Published:Updated:

மியூச்சுவல் ஃபண்ட்... சரியான முதலீட்டுக் கலவையை உருவாக்குவது எப்படி?

மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

மியூச்சுவல் ஃபண்ட்

மியூச்சுவல் ஃபண்ட்... சரியான முதலீட்டுக் கலவையை உருவாக்குவது எப்படி?

மியூச்சுவல் ஃபண்ட்

Published:Updated:
மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

ஜி.சோலை, நிறுவனர், பசிபிக் வேலி ஃபைனான்சியல் சர்வீஸ், கோயம்புத்தூர்

ஒருவரின் அனைத்து நிதித் தேவை களையும் மியூச்சுவல் ஃபண்டுகள் மூலம் நிறைவேற்ற முடியும். இதற்கு அவர் செய்ய வேண்டிய ஒரே விஷயம், சரியான முதலீட்டுக் கலவையை (Portfolio) உருவாக்க வேண்டும். 

ஜி.சோலை, 
நிறுவனர், பசிபிக் வேலி ஃபைனான்சியல் சர்வீஸ், 
கோயம்புத்தூர்
ஜி.சோலை, நிறுவனர், பசிபிக் வேலி ஃபைனான்சியல் சர்வீஸ், கோயம்புத்தூர்

முதலீட்டுக் கலவை என்பது...

மியூச்சுவல் ஃபண்ட் முதலீட்டுக் கலவை என்பது கடன் சந்தை சார்ந்த ஃபண்டுகள், பங்குச் சந்தை சார்ந்த ஃபண்டுகள், கோல்டு சேவிங்க்ஸ் ஃபண்டுகள் ஆகியவற்றை உள்ளடக்கியதாக இருக்கிறது.

ஒரு குறிப்பிட்ட ஃபண்ட் வகையில் முதலீடு செய்வதற்குப் பதிலாக இப்படி கலவையாக முதலீடு செய்வது மூலம் பங்குச் சந்தையின் இறக்கத்திலும் முதலீட்டுக் கலவையின் லாபத்தை நிலைநிறுத்தவும் பாதுகாக்கவும் முடியும் அல்லது அதிகம் இறங்காமல் பாதுகாக்க முடியும்.

உதாரணமாக, பங்குச் சந்தை சார்ந்த ஃபண்ட் திட்டத்தில் மட்டுமே ஒருவர் முதலீடு செய்திருப்பதாக வைத்துக்கொள்வோம். பங்குச் சந்தை இறக்கத்தில் இந்த ஃபண்ட் திட்டம் 10% இறங்கியிருப்பதாக வைத்துக் கொள்வோம். அப்போது அதன் மதிப்பும் 10% இறங்கி ரூ.100 முதலீடு செய்திருந்தால், ரூ.90 ஆகக் குறைந்திருக்கும்.

இதற்குப் பதிலாக, அவர் இந்த ரூ.100-ஐ 50 ரூபாய் பங்குச் சந்தை சார்ந்த ஃபண்டிலும் 40 ரூபாயை கடன் சந்தை சார்ந்த ஃபண்டு களிலும் 10 ரூபாயைத் தங்கத்தில் முதலீடு செய்யும் ஃபண்டிலும் முதலீடு செய்திருப்பதாக வைத்துக்கொள்வோம். கடந்த ஓராண்டில் இந்த முதலீடுகள் முறையே -10%, 7%, 10% வருமானம் தந்திருப்பதாக வைத்துக்கொள் வோம். இப்போது முதலீட்டுக் கலவையின் சராசரி வருமானம் -1.2 சதவிகிதமாக இருக்கும். ஆனால், 100 ரூபாயையும் பங்குச் சந்தை சார்ந்த ஃபண்ட் திட்டத்தில் முதலீடு செய்திருந் தால் வருமானம் -10 சதவிகிதமாக இருக்கும்.

மியூச்சுவல் ஃபண்ட்... சரியான முதலீட்டுக் கலவையை உருவாக்குவது எப்படி?

எப்படி உருவாக்க வேண்டும்?

சரியான முதலீட்டுக் கலவை எப்படி உருவாக்க வேண்டும்? நிதி இலக்குகளை நிறைவேற்ற மியூச்சுவல் ஃபண்ட் திட்டங்களில் முதலீடு செய்யும்போது அது சரியான முறையில் பரவலாக்கப் பட்டதாக (Diversification) இருக்க வேண்டும். மேலும், முதலீட்டை மேற்கொள்ளும்போது பங்குச் சந்தை ஏற்றத்தில் இருந்தாலும் இறக்கத்தில் இருந்தாலும் சிஸ்டமேட்டிக் இன்வெஸ்ட்மென்ட் பிளான் என்ற எஸ்.ஐ.பி முறையில்தான் மேற்கொண்டு வர வேண்டும்.

மொத்தத் தொகை இருந்தாலும் அதை ரிஸ்க் இல்லாத லிக்விட் ஃபண்டில் முதலீடு செய்து அதிலிருந்து சிஸ்டமேட்டிக் டிரான்ஸ்ஃபர் பிளான் என்கிற எஸ்.டி.பி முறையில் ஈக்விட்டி ஃபண்டுகளுக்கு குறிப்பிட்ட இடைவெளியில் (உதாரணத்துக்கு 12, 18, 24 மாதங்கள்) மாற்றிக்கொள்வது லாபகரமாக இருக்கும்.

மியூச்சுவல் ஃபண்ட்... சரியான முதலீட்டுக் கலவையை உருவாக்குவது எப்படி?

ரிஸ்க் எடுக்கும் திறனை அளவிடுங்கள்...

அடுத்து, உங்களின் ரிஸ்க் எடுக்கும் திறன் மற்றும் ரிஸ்க் தாங்கும் திறனை அறிந்து கொள்ளுங்கள். அதுதான் உங்களின் முதலீட்டை எந்தெந்த சொத்துப் பிரிவுகளில் எவ்வளவு எனப் பிரித்து முதலீடு செய்ய வேண்டும் என்பதை முடிவு செய்யும்.

உதாரணமாக, பங்குகளில் நீங்கள் செய்திருக்கும் பங்கு களின் மதிப்பு சில மாதங்களில் 20% - 30% இறங்கினாலும் பயப்படாமல் அந்த முதலீட்டில் தொடரும் மனப்பாங்கு இருந் தால், உங்களுக்கு ரிஸ்க் எடுக்கும் திறன் அதிகமாக இருக்கிறது என்று அர்த்தம். அது போன்றவர்கள் நீண்ட கால முதலீடு என்கிறபோது பங்குச் சந்தையில் அதிக முதலீட்டை மேற்கொள்ளலாம். ரிஸ்க் எடுக்கும் திறனுக்கேற்ப முதலீட்டை எப்படி பிரித்து மேற்கொள்ள வேண்டும் என்கிற விவரத்தை அட்ட வணையில் பார்க்கவும்.

பிரதான முதலீட்டுக் கலவை...

பொதுவாக, உங்கள் ரிஸ்க் எடுக்கும் திறன் மற்றும் முதலீட்டில் உள்ள ரிஸ்க்கின் அடிப்படையில் பிரதான முதலீட்டுக் கலவை (Core Portfolio), துணை முதலீட்டுக் கலவை (Satellite Portfolio) என இரண்டாகப் பிரிக்கலாம்.

பிரதான முதலீட்டுக் கலவை என்பது அதிக ஏற்ற இறக்கம் இல்லாத முதலீட்டுத் திட்டங் களை உள்ளடக்கியதாகும். உதாரணமாக, கடன் சார்ந்த ஃபண்டுகள், இண்டெக்ஸ் ஃபண்டுகள், லார்ஜ்கேப் ஃபண்டுகள், லார்ஜ்கேப் இ.டி.எஃப்கள், மல்ட்டிகேப் ஃபண்டுகள், ஃபிளெக்ஸிகேப் ஃபண்டுகள், டைனமிக் அஸெட் அலொகேஷன் ஃபண்டுகள், ஈக்விட்டி சேவிங்ஸ் ஃபண்டுகள் ஆகியவற்றைக் கொண்டிருக்கும்.

இந்த முதலீட்டுக் கலவை பிள்ளைகளின் கல்வி, கல்யாணம், சொந்த வீடு, ஓய்வுக்காலம் ஆகிய முக்கிய நிதி இலக்குகளை நிறை வேற்ற உருவாக்கப்பட்டிருக்கும்.

பொதுவாக, பிரதான மியூச்சுவல் ஃபண்ட் முதலீட்டுக் கலவை நிலை யானதாக அதிக ரிஸ்க் இல்லாததாக இருக்கும். இது குறிப்பிட்ட தேவை களை நிறைவேற்ற உதவுவதாக இருக்கும். மேலும், இது அஸெட் அலொகேஷனைப் பின்பற்றியதாக இருக்கும்.

துணை முதலீட்டுக் கலவை...

துணை முதலீட்டுக் கலவை என்பது ஒருவரின் விருப்பத்தை நிறைவேற்ற உருவாக்கப்பட்டிருக் கும். அதாவது, மனை வாங்குதல், கார் வாங்குதல், வெளிநாடு சுற்றுலா செல்லுதல், நீண்ட காலத்தில் செல்வம் சேர்த்தல், அடுத்த தலைமுறைக்கு சொத்துகளை விட்டுச் செல்லுதல், சமூகத்துக்கு திருப்பிக் கொடுக்க நினைப்பதற் கான தொகுப்பு நிதி உருவாக்குதல் ஆகியவற்றை உள்ளடக்கியதாக இருக்கும்.

துணை முதலீட்டுக் கலவை என்பது அதிக ஏற்ற இறக்கத்தைக் கொண்ட கிரெடிட் ரிஸ்க் ஃபண்டுகள், மிட் கேப் ஃபண்டுகள், ஸ்மால்கேப் ஃபண்டுகள், செக்டார் ஃபண்டுகள் ஆகியவற்றைக் கொண்டிருக்கும்.

மியூச்சுவல் ஃபண்ட்... சரியான முதலீட்டுக் கலவையை உருவாக்குவது எப்படி?

முதலீட்டுக் காலம் எவ்வளவு?

பிரதான முதலீட்டுக் கலவையின் குறைந்தபட்ச முதலீட்டுக் காலம் 5, 8 ஆண்டுகளாகவும், துணை முதலீட்டுக் கலவையின் குறைந்தபட்ச முதலீட்டுக் காலம் 10, 15 ஆண்டுகளாகவும் இருக்க வேண்டும்.

மேலும், துணை முதலீட்டுக் கலவை எந்த ஒரு அஸெட் அலொகேஷனையும் பின்பற்றுவதாக இருக்காது. முதலீட்டாளரின் ரிஸ்க் எடுக்கும் திறன் மற்றும் முதலீட்டுக் காலத்தைப் பொறுத்து முதலீட்டுத் திட்டங்கள் இருக்கும்.

ஒரு நல்ல மியூச்சுவல் ஃபண்ட் போர்ட்ஃபோலியோ என்பது கடன் சார்ந்த ஃபண்டுகள், கலவை ஃபண்டுகள், ஈக்விட்டி ஃபண்டுகளின் கலவையாக இருக்கும். அதில் அதிகபட்சம் 10 மியூச்சுவல் ஃபண்ட் திட்டங்களை உள்ளடக்கியதாக இருக்கலாம். மேலும், இவை குறுகிய காலம், நடுத்தர காலம், நீண்ட காலம் என அனைத்து நிதித் தேவைகளையும் நிறைவேற்றுவதாக இருக்கும்.

மியூச்சுவல் ஃபண்ட் முதலீட்டுக் கலவையை இப்படி பிரதானம் மற்றும் துணை எனப் பிரிப்பதன் மூலம் ரிஸ்க்கை வெகுவாகக் குறைக்க முடியும்; கூடவே வருமானத்தையும் அதிகரிக்க முடியும்.

நம்மில் பலரும் இப்போதுதான் முதலீட்டுக் கலவையை உருவாக்கத் தொடங்கியிருக்கிறார்கள். இது பெரும்பாலும் பிரதான முதலீட்டுக் கலவையாகவே இருக்கிறது. இனி துணை முதலீட்டுக் கலவையையும் உருவாக்கிக் கொள்ளுங்கள்!