Published:Updated:

Five Funds Funda: பணம் சேர்க்க விரும்புவோருக்கு 5 நிதிச் சூத்திரங்கள்!

பணம் சேர்க்க ஏழு வழிகள்
பணம் சேர்க்க ஏழு வழிகள்

பணம் சேர்க்க விரும்புபவர்களுக்கு 'ஃபைவ் ஃபண்ட்ஸ் ஃபண்டா (Five Funds Funda)' என்ற ஐந்து நிதிச் சூத்திரங்கள் அவசியம்.

வியாபார மந்தம், வேலை இழப்பு, வருமான பாதிப்பு எனப் பல சிரமங்களை நம்மில் பலர் எதிர்கொண்டு வருகிறோம். மழைக் காலத்துக்குச் சேமிக்க வேண்டும் என்ற எண்ணம் 'மூளை'யின் ஒரு 'மூலை'யில் இருந்தாலும், சமூக அந்தஸ்து கருதி தேவையில்லாத செலவுகளைக் கடன் வாங்கிச் செய்திருப்போம்.

ஒரு வீட்டுக்கு இரண்டு வீடாகக் கடன் வாங்கி வாங்கினோம். பண விஷயத்தில் இனியாவது அனைவரும் சிந்தித்துச் செயல்பட வேண்டும் என்ற நோக்கில் அமைந்த புத்தகம்தான் அபிஷேக் குமார் எழுதிய 'மாஸ்டர் யுவர் மணி, மாஸ்டர் யுவர் லைஃப்' (Master Your Money, Master Your Life). 'விஸ்டம் ட்ரீ' பதிப்பகம் இந்தப் புத்தகத்தை வெளியிட்டுள்ளது.

ஐந்து நிதிச் சூத்திரங்கள்..!

பணம் சேர்க்க விரும்புபவர்களுக்கு 'ஃபைவ் ஃபண்ட்ஸ் ஃபண்டா (Five Funds Funda)' என்ற ஐந்து நிதிச் சூத்திரங்கள் அவசியம்.

மாதந்தோறும் சம்பளம் வாங்கியவுடன் முதலீடு, சேமிப்புக்கென்று ஒரு வங்கிக் கணக்குத் திறந்து நிகர வருமானத்தில் 10 சதவிகித்தைப் போட்டு வைத்துவிட வேண்டும்.

இரண்டாவதாக, நெருக்கடிநிலையைச் சமாளிக்கும் பொருட்டு ஒரு வங்கிக் கணக்கு தொடங்கி அதில் 10% போட்டு வைத்துவிட வேண்டும்.

மூன்றாவதாக, அதிக விலையுள்ள பொருள்கள் (கார், பைக், ரெஃப்ரிஜிரேட்டர் போன்றவை) வாங்குவதற்கு என்று ஒரு வங்கிக் கணக்குத் தொடங்கி, அதில் ஒரு 10% பணத்தைப் போட்டு வைத்துவிட வேண்டும்.

முதலீடு
முதலீடு

நான்காவதாக, குதூகலச் செலவுகளுக்கென்று ஒரு கணக்குத் தொடங்கி அதில் ஒரு 10 சதவிகிதமும், இறுதியாக அத்தியாவசியத் தேவைகளுக்கென்று மீதமுள்ள 60 சதவிகிதத்தையும் ஒதுக்கி அதை அந்தந்தத் தேவைகளுக்கு மட்டுமே உபயோகிக்க வேண்டும்" என்று சொல்லும் ஆசிரியர், இது எப்படிச் சாத்தியம் என்பதைப் பல்வேறு உதாரணங்கள் மூலம் எடுத்துச் சொல்கிறார்.

"அத்தியாவசியக் கணக்கிலிருக்கும் 60 சதவிகிதத் தொகையை மாதாந்தர பலசரக்கு, மாதத் தவணை, எரிபொருள், கல்விக் கட்டணம், மின்சாரம், வீட்டு வரி/தண்ணீர் வரி செலுத்துவது போன்ற செலவுகளுக்குப் பயன்படுத்திக்கொள்ள வேண்டும். ஒரு குறிப்பிட்ட காலத்துக்குப் பிறகு ஏதாவது ஒரு கணக்கில் பணம் அதிகமிருக்கிறது என நினைத்தால், அதைச் சேமிப்பு/முதலீட்டுக் கணக்கில் போடலாம்.

வேறு எந்தவொரு காரணத்துக்காகவும்/தேவைக்காகவும் சேமிப்பு மற்றும் முதலீட்டுக்கென ஒதுக்கிவைத்திருக்கும் பணத்தில் கண்ணையும் கையையும் வைக்கக் கூடாது" என்று கண்டிப்புடன் கூறும் ஆசிரியர், இன்னும் சில விஷயங்களையும் குறிப்பிடுகிறார்.

இத்துடன்...

> சேமிப்பை விதையுங்கள்!

> பத்து மடங்கு வித்தியாசம்!

> எதையெல்லாம் தவிர்க்க வேண்டும்?

> இன்ஷூரன்ஸ் சேமிப்பல்ல!

> முதலீடு வகைகள்

> 'Pay Yourself First' கொள்கை

* Vikatan App-ல் முழுமையான கட்டுரையை வாசிக்க, கீழேயுள்ள Also Read-ன் தலைப்பை க்ளிக் செய்க.

ஆகிய அம்சங்களையும் உள்ளடக்கிய முழுமையான கைடன்ஸ் கட்டுரையை நாணயம் விகடன் இதழில் வாசிக்க க்ளிக் செய்க... > பணத்துக்கு எஜமானர் ஆவது எப்படி? - பணம் சேர்க்க ஏழு வழிகள்..! https://bit.ly/2ZIYwz7
பணத்துக்கு எஜமானர் ஆவது எப்படி? - பணம் சேர்க்க ஏழு வழிகள்..!

சிறப்புச் சலுகை: விகடன் App-ஐ டவுன்லோடு செய்து ரெஜிஸ்டர் செய்தால், ஆனந்த விகடன் தொடங்கி அவள் கிச்சன் வரை அனைத்து இதழ்களையும் 30 நாள்களுக்கு கட்டணமின்றி வாசிக்கலாம். குறிப்பாக, கடந்த 2006-ல் இருந்து வெளியான அனைத்து ப்ரைம் கன்டென்ட்டுகள், பொக்கிஷக் கட்டுரைகளிலும் வலம்வர முடியும். விகடன் ஆப் டவுன்லோடு லிங்க் இதோ https://bit.ly/2VRp3JV

அடுத்த கட்டுரைக்கு