Published:Updated:

மியூச்சுவல் ஃபண்ட்... அரசு ஊழியர்களுக்கு நிபந்தனை உள்ளதா..? அடிப்படை சந்தேகங்கள்... தீர்வுகள்

கேள்வி - பதில்
பிரீமியம் ஸ்டோரி
News
கேள்வி - பதில்

Q & A கேள்வி - பதில்

அ.ஜெனிபர், பாளையங்கோட்டை

நான் மியூச்சுவல் ஃபண்ட் முதலீட்டுக்குப் புதிது. மியூச்சுவல் ஃபண்ட் திட்டங்களில் எவ்வளவு முதலீடு செய்யலாம், குறிப்பாக, அரசு ஊழியர்களுக்கு ஏதாவது நிபந்தனை உள்ளதா?

எஸ்.பி.சண்முகம், சர்டிஃபைட் ஃபைனான்ஷியல் பிளானர், Shan Wealth Pvt Ltd

“பொதுவாக மியூச்சுவல் ஃபண்டுகளில் வரிச் சேமிப்பு திட்டமான இ.எல்.எஸ்.எஸ் ஃபண்டில் குறைந்தபட்ச முதலீடு ரூ.500 ஆகும். இதுவே ஈக்விட்டி ஃபண்டுகளில் ரூ.5,000, கடன் ஃபண்டுகளில் ரூ.1,000 எனக் குறைந்தபட்ச முதலீடு இருக்கிறது.

எந்த மியூச்சுவல் ஃபண்ட் பிரிவிலும் ஒரு நிதி ஆண்டில் ஒருவர் இவ்வளவு தொகைதான் முதலீடு செய்ய வேண்டும் என்பது கிடையாது எவ்வளவு தொகையை வேண்டு மானாலும் முதலீடு செய்யலாம். அது உங்களின் சம்பாத்தியமாக இருக்க வேண்டும். மேலும், அந்தப் பணம் உங்களுக்கு எப்படி வந்தது என்று வருமானவரித் துறை அதிகாரிகள் கேட்டால், அதற்கான ஆதாரம் கொடுக்க வேண்டிவரும்.

உங்களுக்கு பான் கார்டு இருக்கிறது. கே.ஒய்.சி நடைமுறையை முடித்திருக்கிறீர்கள் எனில், எவ்வளவு தொகையை வேண்டுமானாலும் முதலீடு செய்யலாம். பான் கார்டு இல்லை எனில், ஒரு நிதி ஆண்டில் அதிகபட்சம் ரூ.50,000 மட்டுமே முதலீடு செய்ய முடியும். பான் கார்டு வாங்கிவிட்டால், இந்த வரம்பு கிடையாது. மியூச்சுவல் ஃபண்ட் முதலீட்டைப் பொறுத்தவரை மூத்தக் குடிமக்கள், அரசு ஊழியர்கள், பெரிய நிறுவனங்கள் என எந்த வேறுபாடும் கிடையாது. அனைவரும் ஒரேபோல் தான் நடத்தப்படுவார்கள்.”

கணேஷ் குமார், கூடுவாஞ்சேரி, சென்னை

நான் அடுக்குமாடிக் குடியிருப்பு ஒன்றில் வீடு வாங்கத் திட்ட மிட்டுள்ளேன் கார் பார்க்கிங்கு மட்டும் ரூ.3 லட்சம் கேட்கிறார் பில்டர். இது சரிதானா?

என்.பி.விஜயகுமார், வழக்கறிஞர்

“வழக்கமான கார் நிறுத்தும் இடவசதி (car parking) என்பது அடுக்குமாடிக் குடியிருப்பின் மொத்த வசதிகளின் ஒரு பகுதியாகும். அடுக்குமாடிக் குடியிருப்பின் விலையுடன் சேர்ந்ததுதான் கார் பார்க்கிங் செய்வதற்கான கட்டணமும். அதே நேரத்தில், பில்டர்கள், அப்பார்ட்மென்டின் மொத்த விலையுடன் கார் பார்க்கிங் விலையைச் சேர்க்காமல் தனியாகக் காட்டுவார்கள். ஒவ்வோர் அடுக்குமாடிக் குடியிருப்புக்கும் கார் பார்க்கிங் தனித்தனியே ஒதுக்கப்படும். பெரிய கார் வைத்திருப்பவர்களுக்கு பெரிய கார் பார்க்கிங் ஒதுக்கப்படும்.

சுப்ரீம் கோர்ட் தீர்ப்பு ஒன்றில், ‘குடியிருப்பு உரிமை யாளர்களின் சங்கம் உருவாக்கப்பட்ட பிறகு மூன்றாம் நபருக்கு கார் பார்க்கிங் விற்பனை செய்யக் கூடாது. அது பொது பயன் பாட்டு இடத்தில் வரும்’ எனச் சொல்லியிருக்கிறது. அதேநேரத்தில், கார் பார்க்கிங் செய்வதற்கான கட்டணம் எப்படி நிர்ணயிக்கப்படுகிறது, அதன் விலை ஒட்டுமொத்த அபார்ட்மென்ட் விலையில் எப்படிச் சேர்க்கப்படுகிறது, ஒரு அபார்ட்மென்டுக்கு எத்தனை கார் பார்க்கிங் செய்ய இடம் ஒதுக்கீடு செய்யப்படுகிறது என்பது வர்த்தக ரீதியான விஷயமாக உள்ளது.”

எஸ்.பி.சண்முகம், என்.பி.விஜயகுமார், அபுபக்கர் சித்திக், ஶ்ரீகாந்த் மீனாட்சி, அனிதா மோகன்
எஸ்.பி.சண்முகம், என்.பி.விஜயகுமார், அபுபக்கர் சித்திக், ஶ்ரீகாந்த் மீனாட்சி, அனிதா மோகன்

திருவேங்கடம், கடலூர்

அவசரக் கால செலவுகளுக்காக மூன்று மாத சம்பளத் தொகையை வங்கிச் சேமிப்பு கணக்கில் வைத்திருக்கிறேன். இந்த அளவுக்குப் பணம் போதுமா?

அபுபக்கர் சித்திக், செபி பதிவு பெற்ற நிதி ஆலோசகர், Wealthtraits.com

“இப்போதுள்ள கோவிட் காலகட்ட நெருக்கடி நிலை யில், நீங்கள் உங்களுக்கும் உங்களைச் சார்ந்து இருக்கும் குடும்பத்தாருக்கும் தேவை யான மருத்துவக் காப்பீடு எடுத்து வைத்திருப்பது மிக முக்கியம். மூன்று மாதத் துக்கான இருப்பு என்பது குறைவே. உங்களால் முடியும் பட்சத்தில் இனிவரும் காலத் தில் இதை அதிகரித்துக் கொள்வது நல்லது.”

அசோக்குமார், இ-மெயில் மூலம்

பங்கு புரோக்கர் ஒருவரின் மூலம் மியூச்சுவல் ஃபண்டில் எஸ்.ஐ.பி முறையில் முதலீடு செய்யப்போகிறேன். பிற்காலத்தில் பிரச்னை வந்தால் புரோக்கரை அல்லது மியூச்சுவல் ஃபண்ட் விநியோகஸ்தரை மாற்றிக்கொள்ள முடியுமா? புரோக்கர் என் பணத்தை தவறாகக் கையாள வாய்ப்புண்டா?

ஶ்ரீகாந்த் மீனாட்சி, இணை நிறுவனர், Primeinvestor.in

“மியூச்சுவல் ஃபண்டில் முதலீடு செய்ய புரோக்கர் தேவையில்லை. பங்குச் சந்தையில் முதலீடு செய்யவே புரோக்கர் தேவை. அப்படி புரோக்கர் மூலம் முதலீடு செய்ய வேண்டுமெனில், பெரிய நிறுவனமயமாக்கப் பட்ட புரோக்கர்கள் (உதாரணம், ஜெரோதா, ஐ.சி.ஐ.சி.ஐ டைரக்ட், கோட்டக் செக்யூரிட்டீஸ்) போன்றவர்கள் மூலம் செய்யுங்கள். இப்படி நீங்கள் முதலீடு செய்யும்போது, உங்களுக்குத் திருப்தியான சேவை கிடைக்கவில்லை எனில், இன்னொரு புரோக் கருக்கு சுலபமாக மாறலாம். தனிப்பட்ட புரோக்கர்கள் உங்கள் பணத்தைத் தவறாகக் கையாள வாய்ப்பு குறைவு, இருந்தாலும் முழுக்க இல்லை என்று சொல்ல முடியாது. ஆகையால், பலராலும் நம்பப்படும் பெரிய நிறுவனங்கள் மூலமாக முதலீடு செய்வதில் பாதுகாப்பாக இருக்கும்.”

அ.குமரேசன், காரைக்குடி

ஹெல்த் பாலிசியில் டாப் அப் என்றால் என்ன, எப்போது இதை எடுக்க வேண்டும்?

அனிதா மோகன், நிதி ஆலோசகர், www.investmentsolution.co.in

“கிட்டத்தட்ட அனைத்து ஹெல்த் இன்ஷூரன்ஸ் நிறுவனங்களும் டாப் அப் பாலிசியை வழங்கி வரு கின்றன. அடிப்படை (Base) பாலிசி ஒன்றை எடுத்துள்ள பட்சத்தில் கூடுதல் சிகிச்சைச் செலவை சமாளிக்கும் விதமாக இந்த டாப் அப் பாலிசி வழங்கப்படுகிறது. உதாரணமாக, ஒருவர் ரூ.5 லட்சத்துக்கு ஓர் அடிப்படை பாலிசி எடுத்திருக்கிறார். அவர் ரூ.10 லட்சத்துக்கு டாப் அப் பாலிசி எடுத்திருக்கிறார். சிகிச்சை ஒன்றுக்கு அவர் ரூ.7 லட்சம் க்ளெய்ம் செய்கிறார் எனில், அடிப்படை பாலிசியில் ரூ.5 லட்சம், மீதியுள்ள ரூ.2 லட்சம் டாப் அப் பாலிசி மூலமும் க்ளெய்ம் செய்யப்படும். இதுவே க்ளெய்ம் ரூ.5 லட்சத்துக்குள் இருந்தால், அவர் அடிப்படை பாலிசியில் மட்டுமே க்ளெய்ம் செய்ய முடியும்.

அடிப்படை பாலிசியின் பிரீமியத்துடன் ஒப்பிடும் போது, டாப் அப் பாலிசிக் கான பிரீமியம் குறைவாக இருக்கும். இப்படி டாப் பாலிசி எடுப்பதன்மூலம் பிரீமியச் செலவைக் குறைக்க முடியும். பொதுவாக, குடும்ப உறுப்பினர்கள் எண்ணிக்கை அதிகரிக்கும்போது, குடும்ப உறுப்பினர்களின் வயது அதிகரித்துவரும்போது பாலிசி கவரேஜ் அதிகரிக்க தனியாக இன்னொரு பாலிசி எடுப்பதற்கு பதில் டாப் அப் பாலிசி எடுப்பது லாபகரமாக இருக்கும்.”