Published:Updated:

ஆயுள் காப்பீடு... நாமினியை மாற்ற என்ன செய்ய வேண்டும்? ஆலோசகரின் வழிகாட்டல்...

கேள்வி - பதில்
பிரீமியம் ஸ்டோரி
கேள்வி - பதில்

Q & A கேள்வி - பதில்

ஆயுள் காப்பீடு... நாமினியை மாற்ற என்ன செய்ய வேண்டும்? ஆலோசகரின் வழிகாட்டல்...

Q & A கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

அ.மணிகண்டன், சங்கரன்கோவில்

நான் வேலைக்குச் சேர்ந்ததும் ஆயுள் காப்பீட்டு பாலிசி ஒன்றை எடுத்திருந்தேன். அப்போது என் அம்மாவின் பெயரை நாமினியாகக் கொடுத்திருந்தேன். அதன் பிறகு எனக்கு திருமணமாகிவிட்டது. என் மனைவியை நாமினியாக நியமனம் செய்ய விரும்புகிறேன். நாமினியை மாற்ற முடியுமா, அதற்கான நடைமுறை என்ன?

பவானி ராஜதுரை, ஆயுள் காப்பீடு ஆலோசகர்

“நாமினியை மாற்றுவது ஓர் எளிதான நடைமுறைதான். நீங்கள் பாலிசி எடுத்துள்ள ஆயுள் காப்பீட்டு நிறுவனத்தின் கிளை அலுவலகத்துக்கு ஒரிஜினல் பாலிசி பத்திரம் மற்றும் உங்களுடைய ஆதார் அட்டையுடன் செல்லுங்கள். ஆதார் அட்டையின் நகலையும் வைத்துக்கொள்ளுங்கள்.

நாமினி மாற்றத்துக்காக ஒரே மாதிரியான இரண்டு படிவங்களைத் தருவார்கள். ஒரு படிவம் அலுவலகத்துக்கு, இன்னொரு படிவம் ஒரிஜினல் பத்திரத்துடன் இணைத்து நம்மிடம் தருவதற்கு. இந்த இரண்டு படிவங்களை சரியாகப் பூர்த்தி செய்து ஓர் ஆயுள் காப்பீட்டு முகவர் சாட்சியத்துடன் கொடுக்க வேண்டும். சம்பந்தப்பட்ட அலுவலர் நாமினி பெயரை மாற்றம் செய்து, நீங்கள் கொடுத்த படிவங்களில் ஒன்றை அலுவலகக் கோப்பிலும் இன்னொரு படிவத்தை ஒரிஜினல் பாலிசிப் பத்திரத்துடன் இணைத்து உங்களிடமும் தருவார்கள். இந்தச் சேவைக்கு ஒரு சிறிய தொகை கட்டணமாக வசூலிக்கப்படும். திருமணத்துக்குப் பிறகு, மனைவியின் பெயரை நாமினியாக நியமிப்பதே சரியான விஷயமாக இருக்கும்.”

பவானி ராஜதுரை, எம்.கண்ணன், க.முரளிதரன், ஜி.கே.சீனிவாஸ்
பவானி ராஜதுரை, எம்.கண்ணன், க.முரளிதரன், ஜி.கே.சீனிவாஸ்

பாலமுருகன், குத்துக்கல் வலைசை, தென்காசி

மியூச்சுவல் ஃபண்ட் முதலீட்டில் யூனிட்டுகளை விற்று பணமாக்கும்போது எத்தனை நாள்களுக்குள் என்னுடைய வங்கிக் கணக்குக்கு பணம் வந்துசேரும் என்பதைக் கொஞ்சம் விரிவாகச் சொல்லுங்கள்.

எம்.கண்ணன், ஆலோசகர், radhaconsultancy.blogspot.com

“மியூச்சுவல் ஃபண்ட் முதலீட்டில் யூனிட்டுகளை விற்று பணமாக்கும்போது ஃபண்ட் வகைக்கேற்ப குறிப்பிட்ட நாள்களுக்குள் பணம் உங்கள் வங்கிக்கு வந்து சேரும். லிக்விட் மற்றும் ஓவர் நைட் ஃபண்ட் என்றால் ஒன்றிலிருந்து இரண்டு நாள்களுக்குள் கிடைக்கும்.

கடன் ஃபண்ட் எனில், இரண்டு நாள்கள் முதல் மூன்று நாள்களுக்குள் பணம் கிடைக்கும். ஈக்விட்டி ஃபண்ட் எனில், மூன்று நாள் முதல் நான்கு நாள்களுக்குள் பணம் உங்கள் வங்கிக் கணக்குக்கு வந்துவிடும். ஃபண்ட் ஆஃப் ஃபண்ட் எனில், ஐந்து நாள்கள் ஆகலாம். ஓவர் சீஸ் ஃபண்ட் ஆஃப் ஃபண்ட் எனில், ஓரிரு வாரங்கள் ஆகலாம்.

குறிப்பிட்ட இந்தக்கால அளவுக்குள் பணம் திரும்ப வந்துவிடும் என்றாலும், ஃபண்ட் நிறுவனத்துக்கேற்ப ஒரு நாள் அல்லது இரண்டு நாள் சற்று முன்பாகவோ, பின்பாகவோ உங்களுக்குக் கிடைக்கும். பங்குச் சந்தை நடைபெறும் தினத்தில் மாலை 3 மணிக்கு முன்னதாக ஃபண்ட் நிறுவனத்திடம் / அவர்களது ஆர்.டி.ஏவிடம் விற்பதற்கான விண்ணப்பம் சென்றடைய வேண்டும். மேற்கண்ட நாள்கள் கணக்கு என்பது நாம் விண்ணப்பிக்கும் நாள் மற்றும் விடுமுறை நாள் களையும் தவிர்த்தது என்பது கவனிக்கத்தக்கது.”

