Published:Updated:

காரணி முதலீடு... சிறு முதலீட்டாளர்களுக்குப் பயன் தருமா?

முதலீடு
பிரீமியம் ஸ்டோரி
முதலீடு

முதலீடு

காரணி முதலீடு... சிறு முதலீட்டாளர்களுக்குப் பயன் தருமா?

முதலீடு

Published:Updated:
முதலீடு
பிரீமியம் ஸ்டோரி
முதலீடு

சிந்தன் ஹரியா, தலைவர் - திட்ட மேம்பாடு & உத்தி, ஐ.சி.ஐ.சி.ஐ புரூடென்ஷியல் ஏஎம்சி

சிறு முதலீட்டாளர்கள் இன்று பங்கு சார்ந்த திட்டங்களில் முதலீடு செய்ய பல வழிகள் உள்ளன. செயலற்ற முதலீடு (Passive Investing) என்கிற முறையில், முதலீட்டாளர்கள் பங்குச் சந்தை மூலதனம் (Market Capitalisation) அடிப்படையிலான பங்குச் சந்தை ஃபண்டுகள் என்கிற இ.டி.எஃப்-கள் மற்றும் குறியீட்டு ஃபண்டுகளைத் (ETFs & Index Funds) தாண்டி புதிய உத்திகளை அதிக அளவில் பரிசீலித்து வருகின்றனர்.

இங்குதான் காரணி முதலீடு (Factor Investing) வருகிறது. உலக அளவிலான சந்தைகளுடன் ஒப்பிடுகையில், காரணி அடிப்படையிலான முதலீடு இந்தியாவில் ஒப்பீட்டளவில் புதியதாகும். அது என்ன காரணி முதலீடு என்பது குறித்து கொஞ்சம் விளக்கமாகப் பார்ப்போம்.

சிந்தன் ஹரியா,
தலைவர் - திட்ட மேம்பாடு & உத்தி, 
ஐ.சி.ஐ.சி.ஐ புரூடென்ஷியல் ஏஎம்சி
சிந்தன் ஹரியா, தலைவர் - திட்ட மேம்பாடு & உத்தி, ஐ.சி.ஐ.சி.ஐ புரூடென்ஷியல் ஏஎம்சி

அது என்ன காரணி முதலீடு?

காரணி முதலீடானது சிறந்த வருமானத்தை வழங்கும் திறனைக் கொண்டுள்ளது. இதை ஒரு முதலீட்டு உத்தியாக ஆழமாகச் சென்று ஆராய்ந்தால், இரு வகையான முக்கியமான காரணிகள் இருப்பதைப் பார்க்கலாம்.

ஒன்று, அடிப்படையிலான காரணிகள் (Fundamental-based Factors); மற்றொன்று, விலை அடிப்படையிலான காரணிகள் (Price-based Factors) ஆகும். தற்போது காரணி முதலீட்டில் குறைந்த ஏற்ற இறக்கம், மொமென்டம், மதிப்பு, டிவிடெண்ட் யீல்டு மற்றும் தரம் (Low Volatility, Momentum, Value, Dividend Yield and Quality) ஆகியவை முக்கியமானவை ஆகும்.

காரணி அடிப்படையிலான முதலீட்டுக் கலவையில் (Portfolio), முதலீடு செய்யக்கூடிய பங்குகள் காரணியின் பண்புகளை வெளிப் படுத்தும் விதமாகத் தேர்ந்தெடுக்கப்படும்.

உதாரணமாக, மதிப்புக் காரணி அடிப்படை யிலான முதலீட்டைக் கருத்தில் கொள்வோம். இந்த போர்ட்ஃபோலியோவின் ஒரு பகுதியாகத் தேர்ந்தெடுக்கப்பட்ட மதிப்பு வாய்ந்த நிறுவனங்கள் இருக்கும். இங்கே முதலீட்டுத் தன்மையைப் பொறுத்து நிஃப்டி 50 குறியீடு அல்லது நிஃப்டி 500 குறியீட்டில் இடம் பெற்றிருக்கும் வேல்யூ பங்குகளாக இருக்கலாம்.

நிஃப்டி 50 மதிப்பு 20 குறியீட்டைப் (Nifty 50 Value 20 Index) பொறுத்தவரை, போர்ட்ஃபோலியோவை உருவாக்கும் 20 நிறுவனங்கள், நிஃப்டி 50 குறியீட்டில் இடம்பெற்றிருக்கும் பங்குகளில் மூலதனத்தின் மீதான வருமானம், விலை - வருமானம், புத்தக மதிப்புக்கும் விலைக்குமான மதிப்பு மற்றும் டிவிடெண்ட் வருமானம் (Return on Capital Employed, Price-Earnings, Price to Book Value and Dividend Yield) ஆகிய வற்றின் அடிப்படையில் தேர்ந்தெடுக்கப்படுகின்றன.

காரணி முதலீடு... சிறு முதலீட்டாளர்களுக்குப் பயன் தருமா?

ஒற்றைக் காரணி அல்லது பல காரணிகள்...

நீண்ட காலப் புள்ளிவிவரத்தைக் கவனிக்கும்போது, ஒற்றைக் காரணியின் அடிப்படையிலான இண்டெக்ஸ் உத்தி என்பது அனைத்துக் காலத்திலும் சிறப்பாகச் செயல்படவில்லை. அதாவது, பங்குச் சந்தையின் சில நிலைகளில் அவை சரியாக வருமானம் கொடுக்கவில்லை.

உதாரணமாக, மொமென் டம் சார்ந்த உத்தி அனைத்துப் பங்குச் சந்தை சுழற்சியிலும் சிறப்பாகச் செயல்படவில்லை. எனவே, மல்ட்டி ஃபேக்டர் உத்தி அடிப்படையில் முதலீடு செய்வதுதான் லாபகரமாக இருக்கும்.

பல காரணிகள் முதலீட்டு அணுகுமுறையானது, பல காரணிகளின் கலவையின் அடிப்படையில் நிறுவனப் பங்குகளைத் தேர்வு செய்வ தாகும். எடுத்துக்காட்டாக, நிஃப்டி ஆல்பா குறைந்த ஏற்ற இறக்க 30 இண்டெக்ஸ் (Nifty Alpha Low Volatility 30 Index). இந்தப் பெயர் குறிப்பிடுவதுபோல, இங்கே தேர்ந்தெடுக்கப்பட்ட பங்குகளின் போர்ட் ஃபோலியோ இரண்டு காரணிகளின் அடிப்படையில் இருக்கும். அவை ஆல்பா மற்றும் குறைந்த ஏற்ற இறக்கம் ஆகும்.

இங்கே நிறுவனப் பங்குகள், நிஃப்டி 100 இண்டெக்ஸ் மற்றும் நிஃப்டி மிட்கேப் 50 இண்டெக்ஸ் ஆகியவற்றில் இருந்து தேர்ந்தெடுக்கப்படும். இதன் விளைவாக, ஒரு இண்டெக்ஸ் அல்லது ஒரு இ.டி.எஃப் மூலம், ஒரு முதலீட் டாளர் பல காரணிகளைக் கொண்ட பங்குகளின் தொகுப் பில் முதலீடு செய்யும் வாய்ப் பைப் பெறுகிறார்.

காரணி முதலீடு... சிறு முதலீட்டாளர்களுக்குப் பயன் தருமா?

காரணி முதலீட்டின் நன்மைகள்...

காரணி அடிப்படையிலான முதலீடு, செயல் மற்றும் செயலற்ற நிதி (Active and Passive fund) மேலாண்மை உத்திகள் இரண்டையும் ஒருங்கிணைக் கிறது. அதாவது, காரணி அடிப்படையிலான திட்டத் தின் அடிப்படைக் குறியீடு, தேர்ந்தெடுக்கப்பட்ட காரணியின் அடிப் படையில் தீவிரமாக நிர்வகிக்கப்படுகிறது. அதன் பிறகு, முதலீட்டாளர்கள் செயலற்ற முறையில் இ.டி.எஃப் மூலம் அத்தகைய குறியீட்டில் முதலீடு செய்கிறார்கள்.

இதன் முழுச் செயல்முறையும் விதிமுறை (Rule) அடிப்படையிலானது என்பதால், முதலீட்டு முடிவுகளை எடுக்கும்போது மனித சார்புக்கு இடமில்லை. மேலும், பங்குச் சந்தை நிலவரங்களுக்கேற்ப அரையாண்டுக்கு ஒரு முறை மதிப்பாய்வு (Review) செய்யப்படுவதால், தொகுப்பில் இடம்பெற்றிருக்கும் நிறுவனப் பங்குகள் நிலையானது அல்ல.

எனவே, ஒரு முதலீட்டாளர் மறு சம நிலையைப் (Rebalancing) பற்றிக் கவலைப்படத் தேவையில்லை.

முதலீட்டுக் கண்ணோட்டத்தில் பார்க்கும் போது, காரணி முதலீட்டு முறையைப் பயன் படுத்துவதன் மூலமான முக்கியமான நன்மைகளாக ஆரோக்கியமான முறையில் பங்குச் சந்தையின் ஏற்ற இறக்கத்தை நிர்வகிக்கும் திறன் மற்றும் அதிகரித்த பல்வகைப்படுத்தலுக்கான சாத்தியக்கூறு ஆகியவை உள்ளன.

காரணி அடிப்படையிலான இ.டி.எஃப்- களை தங்கள் முதலீட்டுக் கலவையில் பங்கு சார்ந்த முதலீட்டுத் திட்டங்களைச் சேர்க்க விரும்பும் எந்தவொரு முதலீட்டாளரும் பரிசீலிக்கலாம்.

இந்த முறையில், முதலீட்டாளர்கள் செயலற்ற மற்றும் செயல் முதலீட்டு உத்தி களின் பலன்களை ஒருங்கிணைக்க முடியும். அதே சமயம், ஓரளவு செயலில் நிர்வகிக்கப் படும் ஃபண்டுகளை ஒப்பீட்டளவில் குறைந்த செலவு விகிதத்தில் பெற முடியும்.

நிறைவாக, நீங்கள் ஒரு முதலீட்டாளராகப் பல்வகைப்பட்ட போர்ட்ஃபோலியோவை உருவாக்க விரும்பினால், மல்ட்டி ஃபேக்டர் அடிப்படையிலான இ.டி.எஃப்-கள் உதவியாக இருக்கும்.

காரணி அடிப்படையிலான முதலீட்டு வழிகள் உங்களிடம் இல்லை எனில், நீங்கள் அதை பரிசீலித்துப் பார்க்கலாமே!