Published:Updated:

மூத்த குடிமக்களுக்கு கூடுதல் வருமானம் தரும் முதலீட்டுத் திட்டங்கள்... எப்படி முதலீடு செய்வது..?

கேள்வி - பதில்
பிரீமியம் ஸ்டோரி
கேள்வி - பதில்

Q & A -கேள்வி - பதில்

மூத்த குடிமக்களுக்கு கூடுதல் வருமானம் தரும் முதலீட்டுத் திட்டங்கள்... எப்படி முதலீடு செய்வது..?

Q & A -கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

பூங்கோதை, இ-மெயில் மூலம்

மூத்த குடிமக்களுக்கு ரூ.10 லட்சம் ரூபாயை மியூச்சுவல் ஃபண்ட் திட்டங்களில் முதலீடு செய்வதற்கான திட்டங்களைச் சொல்ல முடியுமா?

ஆர்.முரளி, சி.இ.ஓ, ஐபவர் இன்வெஸ்ட்மென்ட்ஸ், வாலாஜாபேட்டை

“மியூச்சுவல் ஃபண்ட் திட்டங்கள் நீண்ட நாள் முதலீட்டுக்குப் பாதுகாப்பானது. நீண்ட முதலீடு மூலம் ரிஸ்க்கைக் குறைத்து வருமானத்தை அதிகரிக்க முடியும்.

மேலும், மாத வருவாய் தேவைப்படுவோர் பாண்ட் ஃபண்ட், கார்ப்பரேட் பாண்ட் ஃபண்ட் மற்றும் அரசு சார்ந்த கடன் பத்திரங்கள் ஆகியவற்றில் முதலீடு செய்து மூன்று ஆண்டுகள் கழித்து சிஸ்டமேட்டிக் வித்ராயல் பிளான் (எஸ்.டபிள்யூ.பி) மூலமாக மாதம்தோறும் குறிப்பிட்ட தொகையை எடுத்துக்கொள்ளலாம்.

நீங்கள் மூத்த குடிமக்கள் பிரிவைச் சேர்ந்தவராக இருப்பதால், AAA மற்றும் AA+ஆகியவை மதிப்பீடு செய்த பாண்ட் திட்டங்களில் முதலீடு செய்வது பாதுகாப்பானது. ரூ.10 லட்சம் முதலீடு செய்யும் நீங்கள் ரூ.5 லட்சத்தை ரிஸ்க் இல்லாத பாண்ட் ஃபண்டிலும், மீதி ரூ.5 லட்சத்தை ஹைபிரிட் ஈக்விட்டி ஃபண்டிலும் முதலீடு செய்யலாம்.

இந்த வருமானம் வங்கி மற்றும் அஞ்சலகத் திட்டங்களை விட கூடுதலாக இருக்கும். பொதுவாக, மூத்த குடிமக்கள் பாண்ட் ஃபண்டில் முதலீடு செய்து 7 முதல் 9% வருமானம் பெறலாம்.”

சி.ஹேமலதா, இ-மெயில் மூலம்

என்னால் நடுத்தர அளவு ரிஸ்க் எடுக்க முடியும். மாதம் ரூ.3,000 வீதம் பத்து ஆண்டுக் காலத்துக்கு முதலீடு செய்ய விரும்புகிறேன். ஆண்டுக்குச் சராசரியாக 10-12% வருமானம் தரக்கூடிய டைவர்சி ஃபைடு மியூச்சுவல் ஃபண்டுகளை எனக்குப் பரிந்துரை செய்யவும்.

அபுபக்கர் சித்திக், செபி பதிவு பெற்ற நிதி ஆலோசகர், Wealthtraits.com

“நீங்கள் ஒரு ஆக்டிவ் ஃபண்ட் மற்றும் ஒரு பாசிவ் ஃபண்ட் என இரு ஃபண்டு களில் கலந்து முதலீடு செய்வது சரியாக இருக்கும். ஆக்டிவ் ஃபண்டான பராக் பரிக் ஃப்ளெக்ஸிகேப் ஃபண்ட் மற்றும் பாசிவ் ஃபண்டான யு.டி.ஐ இண்டெக்ஸ் ஃபண்டில் முதலீடு செய்து வரலாம்.”

ஏ.முருகன், விளாத்திக்குளம்

பிரதான் மந்த்ரி சுரக்‌ஷா பீமா யோஜனா’ (PMSBY) என்ற தனிநபர் விபத்துக் காப்பீட்டு பாலிசி மற்றும் பிரதான் மந்திரி ஜீவன் ஜோதி பீமா யோஜனா (PMJJBY) என்ற ஆயுள் காப்பீட்டு பாலிசி ஆகிய இரண்டு இன்ஷூரன்ஸ் திட்டங்களிலும் ஒருவர் ரூ.12 மற்றும் ரூ.330 பிரீமியம் கட்டியுள்ளார். தற்போது அவர் விபத்து ஒன்றில் இறந்துவிட்டார். அவர் இரண்டு பாலிசிகளுக்கும் பிரீமியம் கட்டியிருப்பதால், அவரின் நாமினிக்கு தலா ரூ.2 லட்சம் வீதம் மொத்தம் ரூ.4 லட்சம் இழப்பீடு கிடைக்குமா?

தமிழ்நாடு மெர்க்கன்டைல் வங்கி, தலைமை அலுவலகம், தூத்துக்குடி.

“பிரதான் மந்திரி சுரக்‌ஷா பீமா யோஜனா, பிரதான் மந்திரி ஜீவன் ஜோதி பீமா யோஜனா ஆகிய இரண்டும் வேறுவேறு திட்டங்கள். ஒன்று, ஆயுள் காப்பீட்டு பாலிசி; மற்றொன்று, விபத்துக் காப்பீட்டு பாலிசி ஆகும். அந்த வகையில், ஒருவரின் வங்கிச் சேமிப்பு கணக்கிலிருந்து இந்த இரு பாலிசிகளுக்கும் காப்பீடு பிரீமியம் எடுக்கப்பட்டிருக்கிறது.

இந்த வங்கிக் கணக்கு வைத்திருப்பவர் விபத்தில் இறந்துவிட்டார் எனில், இரண்டு பாலிசிகளிலும் தலா ரூ.2 லட்சம் வீதம் மொத்தம் ரூ.4 லட்சம் ரூபாயை நாமினி பெற முடியும்.”

ஆர்.முரளி, அபுபக்கர் சித்திக், கே.ஆர்.சத்யநாராயணன், ரெஜிதாமஸ், த.முத்துகிருஷ்ணன்
ஆர்.முரளி, அபுபக்கர் சித்திக், கே.ஆர்.சத்யநாராயணன், ரெஜிதாமஸ், த.முத்துகிருஷ்ணன்

சா.ஶ்ரீதர், அம்மாபேட்டை, தஞ்சாவூர்.

மாதச் சம்பளம் வாங்கும் ஒருவருக்கு, பங்கு வர்த்தகம் மூலம் ஆதாயம் அல்லது இழப்பு இருந்தால், அவர் வருமான வரி தாக்கல் செய்யும்போது ஐ.டி.ஆர் 1 அல்லது 2 எந்தப் படிவத்தைப் பயன்படுத்த வேண்டும். சற்று விரிவாக விளக்கவும்.

கே.ஆர்.சத்யநாராயணன், ஆடிட்டர்.

“சம்பள வருமானம் மற்றும் வீட்டு வாடகை வருமானம் மற்றும் வங்கி வட்டி போன்ற இதர வருமானம் பெறு பவர்கள் மட்டுமே ஐ.டி.ஆர் 1 (ITR 1) படிவத்தில் வரிக் கணக்கு தாக்கல் செய்ய வேண்டும்.

ஐ.டி.ஆர் 2 (ITR2) என்பது சம்பள வருமானத்துடன் மூலதன ஆதாயம் (Capital Gain) இருப்பவர்கள், தாக்கல் செய்ய வேண்டிய வரிக் கணக்கு படிவம் ஆகும்.”

ஜெயதீபன், இ-மெயில் மூலம்.

நான் முதலீட்டுக்கு புதியவன். மாதம் ரூ.5,000 வீதம் 5 வருடம் முதலீடு செய்ய திட்ட மிட்டுள்ளேன். எந்த நிறுவனப் பங்குகளில் முதலீடு செய்து வரலாம்?

ரெஜிதாமஸ், பங்குச் சந்தை நிபுணர்.

“முதலீட்டுத் தொகையான ரூ.5,000-ஐ ரூ.3,000 மற்றும் ரூ.2,000 என இரண்டாகப் பிரித்துக்கொள்ளவும். நீங்கள் புதியவர் என்பதால், ஆரம்பத் திலேயே பங்குச் சந்தையில் முதலீடு செய்வது உங்களுக்கு அதிக ரிஸ்க்கானதாக இருக்கும். அதனால், மியூச்சுவல் ஃபண்ட் வழியில் பங்குச் சந்தையில் முதலீடு செய்வது சரியாக இருக்கும்.

எனவே, 3,000 ரூபாயை சென்செக்ஸ் அல்லது நிஃப்டி இண்டெக்ஸ் ஃபண்டில் முதலீடு செய்து வரவும். 1,000 ரூபாயை லார்ஜ்கேப் ஃபண்டில் முதலீடு செய்து வரவும்.

இந்த அனுபவத்தின் அடிப்படையில் 5 ஆண்டுகள் கழித்து நிறுவனப் பங்குகளில் முதலீடு செய்யும் நடவடிக்கை யில் இறங்கலாம். இடைப் பட்ட காலத்தில் பங்குச் சந்தை முதலீடு குறித்த ஆழ்ந்த அறிவை உருவாக்கிக் கொள்ளவும். முடியும் எனில், பேப்பர் இன்வெஸ்ட்டிங் என்ற காகித முதலீட்டை மேற்கொண்டு, பயிற்சி எடுக்கலாம்.”

சி.சபரி கணேஷ், மன்னார்குடி

ஃபிக்ஸட் டெபாசிட் அளவுக்கு வருமானம் தரக்கூடிய முதலீட்டுத் திட்டம் ஏதாவது இருக்கிறதா? நான் முதலீட்டில் ரிஸ்க் எடுக்க விரும்பவில்லை. முதலீட்டுக் காலம் ஐந்தாண்டுகள். எனக்கேற்ற சில திட்டங்களைக் குறிப்பிடவும்.

த.முத்துகிருஷ்ணன், சர்டிஃபைடு ஃபைனான்ஷியல் பிளானர்.

“வங்கி ஃபிக்ஸட் டெபாசிட் ரிஸ்க் இல்லாதது. பாதுகாப்பான முதலீடு என்று சொல்கிற லிக்விட் ஃபண்டு கள் போன்ற கடன் ஃபண்டு களிலும் ரிஸ்க் இருக்கிறது.

வட்டி விகித திடீர் உயர்வால் 2013-ம் ஆண்டில் லிக்விட் ஃபண்டுகள் இழப்பைச் சந்திந்தன. எனவே, ரிஸ்க் எடுக்க விரும்பாத உங்களுக்கு வங்கி ஃபிக்ஸட் டெபாசிட்டுகள் தான் சரியானதாக இருக்கும். நீங்கள் ஃபிக்ஸட் டெபாசிட் திட்டத்தையே சந்தேகம் இல்லாமல் தேர்வு செய்யலாம்.”