Published:Updated:

இனி எல்லோரும் செய்யலாம் பாண்ட் முதலீடு!

பாண்ட் முதலீடு
பிரீமியம் ஸ்டோரி
பாண்ட் முதலீடு

கடன் பத்திரம்

இனி எல்லோரும் செய்யலாம் பாண்ட் முதலீடு!

கடன் பத்திரம்

Published:Updated:
பாண்ட் முதலீடு
பிரீமியம் ஸ்டோரி
பாண்ட் முதலீடு

அர்ஜுன் பார்த்தசாரதி, நிறுவனர், Inrbonds.com

பாண்டுகள் என்று அழைக்கப்படும் கடன் பத்திரங்களை வங்கிகள், காப்பீட்டு நிறுவனங்கள், சேமநல நிதி, வெளிநாட்டு முதலீட்டாளர்கள் மற்றும் மியூச்சுவல் ஃபண்டுகள் போன்ற அமைப்புகள் நிர்வகித்து வருவதால், சாதாரண சிறு முதலீட்டாளர்களால் அவற்றின் செயல்பாடுகளைப் புரிந்துகொள்ள கடினமானதாக இருக்கும் என்ற மனப்பான்மையே பலரிடமும் இருக்கிறது.

ஆனால், உண்மையில் பாண்டுகள் என்பவை மிகவும் எளிதாகப் புரிந்துகொள்ளக் கூடிய, தனிநபர்கள் அனைவரும் எளிதில் முதலீடு செய்யத்தக்க ஒரு முதலீடாகவே உள்ளது. மேலும், இவை முதலீட்டாளர்களின் போர்ட்ஃபோலியோவுக்கு நல்ல மதிப்பையும் கொடுப்பதாக இருக்கிறது.

அர்ஜுன் பார்த்தசாரதி
அர்ஜுன் பார்த்தசாரதி

குறைந்தபட்ச முதலீடுகள்...

பாண்டுகளில் முதலீடு செய்வது எளிதானது என்பதுடன், முழுமையாக இணையத்தின் மூலமாகவே முதலீட்டை நிர்வகிக்கவும் முடியும். ஐ.என்.ஆர் பாண்ட்ஸ்.காம் (Inrbonds.com) என்கிற இணையதளத்தின் மூலம் பல ஆயிரம் முதலீட்டாளர்கள் பாண்டுகளில் முதலீடு செய்வதற்கான புரிதலையும் வழி காட்டுதலையும் பெறுகிறார்கள். சிறு முதலீட் டாளர்கள் பாண்டுகளில் ரூ.10,000 முதல் முதலீடுகளை மேற்கொள்ளும் வசதி கூடிய விரைவில் இந்தியாவுக்கு வரவிருக்கிறது.

நிலையான வருமானம் தரக்கூடிய முதலீடு களானது நம் சொத்து ஒதுக்கீட்டில் முக்கிய பங்கு வகிக்கின்றன. இவை நமக்குப் பணப் புழக்கத்தை உறுதி செய்வதுடன், ஒட்டுமொத்த போர்ட்ஃபோலியோவுக்கு ஸ்திரத்தன்மையைச் சேர்ப்பதாகவும் இருக்கிறது.

பணத்தை முதலீடு செய்ய நமக்குப் பல தேர்வுகள் கைவசம் உள்ளன. வங்கி வைப்புத் தொகை, பி.பி.எஃப், தபால் அலுவலகச் சேமிப்பு, தேசிய சேமிப்புப் பத்திரம் (என்.எஸ்.சி), காப்பீட்டுத் திட்டங்கள் மற்றும் மியூச்சுவல் ஃபண்ட், கடன் பத்திரங்கள் எனப் பல உள்ளன.

இவற்றில் வங்கி வைப்புத் தொகை, பி.பி.எஃப், தபால் சேமிப்புத் திட்டங்கள் மற்றும் காப்பீடுகள் ஆகியவற்றில் பலரும் முதலீடு செய்து வருகின்றனர். மியூச்சுவல் ஃபண்ட் முதலீடுகள் தற்போது கணிசமாக வளர்ச்சி அடைந்து வருகின்றன.

ஆனால், நேரடியாக பாண்ட் பத்திரங்களில் மிகக் குறைவானவர்களே முதலீடு செய்து வருகின்றனர். நமது அஸெட் அலொகேஷனில் குறிப்பிட்ட அளவில் நிலையான வருமானம் தரும் ஒரு முதலீடாகக் கடன் பத்திரங்கள் உள்ளன. தற்போது கடன் பத்திரங்களில் செய்யப்படும் கணிசமான முதலீடானது மியூச்சுவல் ஃபண்ட் திட்டங்கள் மூலம் வருகின்றன. பாண்ட் பத்திரங்களில் நேரடியாக முதலீடு செய்வதற்கான வசதிகளை முதலீட்டாளர்களுக்கு ஏற்படுத்தித் தரும் பணியை ரிசர்வ் வங்கியும் அரசும் தற்போது மேற்கொண்டு வருகிறது. தற்போதைய நிலையில், ஒரு முதலீட்டாளர் மியூச்சுவல் ஃபண்ட் திட்டங்கள் மூலமாகவோ, நேரடியாகவோ பாண்ட் பத்திரங்களில் தாராளமாக முதலீடு செய்யலாம்.

இனி எல்லோரும் செய்யலாம்
பாண்ட் முதலீடு!

பாண்ட் பத்திர முதலீட்டின் பலன்கள்...

பாண்ட் பத்திர முதலீட்டில் முதலீடு செய் பவரின் நிதி இலக்குக்கேற்ப பணப்புழக்கத் தையும், ரிஸ்க் எடுக்கும் மனப்பான்மைக்கேற்ப ரிஸ்க் அளவையும் தீர்மானிக்க வேண்டும். பாண்ட் பத்திரங்களில் நிலையான வட்டி வருமானம் நிர்ணயிக்கப்படுவதால், அதில் கிடைக்கும் வருமானம் முழுமையாக முதலீட் டாளரின் போர்ட்ஃபோலியோவில் சேர்கிறது.

அதேபோல், ரிஸ்க்கான முதலீடுகளை மேற்கொள்ளத் தயங்குபவர்கள், பாண்ட் பத்திரங்களில் கணிசமான முதலீட்டை மேற்கொள்வதன்மூலம் ரிஸ்க் குறைகிறது. தவிர, நமது போர்ட்ஃபோலியோவை சமநிலையில் வைத்திருக்கவும் பாண்ட் பத்திரங்கள் மூலமான முதலீடு பெரும் உதவியாக இருக்கிறது.

பாண்ட் பத்திர முதலீட்டில் உள்ள சிக்கல்கள்...

பாண்ட் பத்திர முதலீடுகள் அதிக ரிஸ்க் உள்ளவையாகக் கருதப்படுகின்றன. காரணம், பாண்ட் பத்திரங்களை வெளியிடுபவர்கள் திவாலாகும்பட்சத்தில் அந்த நிறுவனத்தால் பத்திரங்களுக்கான தொகையைத் தர முடியாமல் போகலாம். பாண்ட் கடன் பத்திரங்கள், பங்கு முதலீடுகள் போல எளிதில் பணமாக்கக் கூடியவையாக இருப்பதில்லை. மேலும், பங்குகளின் விலை நகர்வுகளை உடனுக்குடன் ஆன்லைனில் தெரிந்துகொள்ள முடியும். ஆனால், கடன் பத்திரங்களின் விலை நகர்வுகள் பெரும்பாலும் உடனுக்குடன் கிடைப்பதில்லை. இதனால் சரியான விலையில் பாண்ட் பத்திரங்களை வாங்கவில்லை எனில், இந்த முதலீடானது செலவு மிகுந்ததாக அமைய வாய்ப்புள்ளது. இது ஒட்டு மொத்தமாக முதலீட்டின் மீது கிடைக்கும் வருமானத்தைப் பாதிக்கலாம்.

மேலும், பாண்ட் பத்திரங்களில் செய்யப்படும் முதலீடு களுக்கு வரிச் சலுகையும் (டாக்ஸ் ஃப்ரீ பாண்டுகளைத் தவிர்த்து) கிடைப்பதில்லை. மேலும், இவற்றில் திரும்பத் திரும்ப முதலீடு செய்வதும் சிக்கலாக இருக்கிறது. ஏனெனில், கடன் பத்திரங்கள் மீதான வட்டி குறைக்கப்படும்போது முதலீடு செய்யும் மனப்பான்மை குறையும்.

கடன் பத்திரங்களின் வகைகள்...

மத்திய அரசுப் பத்திரங்கள், மாநில அரசுப் பத்திரங்கள், கார்ப்பரேட் பத்திரங்கள், நகராட்சிப் பத்திரங்கள், உள்கட்டமைப்புப் பத்திரங்கள் மற்றும் ரெய்ட்ஸ் (REIT), இன்விட்ஸ் (InVit), கவர்டு பாண்டுகள் (covered bonds), கிரெடிட் என்கேன்ஸ்ட் பாண்டுகள் (credit enhanced bonds) எனப் பல வகையான பாண்ட் பத்திரங்கள் உள்ளன. முதலீட் டாளர்களின் தேவைக்கேற்ப அவர்களின் நிதி இலக்குகளுக் கேற்ப இவற்றைத் தேர்ந்தெடுத்துக் கொள்ளலாம். இவற்றில் பாதுகாப்பானதாக அரசுக் கடன் பத்திரங்கள் உள்ளன.

அரசு வெளியிடும் பாண்ட் பத்திரங்கள் இந்திய அரசின் உத்தரவாதத்துடன் வெளியிடப்படுவதால், பாதுகாப்பான முதலீடாக உள்ளன. இதன் முதிர்வுக் காலம் ஓராண்டு முதல் 40 ஆண்டுகள் வரை உள்ளன. உங்களுக்கு எத்தனை ஆண்டுகள் கழித்துப் பணம் தேவைப்படுகிறதோ, அதற்கேற்ப முதலீட்டுக் காலங்களைத் தேர்வு செய்யுங்கள். உதாரணமாக, பிள்ளைகளின் உயர்கல்வி, கல்யாணத்துக்கு பாண்டு முதலீடு மூலம் திட்டமிடலாம்.

அரசு பாண்டு பத்திரங்கள் எவ்வளவு பாதுகாப்பானதோ, அதில் முதலீடு செய்யும் முறையையும் பாதுகாப்பானதாகக் கட்டமைத்துள்ளது ரிசர்வ் வங்கி. இந்திய அரசின் கருவூலப் பத்திரங்கள், இந்திய அரசின் தேதியிட்ட கடன் பத்திரங்கள், மாநிலங்களின் மேம்பாட்டு கடன் பத்திரங்கள் மற்றும் அரசு தங்கப் பத்திரங்கள் ஆகியவை இதில் உள்ளன. அரசு பாண்ட் பத்திரங்களில் சிறு முதலீட் டாளர்களின் பங்களிப்பை அதிகரிக்க ரிசர்வ் வங்கி, ரீடெய்ல் டைரக்ட் கில்ட் அக்கவுன்ட் (RDG Account - Retail Direct Gilt Account) முறையை அறிமுகப்படுத்தியுள்ளது. இதில் இணையதளம் மூலமாகக் கணக்குத் தொடங்கி அரசு பாண்ட் பத்திரங்களில் முதலீடு செய்ய முடியும்.

சரியான விலையில் சரியான பாண்டுகள்...

முதலீட்டைப் பொறுத்தவரை, மியூச்சுவல் ஃபண்டுகள், நேரடி பாண்டுகள் ஆகியவற்றின் கலவையாக போர்ட்ஃபோலி யோவை அமைத்துக்கொள்வது சிறந்ததாக இருக்கும். மியூச்சுவல் ஃபண்டுகள் டைவர்சிஃபைடு முதலீட்டுக் கட்டமைப்பைக் கொண்டிருப்பதால், நேரடி பாண்ட் பத்திரங்களைக் காட்டிலும் பாதுகாப்பானவை.

மேலும், பாண்டுகளில் அதிக கிரெடிட் ரிஸ்க் இருப்பதால், அவற்றில் நேரடியாக முதலீடு செய்ய நல்ல ஆலோசகர் ஒருவர் தேவைப்படுவார். ஆனால், ஆலோசகர்களைப் பெற முடியாதவர்கள் மியூச்சுவல் ஃபண்டுகள் மூலமாக முதலீடு செய்யலாம்.

அதே சமயம், நபார்டு வெளியிடும் பாண்ட் பத்திரங்கள் மியூச்சுவல் ஃபண்டுகளைவிடவும் அதிக வருமானம் தரக்கூடியவையாக இருக்கின்றன. கடன் பத்திரங்களைப் பொறுத்தவரை, நமக்குத் தேவையான பாண்டு பத்திரத்தை சரியான விலையில் வாங்குவது முக்கியம். எல்லாக் கடன் பத்திரங்களும் எல்லா முதலீட்டாளர்களுக்கும் பொருத்தமானதாக இருப்பதில்லை. ஒவ்வொருவரின் தேவை, ரிஸ்க் எடுக்கும் தன்மையைப் பொறுத்து மாறும். கடன் பத்திரங்கள் மீதான வருமானம் 4% - 10% வரை தருவதாக இருக்கின்றன. இவற்றில் சரியான கடன் பத்திரங்களைத் தேர்வு செய்ய வேண்டும்.

அவ்வாறு நமக்கான பாண்டு பத்திரத்தைத் தேர்வு செய்த பிறகு, அவற்றை சந்தையில் வாங்குவதற்கான செயல்பாட்டைத் தொடங்கலாம். ஆனால், அரசுக் கடன் பத்திரங்கள் மற்றும் பங்குகள் போல அல்லாமல், கார்ப்பரேட் கடன் பத்திரங்கள் தனியார் தளங்கள் மூலமாக விற்பனை செய்யப்படுகின்றன. இதனால் இவற்றின் விலைகளை அறிந்துகொள்வது எளிதாக இருப்பதில்லை. எனவே, தனியார் நிறுவனங்கள் வெளியிடும் கடன் பத்திரங்களை சரியான விலையில் வாங்க முடியாமல் போகலாம் அல்லது அதிக விலைக்கு வாங்கும் நிலை ஏற்படலாம். இதனால் கிடைக்கும் கடன் பத்திரங்கள் மூலம் நமக்குக் கிடைக்கும் வருமானம் குறையும் அபாயம் உண்டாகும்.

சரியான பாண்டுகளை சரியான விலையில் வாங்க சரியான ஆலோசகர்களை அணுகலாம். இதற்காக இன்றைக்குப் பலரும் ஐ.என்.ஆர் பாண்டுகள் தளம் மூலம் பாண்டுகளைத் தேர்வு செய்கிறார்கள், அவற்றின் விலையும் தெரிந்துகொள்கிறார்கள்.

பாண்ட் பத்திரங்கள் மீதான வருமானம் என்பது நிலையானது என்பதால், அவற்றை சரியான விலையில் வாங்குவது மிகவும் முக்கியம். 9% கூப்பன் கொண்ட பாண்ட் பத்திரத்தை சந்தையில் 8.5% யீல்டு என்ற அடிப்படையில் வாங்கும்போது உங்களுக்கு 8.5% வருமானமே கிடைக்கும். எனவே, சரியான விலையில் பாண்டு பத்திரங்களை வாங்க வேண்டும்.

பாண்டுகளை வெளியிடும் நிறுவனங்கள் திவால் ஆகக்கூடிய ரிஸ்க் உள்ளது. மேலும், லிக்விடிட்டி, விலைச்சரிவு ஆகிய பிரச்னைகளும் உள்ளன. எனவே, பாண்ட் முதலீடுகளையும் டைவர்சிஃபைடு முறையில் கையாள்வது நல்லது. ஒருவர் மொத்த முதலீட்டையும் ஒரே பாண்டில் போடாமல், துறை சார்ந்து, ரிஸ்க் அடிப்படையில், யார் அவற்றை வெளியிடுகிறார்கள் என்கிற அடிப்படையில் பலவாறாகப் பிரித்து, டைவர்சிஃபைடாக முதலீடு செய்யலாம்.

பாண்ட் பத்திரங்கள் பொதுவாக நிலையான வருமானம் கொண்ட, பாதுகாப்பான முதலீட்டுத் திட்டம் ஆகும். இது அதிக வருமானம் தரக்கூடிய முதலீடு இல்லை; பாண்டுகள் ஒருவருடைய போர்ட்ஃபோலியோவில் ரிஸ்க்கைக் குறைப்பதற்காகச் செய்யப் படும் முதலீடுகளாகவே உள்ளன.

ஆனால், முதலீட்டாளர்கள் பாண்டு களை ஸ்மார்ட்டாகப் பயன்படுத்தினால் பல பலன்களைப் பெறலாம். பங்குச் சந்தை உச்சத்தில் இருக்கும்போது பங்குகளிலிருந்து லாபத்தை எடுத்து அந்த லாபத்தை பத்திரங்களில் முதலீடு செய்யலாம். இதன்மூலம் லாபம் பாதுகாக்கப்படுவதுடன், சந்தை இறக்க மடையும்போது அதிக வருமானமும் பெற முடியும்.

தமிழில்: திவ்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism