Published:Updated:

வர்த்தக வரலாற்றில் புதிய உச்சத்தைத் தொட்டது தங்கம்! - ஒரு சவரன் ரூ.30,120 

செ.கார்த்திகேயன்

கடந்த ஜூலை மாதத்தின் வர்த்தகமான குறைந்தபட்ச விலையுடன் (ஒரு கிராம் ரூ.3,216) ஒப்பிடும்போது, இன்று ஒரு சவரன் தங்கம் 4,392 ரூபாய் வரையில் அதிகரித்திருக்கிறது.

Gold
Gold

கடந்த ஆகஸ்ட் 8-ம் தேதி, ``ஆபரணத் தங்கம் விலை 30,000 ரூபாயைத் தொடுமா... அதிரடி விலை உயர்வுக்குக் காரணம் என்ன?" என்கிற தலைப்பில் விகடன்.காம் தளத்தில் கட்டுரை ஒன்றை எழுதியிருந்தோம். இதோ இன்று ஒரு சவரன் ஆபரணத் தங்கத்தின் விலை 30,000 ரூபாயைக் கடந்து வரலாற்றில் புதிய உச்சத்தைத் தொட்டிருக்கிறது. தங்க நகை வர்த்தகத்திலேயே ஒரு சவரன் தங்கம் இந்த அளவுக்கு உயர்ந்திருப்பது இதுவே முதல் முறையாகும். 

ரூபாய் மதிப்பு சரிவு மற்றும் அமெரிக்க - சீனா வர்த்தகப் போர் பதற்றத்தால் தங்கத்தின் விலை தொடர்ந்து அதிகரித்து வருகிறது. அதுமட்டுமில்லாமல் தங்கத்தின் மீது மக்கள் கொண்ட மோகமும் அவர்களின் தேவையும் அதிகமாகிக் கொண்டிருப்பதும் ஒரு காரணமாகும்.

தங்கம் விற்பனை
தங்கம் விற்பனை

3.9.2019-ம் தேதியான நேற்று ஒரு சவரன் தங்கம் 29,832 ரூபாயாக வர்த்தகமானது. இன்று மாலைக்குள் (4.9.2019 ) ஒரு சவரன் தங்கம் 30,000 ரூபாயைத் தொடும் என்று எதிர்பார்க்கப்பட்ட நிலையில், சவரனுக்கு 288 ரூபாய் அதிகரித்து 30,120 ரூபாய்க்கு வர்த்தகமாகி வருகிறது. இன்றைய வர்த்தகத்தில் ஒரு கிராம் தங்கம் 3,765 ரூபாயாக இருக்கிறது. கடந்த ஜூலை மாதத்தில் வர்த்தகமான குறைந்தபட்ச விலையுடன் (ஒரு கிராம் ரூ.3,216) ஒப்பிடும்போது, இன்று ஒரு சவரன் தங்கம் 4,392 ரூபாய் அதிகரித்திருக்கிறது.

தங்கம் விலை 30,000 ரூபாயைத் தொடுமா... அதிரடி விலை உயர்வுக்குக் காரணம் என்ன?!

ரூபாய் மதிப்பு சரிவும் சீனா அமெரிக்கா வர்த்தகப் போர் பதற்றமும் ஒருசேர நிகழ்ந்து வருவதால், இன்னும் தங்கத்தின் விலை உயர வாய்ப்பு இருப்பதாகவே நிபுணர்கள் கணித்திருக்கிறார்கள். தற்போதைய நிலையில் தங்கம் விற்பனையாளர்கள் நிதானமான போக்கை கடைப்பிடித்து வருகிறார்கள். மேலும், 20-30% வரை விற்பனை மந்தமாகியிருப்பதாகத் தகவல் வெளியாகியிருக்கிறது. அதனால், தங்கத்தின் மீது முதலீடு செய்பவர்கள் கொஞ்சம் பொறுத்திருந்து பரிசீலனை செய்யலாம்.