Published:Updated:

ஃபண்ட் வருமானமும் முதலீட்டாளர் வருமானமும் வேறுபடுவது ஏன்?

மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

மியூச்சுவல் ஃபண்ட்

ஃபண்ட் வருமானமும் முதலீட்டாளர் வருமானமும் வேறுபடுவது ஏன்?

மியூச்சுவல் ஃபண்ட்

Published:Updated:
மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

ஏ.எஸ்.முரளிதரன், முதன்மைச் செயல் அதிகாரி, வீரா ஃபின்சர்வ்

மியூச்சுவல் ஃபண்ட் முதலீட்டைப் பொறுத்தவரை, ஒரு குறிப்பிட்ட ஃபண்ட் கொடுத்த வருமானத்துக்கும் (Fund Return) அதில் முதலீடு செய்திருக்கும் முதலீட்டாளர் பெற்றிருக்கும் வருமானத் துக்கும் (Investor Return) இடையே பல நேரங்களில் அதிக வித்தியாசம் இருப் பதைப் பார்த்து முதலீட் டாளர்கள் குழம்பிப் போகிறார்கள்.

ஏ.எஸ்.முரளிதரன்
முதன்மைச் செயல் அதிகாரி, 
வீரா ஃபின்சர்வ்
ஏ.எஸ்.முரளிதரன் முதன்மைச் செயல் அதிகாரி, வீரா ஃபின்சர்வ்

‘‘ஒரு ஃபண்ட் 5 அல்லது 10 ஆண்டுகளில் 12% வருமானம் தந்திருக்கிறது என்று சொன்னால், அந்த 12% வருமானம் எனக்குக் கிடைத்திருக்க வேண்டுமே! எனக்கு 11% வருமானம்தான் கிடைத்திருக்கிறதே’’ என்று கேட்கிறார்கள்.

இந்தக் கேள்விக்கான பதிலை முதலீட்டாளர்கள் எளிதில் புரிந்துகொள்ளும் படியான ஆய்வறிக்கை ஒன்றை அண்மையில் ஆக்ஸிஸ் மியூச்சுவல் ஃபண்ட் வெளியிட்டுள்ளது. ‘இந்திய முதலீட்டாளர்களின் நடத்தை மற்றும் வருமானத் தில் அதன் தாக்கம் பற்றிய பகுப்பாய்வு’ (‘Analysis of Indian investor behaviour and its impact on performance’) என்கிற தலைப்பில் வெளியிடப் பட்டுள்ள அந்த ஆய்வறிக்கை யில் சொல்லப்பட்டுள்ள முக்கியமான விஷயங்களைக் கொஞ்சம் விரிவாகப் பார்ப்போம்.

ஃபண்ட் வருமானமும் முதலீட்டாளர் வருமானமும் வேறுபடுவது ஏன்?

முந்தும் எஸ்.ஐ.பி முதலீடு...

2003 முதல் 2022 வரை யிலான 20 ஆண்டுகளில் பங்குச் சந்தை சார்ந்த ஈக்விட்டி ஃபண்டுகள் மற்றும் ஹைபிரிட் ஃபண்டுகளில் ஃபண்ட் வருமானத்தைவிட முதலீட்டாளர்கள் வருமானம் கிட்டத்தட்ட 5% குறைவாக உள்ளது. ஆனால், கடன் சந்தை சார்ந்த ஃபண்டுகளில் இந்த வித்தியாசம் 0.40 சதவிகிதமாக மட்டுமே உள்ளது.

இந்த வித்தியாசம் சிஸ்ட மேட்டிக் இன்வெஸ்ட் மென்ட் பிளான் என்கிற எஸ்.ஐ.பி முறையில் முதலீடு செய்தால் மிகவும் குறைவாக இருக்கிறது.

இந்தக் கட்டுரையில் தந்துள்ள அட்டவணையைப் பாருங்கள். கடந்த 20 ஆண்டு களில் (2003-2022) ஈக்விட்டி ஃபண்டுகளில் சராசரி ஃபண்ட் வருமானம் 19.1 சத விகிதமாக உள்ளது. முதலீட் டாளர்களின் மொத்த முதலீடு (Lumpsum) சராசரியாக 13.8% வருமானம் கொடுத் திருக்கிறது.

இதே காலகட்டத்தில் ஈக்விட்டி ஃபண்டுகள் எஸ்.ஐ.பி முறையில் செய்யப்பட்ட முதலீட்டாளர் களின் முதலீட்டுக்கு 15.2% வருமானம் கிடைத்திருக் கிறது. மொத்த முதலீட்டைவிட எஸ்.ஐ.பி முதலீடு அதிக வருமானத்தைக் கொடுத்திருக்கிறது. ஃபண்ட் வருமானத்துக்கும் முதலீட்டாளர் வருமானத்துக்கும் இடையே சுமார் 5% வித்தியாசம் இருக்கிறது.

ஹைபிரிட் ஃபண்டுகளில் ஃபண்ட் வருமானம் கடந்த 20 ஆண்டுகளில் சராசரியாக 12.5 சதவிகிதமாக உள்ளது. முதலீட்டாளரின் வருமானம் மொத்த முதலீட்டில் 7.4 சதவிகிதமாகவும், எஸ்.ஐ.பி முதலீட்டில் 10.1 சதவிகிதமாகவும் உள்ளது. அதாவது, இரு முறை களுக்கான வித்தியாசம் என்பது சுமார் 5 சதவிகிதமாக உள்ளது.

கடன் ஃபண்டுகளில் ஃபண்ட் வருமானம் கடந்த 14 ஆண்டுகளில் (2009- 2022) சராசரியாக 7 சதவிகிதமாக உள்ளது. முதலீட்டாளரின் வருமானம் மொத்த முதலீட்டில் 6.6 சதவிகிதமாகவும் எஸ்.ஐ.பி முறை முதலீட்டில் 7 சதவிகிதமாகவும் உள்ளது. இங்கே மொத்த முதலீட்டில் மட்டும் வித்தியாசம் என்பது சுமார் 0.4 சதவிகிதமாக உள்ளது. எஸ்.ஐ.பி முதலீட்டில் வித்தியாசம் இல்லை. இதே போன்ற வித்தியாசம் தான் 5 ஆண்டுகள் மற்றும் 10 ஆண்டுகளிலும் காணப்படுவதாக ஆக்ஸிஸ் மியூச்சுவல் ஃபண்ட் அதன் ஆய்வறிக்கையில் தெரிவித்துள்ளது.

ஃபண்ட் வருமானமும் முதலீட்டாளர் வருமானமும் வேறுபடுவது ஏன்?

வருமான வேறுபாடு ஏன்?

முதலீட்டாளர்களின் வருமானம் மற்றும் ஃபண்ட் வருமானம் ஆகியவற்றுக்கு இடையேயான இந்த வேறுபாட்டுக்கு என்ன காரணம்? முக்கியமான காரணம், முதலீட்டாளர்கள் அடிக்கடி ஃபண்டை மாற்றுவதுதான். முக்கியமாக, நீண்ட கால எஸ்.ஐ.பி முதலீட்டைப் பங்குச் சந்தை இறக்கத்தின்போது நிறுத்திவிடுதாகும்.

மேலும், குறுகிய காலத்தில் பங்குச் சந்தையின் இறக்கத்தில் ஃபண்ட் மதிப்பு குறைந்திருக்கும் நிலையில் விற்றுவிட்டு வெளியேறியதாகும். இதனால், ஒருவரின் மியூச்சுவல் ஃபண்ட் முதலீட்டுக் கலவையின் வருமானம் கணிசமாகக் குறைந்துபோனது.

ஃபண்ட் வருமானமும் முதலீட்டாளர் வருமானமும் வேறுபடுவது ஏன்?

முதலீட்டாளர்கள் என்ன செய்ய வேண்டும்?

1. முதலீட்டாளர்கள் பங்குச் சந்தையின் இரைச்சலைத் (Noise) தவிர்க்க வேண்டும். மேலும், பங்குச் சந்தையின் சென்டி மென்டுக்கு அதிக முக்கியத்துவம் கொடுக்கத் தேவையில்லை.

2. பங்குச் சந்தை சார்ந்த முதலீட்டில் சந்தையின் இறக்கம் கண்டு பயம் தேவையில்லை. நீண்ட காலத்தில் பங்குச் சந்தை சார்ந்த முதலீடுகளில் ரிஸ்க் பரவலாகி பணவீக்க விகிதத்தை விட ஓரிரு சதவிகிதம் கூடுதல் வருமானம் கிடைக்க அதிக வாய்ப்பிருக்கிறது.

3. பங்குச் சந்தை சார்ந்த முதலீட்டில் அதிக வருமானம் கிடைக்கும் என்கிற பேராசை கூடாது. ஃபிக்ஸட் டெபாசிட் முதலீட்டைவிட 3% - 4% அதிக வருமான எதிர்ப்பார்ப்புடன் தான் ஈக்விட்டி ஃபண்டுகளில் முதலீட்டை மேற்கொள்ள வேண்டும்.

4. பங்கு சார்ந்த முதலீடுகளில் குறுகிய கால வருமான செயல்பாட்டுக்கு முக்கியத்துவம் கொடுக்கத் தேவையில்லை. மேலும், கடந்த காலத்தில் குறுகிய கால வருமானத்தின் அடிப்படையில் குறிப்பாக, கடந்த 6 மாதம் அல்லது ஓராண்டு வருமானத்தின் அடிப்படையில் முதலீட்டு முடிவை எடுக்கக் கூடாது.

5. பிள்ளைகளின் கல்வி, கல்யாணம் மற்றும் ஓய்வுக்கால தொகுப்பு நிதி மற்றும் செல்வத்தை உருவாக்க நீண்ட காலத்துக்கு முதலீடுகளைத் தொடர்வது அவசியமாகும்.

6. முதலீட்டை சீக்கிரமாக ஆரம்பிப்பதும் முக்கியம். அப்போதுதான் கூட்டு வளர்ச்சி என்கிற ‘பவர் ஆஃப் காம்பவுண்டிங்’கின் பலனை முழுமையாக அடைய முடியும்.

7. எஸ்.ஐ.பி முறையில் தொடர்ந்து இடைவிடாமல் எப்போதும் முதலீடு செய்து வர வேண்டும்.

8. பங்குச் சந்தை வீழ்ச்சியின்போது எப்போதும் எஸ்.ஐ.பி முதலீட்டை நிறுத்தக் கூடாது. முடிந்தால், சந்தை வீழ்ச்சியில் கூடுதல் முதலீட்டை மேற்கொண்டு வர வேண்டும்.

9. கையில் மொத்தப் பணம் இருந்தால், பங்குச் சந்தை எந்த நிலையில் இருந்தாலும் மொத்தப் பணத்தை ரிஸ்க் இல்லாத லிக்விட் ஃபண்டில் முதலீடு செய்துவிட்டு, அதிலிருந்து சிஸ்டமேட்டிக் இன்வெஸ்ட்மென்ட் பிளான் (STP) முறையில் ஈக்விட்டி ஃபண்டுகளுக்குக் குறிப்பிட்ட கால இடைவெளியில் முதலீட்டை மாற்றுவது மிகச் சிறந்த யோசனையாக இருக்கும்.

10. முதலீட்டாளர்கள் அவர் களின் நிதி இலக்குகளுக்கேற்ப முதலீட்டுக் காலத்தைத் தேர்வு செய்து அதன் அடிப்படையில் முதலீடு செய்துவரும்பட்சத்தில் நல்ல வருமானத்தைப் பெற முடியும்.

மியூச்சுவல் ஃபண்ட் மூலம் செய்யப்படும் முதலீடானது நீண்ட காலத்தில் பண வீக்கத் தைத் தாண்டிய வருமானத்தைத் தருவதாக இருக்கிறது. முதல் சம்பளத்தில் இருந்தே எஸ்.ஐ.பி முறையில் முதலீடு செய்து அதை 20 - 30 ஆண்டுகள் வரை தொடர்ந்தால், மிகப் பெரிய அளவில் செல்வம் சேர்க்க முடியும் என்பதில் சந்தேகமே இல்லை!