Published:Updated:

மியூச்சுவல் ஃபண்ட்... ஆண்டுக்கு ஒருமுறை புதிய திட்டத்துக்கு மாறுவது சரியா?

கேள்வி - பதில்
பிரீமியம் ஸ்டோரி
கேள்வி - பதில்

கேள்வி - பதில்

மியூச்சுவல் ஃபண்ட்... ஆண்டுக்கு ஒருமுறை புதிய திட்டத்துக்கு மாறுவது சரியா?

கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

முருகேஷ் குமார், கொச்சி.

ஒரே மியூச்சுவல் ஃபண்டில் வருடா வருடம் முதலீடு செய்யலாமா அல்லது வருடத்துக்கு ஒரு புதிய ஃபண்டில் முதலீடு செய்யலாமா? எது லாபகரமாக இருக்கும்?

எஸ்.சீனிவாசன், நிதித் திட்டங்கள். விநியோகஸ்தர், www.moneykare.com

“மியூச்சுவல் ஃபண்ட் முதலீடு சிறு முதலீட்டாளர்களின் வாழ்க்கை இலக்குகளை அடைவதற்கு உதவுகிறது. ஒவ்வொரு மியூச்சுவல் ஃபண்ட் நிறுவனமும் பல்வேறு திட்டங்களைக் கொண்டுள்ளன. முதலீட்டாளர்களின் நீண்ட கால இலக்குகளை நிறைவேற்ற லார்ஜ்கேப் ஃபண்டுகள், மிட்கேப் ஃபண்டுகள், ஸ்மால்கேப் மற்றும் துறை சார்ந்த ஃபண்டுகளில் முதலீடு செய்யலாம். இந்தத் திட்டங்களில் முறையாகத் தொடர்ந்து முதலீடு செய்வதன் மூலம் மட்டுமே இலக்கை அடைய முடியும். ஆனால், முதலீட்டாளர் ஒவ்வோர் ஆண்டும் வெவ்வேறு திட்டங்களில் முதலீடு செய்தால், ஒவ்வொரு திட்டத்தின் செயல்திறனைக் கண்காணிப்பது மிகவும் கடினம். அதுமட்டும் அல்லாமல், இலக்கு அடிப்படை யிலான சேமிப்பின் நோக்கத்தையும் நீர்த்துப்போகச் செய்துவிடும். இது வருமானத்தை மட்டுமே துரத்தி, அதிக ரிஸ்க் எடுப்பது போன்றது.

எனவே, நீங்கள் தேர்ந்தெடுத்த திட்டங்களில் மட்டுமே தொடர்ந்து முதலீடு செய்யுங்கள், வருடா வருடம் புதுத் திட்டங்களில் முதலீடு செய்வதைத் தவிர்ப்பது நல்லது. டாப் ஃபண்டுகள் பெரும்பாலும் ஆண்டுக்கு ஆண்டு மாறிக் கொண்டிருக்கும்; மேலும் சில ஃபண்டுகள் சில ஆண்டுகளில் அந்தப் பட்டியலிலிருந்துகூட காணாமல் போய்விடும். எனவே, சிறப்பாகச் செயல்படும் ஃபண்டுகளில் தொடர்ந்து முதலீடு செய்து வந்தால்தான் நிதி இலக்குகள் சரியாக நிறைவேறும்.”

மியூச்சுவல் ஃபண்ட்... ஆண்டுக்கு ஒருமுறை புதிய திட்டத்துக்கு மாறுவது சரியா?

கண்ணன் சுடலை முத்து, முகநூல் மூலம்.

என் மகளின் திருமணச் செலவுகளுக்காக இன்னும் 10 முதல் 15 ஆண்டுகள் கழித்து பணம் தேவைப்படும். நான் எந்த மாதிரியான மியூச்சுவல் ஃபண்டில் முதலீடு செய்து வர வேண்டும்?

ஶ்ரீகாந்த் மீனாட்சி, இணை நிறுவனர், Primeinvestor.in

“எந்த ஃபண்டுகளில் முதலீடு செய்வது என்பதற்கு முன்பாக எவ்வளவு தொகை தேவைப்படும், அதற்கு எவ்வளவு முதலீடு செய்தால் சரியாக இருக்கும் என்ற விஷயத்தை முதலில் கணித்துக் கொள்ளவும். உதாரணத்துக்கு, ஒரு திருமணத் துக்குச் செலவு (இன்றைய மதிப்பில்) ரூ.10 லட்சம் தேவை என்றால், அது 15 வருடங்களில் ரூ.24 லட்சமாக இருக்கும் (6% பண வீக்கம் என்ற அடிப்படை யில்). அதற்கு நீங்கள் மாதம் சுமார் ரூ.6,000 முதலீடு செய்தால் சரியாக இருக்கும்.

இந்த மாதிரியான நீண்ட கால முதலீடுகளுக்கு பாதி தொகையை ஒரு நிஃப்டி 100 குறியீட்டு ஃபண்டிலும், மீதி பாதியை ஒரு ஃப்ளெக்ஸிகேப் ஃபண்டிலும் முதலீடு செய்து வரலாம். ஆக்ஸிஸ் நிஃப்டி 100 ஃபண்டையும், யு.டி.ஐ ஃப்ளெக்ஸிகேப் ஃபண்டையும் தேர்வு செய்யலாம்.”

சிரஞ்சீவி, முகநூல் மூலம்.

இ.பி.எஸ் மற்றும் பி.இ விகிதத்தை (EPS & PE Ratio) ஒரு நிறுவனப் பங்கு முதலீட்டுக்கு எப்படித் தேர்வு செய்வது?

தி.ரா.அருள்ராஜன், பங்குச் சந்தை பயிற்சியாளர்- www.ectra.in

“ஒரு நிறுவனம் நிதி ரீதியாக ஆரோக்கியமாக இருக்கிறதா, வளர்ச்சி நிலையில் இருக்கிறதா மற்றும் தற்போது அதன் பங்கு விலை மலிவாக உள்ளதாக அல்லது அதிகமாக உள்ளதா என்பதை அனுமானம் செய்வதற் கான காரணிகள்தான் இவை. பொதுவாக, ஒரு நிறுவனத்தை அடிப்படை பகுப்பாய்வு செய்யும் போது, அதில் ஆய்வு செய்வதற்கு உபயோகப்படுத்தப்படும் பல்வேறு காரணிகளில் இவை இரண்டும் முக்கியமானதாகும். ஆனாலும், இதை முறையாக மற்றும் முழுமை யாக அறிந்து செயல்படுவதே நல்லது. இருந்தாலும், இங்கு அதைப் பற்றிய சிறு குறிப்புகளைக் கொடுக்கிறேன்.

இ.பி.எஸ் என்பது ஒரு பங்கு சம்பாதிக்கும் மதிப்பின் அளவு. இம்மதிப்பானது, ஆண்டுக்கு ஆண்டு கூடுதலாக இருக்கும் பட்சத்தில், அந்த நிறுவனம் நிதி ரீதியாக ஆரோக்கியமாக இருப்ப தாக எடுத்துக் கொள்ளலாம்.

பி.இ ரேஷியோ என்பது தற்போ தைய சந்தை விலை, இ.பி.எஸ் மதிப்பை ஒப்பிட்டுப் பார்க்கும் போது, எத்தனை மடங்காக உள்ளது என்பதைக் குறிப்பது ஆகும். பொதுவாக, ஒரு நிறுவனத் தின் பி.இ மதிப்பு அதன் செக்டார் பி.இ மதிப்பைவிட கூடுதலாக இருந்தால் விலை அதிகமாக இருப்பதாகவும், குறைவாக இருந்தால், விலை மலிவாக இருப்பதாகவும் கணிக்கப்படும். இது ஒரு ஆரம்பநிலை புரிந்துகொள்ளல் மட்டுமே. இன்னும் இதை ஆழமாகப் படிக்க வேண்டும்.”

மியூச்சுவல் ஃபண்ட்... ஆண்டுக்கு ஒருமுறை புதிய திட்டத்துக்கு மாறுவது சரியா?

அ.அமர், சென்னை - 117

எனக்கு அண்மையில்தான் திருமணமாகி இருக்கிறது. என் வயது 29, மனைவி வயது 27. எனக்கு மற்றும் என் மனைவிக்கு தலா ரூ.3 லட்சத்துக்கு தனிநபர் மருத்துவக் காப்பீட்டு பாலிசி எடுத்தால் ஆண்டு பிரீமியம் எவ்வளவு? இதையே இருவருக்கும் சேர்த்து ரூ.6 லட்சத்துக்கு ஒரே பாலிசியாக எடுத்தால் பிரீமியம் எவ்வளவு?

க.முரளிதரன், முதலீட்டு ஆலோசகர், www.vidurawealth.com

“மருத்துவக் காப்பீட்டில் பல்வேறு வகையான பாலிசிகள் உள்ளன. அது நீங்கள் வசிக்கும் இடத்துக்கு ஏற்பவும் பிரீமியம் தொகை மாறுபடும். நீங்கள் சென்னை என்பதால் சற்றுக் கூடுதலாக இருக்கும். உங்கள் இருவரின் வயதின் அடிப்படையில் கணக்கிடும்போது மூன்று லட்ச ரூபாய்க்கான தனி நபர் பாலிசிக்கு ஆண்டு பிரீமியம் ரூ.5,000 முதல் ரூ.6,000 வரையிலும், இதையே இரண்டு பேரும் சேர்ந்து ஒரு ஃப்ளோட்டர் பாலிசியாக எடுக்கும்போது ஆண்டு பிரீமியம் ரூ.10,000 முதல் ரூ.12,000 வரையும் இருக்கும். மேலும், இது பாலிசியின் பல்வேறு வகையான பலன்களைப் பொறுத்து மாறுபடும்.”

சிவகுமார், மதுரை.

பங்குச் சந்தை இறங்கியுள்ள நிலையில் இன்ஃபோசிஸ், டி.சி.எஸ், விப்ரோ போன்ற தகவல் தொழில்நுட்ப நிறுவனப் பங்குகளில் மொத்த முதலீடு மேற்கொள்ளலாமா?

ரெஜி தாமஸ், பங்குச் சந்தை நிபுணர்.

“சந்தையின் தற்போதைய நடத்தை (Behavior) போர் நடக்கும் போதெல்லாம் எதிர்பார்க்கப்படுவதுதான். எனவே, பங்குச் சந்தைக்கு ஸ்திரத்தன்மை திரும்பும் வரை சிறிய தொகையைத் தொடர்ந்து முதலீடு செய்து வர வேண்டும். தற்போது தகவல் தொழில்நுட்ப நிறுவனப் பங்குகளில் மொத்தமாக முதலீடு செய்வது நல்லதல்ல. உங்களிடம் இருக்கும் உபரி தொகையின் பெரும்பகுதியை நீங்கள் குறிப்பிட்டுள்ள பங்குகளில் முதலீடு செய்யலாம். ஆனால், மொத்தமாக முதலீடு செய்யக் கூடாது. சிறிது சிறிதாக முதலீடு செய்து நீண்ட காலத்தில் முதலீட்டுக் கலவையை (போர்ட்ஃபோலியோ) உருவாக்க வாழ்த்துகள்.”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism