Published:Updated:

ஸ்மால் மற்றும் மிட்கேப் ஃபண்டுகளில் முதலீடு... இது சரியான நேரமா? வழிகாட்டும் ஆலோசகர்...

கேள்வி - பதில்
பிரீமியம் ஸ்டோரி
கேள்வி - பதில்

Q & A கேள்வி - பதில்

ஸ்மால் மற்றும் மிட்கேப் ஃபண்டுகளில் முதலீடு... இது சரியான நேரமா? வழிகாட்டும் ஆலோசகர்...

Q & A கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

மோகன் சண்முகம், இ-மெயில் மூலம்

ஸ்மால் மற்றும் மிட்கேப் மியூச்சுவல் ஃபண்டுகளில் முதலீடு செய்ய இது சரியான நேரமா? இந்த வகை ஃபண்டுகளில் சிலவற்றைப் பரிந்துரை செய்யவும்.

ஶ்ரீகாந்த் மீனாட்சி, இணை நிறுவனர், Primeinvestor.in

“நடுத்தர மற்றும் சிறிய கம்பெனிகளில் முதலீடு செய்யும் மிட் அண்ட் ஸ்மால்கேப் ஃபண்டுகள் மிக அதிக வளர்ச்சி அடைந்து, முதலீட்டாளர்களுக்கு சிறப்பான லாபம் சம்பாதித்துத் தருகின்றன. இத்தகைய சூழலில் இந்த ஃபண்டுகளில் இப்போது மொத்தத் தொகையாக (Lumpsum) முதலீடு செய்வது உகந்ததாக இருக்காது. ஆனால், ஒரு நீண்டகாலத் திட்டத்துக்கான எஸ்.ஐ.பி முதலீட்டுத் தொகுப்பில் இத்தகைய ஃபண்டுகளுக்குத் இடம் (20%-30%) தருவதில் தவறில்லை. அதாவது, மொத்தமாக முதலீடு செய்வதற்கு பதில், கால இடைவெளி விட்டு தொடர்ந்து முதலீடு செய்வது இத்தகைய ஃபண்டுகளுக்கு உகந்தது.”

ஏ.செந்தில்குமார், சென்னை – 44.

தனியார் வங்கியில் 19% வட்டியில் ரூ.4 லட்சம் பர்சனல் லோன் வங்கினேன். (மாதச் சம்பளம் ரூ.35,000-க்கும் குறைவாக இருந்ததால், 19% வட்டியில்தான் பர்சனல் லோன் கிடைக்கும் எனச் சொன்னார்கள்). ஐந்து ஆண்டுகளுக்கு மாதம் ரூ.10,376 இ.எம்.ஐ செலுத்த வேண்டிய சூழல். கடந்த ஆண்டு கொரோனா சூழலால் ஐந்து மாதங்கள் மொரட்டோரியம் வாங்கினேன். கடனை ரூ.4.5 லட்சமாக மாற்றி, 66 மாதமாக தவணை செலுத்தும் காலம் நீடிக்கப்பட்டது. இந்தக் கடனை வேறு வங்கிக்கு குறைந்த வட்டிக்கு மாற்றி, மாதத் தவணையக் குறைக்க முடியுமா? அல்லது வேறு வங்கியில் குறைந்த வட்டியில் ரூ.4.5 லட்சம் பர்சனல் லோன் வாங்கி, பழைய கடனை அடைக்க முடியுமா? அல்லது இப்போதுள்ள் வங்கியிலேயே வட்டி விகிதம் அல்லது இ.எம்.ஐ-யைக் குறைக்க முடியுமா?

வி.தியாகராஜன், ஆடிட்டர், www.bizlane.in

“பொதுவாக, வங்கிகளில் நிகர மாதச் சம்பளம் ரூ.30,000-க்குமேல் இருந்தால் தான் தனிநபர் கடன் தருகிறார்கள். ஆனால், ஒரு சில வங்கிகளில் நிகர மாதச் சம்பளம் ரூ.15,000-லிருந்து ரூ.20,000 வரைக்கும் இருந்தாலும் தனிநபர் கடன் 14-லிருந்து 16% வட்டிக்கு தருகிறார்கள். ஒரு சில வங்கிசாரா நிதி நிறுவனங் களும் அவ்வாறே தருகின்றன. ஆனால், வட்டி விகிதம் 18-லிருந்து 20% வரை இருக்கிறது. இந்த வட்டி விகிதம் என்பது நீங்கள் வேலை பார்க்கும் கம்பெனி, வயது, கல்வித் தகுதி, நிகர மாத வருமானம், இப்போது செலுத்தும் கடனுக்கான மாதத் தவணைகள், கடன் மதிப்பீட்டு ஸ்கோர் (CIBIL Score) ஆகியவற்றைப் பொறுத்து நிர்ணயிக்கப்படு கிறது.

இப்போதுள்ள தனிநபர் கடனை வேறு வங்கிக்கு குறைந்த வட்டிக்கு மாற்று வதாக இருந்தால், இப்போதுள்ள தனிநபர் கடனை முன்கூட்டியே செலுத்துவதற்கு, முன் செலுத்தும் கட்டணமாக (Foreclosure Charges) 3 சதவிகிதத்திலிருந்து 5% வரை நிலுவையில் உள்ள கடன் அசல் தொகை மீது வசூலிப்பார்கள். இந்த முன் செலுத்தும் கட்டணத்தையும் சேர்த்துக் கணக்கிட்டால், கடனுக்கான வட்டி சதவிகிதம் 23-லிருந்து 25 சதவிகிதத்தை நெருங்கிவிடும். நீங்கள் கடன் வாங்கிய வங்கியில் கடனை பகுதியாக செலுத்துவதற்கான வசதி இருக்கிறதா என்று பாருங்கள். ஒரு சில வங்கிகள் தனிநபர் கடனிலும் அந்த வசதியை தருகின்றனர். இல்லையெனில் இப்போது உள்ள தனிநபர் கடனை மாதந்தோறும் முறையாகச் செலுத்தி முடிப்பதே சிறந்தது.”

ஶ்ரீகாந்த் மீனாட்சி, வி.தியாகராஜன், ஆர்.ரவி, டி.ஜீவா, கே.அழகுராமன்
ஶ்ரீகாந்த் மீனாட்சி, வி.தியாகராஜன், ஆர்.ரவி, டி.ஜீவா, கே.அழகுராமன்

கலைமதி, விழுப்புரம்

ஒரு பங்குத் தரகு நிறுவனத் திலிருந்து மற்றொரு பங்குத் தரகு நிறுவனத்துக்கு எனது பங்குகளை மாற்றுவது எப்படி?

ஆர்.ரவி, ரிசர்ச் அனலிஸ்ட், Erstockmarketacademy.com

“ஆஃப்லைன், ஆன்லைன் நடைமுறை மூலம் பங்குகளை மாற்றிக்கொள்ள முடியும்.என்.எஸ்.டி.எல் அல்லது சி.டி.எஸ்.எல் பங்குகள் வைப்பகத்தில் பங்குகளை, சந்தைக்கு வெளியே ஆஃப் லைன் நடைமுறை மூலம் மாற்றிக்கொள்ளலாம். ஒருவர் டி.ஐ.எஸ்-ஐ (Delivery Instruction Slip) நிரப்ப வேண்டும். மாற்றப்பட வேண்டிய பங்குகளின் ஐ.எஸ்.ஐ.என் எண், நிறுவனத்தின் பெயர், டீமேட் கணக்கு மற்றும் பங்குகள் மாற்றப்படும் கணக்கின் டி.பி ஐ.டி ஆகியவை படிவத்தில் நிரப்பப்பட வேண்டும். படிவத்தைப் பழைய பங்குத் தரகர் அலுவலகத்தில் சமர்ப் பித்தால் சில தினங்களில் பங்குகள் புதிய டீமேட் கணக்குக்கு வந்துவிடும்.

சி.டி.எஸ்.எல்-ல் பங்குகள் வைத்திருந்தால், ‘EASIEST’ தளத்தைப் பயன்படுத்தி பங்குகளை மாற்றுவதற்கான ஆன்லைன் வசதி உள்ளது. Https://web.cdslindia.com/myeasi/Home/Login என்ற இணைப்பில் ஏற்கெனவே உள்ள டி.பி ஐ.டி மற்றும் க்ளையன்ட் ஐ.டி ஆகிய விவரங்களை நிரப்ப வேண்டும். அங்கு கேட்கப் படும் விவரங்களைத் தந்தால், பழைய டீமேட் கணக்கிலிருந்து பங்குகளைப் புதிய டீமேட் கணக்குக்கு மாற்ற முடியும். என்.எஸ்.டி.எல்-ல் பங்குகள் வைத்திருந்தால் https://eservices.nsdl.com/ இந்த இணைப்பைப் பயன்படுத்தி பங்குகளை மாற்றிக் கொள்ளலாம்.”

சாருமதி, இ-மெயில் மூலம்

1995-ம் ஆண்டு வாங்கிய வீட்டுக்கு பத்திரம் உள்ளது. ஆனால், மூலப்பத்திரம் இல்லை. இதுவரை பட்டா வாங்கவில்லை. நகர நில சர்வே பதிவேட்டில் (Town Survey Land Register – TSLR) கோயில் மனை என உள்ளது. வீடு எங்கள் பயன்பாட்டில் உள்ளது என்பதற்கான ஆதாரங்கள் சொத்து வரி, தண்ணீர் வரி, மின் இணைப்பு போன்றவை உள்ளன. இந்த நிலையில், இந்த நிலத்துக்கு பட்டா பெறுவது எப்படி?

டி.ஜீவா, வழக்கறிஞர், நோட்டரி பப்ளிக்

“டவுன் சர்வேயில் கோயில் நிலம் என பதிவாகி உள்ள தால், பட்டா வழங்க மாட்டார்கள். இதை எப்படி யார் கிரயம் செய்தார்கள் எனத் தெரியவில்லை. கிரயப் பத்திரத்தை முழுமையாகப் படித்தால் மட்டுமே ஒரு முடிவுக்கு வரமுடியும். உங்களின் ஊரில் உள்ள நல்ல வழக்கறிஞரை அணுகி ஆலோசனைப் பெறுவது நல்லது.”

அ.கயல்விழி, பாளையங்கோட்டை

என் உறவினர் ஒருவர் அண்மையில் கோவிட் பாதிப்பால் இறந்துவிட்டார். அவருக்கு மனைவி, மகன், மகள் இருக் கிறார்கள். அவரின் சொத்து யாருக்குச் சென்று சேரும்?

கே.அழகுராமன், வழக்கறிஞர், உயர்நீதிமன்றம், சென்னை

“ஒருவரின் இறப்புக்குப் பிறகு, இறந்த நபர் தன் சொத்து குறித்து உயில் எழுதுவும் எழுதிவைக்காமல் இறந்துவிட்டால் (Intestate) அப்போது அவரது வாரிசுகள் எனப்படும் ‘இறந்தவரின் சொத்துகளில் உரிமை பெறக்கூடிய உரிமை உள்ளவர்கள்’ (Legal Heirs) அனைவருக்கும் அவரது சொத்து சென்று சேரும்.”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism