Published:Updated:

சோம.வள்ளியப்பன்

எழுத்தாளர், பயிற்சியாளர், ஆலோசகர்

Soma Valliappan
Soma Valliappan

கேட்டரிங் டெக்னாலஜி (DHMCT), BA பொருளாதாரம், PG DPMIR (மனிதவளம்), MBA (மனிதவளம் & மார்கெட்டிங்) படித்திருக்கும் சோம வள்ளியப்பன் சென்னை பல்கலைக்கழகத்தில், எமோஷனல் இன்டெலிஜென்ஸ் துறையில் ஆய்வுசெய்து, Ph.D. முடித்து, டாக்டர் பட்டம் பெற்றவர். மேலும் இவர் NLP-யில் மாஸ்டர் பிராக்டிஷனர்.

BHEL, வேர்ல்பூல், பெப்சிகோ, டாக்டர் ரெட்டீஸ் பவுண்டேஷன், நவியா, ஆகிய நிறுவனங்களில் 30 ஆண்டுகள் மனிதவளத்துறையில் பணியாற்றியவர்.

BIM, IFMR, GLIM, AIMS போன்ற பல்வேறு மேலாண்மைக் கல்வி நிறுவனங்களில் சிறப்பு சொற்பொழிவுகள் ஆற்றி வருபவர்.

500-க்கும் மேற்பட்ட பயிற்சி வகுப்புகள் நடத்திய அனுபவம் மிக்கவர். செபி, தேசிய பங்குச்சந்தை, மும்பை பங்குச்சந்தை மற்றும் பல்வேறு சேம்பர் ஆப் காமர்ஸ்களுக்காகவும் முதலீட்டாளர் விழிப்புணர்வு பயிலரங்கங்கள் நடத்தியிருக்கிறார்.

அள்ள அள்ளப் பணம், இட்லியாக இருங்கள், ஆளப்பிறந்தவர் நீங்கள், நாட்டுக் கணக்கு, ரசவாதம், அதிர்ந்த இந்தியா உட்பட தமிழில் 57 புத்தகங்களும், You Vs you மற்றும் Bulls & Bears- all about shares என்ற தலைப்புகளில் இரண்டு ஆங்கிலப் புத்தகங்களும் எழுதியிருக்கிறார். பங்குச்சந்தை குறித்து இவர் எழுதிய அள்ள அள்ளப் பணம் ஒன்றரை லட்சம் பிரதிகள் விற்று சாதனை படைத்திருக்கிறது.

தமிழக அரசின் தமிழ் வளர்ச்சித்துறையின் பரிசு, நெய்வேலி புத்தக காட்சியின் சிறந்த எழுத்தாளர் பரிசு, ஏர்வாடி இராதாகிருஷ்ணன் பரிசு, கவிதை உறவு பரிசு மற்றும் ISTD பரிசு ( You Vs You புத்தகத்திற்கு) ஆகியவை இவர் எழுத்துக்கு கிடைத்த அங்கீகாரங்களில் சில.

ஆனந்தவிகடன், குமுதம், கல்கி, நாணயம் விகடன், குமுதம் சினேகிதி, அமுதசுரபி, புதிய தலைமுறை, நமது நம்பிக்கை ஆகிய இதழ்களில் 20 தொடர்களும், தினமணியில் 40 க்கும் மேற்பட்ட நடுப்பக்க கட்டுரைகளும் எழுதியிருப்பவர். தற்போது தினத்தந்தியில் பொருளாதாரக் கட்டுரைகள் எழுதி வருகிறார்.

ஸ்டார் விஜய், சன், சன் நியூஸ், புதிய தலைமுறை, பொதிகை, கலைஞர் , மக்கள் டி.வி. ஆகிய தொலைக்காட்சி நிகழ்ச்சிகளில் பங்கேற்று பொருளாதாரம் மற்றும் நிர்வாகம் குறித்த கருத்துகளை பதிவுசெய்து வருபவர்.