Published:Updated:

ஃப்ராங்க்ளின் டெம்பிள்டன் ஃபண்ட்... முதலீட்டைத் தொடரலாமா? நிறுவனம் சொல்வது என்ன..?

முதலீடு
பிரீமியம் ஸ்டோரி
முதலீடு

M U T U A L F U N D

ஃப்ராங்க்ளின் டெம்பிள்டன் ஃபண்ட்... முதலீட்டைத் தொடரலாமா? நிறுவனம் சொல்வது என்ன..?

M U T U A L F U N D

Published:Updated:
முதலீடு
பிரீமியம் ஸ்டோரி
முதலீடு

ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனம், தற்போதைய நிலவரப்படி 34 ஓப்பன் எண்டட் திட்டங்களை நிர்வகித்து வருகிறது. இந்த நிறுவனம் சென்ற ஆண்டு முதல் பல நெருக்கடிகளைச் சந்தித்து வருகிறது. அதனால் முதலீட்டாளர்கள் ஃப்ராங்க்ளின் டெம்பிள்டன் மியூச்சுவல் ஃபண்ட் திட்டங்களில் தொடர்ந்து முதலீடு செய்யலாமா அல்லது வெளியேறி விடலாமா என்கிற குழப்பத்தில் இருக்கிறார்கள். இவர்கள் தெளிவு பெறும் விதமாக பிரைம் இன்வெஸ்டர். டாட் இன் (primeinvestor.in) நிறுவனம், ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனத்தின் திட்டங்களை அலசி ஆராய்ந்து அறிக்கை வெளியிட்டுள்ளது.

பிரைம் இன்வெஸ்டர் முதலீட்டு ஆராய்ச்சி நிறுவனம், ‘ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனத்தின் அனைத்து திட்டங் களிலிருந்து முதலீட்டாளர்கள் வெளியேறுவதே நல்லது’ என்று பரிந்துரை செய்துள்ளது. அதற்கு பிரைம் இன்வெஸ்டர் நிறுவனம் பின்வரும் காரணங்களைக் கணித்துச் சொல்லியிருக்கிறது.

குறைவான வருமானம்...

ஃப்ராங்க்ளின் டெம்பிள்டன் மியூச்சுவல் ஃபண்ட் திட்டங்கள் பெரும்பாலும் சந்தையில் உள்ள மற்ற திட்டங்களைவிட குறைவான லாபத்தையே கடந்த மூன்று ஆண்டுகளாக வழங்கிவருகின்றன. உதாரணமாக, ஃப்ராங்க்ளின் இந்தியா புளூசிப் ஃபண்ட், அதே பிரிவின்கீழ் வரும் எஸ்.பி.ஐ புளூசிப் ஃபண்டைவிடக் குறைவான லாபத்தையே தொடர்ந்து வழங்கி வருகிறது. பெரும்பாலான பங்குச் சந்தைக் குறியீடு வளர்ச்சியைக் காட்டிலும் குறைவான லாபத்தையே கடந்த மூன்று ஆண்டுகளில் இந்தத் திட்டங்கள் முதலீட்டாளர்களுக்குக் கொடுத்திருக்கின்றன.

முதலீடு
முதலீடு

குறையும் தரக்குறியீடு...

பிரைம் இன்வெஸ்டர் நிறுவனம், ஃப்ராங்க்ளின் டெம்பிள்டன் மியூச்சுவல் ஃபண்ட் திட்டங்களுக்குத் தரக்குறியீடு வழங்கி வருகிறது. இந்தக் குறியீடு ஃப்ராங்க்ளின் டெம்பிள்டன் நிறுவனத்தின் பெரும்பாலான திட்டங்களில் கடந்த மூன்று ஆண்டு களாகத் தொடர்ந்து குறைந்து வருகிறது.

வளர்ச்சி இல்லை...

கடந்த ஆண்டு பங்குச் சந்தை குறிப்பிடத்தக்க வளர்ச்சியை அடைந்தபோதும் இந்த நிறுவனத்தின் ஃபண்டுகள் குறைந்த லாபத்தையே முதலீட்டாளர்களுக்குத் தந்துள்ளன. மேலும், ஃப்ராங்க்ளின் டெம்பிள்டன் மியூச்சுவல் ஃபண்ட் நிறுவனம் அதன் முக்கிய ஆறு கடன் ஃபண்டுகளை சென்ற ஆண்டு முடக்கி வைத்தது. அந்த ஃபண்டுகளில் யூனிட்டுகளை உடனடியாக விற்க முடியாத நிலை ஏற்பட்டது. இதன் காரணமாக இந்த நிறுவனத்தின் மீது முதலீட்டாளர் களுக்கு நம்பிக்கை குறைந்தது. இது போன்ற பாதிப்புகளுக்கு உள்ளாகாத இந்த நிறுவனத்தின் வேறு திட்டங் களிலும் பெரும்பாலான முதலீட் டாளர்கள் வெளியேறத் தொடங் கினர். இதன் காரணமாகவும் இந்த நிறுவனம் கடும் நெருக்கடிக்கு தள்ளப்பட்டது.

அதிக முதலீட்டாளர்கள் இந்த நிறுவனத்தின் திட்டத்திலிருந்து வெளியேறிய காலத்தில் தொடர்ந்து பங்குகள் விற்கப்பட்டதால், பெரும் பாலான ஃபண்டுகளின் செயல் பாடுகள் சரிவடையத் தொடங்கின.

‘இது போன்ற பல காரணங்களால் முதலீட்டாளர்கள் இந்த நிறுவன திட்டங்களிலிருந்து வெளியேறுவதே நல்லது’ எனச் சொல்லியிருக்கிறது பிரைம் இன்வெஸ்டர் நிறுவனம். இந்த முதலீடுகளை விற்று முதலீட்டாளர்கள் சந்தையில் உள்ள பிற நல்ல திட்டங்களில் மறு முதலீடு செய்வது நீண்டகால நோக்கில் பயனளிக்கும் என்று அந்த நிறுவனம் தெரிவித்துள்ளது.