Published:Updated:

உங்களைக் கோடீஸ்வரன் ஆக்கும் பி.பி.எஃப் திட்டம்..! நீங்களும் பரிசீலிக்கலாமே!

பி.பி.எஃப்
பிரீமியம் ஸ்டோரி
பி.பி.எஃப்

P P F S C H E M E

உங்களைக் கோடீஸ்வரன் ஆக்கும் பி.பி.எஃப் திட்டம்..! நீங்களும் பரிசீலிக்கலாமே!

P P F S C H E M E

Published:Updated:
பி.பி.எஃப்
பிரீமியம் ஸ்டோரி
பி.பி.எஃப்

நம் வாழ்க்கையில் நாம் ஓய்வு பெறும்போது கோடீஸ்வர னாக இருக்க வேண்டும் என்ற ஆசை நம்மில் யாருக்குத்தான் இல்லை..? இந்த ஆசையை நிறைவேற்றிக்கொள்வது கடினமா..? இல்லவே இல்லை. மாதம்தோறும் குறிப்பிட்ட அளவு பணம் சேமிக்க நினைக்கும் யாராலும் கோடீஸ்வரன் ஆகமுடியும். எப்படி..?

பொது வருங்கால வைப்பு நிதியமான பி.பி.எஃப் திட்டத்தில் வங்கி அல்லது தபால் நிலையம் மூலம் யார் வேண்டுமானாலும் சேரலாம். தற்போது பி.பி.ஃப் திட்டத்தில் சேர்க்கப்படும் பணத்துக்கு 7.1% வட்டி வழங்கி வருகிறது மத்திய அரசாங்கம். ஒருவர் குறைந்தபட்சம் ரூ.500 முதல் அதிக பட்சமாக ரூ.1.5 லட்சம் வரை ஒவ்வோர் ஆண்டும் பி.பி.எஃப் திட்டத்தில் முதலீடு செய்யலாம். ஒரு நிதியாண்டில் அதிகபட்சமாக 12 பரிவர்த்தனைகளில் இதைச் செய்யலாம்.

பி.பி.எஃப்
பி.பி.எஃப்

தேசிய சேமிப்பு அமைப்பால் அறிமுகப்படுத்தப்பட்ட இந்தத் திட்டத்தில் நாம் போடும் பணம், 15 ஆண்டுகளில் முதிர்ச்சி அடைந்து விடும். பின்னர் அந்தப் பணத்தைத் திரும்பப் பெறலாம் அல்லது ஐந்து ஆண்டுகளுக்கு ஒருமுறை என எத்தனை முறை வேண்டுமானாலும் நீட்டித்துக் கொள்ளலாம்.

ஒருவர் தனது 26 வயதில் பி.பி.எஃப் திட்டத்தில் முதலீடு செய்ய ஆரம்பித்து, அதை 55 வயது வரை அதாவது, 30 ஆண்டுகள் வரை தொடர்ந்தால், அவர் மொத்தம் ரூ.45 லட்சம் முதலீடு செய்திருப்பார். இதற்கு 7.1% வட்டி என்கிற அளவில் வட்டி கிடைத்தால், 30 ஆண்டு களுக்குப் பின் மொத்தம் ரூ1,54,50,911 கிடைக்கும். அதாவது, வட்டி வருமானம் மூலமாக மட்டுமே ரூ.1,09,50,911 கிடைக்கும். இதைக் கொண்டு ஒருவர் எளிதாக கோடீஸ்வரன் என்கிற நிலையை அடைய முடியும்.

பி.பி.எஃப் மூலம் கோடீஸ்வரன் என்கிற நிலையை அடைய விரும்பு கிறவர்கள், ஒரு சில விஷயங்களைக் கட்டாயம் செய்ய வேண்டும். முதலாவதாக, குறைந்தபட்சம் 30 ஆண்டுகள் முதலீடு செய்ய வேண்டும். ஒருவர் தனது முதலீட்டை 22 வயதிலும் தொடங்கலாம், 26 வயதிலும் தொடங்கலாம். ஆனால், 58 வயதுக்குள் 30 ஆண்டுகள் பூர்த்தி யாகிவிடுகிற மாதிரி பார்த்துக் கொள்வது அவசியம்.

இரண்டாவதாக, வேலைக்குச் சேர்ந்த ஆரம்ப காலத்தில் ஒருவரால் ஓர் ஆண்டுக்கு ரூ.1.5 லட்சம் சேர்க்க முடியாது. அந்த நிலையில், 50,000 - 60,000 ரூபாய் சேர்த்தாலே அதிகம். ஆனால், வேலைக்குச் சேர்ந்து சில ஆண்டுகள் கழிந்த பின் பதவி உயர்வு, சம்பள உயர்வு வரும். அப்போது இந்தத் திட்டத்தில் முதலீடு செய்யும் தொகையைக் கொஞ்சம் கொஞ்சமாக உயர்த்தலாம். இதன் மூலம் 30 ஆண்டுக் காலத்தில் ஆண்டுக்கு சராசரியாக ரூ.1.5 லட்சம் முதலீடு என்கிற நிலையை அடையலாம். பி.பி.எஃப் திட்டம் மூலம் கோடீஸ்வரன் என்கிற நிலையை அடைய உதவுவதுடன், இந்தத் திட்டத்தில் சேர்க்கும் பணத்துக்கு வரிச் சலுகையும் உண்டு.

இந்தத் திட்டத்துக்கான வட்டி விகிதத்தை மத்திய அரசாங்கம் சில வாரங்களுக்கு முன் 7.1 சதவிகிதத்திலிருந்து 6.4 சதவிகிதமாகக் குறைத்தது. இதற்கு கடும் எதிர்ப்பு கிளம்பியதால், அரசு தனது உத்தர வைத் திரும்பப் பெற்றுக்கொண்டது. இந்தத் திட்டத்துக்கான வட்டி விகிதம் மீண்டும் குறைக்கப்படவில்லை எனில், இந்தத் திட்டம் மிகச் சிறப்பான திட்டம் என்றே சொல்ல லாம். இந்தத் திட்டம் உங்களுக்கு ஏற்றதா என்பதை உங்கள் நிதி ஆலோசகருடன் கலந்துபேசி முடிவெடுங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism