Published:Updated:

முதலீட்டுக்குமுன்... முக்கியமான மூன்று விஷயங்கள்!

முதலீடு

பிரீமியம் ஸ்டோரி

ருவர் முதலீடு செய்யும்முன், சேமிப்பு மற்றும் முதலீடு இரண்டுக்கும் உள்ள வித்தியாசத்தை முதலில் புரிந்துகொள்ள வேண்டும். சேமிப்பு என்பது உங்கள் பணத்தை உண்டியல் அல்லது வங்கிக் கணக்கில் போட்டுவைப்பதற்குச் சமம். ஆனால், இதே பணத்தை அதிக வருமானம் தரும் திட்டங்களில் போடுவதுதான் முதலீடு எனப்படும்.

முதலீட்டுக்குமுன்...  முக்கியமான மூன்று விஷயங்கள்!

அடுத்து, பணவீக்க விகிதம் எத்தனை சதவிகிதம் இருக்கிறது என்பதைக் கவனிப்பது. பணவீக்கத்தைவிட அதிக வருமானம் தரும் திட்டம் எது என்பதைக் கவனித்து, அந்தத் திட்டத்தில் முதலீட்டை ஆரம்பிக்க வேண்டும்.

அடுத்ததாக, இந்த முதலீட்டின்மூலம் கிடைக்கும் வருமானம் மீது எவ்வளவு வரி விதிக்கப்படுகிறது என்பதைக் கவனிப்பது முக்கியம். உதாரணமாக, ஃபிக்ஸட் டெபாசிட்டில் முதலீடு செய்தால், அது எத்தனை ஆண்டு காலத் திட்டமாக இருந்தாலும், உங்களின் அடிப்படை வருமான வரி வரம்புக்கேற்ப அதற்கு வரி விதிக்கப்படும்.

இதுவே பங்குச் சந்தை அல்லது பங்குச் சந்தை சார்ந்த ஃபண்ட் என்கிறபோது, ஆதாயத்துக்கு நிதியாண்டில் ரூ.1 லட்சம் வரைக்கும் வருமான வரி கிடையாது. அதற்கு மேற்பட்ட லாபத்துக்கு 10% மட்டுமே வரி செலுத்த வேண்டியிருக்கும்.

இனியாவது சேமிப்பு என்பதைத் தாண்டி முதலீடு செய்யத் தொடங்குங்கள். அப்படி முதலீடு செய்யும்போது இந்த மூன்று விஷயங்களையும் கவனித்து முதலீடு செய்யுங்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு