம் நிதியாண்டின் மூன்றாம் காலாண்டு முடிவுகளை நிறுவனங்கள் வெளியிட்டு வருகின்றன. சில முக்கிய நிறுவனங்களின் டிசம்பர் காலாண்டு முடிவுகள் இங்கே...

ஹிண்டால்கோ (Hindalco)

அலுமினியம், காப்பர் போன்ற மெட்டல் உற்பத்தியில் முன்னணி நிறுவனமான இது, கடந்த டிசம்பர் காலாண்டில் இதன் நிகர வருவாய் சென்ற ஆண்டில் இதே காலாண்டுடன் ஒப்பிட்டால் 19.73% உயர்ந்து, ரூ.34,958 கோடியாக உள்ளது. நிகர லாபம் 1,061 கோடியிலிருந்து 1,877 கோடி ரூபாயாக உயர்ந்துள்ளது.

இதன் எபிட்டா 50.81% உயர்ந்து, ரூ5,521 கோடியாக உள்ளது. ஒரு பங்கு வருமானம் (இ.பி.எஸ்) 4,77 ரூபாய் என்கிற கடந்த ஆண்டு அளவில் இருந்து 8.44 ரூபாயாக அதிகரித்துள்ளது.

சிறப்பான காலாண்டு முடிவுகள் காரணமாக இந்தப் பங்கு இந்த ஆண்டின் உட்சபட்ச விலையான ரூ.297 என்கிற அளவுக்கு உயர்ந்து வர்த்தகமாகி வருகிறது.

திலீப் பில்டுகான் (Dilip Buildcon)

சாலைக் கட்டுமானத்தில் முன்னணி நிறுவனமான இது, கடந்த டிசம்பர் காலாண்டில் நிகர வருவாயாக ரூ.2,746.2 கோடி ஈட்டியுள்ளது. நிகர லாபமாக ரூ.182.23 கோடியைப் பெற்றுள்ளது. சென்ற காலாண்டில் அந்த நிறுவனம் நிகர வருவாயாக ரூ.2,564.4 கோடியும் நிகர லாபமாக ரூ.88.07 கோடியும் ஈட்டியிருந்தது.

இந்த நிறுவனப் பங்கின் விலை மத்திய பட்ஜெட்டுக்குப் பிறகு, 40 சதவிகிதத்துக்குமேல் உயர்ந்துள்ளது. கட்டுமானத் துறையில் அதிக நிதி ஒதுக்கீடு செய்யப்பட்டிருப்பது இந்த நிறுவனத்துக்கு லாபமாக அமையும் என்று கருதப்படுகிறது. இந்த நிறுவனமும் சாலைக் கட்டுமானம் மட்டுமன்றி, அணை கட்டுதல், வேளாண்மைத் தொடர்பான வேலைகள் போன்ற பிற துறைகளிலும் கவனம் செலுத்தத் தொடங்கியிருப்பது இதற்கு அதிக வருமானத்தைக் கொடுப்பதற்கு வாய்ப்பளிக்கிறது என்பது வல்லுநர்களின் கருத்தாக உள்ளது.

காலாண்டு முடிவுகள்
காலாண்டு முடிவுகள்

ஐ.டி.சி (ITC)

சிகரெட் உற்பத்தி, நுகர்வோர் பொருள்கள் உற்பத்தி, ஹோட்டல் போன்ற பல்துறை சார்ந்த நிறுவன மான இது டிசம்பர் காலாண்டில் ரூ.526.55 கோடியை நிகர லாபமாகவும், ரூ.14,124.48 கோடியை மொத்த வருவாயாகவும் ஈட்டியுள்ளது. இது சென்ற ஆண்டில் இதே காலாண்டில் ரூ.3,975.54 கோடி நிகர லாபமாகவும், ரூ.13,307.54 கோடி நிகர வருவாயாகவும் ஈட்டியிருந்தது.

மேலும், பங்கு ஒன்றுக்கு 5 ரூபாய் இடைக்கால டிவிடெண்டை இந்த நிறுவனம் வழங்குகிறது. தொடர்ந்து அதிக டிவிடெண்ட் வருமானம் கொடுக்கும் நிறுவனமாக ஐ.டி.சி விளங்குகிறது.

கோல் இந்தியா (Coal India)

நிலக்கரி உற்பத்தியில் அரசு சார்பு முன்னணி நிறுவனமான இது, இந்த நிறுவனத்தின் மொத்த விற்பனை மூன்றாம் காலாண்டில் ரூ.23,686.03 கோடியாக உள்ளது. இது கடந்த டிசம்பர் 2019 காலண்டுடன் ஒப்பிட்டால் 2.14% அதிகம் ஆகும்.

இதன் நிகர லாபம் ரூ.3,085.39 கோடியாகவும் எபிட்டா 8.88% குறைந்து, ரூ.5,813.37 கோடியாகவும் உள்ளது.

வா டெக் வாபாக் (Va Tech Wabag)

நீர் மேலாண்மையில், சென்னை யைத் தலைமையிடமாகக் கொண்ட முன்னணி நிறுவனமான இது, டிசம்பர் காலாண்டில் ரூ.41.78 கோடியை நிகர லாபமாகவும், ரூ.796.02 கோடியை மொத்த வருவாயாகவும் ஈட்டியுள்ளது. இது சென்ற ஆண்டில் இதே காலகட்டத்தில் ரூ.30.78 கோடி நிகர லாபமாகவும், ரூ.679.44 கோடி நிகர வருவாயாகவும் ஈட்டியிருந்தது. இதன் எபிட்டா 5.29% உயர்ந்து, ரூ.73.8 கோடியாக உள்ளது. இந்த நிறுவனப் பங்கின் இ.பி.எஸ் ரூ.6.47 என்கிற அளவில் இருந்து 8.55 ரூபாய் ஆக அதிகரித்துள்ளது.

ஜீ மீடியா (Zee Media)

தொலைக்காட்சி ஊடகத் துறையில் முன்னணி நிறுவனமான இது, கடந்த டிசம்பர் காலாண்டில் மொத்த வருவாய் 18.27% உயர்ந்து, ரூ. 84.39 கோடி கோடியாக உள்ளது. நிகர லாபம் 118.94% உயர்ந்து, ரூ.181.87 கோடியாக உள்ளது. சந்தை வல்லுநர்களின் எதிர்பார்ப்பைக் காட்டிலும் அதிக லாபத்தை இந்த நிறுவனம் ஈட்டியுள்ளது. அதன் எபிட்டா 31.82% உயர்ந்து, ரூ.69.31 கோடியாக உள்ளது.

பிரெஸ்டிஜ் எஸ்டேட்ஸ் (Prestige Estates)

கட்டுமானத் துறையில் முன்னணி நிறுவனமான இது, கடந்த டிசம்பர் காலாண்டில் ரூ.59.60 கோடியை நிகர லாபமாகவும், ரூ.1,875.00 கோடியை மொத்த வருவாயாகவும் ஈட்டியுள்ளது. இது கடந்த காலாண்டைக் காட்டிலும் நிகர வருவாயில் 2.49% மற்றும் நிகர லாபத்தில் 46.11% குறைவாகும்.

க்ராபைட் இந்தியா (Graphite India)

க்ராபைட் உற்பத்தியில் இந்தியாவில் உள்ள இரண்டு நிறுவனங்களில் ஒன்று. கடந்த டிசம்பர் காலாண்டில் ரூ.23 கோடியை நிகர லாபமாகவும், ரூ.499 கோடியை மொத்த வருவா யாகவும் ஈட்டியுள்ளது.

இது சென்ற காலாண்டில் ரூ.353 கோடி நிகர லாபமாகவும், ரூ.643 கோடி நிகர வருவாயாகவும் ஈட்டியிருந்தது. எபிட்டா ரூ.68 கோடியாக உள்ளது. நிறுவனப் பங்கின் இ.பி.எஸ் 18.08 ரூபாய் என்கிற கடந்த ஆண்டு அளவில் இருந்து, 1.19 ரூபாயாகக் குறைந்துள்ளது.

காலாண்டு முடிவுகள்
காலாண்டு முடிவுகள்

பாட்டா இந்தியா (Bata India)

காலணி உற்பத்தியில் முன்னணி நிறுவனமான இது, கடந்த டிசம்பர் காலாண்டில் ரூ.26.42 கோடியை நிகர லாபமாகவும், ரூ.615.63 கோடியை மொத்த வருவாயாகவும் ஈட்டியுள்ளது. இது சென்ற ஆண்டில் இதே காலாண்டில் ரூ.830.82 கோடி நிகர வருவாயாகவும், ரூ.118.27 கோடி நிகர லாபமாகவும் ஈட்டியிருந்தது.

ஷேர்கான் தரகு நிறுவனம் ரூ.1,765 என்ற இலக்கு விலையை நிர்ணயித்து இந்தப் பங்கை வாங்குவதற்கான விலையைப் பரிந்துரை செய்துள்ளன.


அரபிந்தோ பார்மா (Aurobindho Pharma)

பார்மா துறையில் முன்னணி நிறுவனம். மூன்றாம் காலாண்டில் ரூ.2,946.46 கோடி லாபத்தை ஈட்டியுள்ளது. இது கடந்த காலத்துடன் ஒப்பிட்டால், 317.67% அதிகமாகும். மொத்த வருவாயும் 7.97% உயர்ந்து, ரூ.6,364.91 கோடியாக உள்ளது. இதன் எபிட்டா 21.23% உயர்ந்து, ரூ.1,501.98 கோடியாக உள்ளது. தடுப்பூசி தயாரிப்பதில் பிரத்யேகக் கவனத்தை இந்த நிறுவனம் செலுத்தி வருகிறது. தடுப்பூசி விற்பனையில் இந்த ஆண்டின் விற்பனை அளவு ரூ.38 என்ற அளவில் உள்ளது. இது அடுத்த ஆண்டு ரூ.65 - 70 கோடி என்ற அளவுக்கு உயரும் என்று கணிக்கப்பட்டுள்ளது.

டைட்டன் கம்பெனி (Titan Company)

வாட்ச்சுகள், கண் கண்ணாடி, அலங்காரப் பொருள்கள் தயாரிப்பில் முன்னணி நிறுவனமான இது, இந்தக் காலாண்டில் ரூ.525.00 கோடியை (10.61% உயர்வு) நிகர லாபமாகவும், ரூ.7,619.00 கோடியை மொத்த வருவாயாகவும் (16.72% உயர்வு) ஈட்டியுள்ளது. இதன் எபிட்டா 13.69% உயர்ந்து, ரூ.888 கோடியாக உள்ளது . இந்த நிறுவனப் பங்கின் இ.பி.எஸ் 5.35 ரூபாய் என்கிற கடந்த ஆண்டு அளவில் இருந்து 5.92 ரூபாயாக அதிகரித்துள்ளது.

இந்த நிறுவனப் பங்குகளை வாங்க ஷேர்கான் தரகு நிறுவனம் ரூ.1,710 என்ற இலக்கு விலையை (தற்போதைய விலையைவிட 15% அதிகம்) நிர்ணயித்துள்ளது.

அப்போலோ ஹாஸ்பிடல்ஸ் (Apollo Hospitals)

சென்னையைத் தலைமை இடமாகக் கொண்ட முன்னணி மருத்துவ மனை குழுமமான இது, கடந்த டிசம்பர் காலாண்டில் நிகர லாபமாக ரூ.118.62 கோடியை ஈட்டியுள்ளது. இதன் நிகர வருவாயாக ரூ.2,759.84 கோடி ஈட்டியுள்ளது. சமீபத்தில் அப்போலோ நிறுவனம், தகுதி வாய்ந்த பெரு முதலீட்டாளர்களிடமிருந்து ரூ.1,170 கோடி நிதி திரட்டியது. பங்கின் விலையாக ரூ.2,511 என்று விலை நிர்ணயம் செய்யப் பட்டு இருந்தது. 12.5 மடங்கு அதிகமாக விண்ணப்பிக்கப்பட்ட இது முதலீட் டாளர்களிடம் மகத்தான வரவேற்பைப் பெற்றது.

மேலும், அப்போலோ மருத்துவமனை கொரோனா தடுப்பூசி செலுத்துவதில் நாட்டில் முன்னணியில் உள்ளது. நமது நாட்டில் 27 இடங்களில் அப்போலோ தடுப்பூசி கிளினிக்குகள் அமைத்து, முன்களப் பணியாளர்களுக்குத் தடுப்பூசி செலுத்துவதில் முக்கிய இடம் வகிக்கிறது.

சன் டிவி நெட்வொர்க் (Sun TV Network)

தொலைக்காட்சி ஊடகத் துறையில் சென்னையைத் தலைமையிடமாகக் கொண்ட முன்னணி நிறுவனமான இது, கடந்த டிசம்பர் காலாண்டில் ரூ.445.54 கோடியை நிகர லாபமாகவும், ரூ.994.14 கோடியை மொத்த வருவாயாகவும் ஈட்டியுள்ளது.

ஐ.சி.ஐ.சி.ஐ டைரக்ட் நிறுவனம் சன் டிவி பங்கு 570 ரூபாய் அளவுக்கு உயரும் என்று கணித்துள்ளது. கடந்த திங்கள் சந்தை முடிவில் இதன் பங்கு 518.95 என்ற விலையில் வர்த்தகமானது. பங்கு ஒன்றுக்கு ரூ.5 டிவிடெண்ட் வழங்குகிறது.

ஷோபா டெவலப்பர்ஸ் (Sobha Developers)

கட்டுமானத் துறையில் முன்னணி நிறுவனம். மூன்றாம் காலாண்டில் 21.6 கோடி ரூபாயை நிகர லாபமாகவும் (70% கடந்த ஆண்டோடு ஒப்பிட்டால் குறைவு), 696.3 கோடி ரூபாயை மொத்த வருவாயாகவும் ஈட்டியுள்ளது. கடந்த ஆண்டில் இதே காலகட்டத்தில் அதன் வருவாய் 901.2 கோடியாக இருந்தது.

தொகுப்பு: பிரமேஷ் எஸ்

பிட்ஸ்

டந்த 2020-ம் ஆண்டில் இந்தியாவில் இருந்து அமெரிக்கா வுக்கு ஏற்றுமதி ஆகும் பொருள்களின் மதிப்பு 11.3% அளவுக்குக் குறைந்து உள்ளது. எனினும், கடந்த டிசம்பரில் இது அதிகரித்து உள்ளது.