Published:Updated:

“சம்பளம் உயரும்போது எஸ்.ஐ.பி முதலீட்டை அதிகரிப்பேன்!”

நானும் எஸ்.ஐ.பியும்:
பிரீமியம் ஸ்டோரி
News
நானும் எஸ்.ஐ.பியும்:

நானும் எஸ்.ஐ.பியும்!

லரும் செய்யும் மிகப் பெரிய தவறு, சம்பளம் உயரும்போது செலவுகளையும் அதிகப்படுத்திவிடுவதுதான். ஆனால், சென்னை நங்கநல்லூரைச் சேர்ந்த பி.எஸ்.கோதண்டராமன் அந்தத் தவற்றைச் செய்யவில்லை. சம்பளம் உயரும்போதெல்லாம் இலக்குகளுக்கான எஸ்.ஐ.பி முதலீட்டை அதிகப்படுத்தி வந்துள்ளார். 63 வயதாகும் இவர், பணி ஓய்வுக்குப்பிறகும் ஐ.டி கம்பெனி ஒன்றில் வேலை பார்த்து வருகிறார். 20 வருடங்களுக்குமுன் ஆரம்பித்த மியூச்சுவல் ஃபண்ட் எஸ்.ஐ.பி முதலீட்டை இப்போதும் தொடர்ந்து வருகிறார்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
“சம்பளம் உயரும்போது
எஸ்.ஐ.பி முதலீட்டை 
அதிகரிப்பேன்!”

“சும்மா இருக்கப் பிடிக்காமல் பணி ஓய்வுக்குப் பிறகும் வேலைக்குச் சென்றுவருகிறேன். ஒரே மகளுக்குக் கல்யாணமாகி விட்டது. மியூச்சுவல் ஃபண்ட் முதலீட்டை 20 ஆண்டுகளுக்குமுன் மாதம் 2,000 ரூபாயில் ஆரம்பித்தேன். என் மகள் கல்யாணம் மற்றும் என் ஓய்வுக்காலத்துக்கு எஸ்.ஐ.பி முறையில் முதலீடு செய்துவந்தேன். நீண்ட காலத்தில் பங்குச் சந்தை சார்ந்த மியூச்சுவல் ஃபண்டுகள் நல்ல வருமானம் கொடுக்கும் என என் நிதி ஆலோசகர் ‘ஷான்வெல்த்’ சண்முகம் தெரிவித்தார். மேலும், இந்த முதலீட்டில் நீண்ட காலத்தில் ரிஸ்க் பரவலாக்கப்படும் என விளக்கினார். ரூ.2,000 எஸ்.ஐ.பி-யை சில ஆண்டுகளில் ரூ.5,000-ஆக உயர்த்தினேன். இதன்பிறகு சம்பளம் உயர உயர, எஸ்.ஐ.பி முதலீட்டுத் தொகையை அதிகரித்து வந்தேன்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

“சம்பளம் உயரும்போது
எஸ்.ஐ.பி முதலீட்டை 
அதிகரிப்பேன்!”

நான் சம்பாதிக்கிற பணத்தில் சேமிப்பு போக உள்ள பணத்தை மட்டுமே செலவு செய்வேன். என் சம்பளத்தில் குறைந்தபட்சமாக 40 சதவிகிதத்தை முதலீடு செய்யவேண்டும் என்கிற கொள்கையைத் தொடர்ந்து பின்பற்றி வருகிறேன்.

என் மகள் திருமணத்தை, மியூச்சுவல் ஃபண்ட் எஸ்.ஐ.பி முதலீட்டின்மூலமாகக் கிடைத்த லாபத்தைக்கொண்டே அமோகமாக நடத்தினேன். 20 வருட முதலீட்டின்மூலம் என் ஓய்வுக்கால தேவைக்குப் போதுமான தொகுப்பு நிதி இருக்கிறது. இருந்தாலும், சும்மா இருக்கப் பிடிக்காமல் வேலைக்குச் சென்றுவருகிறேன். ஆறு மாதத்துக்கு ஒருமுறை நான் முதலீடு செய்யும் ஃபண்டுகளின் செயல்பாட்டை ஆராய்ந்து, தேவைப்பட்டால் சில மாற்றங்களைச் செய்கிறேன்’’ என்றார்.

மியூச்சுவல் ஃபண்டில் நீண்ட கால முதலீடு நல்ல வருமானம் தரும் என்பதற்கு இவர் மிகச் சிறந்த எடுத்துக்காட்டு!

உங்களின் எஸ்.ஐ.பி முதலீட்டு அனுபவங்களை finplan@vikatan.com என்ற மெயிலுக்கு அனுப்பிவைக்கலாம்.