தீபிகா குமார், பெங்களூர்

நான் நீரிழிவு பாதிப்பு உள்ளவன். அதற்கான பிரத்யேக பாலிசி எடுக்க உள்ளேன். எனக்கு அந்த பாலிசி பற்றி சற்று விரிவாகச் சொல்லவும்.

க.முரளிதரன், முதலீட்டு ஆலோசகர், Vidurawealth.com

“நீரிழிவு பாதிப்புக்கு இன்சுலின் எடுத்துக்கொள் பவர்களும் (டைப்-1), மாத்திரை எடுத்துக்கொள் பவர்களும் (டைப்-2) நீரிழிவுக்கென இருக்கும் பிரத்யேக பாலிசியை எடுத்துக்கொள்ளலாம்.

18 வயது முதல் 65 வரை உள்ளவர்கள் இந்த பாலிசியை எடுத்துக்கொள்ளலாம். நீரிழிவு சார்ந்த அனைத்து சிகிச்சைகளுக்கும் முதல் நாளிலிருந்தும், நீரிழிவு அல்லாத மற்ற பிற சிகிச்சை களுக்கு 31-வது நாளிலிருந்தும் பாலிசி எடுப்பதற்கு முன்பாக உள்ள நோய்கள் மற்றும் நோய் அறிகுறிகள், காயங்கள், அறுவைசிகிச்சைகள் (PED) ஆகியவைகளுக்கு 48 மாதங் களுக்குப் பிறகும் சிகிச்சை பெற்று க்ளெய்ம் பெறலாம்.

டயாலிசஸ் (Dialysis) செய்துகொள்ளும் வசதி உண்டு. ஒருமுறை டயாலிசஸ் செய்துகொள்ள ரூ.1,000 வீதம் 24 மாதங்களுக்குத் தொடர்ந்து வழங்கப்படும். சிறுநீரக மாற்று அறுவைசிகிச்சைக்கு மட்டும் நன்கொடையாள ருக்கு (Donor) ஏற்படும் நன்கொடையாளர் செலவு கள் (24 மாதங்களுக்குப் பிறகு) பெறுகிற வசதி உண்டு.

கண்புரை நோய் (Cataract Surgery) சிகிச்சைக்கு, விதிமுறைக்கு உட்பட்டு, அதிகபட்சமாக ரூ.40,000 பெற்றுக்கொள்ளும் வசதி உண்டு.”

சதீஷ்குமார் பெரியசாமி, இ-மெயில் மூலம்

நான் பன்னாட்டு நிறுவனம் ஒன்றின் இந்தியப் பிரிவில் இந்தியாவில் பணிபுரிந்து வருகிறேன். என் நிறுவனம் 2018 ஜூன் 6-ம் தேதி, ஒரு பங்கின் சந்தை விலை 43 டாலராக இருக்கும்போது 33 டாலருக்கு, ரூ.3.75 லட்சம் மதிப்புக்கு பங்கு களை, பணியாளர் பங்கு ஓதுக்கீட்டின் (ESOP) கீழ் கொடுத்தது. இதற்கான தொகை 2018-19-ம் ஆண்டில் நான்கு தவணைகளில் என் சம்பளத்தி லிருந்து பிடிக்கப்பட்டது. மேலும், சந்தை விலைக்கும் வழங்கப்பட்ட விலைக்கும் உள்ள வித்தியாசத்துக் கான வரியும் பிடிக்கப்பட்டது. இந்தப் பங்கை பங்கு ஒன்றுக்கு 52 டாலர் விலையில் மொத்தம் ரூ.6.5 லட்சத்துக்கு 2021 மார்ச் மாதத்தில் விற்பனை செய்தேன். இந்த லாபத்துக்கு எப்படி மூலதன ஆதாய வரி கணக்கிடப்படும்? விளக்கிச் சொல்லவும்?

ஆடிட்டர் ஜி.கே.சீனிவாஸ், கோவை

“பொதுவாக, நிறுவனம் விருப்பத்தின் அடிப்படையில் பங்கை வழங்கியிருக்கும் போது, வரி நிகழ்வு இரண்டு வகைகளில் இருக்கலாம். முதலில், பங்குகள் ஒதுக்கப் படும்போது செலுத்தப்படும் வரி. இந்தக் கட்டத்தில், சந்தை மதிப்புக்கும் முதலீட்டுத் தொகைக்கும் உள்ள வேறுபாடானது சிறப்பு சலுகையாக (perquisite) கருதப்பட்டு வரி விதிப்புக்காக சம்பளத்தில் சேர்க்கப்படலாம்.

இரண்டாவது நிகழ்வு, அத்தகைய பங்குகளை விற்பனை செய்யும் நேரத்தில் இருக்கும். இந்தக் கட்டத்தில், வரி பொறுப்பு என்பது விற்பனை மதிப்புக்கும் மற்றும் பங்கை பெற்றுக் கொண்ட நேரத்தின் சந்தை மதிப்புக்கும் இடையிலான வித்தியாசமாக இருக்கும்.

உங்களுடைய விஷயத்தில், மூலதன ஆதாயங்களின் அளவு 9 டாலராக (52 டாலர் - 43 டாலர்) இருக்கலாம். இருப்பினும், வழங்கப்பட்ட விருப்பத்தின் தன்மை மற்றும் நிபந்தனைகள், ஒதுக்கீட்டின் போது வருமானத்தின் மதிப்பீடு போன்ற வேறு சில நிபந்தனைகளை ஆராய்ந்து அதற்கேற்பதான் மூலதன ஆதாய வரி கணக்கிடப்பட வேண்டியிருக்கும்.”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism