Published:Updated:

வட்டி விகித அபாயத்தை சமாளிக்க உதவும் கடன் ஃபண்டுகள்..!

கடன் ஃபண்டுகள்
பிரீமியம் ஸ்டோரி
கடன் ஃபண்டுகள்

ஃபண்டுகள்

வட்டி விகித அபாயத்தை சமாளிக்க உதவும் கடன் ஃபண்டுகள்..!

ஃபண்டுகள்

Published:Updated:
கடன் ஃபண்டுகள்
பிரீமியம் ஸ்டோரி
கடன் ஃபண்டுகள்

ரவி சரோகி, CFA, Co-Founder, Samasthiti.

முதலீட்டு விஷயத்தில் கொஞ்சம் பழைமை வாதக் கொள்கைகளைக் கொண்டவர் கார்த்திக். இவர் பங்குச் சந்தையின் ஏற்ற இறக்கத்தைத் தவிர்ப்பதற்காக கடன் சார்ந்த மியூச்சுவல் ஃபண்ட் திட்டங்களில் முதலீடு செய்தார்.

ரவி சரோகி 
CFA, Co-Founder, Samasthiti.
ரவி சரோகி CFA, Co-Founder, Samasthiti.

ஆனால், அவருடைய நண்பர்களில் சிலர் துணிச்ச லானவர்கள். அவர்கள் பங்குச் சந்தையில் முதலீடு செய்தனர். பங்குச் சந்தை வீழ்ச்சி கண்டபோது அவர்கள் தூக்கத்தை இழந் தனர். ஆனால், கார்த்திக் தன்னுடைய முதலீடுகள் பாதுகாப்பாக இருக்கும் என்று உறுதியாக நம்பி, நிம்மதியாகத் தூங்கினார்.

ஒரு நாள் காலை கார்த்திக் தன்னுடைய போர்ட்ஃபோலி யோவை ஆய்வு செய்தபோது அதிர்ந்துபோனார். அவருடைய போர்ட் ஃபோலி யோவில் இருந்த சில கடன் சார்ந்த ஃபண்ட் திட்டங் களில் செய்துள்ள முதலீடுகள் அவருக்கு நஷ்டத்தைத் தந்திருந்தன. இது எப்படி சாத்தியம், கடன் ஃபண்டு களில் முதலீடு செய்தால், முதலீட்டுக்கு நஷ்டம் இல்லை என்று சொல்வார்களே! அப்படியானால் இந்த நஷ்டம் எப்படி வந்தது என்று நினைத்து, நஷ்டத்துக் கான காரணத்தைத் தேட ஆரம்பித்தார்.

பிறகுதான் அவருக்குத் தெரிந்தது, சில கடன் சார்ந்த மியூச்சுவல் ஃபண்டுகள் திவாலானதன் காரணமாக நஷ்டமடைந்திருக்கிறது என்றும், இதனால் கடன் சார்ந்த திட்டங்களில் முதலீடு செய்தவர்களுக்கும் இழப்பு வரவே செய்யும் என்றும் அவருக்குத் தெரிந்தது.

மேலும், இது போன்ற எதிர்பாராத வேதனை களைத் தவிர்க்க அவர் மிகக் கவனமாக கில்ட் ஃபண்டு களில் முதலீடு செய்யத் தொடங்கினார். இந்த கில்ட் ஃபண்டுகளும் கடன் சார்ந்த ஃபண்டுகள்தான். ஆனால், இவை அரசு வெளியிடும் கடன் பத்திரங்களில் முதலீடு களை மேற்கொள்கின்றன. அரசு வெளியிடும் கடன் பத்திரங்களில் முதலீடு செய்வது முற்றிலும் ரிஸ்க் இல்லாதது.

எல்லாவற்றுக்கும் மேலாக, அரசு கடன் பத்திரங்களில் முதலீடு செய்த பணம் திரும்பி வரும் என்ற நம்பிக்கை இல்லை எனில், வேறு எதன் மீதுதான் நம்பிக்கை வரும்? இதுவரை எந்த அரசுக் கடன் பத்திரங்களும் முதலீட் டாளர்களுக்குப் பணம் தராமல் திவால் ஆனதில்லை. அப்படியிருக்க, கடன் சார்ந்த சில மியூச்சுவல் ஃபண்ட் திட்டங்களின் சரிவுக்கு என்ன காரணம்?

இதைத் தொடர்ந்து, பத்து முன்னணி கில்ட் ஃபண்டு களை நாங்கள் ஆய்வுசெய் தார். பிறகுதான் தெரிந்தது, அவர் முதலீடு செய்த ஃபண்ட் திட்டங்கள் மட்டுமல்ல, பெரும்பாலான ஃபண்டுகள் சரிவைச் சந்தித்து முதலீட்டாளர்களுக்கு நஷ்டத்தைத் தந்துள்ளன என்று. இந்த நஷ்டத்துக்கு என்ன காரணம் எனப் பார்க்கும்போதுதான் கார்த்திக் முதலீடு செய்த கடன் சார்ந்த மியூச்சுவல் ஃபண்டுகள் ‘வட்டி விகித’ அபாயத்தில் சிக்கியிருப்பது தெரிந்தது. இந்த வட்டி விகித அபாயம் கடன் சார்ந்த மியூச்சுவல் ஃபண்டு களானது, ஈக்விட்டி மியூச்சுவல் ஃபண்டுகள் போலவே ஏற்ற இறக்கங்களுக்கு உள்ளாக்கும். இந்த அபாயத்தைப் புரிந்துகொள்ளாமல் கடன் சார்ந்த மியூச்சுவல் ஃபண்ட் திட்டங்களில் முதலீடு செய்வது கவனக் குறைவாக நாமே சிக்கிக்கொள்வது போலாகும்.

வட்டி விகித அபாயத்தை சமாளிக்க உதவும் கடன் ஃபண்டுகள்..!

வட்டி விகித அபாயத்தை எப்படிப் புரிந்துகொள்வது?

கடன் சார்ந்த மியூச்சுவல் ஃபண்ட் திட்டங்கள் கடன் பத்திரங்களில் முதலீடு செய்கின்றன. இந்தப் பத்திரங்களுக்கு நிலையான வட்டி விகிதமும், நிலை யான முதலீட்டுக் காலமும் உண்டு. (இதில் சில விதிவிலக்குகள் இருக்கலாம்). இதன் அடிப்படையில் பார்க்கும்போது, இது கிட்டதட்ட நிரந்தர வைப்பு நிதித் திட்டம் போலவே இருக்கும். ஆனால், இவை இரண்டுக்கும் இடையிலான முக்கியமான வித்தி யாசம், கடன் சார்ந்த மியூச்சுவல் ஃபண்ட் திட்டங்கள் சந்தையில் வர்த்தகமாகின்றன. ஆனால், நிரந்தர வைப்பு நிதித் திட்டம் வர்த்தகமாகவில்லை. அதாவது, நிரந்தர வைப்பு நிதியை யாருக்கும் விற்க முடியாது. வங்கியில் வைப்பு நிதியை அதன் முதிர்வுக் காலம் வரை தொடரலாம். இல்லையெனில், முன்பே கணக்கை முடித்து பணத்தை எடுத்துக்கொள்ளலாம். யாரிடமிருந்தும் வைப்பு நிதியை விலைக்கு வாங்கவும் முடியாது. விற்கவோ, வாங்கவோ, யாருக்கும் மாற்றவோ முடியாது.

கடன் சார்ந்த மியூச்சுவல் ஃபண்ட் திட்டங்கள் வர்த்தகமாகின்றன. மியூச்சுவல் ஃபண்ட் நிறுவனத்திட மிருந்து இவற்றை நீங்கள் பணம் கொடுத்து வாங்கலாம். எப்போது உங்களது பணம் தேவைப்படுகிறதோ, அப்போது அவற்றைத் திரும்ப மியூச்சுவல் ஃபண்ட் நிறுவனத்திடம் விற்று பணத்தைப் பெற்றுக்கொள்ள லாம். ஆனால், இதில் விலை என்பது நிலையானது அல்ல. இது சந்தையில் வர்த்தகம் ஆவதால், நீங்கள் வாங்கும்போதும், விற்கும்போதும் சந்தையில் என்ன விலைக்கு வர்த்தகமாகிறதோ, அந்த விலைக்கு வாங்கலாம் விற்கலாம்.

சந்தையில் இந்த விலை எப்படி நிர்ணயிக்கப்படுகிறது? கடன் சார்ந்த மியூச்சுவல் ஃபண்ட் என்பது கடன் பத்திரங்களின் தொகுப்பு ஆகும். எனவே, கடன் பத்திரங்களின் மதிப்பு அடிப்படையில்தான் மியூச்சுவல் ஃபண்ட் மதிப்பும் இருக்கும். கடன் பத்திரங்களின் மதிப்பு சந்தையின் வட்டி விகிதத்தைப் பொறுத்து மாறுபடும்.

ஏன் சந்தை வட்டி விகிதத்தைப் பொறுத்து பத்திரங்களின் மதிப்பு இருக்கிறது. பத்திரங்களின் வட்டி விகிதத்தைப் பொறுத்து ஏன் இல்லை என்பது முக்கியமான கேள்வி. உதாரணமாக, சந்தையில் வட்டி விகிதம் 5% என்று இருக்கிறது. பத்திரம் வழங்கும் வட்டி விகிதமும் 5 சதவிகிதமாக இருக்கிறது. அப்படியானால், பத்திரத்தை எங்கு வாங்கினால் என்ன?

அதே நேரம், சந்தையில் வட்டி விகிதம் 6 சதவிகிதமாக இருக்கிறது. பத்திரம் தரும் வட்டி 5% எனில், சந்தையிலிருந்து 6% வட்டி தரக்கூடிய பத்திரங்களை வாங்கவே விரும்புவார் கள். அதேபோல, கடன் பத்திரங்களை விற்க விரும்பும்போது பத்திரத்தின் வட்டி விகிதத்தைவிட சந்தை வட்டி விகிதம் அதிகமாக இருந்தால், நீங்கள் குறைவான மதிப்புக்கு விற்க வேண்டியிருக்கும். இதனால் வரவேண்டிய வருமானம் குறையும். சந்தையில் வட்டி விகிதம் உயரும்போது, கடன் பத்திரங்களின் மதிப்பு குறையும்; வட்டி விகிதம் குறையும்போது கடன் பத்திரங்களின் மதிப்பு உயரும். இவ்வாறு சந்தையின் வட்டி விகிதங்கள் பொறுத்து கடன் பத்திரங்களின் மதிப்பு மாற்றத்துக்குள்ளாவதை வைத்தே வட்டி விகித அபாயம் அமையும்.

வட்டி விகித அபாயத்தை சமாளிக்க உதவும் கடன் ஃபண்டுகள்..!
வட்டி விகித அபாயத்தை சமாளிக்க உதவும் கடன் ஃபண்டுகள்..!

எல்லாக் கடன் பத்திரங்களும் ஒன்றா?

எல்லா கடன் பத்திரங்களும் சந்தையின் வட்டி விகித நகர்வுகளைப் பொறுத்து ஒரே மாதிரியான மாற்றங்களுக்கு உள்ளாவதில்லை. சில கடன் பத்திரங்களின் மதிப்பு பிற கடன் பத்திரங்களின் மதிப்புடன் ஒப்பிடுகையில் மிகத் தீவிரமான மாற்றங் களுக்கு உள்ளாக வாய்ப்பு உள்ளது. அந்த வகையில் நீண்டகால முதிர்வைக் கொண்ட பத்திரங்கள் குறுகிய கால முதிர்வைக் கொண்ட பத்திரங்களைவிட அதிக மாற்றங்களுக்கு உள்ளாகும்.

2 வருட கடன் பத்திரத்தை விட 10 வருட கடன் பத்திரத் தில் அதிக வட்டி விகித அபாயம் இருக்கும். கடன் பத்திரங்கள் மீதான வட்டி விகித அபாயம் எந்த அளவுக்கு உள்ளது என்பதை எளிதில் அறிந்துகொள்ள முடியும்.

கடன் சார்ந்த மியூச்சுவல் ஃபண்ட் திட்டங்களில் முதலீடு செய்யும்முன் அந்த ஃபண்டின் ‘மாற்றியமைக்கப் பட்ட கால வரம்பை’ப் (Modi fied Duration) பார்க்க வேண்டும். அதிகம் மாற்றி அமைக்கப்பட்ட காலவரம் பைக் கொண்ட கடன் மியூச் சுவல் ஃபண்ட் திட்டங்கள் அதிக வட்டி விகித அபாயத் தைக்கொண் டிருக்கும்.

(கில்ட் ஃபண்டுகளின் ‘மாற்றி அமைக்கப்பட்ட காலவரம்பு’ விவரங்களைக் கொடுத்துள்ளோம். காலம் 252 நாள்கள் முதல் 1,332 நாள்கள் வரை உள்ளது. இதன்மூலம் வட்டி விகித அபாயத்தின் அளவைத் தெரிந்துகொள்ளலாம்.)

வட்டி விகிதம் உயர்த்தப்பட்டால், கடன் பத்திரங்களின் மதிப்பு குறையும். கடந்த ஆறு மாத காலமாக சூழல் இந்த நிலையில்தான் உள்ளது. இந்த வட்டிவிகித அபாயத்தைக் குறைக்க வேண்டுமெனில், ‘மாற்றியமைக்கப்பட்ட காலவரம்பு’ 180 நாள்களுக்கு அதிகமாக இல்லாமல் இருக்கும் ஃபண்டுகளைத் தேர்வு செய்ய வேண்டும். 180 நாள்களுக்குக் குறைவாக ‘மாற்றி யமைக்கப்பட்ட காலவரம்பு’ உள்ள கடன் சார்ந்த ஃபண்டுகளின் செயல்பாடு சிறப்பாக உள்ளது. இவை வட்டி விகித அபாயங் களைச் சமாளித்து நல்ல ரிட்டர்னைத் தருகின்றன. (பார்க்க, அல்ட்ரா ஷார்ட் டேர்ம் ஃபண்டுகள் குறித்த அட்டவணை).

உதாரணமாக, கடந்த ஆறு மாதத்தில் அல்ட்ரா ஷார்ட் ஃபண்டுகளின் செயல்பாட்டைப் பார்க்கும்போது ‘மாற்றி யமைக்கப்பட்ட காலவரம்பு’ 180 நாள்களுக்கு குறைவாக உள்ள ஃபண்டுகளின் ரிட்டர்ன் வட்டி விகித அபாயங்களால் பாதிக்கப்படவில்லை. எனவே, மாற்றியமைக்கப்பட்ட வட்டி விகித அபாயத்தால் அதிக பாதிப்புக்குள்ளாகும் கில்ட் ஃபண்டுகளிலிருந்து முதலீட்டை அல்ட்ரா ஷார்ட் ஃபண்டுகளுக்கு மாற்றுவதன் மூலம் நல்ல வருமானம் பெறுவது உறுதி.

தமிழில்: ஜெ.சரவணன்