Published:Updated:

பி.எஃப் வட்டி குறைப்பு... வி.பி.எஃப் முதலீட்டைத் தொடரலாமா?

பி.எஃப்
பிரீமியம் ஸ்டோரி
பி.எஃப்

பி.எஃப்

பி.எஃப் வட்டி குறைப்பு... வி.பி.எஃப் முதலீட்டைத் தொடரலாமா?

பி.எஃப்

Published:Updated:
பி.எஃப்
பிரீமியம் ஸ்டோரி
பி.எஃப்

ஐந்து மாநில தேர்தல் முடிவுகள் வெளி வந்ததும் பெட்ரோல், டீசல் விலை உயர்த்தப்படுவதற்கான அறிவிப்புதான் வெளிவரும் என எதிர்பார்க்கப்பட்டது. ஆனால், அரசிடமிருந்து இப்படியொரு அறிவிப்பு வருமென்று யாரும் எதிர்பார்க்க வில்லை.

2021-22-ம் நிதியாண்டுக்கான தொழிலாளர் வருங்கால வைப்பு நிதியான பி.எஃப் மீதான வட்டி கடந்த 40 ஆண்டுகளில் இல்லாத அளவுக்கு 8.50 சதவிகிதத்திலிருந்து 8.10 சதவிகிதமாகக் குறைத்து உள்ளது.

பி.எஃப் வட்டி குறைப்பு... வி.பி.எஃப் முதலீட்டைத் தொடரலாமா?

தற்போது தொழிலாளர் வருங்கால வைப்பு நிதியில் கிட்டத்தட்ட 5 கோடிக்கும் மேலான உறுப்பினர்கள் உள்ளனர். பெரும்பாலான சம்பள தாரர்களின் முறையான சேமிப்பாக இருந்துவருவது இந்த பி.எஃப்தான். இந்த நிலையில் பி.எஃப் மீதான வட்டி குறைக்கப்பட்டுள்ளது. இதற்கு நிதியமைச்சகம் ஒப்புதல் கிடைத்ததும் அமல்படுத்தப்படும். பி.எஃப் மீதான வட்டி குறைப்புக்கு பல்வேறு தொழிற்சங்கத்தினர் எதிர்ப்பு தெரிவித்துள்ளனர். வட்டியைக் குறைப்பது தவறான முடிவு என்றும் இந்த முடிவை திரும்பப் பெற வேண்டும் என்றும் வலியுறுத்துகின்றனர். இந்நிலையில், தொழிலாளர்களுக்கு இந்த வட்டிக் குறைப்பால் என்ன இழப்பு, தொடர்ந்து வாலன்டரி பி.எஃப் மூலமாக இதில் பணத்தைச் சேமிக்கலாமா வேண்டாமா என்ற கேள்விக்கு நிதி ஆலோசகர் சுரேஷ் பார்த்தசாரதி விளக்கமாக அளித்த பதில் இதோ...

‘‘முதலீடுகள் பற்றிய அடிப்படை விவரங்கள் தெரியாத வர்கள் வேறு வெளி முதலீடுகள் எதிலும் பணத்தைப் போடாமல் நிறுவனத்தார் தரப்பிலிருந்து செலுத்தப்படும் 12% சதவிகித பங்களிப்பு அல்லது ரூ.1,800 போக தாமாக முன்வந்து தங்களிடம் இருக்கும் தொகையை வாலன்டரி தொழிலாளர் வைப்பு நிதியாகச் சேமிக்கிறார்கள். இத்தகைய சூழலில் பி.எஃப் மீதான வட்டியை அரசு குறைத்ததும், அவர்களுக்கு இந்த வாலன்டரி தொழிலாளர் வைப்பு நிதியைத் தொடரலாமா வேண்டாமா என்ற கேள்வி வருவது மிகவும் இயல்பு. ஆனால், அரசு இந்த முடிவை எடுக்கவும் பின்னணி காரணங்கள் பல இருக்கின்றன.

இந்தியாவில் தற்போது 10 வருட கடன் பத்திரங்களுக்கான வட்டி 6.3 - 6.7 சதவிகிதம் என்ற அளவில்தான் உள்ளது. அஞ்சலக சிறு சேமிப்புத் திட்டங்களுக்கும் குறைவாகவே வட்டி உள்ளது. பி.பி.எஃப் திட்டத்துக்கு அதிகபட்சமாகவே 7.1 சதவிகிதம்தான் வட்டி தரப்படுகிறது. செல்வமகள் சேமிப்புத் திட்டத்துக்கு 7.4 சதவிகித வட்டி கொடுக்கிறார்கள். மீதமுள்ள பிற அரசாங்கத் திட்டங்களுக்கும் 6.5 சதவிகித அளவில்தான் வட்டி கொடுக் கிறார்கள். அரசாங்கம் கொடுக் கும் திட்டங்கள் அனைத்துக்கும் பெரும்பாலும் இந்த அளவில் வட்டி இருக்கும்போது, தொழிலாளர்களிடமிருந்து அரசாங்கம் வாங்கும் கடன் பணத்துக்கான வட்டியும் இந்த வரம்பில்தான் இருக்க வேண்டும் என்று அரசாங்கம் நினைக்கும். அதிகமாக வழங்கினால் அரசுக்கு அதன் முதலீட்டின் மீது லாபம் குறைவாகவே இருக்கும். அரசு மேற்கொள்ளும் முதலீடுகளுக்கு என்று செலவுகள் இருக்கிறது. அந்தச் செலவுகள் போகத்தான் வட்டி வழங்க முடியும். தொழிலாளர்கள் வைப்பு நிதி மூலமாக அரசாங்கம் வாங்கும் கடனில் 50 சதவிகிதத்தை அரசு கடன் பத்திரங்களில் முதலீடு செய்கிறார்கள். 35 சதவிகிதத்தை ‘ஏஏஏ’ தர பத்திரங்கள், உயர்தர நிறுவன பத்திரங்களில் முதலீடு செய்கிறார்கள். மீதமுள்ள 15 சதவிகிதத்தை சுதந்திரமாக எதிலும் முதலீடு செய்து கொள்ளலாம் என்ற நெகிழ்வுத் தன்மை உள்ளது.

சுரேஷ் பார்த்தசாரதி
சுரேஷ் பார்த்தசாரதி

அரசு கடன் பத்திரங்களில் 6.3 - 6.7 சதவிகித அளவிலான வட்டி கொடுக்கப்படும் நிலையில் அதில் முதலீடு செய்யும்போது அரசுக்கு 3.2-3.3 சதவிகிதம் வருமானம் பார்க்க முடிகிறது. ஏஏஏ தர பத்திரங்கள், பங்குகளில் முதலீடு செய்யும்போது நிறுவனங்கள் பெரும்பாலும் 7-9 சதவிகித அளவுக்குத்தான் வட்டி கொடுக்கின்றன. 9 சதவிகிதம் வட்டி கொடுப்பதெல்லாம் ரொம்ப அரிது. எனவே, சராசரியாக 8 சதவிகிதம் என்று வைத்துக்கொள்ளலாம். இதில் 35 சதவிகிதம் முதலீடு செய்யும்போது இதன்மூலம் 3.2 சதவிகித வருமானம் கிடைக்கிறது என வைத்துக்கொள்ளலாம். மீதமுள்ள பணத்தை வேறு முதலீடுகளில் செய்வதன் மூலம் 1 - 1.5 சதவிகித வருமானம் கிடைக்கும் எனில் மொத்தமாக 7.4 - 7.9 அளவுக்கு வருமானம் கிடைக்கும். இதுபோக தொழிலாளர் வைப்பு நிதி நிர்வகிப்புக்கான செலவுகள் இருக்கிறது. வருமானத்துக்கும் செலவுகளுக்கும் இடையிலான இடைவெளியைக் குறைப்பதற்காகவே அரசாங்கம் வட்டியைக் குறைத்திருக்கிறது.

தனிநபர் பார்வையில் பி.எஃப் மீதான வட்டி குறைக்கப்பட்டதால் பி.எஃப் மீதான முதலீட்டைத் தொடரலாமா வேண்டாமா என்பது நம் ஒவ்வொரு வருடைய தேவை, திறன் பொறுத்து மாறும். முதலீடு சார்ந்து தொடர்ச்சியாக நாம் வலியுறுத்துவது, அஸெட் அலொகேஷன். இந்த முறையில் முதலீடு செய்தால் நமக்கு இதுபோன்ற மாற்றங்களால் பாதிப்புகள் இல்லை. அஸெட் அலொகேஷனில் நாம் குறிப்பிடுவது 100 ரூபாயில் 30 - 40 ரூபாயை கடன் சார்ந்த திட்டங்களில் முதலீடு செய்ய சொல்கிறோம். அந்த 40 சதவிகிதத்தில் 10 சதவிகிதம் கட்டாய தொழிலாளர் வைப்பு நிதியோடு, வாலன்டரி வைப்பு நிதியும் சேர்ந்து 15 - 20 சதவிகிதமாக இருந்தால் பெரிய பாதிப்பு எதுவும் இல்லை. வேறு ரிஸ்க்குள்ள முதலீடுகளைத் தேர்ந்தெடுக்க விரும்பாதவர்கள் அதை அப்படியே தொடரலாம்.

பிற முதலீடுகளான ஒரு வருட ஃபிக்ஸட் டெபா சிட்டுக்கு வட்டி 5.3 சதவிகிதம்தான் கிடைக்கிறது. 3 - 5 வருட ஃபிக்ஸட் டெபாசிட்டுக்கான வட்டியும் 5.7 - 5.8 சதவிகித அளவில்தான் உள்ளது. அதேசமயம் இவற்றுக்கு வரியும் உண்டு. வாலன்டரி வைப்பு நிதியில் அரசின் உத்திரவாதமான வருமானம் கிடைப்பதோடு வரி இல்லை என்பதையும் பார்க்க வேண்டும். சற்று வட்டி குறைந்திருந்தாலும் வரி இல்லாத, மற்றவற்றோடு ஒப்பிடுகையில் உத்தர வாதமான வருமானம் தரும் ஒன்றாக இருப்பதால் இதைத் தொடரலாம். அதேசமயம், பி.எஃப் மீதான வட்டியானது இனிவரும் காலங்களில் தொடர்ந்து மாற்றங்களுக்கு உள்ளாகும். வளர்ந்த நாடுகள் அனைத்துமே தொடர்ந்து வட்டிகளைக் குறைத்து வந்துள்ளன. இந்தியாவிலும் வட்டி குறைக்க வாய்ப்புள்ளது எனும்பட்சத்தில் வாலன்டரி வைப்பு நிதி பங்களிப்பைக் குறைத்துவிட்டு அதிலிருந்து பணத்தை எடுத்து நியூ பென்ஷன் சிஸ்டத்தில் முதலீடு செய்யலாம். இதில் ரூ. 50,000 வரை வரிச் சலுகை உண்டு. இதில் சராசரியாக 10 - 11 சதவிகிதம் வருமானம் கிடைக்கக்கூடும்.

மேலும் வேறு வெளி முதலீடுகளை எப்போது வேண்டுமோ எடுத்துக் கொள்ளலாம். ஆனால், வாலன்டரி வைப்பு நிதி எப்போது வேண்டுமோ அப்போதெல்லாம் எடுக்க முடியாது. குறிப்பிட்ட சில காரணங்களுக்காக மட்டுமே பி.எஃப் தொகையை எடுக்க முடியும். ஆனால், ட்ரஸ்ட்களில் இருப்பவர்கள் வேண்டும் எனும்போது போடவும் எடுக்கவும் செய்கிறார்கள். ஆனால், அதிலும் வட்டி விகிதம் குறைவு. எனவே, நம்முடைய தேவைதான் நம் முடிவுகளைத் தீர்மானிக்கிறது’’ என்றார்.