Published:Updated:

வங்கி, காப்பீடு, மியூச்சுவல் ஃபண்ட் முதலீடு... எந்த வகை நாமினேஷன் சரி?

நாமினேஷன்
பிரீமியம் ஸ்டோரி
நாமினேஷன்

நாமினேஷன்

வங்கி, காப்பீடு, மியூச்சுவல் ஃபண்ட் முதலீடு... எந்த வகை நாமினேஷன் சரி?

நாமினேஷன்

Published:Updated:
நாமினேஷன்
பிரீமியம் ஸ்டோரி
நாமினேஷன்

முதலீடு மற்றும் காப்பீடுகளில் நாமினையைக் குறிப்பிடுவது மிகவும் அவசியம் என்பது அனைவரும் அறிந்ததே. அப்படி நாமினியை நியமிக்கும்போது என்னென்ன வகையான நாமினி முறையைப் பின்பற்றலாம் என்று பார்ப்போம். பொதுவாக, கணவன் மனைவியையும், மனைவி கணவனையும் நாமினேஷன் செய்வது வழக்கத்தில் உள்ளது. இந்த கோவிட் காலத்தில் இருவரும் இறந்துவிட நேரும்போது அவர்கள் செய்த முதலீடு / காப்பீடு யாருக்குப் போய் சேரும் என்பதில் குழப்பம் வந்துவிடுகிறது. சரியான நாமினி தேர்வுமுறையைச் செய்வதன்மூலம் இந்தச் சிக்கலுக்கு வழி காணலாம். அது என்ன வழி?

மீ.கண்ணன் 
ராதா கன்சல்டன்சி, 
radhaconsultancy.blogspot.com
மீ.கண்ணன் ராதா கன்சல்டன்சி, radhaconsultancy.blogspot.com

நாமினேஷன் என்பது ஒரு முதலீட்டாளரோ பாலிசிதாரரோ இறக்கும்போது, அதில் கிடைக்கும் பணம் அந்த முதலீட்டாளர் அல்லது பாலிசிதாரர் சொல்லியிருக்கும் நாமினிக்குச் செல்ல வேண்டும் என்பது பொதுவான விதிமுறை. ஆனால், இந்த நாமினேஷனில் மூன்று வகைகள் உண்டு.

1. சிங்கிள் நாமினேஷன்

முதல் வகை, தனிநபர் (Single) நாமினேஷன் என்பதாகும். இதன்படி, ஒருவரது இறப்புக்குப் பின் முழுப் பணமும் நாமினிக்கு அளிக்கப்படும்.

2. ஒருவருக்கு மேற்பட்ட கூட்டு நாமினேஷன்

இரண்டாவது வகை, இது ஜாயின்ட் அல்லது மல்ட்டிபிள் நாமினேஷன் (Joint or Multiple Nomination) எனப்படும். இதில் அதிக பட்சம் மூன்று பேர் நாமினியாகப் பதிவு செய்ய முடியும். உதாரணமாக, ஏ, பி, சி என்று வைத்துக்கொள்வோம். முதலீடு செய்யும்போது அல்லது காப்பீடு பாலிசி எடுக்கும்போது ஏ-வுக்கு 30%, பி-க்கு 40%, சி-க்கு 30% என்று பதிவு செய்திருக்கிறார் எனில், முதலீட்டாளர்/ பாலிசிதாரரின் இறப்புக்குப் பின், அவர் பதிவு செய்திருக்கும் விகிதத்தில் நாமினிகளுக்குத் தொகை தரப்படும்.

3. இறங்குரிமை நாமினேஷன்

மூன்றாவது வகை, புது மாதிரியானது. இதற்கு சக்சஸசிவ் நாமினேஷன் (Successive Nomination) அல்லது ஆல்டர்நேட்டிவ் நாமினேஷன் (Alternative Nomination) என்று பெயர். இதில் முதலீட்டாளர் அல்லது காப்பீட்டாளர் இறந்த பின், முதலில் ஏ-வுக்கு 100% தொகையும் செல்ல வேண்டும் என்று சொல்லலாம். ஆனால், ஏ இறந்துவிட்டால், 100% தொகையும் பி-க்கு செல்ல வேண்டும். ஏ, பி இருவரும் இல்லாதபட்சத்தில், சி-க்கு 100% தொகையும் செல்லும்படி எழுதி வைப்பதுதான் சக்சஸிவ் நாமினேஷன். இதைத் தமிழில் இறங்குரிமை நாமினினேஷன் என்பார்கள்.

வங்கி, காப்பீடு, மியூச்சுவல் ஃபண்ட் முதலீடு...  எந்த வகை நாமினேஷன் சரி?

நாமினேஷனைப் பொறுத்தவரை, இரண்டாவது வகைக்கும், மூன்றாவது வகைக்கும் உள்ள முக்கியமான வேறுபாடு, இரண்டாவது வகையில் மூன்று பேர் நாமினேஷன் எனில், மூவருக்கும் மொத்தப் பணமும் அவரவருக்குரிய விகிதாசாரத்தில் போய்ச் சேரும். ஆனால், மூன்றாவது வகையில், யாராவது ஒருவருக்கே மொத்தப் பணமும் போய்ச் சேரும். அந்த ஒருவர் யார் என்பது யார் உயிருடன் இருக்கிறார் மற்றும் இறங்கு வரிசையில் அவர் எந்த இடத்தில இருக்கிறார் என்பதைப் பொறுத்து அமையும். கோவிட் பெருந்தொற்றுக் காலத்தில் சக்சஸிவ் நாமினேஷன் செய்வது மிகவும் நல்லது. ஆயுள் காப்பீடு பாலிசி எடுக்கும்போது இந்த மாதிரியான சக்சஸிவ் நாமினேஷன் பெற படிவம் 5194 உபயோகித்து நாமினேஷன் பதிவு செய்யலாம். ஏற்கெனவே பாலிசி எடுத்தவர்கள், அந்தக் காப்பீடு செயல்பாட்டில் இருக்கும் போதும் செய்யலாம்.

இளம் வயதில் காப்பீட்டு பாலிசியைப் பெறும்போது அவரின் தந்தையையோ, தாயையோ நாமினேஷன் செய்வார். ஆனால், காப்பீட்டு பாலிசியை வாங்கியவர் இறக்கும் முன் நாமினேஷன் செய்யப்பட்டவர் இறந்து விடச் சாத்தியக்கூறுகள் அதிகம். இதுபோன்ற தருணங்களில் இந்த சக்சஸிவ் நாமினேஷன் மிகவும் உபயோகமாக இருக்கும்.

வங்கி மற்றும் மியூச்சுவல் ஃபண்ட் முதலீடுகளில் நாமினேஷன்

ஆனால், மியூச்சுவல் ஃபண்ட் முதலீடுகளில் அல்லது வங்கிகளில் மூன்றாவது வகையான சக்சஸிவ் நாமினேஷன் தற்போது கிடையாது. மியூச்சுவல் ஃபண்ட் முதலீடு அல்லது வங்கிகளில் முதலீடு செய்யும்போது தனிநபர் நாமினேஷன் தவிர்த்து, இரண்டாவது வகையான ஒன்றுக்கு மேற்பட்ட நபர் நாமினேஷன் செய்வதன் மூலம் நாம் ஓரளவு பணம் சரியான இடத்துக்குப் போய்ச் சேருமாறு பார்த்துக்கொள்ள முடியும்.

பொதுவாக, நாமினியாகக் குறிப்பிடப்பட்டவர் இறந்துவிட்டால், புதிய நாமினியை நியமிக்க வேண்டியது கட்டாயம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism