Published:Updated:

தங்கத்தில் முதலீடு செய்ய தங்கமான வழிகள்! அட்சய திருதியை ஸ்பெஷல்...

தங்கத்தில் முதலீடு...
பிரீமியம் ஸ்டோரி
தங்கத்தில் முதலீடு...

GOLD

தங்கத்தில் முதலீடு செய்ய தங்கமான வழிகள்! அட்சய திருதியை ஸ்பெஷல்...

GOLD

Published:Updated:
தங்கத்தில் முதலீடு...
பிரீமியம் ஸ்டோரி
தங்கத்தில் முதலீடு...

நிரவ் கர்கேரா, ஹெட் – ரிசர்ச், Fisdom

தங்கம், நம் மக்களுக்கு மிகவும் பிடித்தமான மஞ்சள் உலோகம். குறிப்பாக, பெண்களுக்கு அதன் மீது அதிக ஆசை. மதச் சடங்குகள், நம்பிக்கைகள், சென்டிமென்ட்டுகள் என இந்தியக் குடும்பங்களில் இதன் ஆதிக்கம் அதிகம். இப்போதெல்லாம் பண்டிக்கைக் காலங்களில் கார்ப்பரேட் நிறுவனங்கள் தங்க நாணயங்களை அன்பளிப்பாகக் கொடுக்க ஆரம்பித்திருக்கின்றன.

நிரவ் கர்கேரா 
ஹெட் – ரிசர்ச், 
Fisdom
நிரவ் கர்கேரா ஹெட் – ரிசர்ச், Fisdom

இந்தியக் குடும்பங்களில் தங்கத்தை ஆபத்பாந்தவனாகப் பார்க்கிறார்கள். ஓர் ஆத்திர அவசரத்துக்கு மிக எளிமையாக பணமாக்கக்கூடியதாக தங்கம் உள்ளது. இதனால், ஓரளவுக்கு தங்கம் வைத்திருக்கும் குடும்பம் நிதிப் பாதுகாப்புடன் இருக்கிறது எனலாம். ஆண்டுதோறும் அட்சய திருதியை (Akshaya Tritiya) அன்று தங்கம் வாங்குவது அதிர்ஷ்டமாகப் பார்க்கப்படுகிறது. இதையும் தாண்டி தங்கத்தில் பல நல்ல விஷயங்கள் இருக்கின்றன.

பணவீக்க விகிதத்தைத் தாண்டிய வருமானம்...

நீண்டகாலத்தில் தங்கம் வலிமையான வருமானம் கொடுத்திருப்பதைப் பெரும்பாலானோர் அறிந்திருக் கிறார்கள். கடந்த 50 ஆண்டுகளில் தங்கத்தின் விலை ஆண்டுக்கு சராசரியாக 10 சதவிகிதத்துக்கு மேல் அதிகரித்து வந்துள்ளது. கடந்த அரை நூற்றாண்டுகளாகத் தங்கம் கொடுத்த வருமானம், நாட்டின் சராசரி நுகர்வோர் பணவீக்க விகிதத்தைவிட அதிகமாக இருந்து வந்துள்ளது. நாட்டில் வட்டி விகித வீழ்ச்சி, நுகர்வு குறைவு, பங்குச் சந்தை மூலமான வருமானம் குறைவு ஆகிய அனைத்தையும் தாண்டி அனைத்துக் காலகட்டங்களிலும் தங்கத்தில் நிலையாக முதலீடு செய்யப்பட்டு வருகிறது. பொதுவாக, தங்கம் ஒரு மதிப்பு மிக்க பொருளாகவும் விலைவாசி உயர்வுக்கு ஈடுகொடுக்கும் முதலீடாகவும் உள்ளது.

தங்கம் என்னும் சிறந்த சொத்துப் பிரிவு...

தங்கத்தை ஒரு சொத்துப் பிரிவாக எடுத்துக்கொள்ளலாம். அஸெட் அலொகேஷன்படி, கடன் சார்ந்த முதலீடுகள் (எஃப்.டி, கடன் ஃபண்டுகள்), பங்கு சார்ந்த முதலீடுகளுடன் (நிறுவனப் பங்குகள், ஈக்விட்டி ஃபண்டுகள்) ஒருவரின் முதலீட்டுக் கலவையில் சுமார் 10% - 20% வரைக்கும் தங்கம் இருக்கலாம். அப்போதுதான் போர்ட்ஃபோலியோ முழுமையான டைவர்சிஃபிகேஷன் மற்றும் அஸெட் அலொகேஷனை கொண்டதாக இருக்கும். முதலீட்டு நோக்கில் தங்கம் வாங்கும்போது ஆபரண நகைகள் மற்றும் தங்க நாணயங்களை வாங்குவது இழப்பாக அமையும். காரணம், செய்கூலி, சேதாரம், ஜி.எஸ்.டி போன்றவை லாபத்தைச் சாப்பிட்டுவிடும்.

தங்கத்தில் முதலீடு...
தங்கத்தில் முதலீடு...

டிஜிட்டல் கோல்டு...

டிஜிட்டல் முறையில் தங்கத்தை ரூ.100-க்குகூட வாங்க முடியும். இதற்கென பல நிறுவனங்கள் உள்ளன. இந்தத் தங்கத்தை எப்படி ஆன்லைனில் வாங்கு கிறோமோ, அதேபோல் ஆன்லைனிலேயே விற்று சுலபமாகப் பணமாக்க முடியும். இப்படி ஆன்லைன்மூலம் வாங்கும்போது தங்கத்தின் தரம் (purity) பற்றிக் கவலைப்பட தேவையில்லை. மேலும், சேதாரம், ஜி.எஸ்.டி போன்ற கூடுதல் செலவுகள் இல்லை.

கோல்டு இ.டி.எஃப்.கள்...

தங்கத்தில் முதலீடு செய்ய அடுத்த சிறந்த வழி, கோல்டு இ.டி.எஃப் ஆகும். இந்த முறையில் இதன் யூனிட்டுகள் பங்குச் சந்தையில் பங்குகள் போல் வர்த்தகமாகும். தங்கத்தின் விலை உயரும்போது, கோல்டு இ.டி.எஃப் யூனிட்டின் மதிப்பும் உயரும். சில கோல்டு இ.டி.எஃப்-களில் தங்கச் சுரங்க நிறுவனப் பங்குகள், தங்கத்தைச் சுத்திகரிக்கும் நிறுவனப் பங்குகளிலும் முதலீடு செய்யப்படுகிறது. இந்த முறையில் முதலீடு செய்ய டீமேட் கணக்கு தேவை. எஸ்.ஐ.பி வசதி கிடையாது. பொதுவாக, ஒரு யூனிட் என்பது ஒரு கிராம் தங்கத்தின் விலையைக் குறிக்கும்.

கோல்டு சேவிங்ஸ் ஃபண்டுகள்...

மியூச்சுவல் ஃபண்ட் நிறுவனங் களின் மூலம் கோல்டு சேவிங்ஸ் ஃபண்டுகளில் முதலீடு செய்ய லாம். இந்த முறையில் எஸ்.ஐ.பி முறையில் மாதம் ரூ.500 - ரூ.1,000 கூட முதலீடு செய்து வரலாம். பொதுவாக, கோல்டு சேவிங்ஸ் ஃபண்டுகளில் திரட்டப்படும் நிதி, அதே மியூச்சுவல் ஃபண்ட் நிறுவனத்தின் கோல்டு இ.டிஎஃப் திட்டத்தில் முதலீடு செய்யப் படுவதாக இருக்கும். இதில் முதலீடு செய்ய பான், ஆதார் எண் இருந்தால் போதும். டீமேட் கணக்குத் தேவையில்லை.

சாவரின் கோல்டு பாண்டுகள்...

தங்கத்தில் முதலீடு செய்ய மிகச் சிறந்த திட்டம் என இதை குறிப்பிடலாம். இந்த தங்கப் பத்திரங்களை, மத்திய அரசின் சார்பாக ரிசர்வ் வங்கி வெளியிடு கிறது. இந்தத் திட்டத்தில் முதலீடு செய்யப்பட்ட தொகைக்கு ஆண்டுக்கு 2.5% வட்டி வழங்கப் படுகிறது. இந்த வட்டி வருமானத்துக்கு வரி உண்டு.

இதில் ஒரு கிராம்கூட வாங்க முடியும். தங்கமாகத் தர மாட்டார்கள். தங்கத்தின் விலை ஏற்றத்துக்கேற்ப இதன் யூனிட்டு களின் மதிப்பும் உயரும். ஒரு யூனிட் என்பது ஒரு கிராம் தங்கத்தைக் குறிக்கும். ஆன்லைன் மூலம் முதலீடு செய்யும்போது ஒரு கிராம் விலையில் ரூ.50 தள்ளுபடி அளிக்கப்படுகிறது.

இந்தத் திட்டத்தில் முதலீட்டை ஐந்தாண்டுகளுக்கு வெளியே எடுக்க முடியாது. எட்டு ஆண்டுகள் இந்த முதலீட்டைத் தொடர்ந்தால், மூலதன ஆதாய வரி கிடையாது. இதன் யூனிட்டுகள் பங்குச் சந்தையில் பட்டியலிடப்பட்டு வர்த்தக மாகிறது. பணத் தேவை இருக்கும்பட்சத்தில், இதன் யூனிட்டுகளை விற்றுப் பணமாக்கிக்கொள்ள முடியும். இதற்கு டீமேட் கணக்கு மூலம் ஒருவர் இந்த சாவரின் பாண்டுகளை வாங்கி இருக்க வேண்டும். இதன் யூனிட்டுகளை ஒருவர் விற்கும்போது, பங்குச் சந்தையில் இன்னொருவர் வாங்கத் தயாராக இருக்க வேண்டும்.

தங்கத்தின் விலை ஏற்ற இறக்கத்துக்கு உட்பட்டது என்பதால், மொத்த முதலீடு வேண்டாம். அட்சய திருதியையில் சாஸ்திரத்துக்கு சிறிது தங்கம் வாங்கி விட்டு, அதன் பிறகு, எப்போதெல்லாம் உங்களால் முடிகிறதோ, தங்கத்தின் விலை குறையும்போது, உங்களின் தேவை மற்றும் முதலீட்டுக் கலவைக்கேற்ப முதலீடு செய்து வாருங்கள்.

தங்கத்தில் லாபகரமாக முதலீடுகளை செய்யும் வழிகளைச் சொல்லிவிட்டோம். உங்களுக்கு ஏற்ற லாபகரமான ஒரு முதலீட்டுத் திட்டத்தை இனி நீங்களே தேர்வு செய்துகொள்ளுங்கள்.

லாபத்துக்கு வரி எப்படி?

ஆபரண நகை, கோல்டு சேவிங்ஸ் ஃபண்ட், கோல்டு இ.டி.எஃப் அனைத்துக்கும் ஒரே போல்தான் லாபத்துக்கு வருமான வரி கட்ட வேண்டும். வாங்கிய தேதியிலிருந்து மூன்று ஆண்டுகளுக்குள் விற்றால், குறுகியகால மூலதன ஆதாயம் ஆகும். இந்த ஆதாயத்துக்கு ஒருவர் எந்த வருமான வரி வரம்பில் வருகிறாரோ, அதற்கேற்ப வரி கட்ட வேண்டும். மூன்று ஆண்டுகளுக்குப் பிறகு விற்றால், கிடைக்கும் லாபம் நீண்டகால ஆதாயம் எனப்படும். இதற்கு பணவீக்க விகித சரிக்கட்டலுக்கு (Indexation) பிறகு 20% வரி கட்ட வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism