Published:Updated:

ஓய்வுக்காலத் தேவைக்காக ஏன் சீக்கிரமே முதலீடு செய்ய வேண்டும்?

ஓய்வுக்கால முதலீடு
பிரீமியம் ஸ்டோரி
ஓய்வுக்கால முதலீடு

ஓய்வுக்கால முதலீடு

ஓய்வுக்காலத் தேவைக்காக ஏன் சீக்கிரமே முதலீடு செய்ய வேண்டும்?

ஓய்வுக்கால முதலீடு

Published:Updated:
ஓய்வுக்கால முதலீடு
பிரீமியம் ஸ்டோரி
ஓய்வுக்கால முதலீடு

ஒருவர் வேலைக்குச் சேர்ந்ததும் டூவீலர் வாங்குகிறார்; ஹெல்மெட் வாங்குகிறார். ஆனால், ஓய்வுக்கால முதலீடு பற்றி யோசிப்பதில்லை. 30 வயதுக்குள் இருப்பவர்களிடம் ‘ஓய்வுக் காலத்துக்கு முதலீடு செய்யத் தொடங்கிவிட்டீர்களா...’ என்று கேட்டால், அதற்கு, ‘‘இப்போது என்ன அவசரம்..?’’ என்று கேட்பவர் களே அதிகம். உண்மை என்ன வெனில், ஓய்வுக்காலத்துக்காக 30 வயதில் சேமிக்கத் தொடங்கவில்லை எனில், எப்போதும் சேமிக்க முடியாது என்பதே உண்மை.

அண்மையில் பிஜிம் நிறுவனம் வெளியிட்ட ‘PGIM Retirement Readiness Survey’ என்கிற சர்வே, இந்திய மக்களில் 48% பேர் ஓய்வுக் கால நிதித் திட்டமிடல் குறித்து விழிப்புணர்வு இல்லாமல் இருக்கிறார்கள் என்கிற அதிர்ச்சித் தகவலை வெளியிட்டிருக்கிறது. ஓய்வுக்கால நிதிக்காகத் திட்டமிடும் 52% பேரும் சரியான முறையில் நிதித் திட்டமிடல் செய்யாமல் திண்டாடுகிறார்கள் என்கிறது அந்த சர்வே. அதாவது, ஓய்வுக் காலத்துக்காகத் திட்டமிடுபவர்கள் 55% பேர் இன்ஷூரன்ஸ் சார்ந்த திட்டங்களில் முதலீடு செய்வதாக வும், அதிக பேர் ஃபிக்ஸட் டெபாசிட், அஞ்சலகச் சேமிப்புத் திட்டங்கள், தங்கம், ஆர்.டி, என்.பி.எஸ் போன்ற சேமிப்புத் திட்டங்களைத் தேர்வு செய்திருப்பதாகவும், ஒரு சிலர் மட்டுமே மியூச்சுவல் ஃபண்டுகளைப் பரிசீலித்திருப்பதாகவும் அந்த சர்வே சொல்கிறது.

பெரும்பாலான மக்களிடம் ஓய்வுக் காலத் திட்டமிடல் குறித்த விழிப்புணர்வு இல்லையே, என்ன காரணம், மற்ற தேவைகளைக் காட்டிலும் ஓய்வுக் காலத்துக்காக ஏன் முன்கூட்டியே திட்டமிட வேண்டும், ஓய்வுக்கால திட்டமிடலுக்கான முதலீட்டுக்கு எந்த வகை முதலீடு ஏற்றது என்கிற பல்வேறு கேள்விகளுடன் நிதி ஆலோசகர் சுரேஷ் சடகோபனிடம் பேசினோம்.

ஓய்வுக்காலத் தேவைக்காக ஏன் சீக்கிரமே முதலீடு செய்ய வேண்டும்?

என்ன காரணம்?

“இன்றைய நிலையில், ஓய்வுக்காலத்துக்காகத் திட்டமிட, பெரும்பாலானவர்கள் ஆர்வம் காட்டாமல் இருக்க என்ன காரணம் எனில், ‘ஓய்வுக்காலத்துக்குதான் இன்னும் நிறைய வருடங்கள் இருக்கிறதே..! அதனால் அதைப் பிறகு பார்த்துக் கொள்ளலாம்...’ என அசட்டையாக இருப்பதே. இன்றைய இளைய தலைமுறையினர் லைஃப் ஸ்டைல் தேவைகளுக்காக வீடு கட்டுவது, சுற்றுலா செல்வது, கார் வாங்குவது போன்ற தேவைகளை நிறைவேற்றிக்கொள்ள சேமிக்க வேண்டும் என்று நினைப்பதில் தவறு இல்லை. ஒவ்வொரு தேவைக்கும் முறையாகத் திட்டமிடுகிற அதே நேரத்தில், மிக முக்கியமான தேவையான ஓய்வுக்காலத் தேவைக்கு முக்கியத்துவம் கொடுக்காமல் மற்ற தேவைகளைப் பற்றி மட்டும் யோசிப்பது சரியான அணுகுமுறை அல்ல.

50 வயதைத் தாண்டியவர்களிடம் பேசிப் பாருங்கள்...

இன்னும் சிலர், ‘‘உங்களுக்கு வேற வேலையே இல்லையா, எப்பப் பார்த்தாலும் சேமியுங்கள், முதலீடு செய்யுங்கள் எனச் சொல்லிக்கொண்டே இருக்கிறீர்கள். சம்பாதிக்கும் பணத்தைச் செலவு செய்து சந்தோஷமாக வாழாமல், ஓய்வுக் காலத்துக்காகச் சேமித்து என்ன ஆகிவிடப்போகிறது” என நிதி ஆலோசகர்களைப் பார்த்து நொந்துகொள்கிறார்கள். இப்படிக் கேட்பவர்கள், 50 வயதைக் கடந்தும் ஓய்வுக் காலத்துக்காகத் திட்டமிடாமல் இருப்பவர்களிடம் பேசிப் பாருங்கள். இளமைக் காலத்தில் சேமிக்காமல் போனதால், அவர்கள் இப்போது படும் வலியும் வேதனையும் புரியும்.

முன்பு, ஒரு மனிதனின் ஆயுள் காலம் என்பது 60 முதல் 65 வருடங்கள் அல்லது அதிகபட்சம் 70 வருடங்களாக இருந்தது. ஆனால், மருத்துவ வசதிகள் அதிகரித்திருக்கும் இந்தக் காலகட்டத்தில் ஒருவரின் ஆயுள் காலம் 80- 90 ஆண்டுகளாக அதிகரித்து காணப்படுகிறது. ஆனால், வேலைக்குச் செல் பவரின் ஓய்வுக்கால வயது அதிகபட்சம் 60 ஆக இருக்கிறது. மீதம் இருக்கும் 20 - 30 ஆண்டு களுக்குத் தேவையான செலவுக்கு மகனையோ, மகளையோ சார்ந்திருக்க வேண்டியிருக்கிறது.

சுரேஷ் சடகோபன்
சுரேஷ் சடகோபன்

60-க்குப் பிறகே அதிக செலவு...

‘60 வயதுக்குப் பிறகு, நமக்கு என்ன செலவு இருக்கப்போகிறது’ என்று யோசிப்பர்கள்தாம் இன்று அதிகம். ஆனால், அப்படி யோசிக்கக் கூடாது. ஏனெனில், இப்போது ஒரு மாதத்துக்கு ஆகும் செலவுத் தொகை அப்போது பலமடங்கு அதிகரிக்கும். சொந்த வீட்டில் இருப்பவர்களுக்கு பிரச்னை இல்லை. வாடகை வீட்டில் இருந்தால், இன்னும் 10 வருடங் களுக்குப் பிறகு, வாடகை எந்த அளவுக்கு உயரும், விலைவாசி எவ்வளவு உயரும் என்பதை முன்கூட்டியே திட்டமிட வேண்டும். பொது­வாக, ஓய்வுக் காலத்துக்குத் தேவை­யான தொகையைச் சேர்க்கத் திட்­ட­ மிடும்போது தற்­போ­தைய சம்பளம், எதிர்காலத் தேவை உள்ளிட்ட அம்­சங்­களைக் கணக்கில் எடுத்­துக்­கொள்­வது போல, பண­வீக்­கத்­தையும் கருத்தில்கொள்­ள வேண்டும். அப்போதுதான் ஓய்வுக் காலத்துக்கான தொகையைச் சரியாகத் திட்டமிட முடியும்.

எந்த வகை முத­லீடு?

ஓய்வுக்கால முத­லீடு ரிஸ்க் இல்லா­த­தாக அமைய வேண்டியது முக்கியம். அதற்­காக வங்கி வைப்பு நிதி மற்றும் கடன்சார் திட்டங்களில் மட்டும் முத­லீடு செய்தால், அந்த வருமானம் நிச்சயம் போதாது. ஓய்வுக்காலம் போன்ற நீண்ட கால முதலீட்டுத் தேவைக்கு மியூச்சுவல் ஃபண்ட் மாதிரியான முதலீட்டுத் திட்டங்கள் நல்ல பலன் தரும். ஒருவர் தனது சூழல் மற்றும் ரிஸ்க் தன்­மையை ஆய்வு செய்து, குறிப்பிட்ட அளவு தொகையை மியூச்­சுவல் பண்ட் போன்ற திட்டங்­களில் முதலீடு செய்யலாம். வயது குறைவாக இருப்பவர்கள் ரிஸ்க் உள்ள பங்குச் சந்தை சார்ந்த திட்டங்களையும், நடுத்தர வயதுக்காரர்கள் பங்குச் சந்தை சார்ந்த பேலன்ஸ்டு ஃபண்டையும், 50 வயதைத் தாண்டியவர்கள் கடன் சந்தை சார்ந்த பேலன்ஸ்டு ஃபண்டையும் தேர்வு செய்யலாம்.

இன்றைய நிலையில், வேலைக்குச் செல்பவர்கள் மட்டுமே பி.எஃப் மாதிரியான ஓய்வுக்காலத் திட்டங்கள் மூலம் கிடைக்கும் பலன்களை அனுபவிக் கிறார்கள். தொழில் செய்பவர்கள், அமைப்புசாரா தொழிலாளர்கள் பி.பி.எஃப் மற்றும் என்.பி.எஸ் மாதிரியான ஓய்வுக்காலத் திட்டங்களின் முதலீடு செய்வது ஓய்வுக்காலத்துக்கு உதவும். மேலும், பணி புரியும் அனை வருக்கும் பி.எஃப் தொகை மட்டும் போதுமானதாக இருக்கும் எனச் சொல்ல முடியாது. அதனால் ஓய்வுக்காலத்துக்காக மியூச்சுவல் ஃபண்டுகளில் முதலீடு செய்தாலும், இதுபோன்ற திட்டங் களிலும் முதலீடு செய்யலாம்.

விருப்ப ஓய்வுக்கும் திட்டமிடுங்கள்!

சீக்கிரமே ஓய்வு பெற வேண்டும் என்பதே இன்றைக்கு பல இளைஞர்களின் விருப்பமாக இருக்கிறது. இப்படி ஒருவர் விருப்ப ஓய்வைத் (Voluntary Retirement) தேர்வு செய்யும் முன், அவர் நிதிரீதியாகத் தயாராக இருக்க வேண்டும். வயது முதிர்வால் ஓய்வு, உடல்நிலை அல்லது அவுட்டேட்டடு ஸ்கில்ஸ் (Health condition or Outdated skills) காரணமாக முன்கூட்டியே விருப்ப ஓய்வைப் பெற திட்டமிடும்போது, பணம் சம்பந்தப் பட்ட விஷயங்களில் உங்களை நீங்களே சார்ந்திருப்பது முக்கியம். அதற்காகவும் ஓய்வுக்காலத் திட்டமிடலை காலம் தாழ்த்தாமல் சீக்கிரமாகவே ஆரம்பிப்பது புத்திசாலித்தனம்.

சரியான நேரத்தில் ஓய்வு பெற அல்லது முன்கூட்டியே ஓய்வு பெற எவ்வளவு பணம் சேமிக்க வேண்டும் என்பது ஒருவருடைய சொந்தத் தேவைகள் மற்றும் வாழ்க்கை முறையைப் பொறுத்து மாறும். விருப்ப ஓய்வு பெறத் திட்டமிடும்போது, ஓய்வுக்குப் பிறகு, நீங்கள் வாழ விரும்பும் வாழ்க்கை, நீங்கள் எவ்வளவு விரைவாக ஓய்வு பெற விரும்புகிறீர்கள் என்பன போன்ற பல காரணிகளைப் பொறுத்தது. வழக்கமான ஓய்வுக்காலத்துக்குத் திட்ட மிடுவதைவிடவும், முன்கூட்டியே ஓய்வு பெறுவதற்கு மேற்கொள்ளும் முதலீடுகளின் வளர்ச்சியானது அதிக அளவில் இருக்க வேண்டும். அதற்கு ஒருவர் தனது முதலீடு களை பல முதலீட்டுத் திட்டங்களில் பிரித்து முதலீடு செய்வது மிக முக்கியம். மேலும், ஒவ்வொரு கட்டத்திலும் கூடுதல் பணம் முதலீடு செய்வதன் மூலமும் விருப்ப ஓய்வு என்ற இலக்கை அடையலாம்” என்றார் தெளிவாக.

இனியாவது உங்களுடைய ஓய்வுக்கால முதலீட்டை உடனே தொடங்குங்கள்!

ஓய்வுக்காலத்துக்கென சேர்த்த பணத்தை இடையில் எடுக்கக் கூடாது!

எந்தத் தேவைக்காக முதலீடு செய்கிறோமோ, அந்தத் தேவை பூர்த்தி ஆகும் வரை அந்த முதலீட்டில் கைவைக்காமல் இருப்பதுதான் ஒரு நல்ல முதலீட்டாளருக்கு அழகு. குறிப்பாக, பி.எஃப் மாதிரியான பிரத்யேக ஓய்வுக்கால திட்டங்களில் இருந்து பிள்ளைகளின் திருமணத்துக்கு, கல்விச் செலவுகளுக்கு, வீடு கட்ட என்பன போன்ற காரணங் களுக்காகப் பணத்தை எடுக்காமல் இருப்பது நல்லது. அந்தந்த தேவைகளுக்கு ஏற்றபடி தனித்தனியாக முதலீடுகளை மேற்கொள்வதன் மூலம் இந்தச் செயல்பாடுகளை ஒருவரால் நிச்சயம் தவிர்க்க முடியும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism