Published:Updated:

முதலீ டு, கடன் தவணைத் தேதி... கூடுதல் லாபத்துக்கு வழி...!

தவணைத் தேதி
பிரீமியம் ஸ்டோரி
தவணைத் தேதி

முதலீடு

முதலீ டு, கடன் தவணைத் தேதி... கூடுதல் லாபத்துக்கு வழி...!

முதலீடு

Published:Updated:
தவணைத் தேதி
பிரீமியம் ஸ்டோரி
தவணைத் தேதி

முதலீடோ, கடன் மாதத் தவணையோ எதுவாக இருந்தாலும் குறிப்பிட்ட தேதியில் கட்டுவதன் மூலம் கூடுதல் லாபம் ஈட்ட முடியும்.

நம்மில் பலர், பொதுமக்கள் சேமநல நிதி (பி.பி.எஃப் – பப்ளிக் பிராவிடன்ட் ஃபண்ட்), செல்வ மகள் சேமிப்புத் திட்டம் (சுகன்யா சம்ரிதி யோஜனா) போன்றவற்றில் முதலீடு செய்துவருகிறார்கள். இன்னும் சிலர், வீட்டுக் கடன் வாங்கி அதற்கு மாதத் தவணை (இ.எம்.ஐ) கட்டி வருகிறார்கள். இந்தத் தவணைத் தேதியில் நம்முடைய வங்கிக் கணக்கில் பணம் வைத்திருப்பது அவசியம்.

என்.விஜயகுமார் 
நிதி ஆலோசகர், Vbuildwealth.com
என்.விஜயகுமார் நிதி ஆலோசகர், Vbuildwealth.com

தவணைத் தேதி முக்கியம்..!

பணம் கட்டும் தவணைத் தேதியில் வங்கிக் கணக்கில் பணம் இல்லாத நிலை ஏற்பட்டால் என்னவாகும்? நீங்கள் தந்த காசோலை வங்கி யிலிருந்து திரும்பிவரும். நீங்கள் காசோலை கொடுத்த வங்கி, காசோலையைப் பணமாக்கும் வங்கி இரண்டும் அபராதம் விதிக்கும்.

உதாரணமாக, நீங்கள் பொதுத்துறை வங்கி ஒன்றில் சேமிப்புக் கணக்கு வைத்திருக்கிறீர்கள். தனியார் துறை வங்கியில் வீட்டுக் கடன் வாங்கியிருக்கிறீர்கள். நீங்கள் பொதுத்துறை வங்கியின் காசோலையை, தனியார் வங்கிக்குக் கொடுத்திருக்கும் நிலையில் சேமிப்புக் கணக்கில் போதிய பணம் இல்லையெனில், இரு வங்கிகளும் அபராதம் விதிக்கும்.

இப்போது பெரும்பாலான வங்கிகளில் வீட்டுக் கடனுக்கான வட்டியானது தினசரி குறையும் முறையில் கணக்கிட்டு எடுத்து வருகிறது. அந்த வகையில் உங்களின் மாதத் தவணை தேதி 10 எனில், நீங்கள் 5-ம் தேதி தவணைக் கட்டிவிட்டால், அன்றைய தேதியில் அசல் மற்றும் வட்டியுடன் சேர்ந்து எவ்வளவு தொகை பாக்கியிருக்கிறதோ, அதிலிருந்து நீங்கள் கட்டிய இ.எம்.ஐ தொகை கழித்துவிட்டு, அதன் பிறகு, பாக்கியுள்ள தொகைக்குத்தான் வட்டி போடப்படும். இப்படி தொடர்ந்து மாத ஆரம்பத்திலேயே கடன் இ.எம்.ஐ-யைக் கட்டி வந்தால் கணிசமான தொகையை மிச்சப்படுத்த முடியும்.

சில வீட்டு வசதி நிறுவனங்களில் மாதம் ஒருமுறை குறையும் விதத்தில் வீட்டுக் கடன் வழங்குகின்றன. அவற்றில் கடன் வாங்கியிருக்கும்பட்சத்தில், கடனை முன்கூட்டியே கட்டினாலும் பிரயோசனம் இல்லை. மேலும், நீண்ட காலத்தில் நீங்கள் கூடுதல் தொகையைக் கட்ட வேண்டிவரும். இது போன்ற வீட்டு வசதி நிறுவனங்களில் கடன் வாங்கு வதைத் தவிர்ப்பது நல்லது.

முதலீ டு, கடன் தவணைத் தேதி...
கூடுதல் லாபத்துக்கு வழி...!

முதலீட்டில் தேதி முக்கியம்

இதேபோல், முதலீட்டிலும் வட்டி போடும் தேதியைக் கணக்கிட்டு, அதற்கு முன்னால் முதலீடு செய்யும்பட்சத்தில் கூடுதல் வருமானம் பெற முடியும். இதை ஓர் உதாரணம் மூலம் பார்ப்போம். பொதுமக்கள் சேமநல நிதி என்ற பி.பி.எஃப்பில் ஒவ்வொரு மாதமும் ஐந்தாம் தேதிக்கு முன் முதலீடு செய்தால், கூடுதல் வருமானம் பெற முடியும்.

முதலீ டு, கடன் தவணைத் தேதி...
கூடுதல் லாபத்துக்கு வழி...!

பி.பி.எஃப் முதலீடு

பொதுவாக, பி.பி.எஃப் கணக்கில் ஒவ்வொரு மாதமும் 5-ம் தேதி வரைக்கும் கட்டப் படும் தொகைக்கும் சேர்த்து வட்டி போடப்படும். 5-ம் தேதிக்குப் பிறகு கட்டப்படும் தொகைக்கு அடுத்த மாதம் 5-ம் தேதிதான் வட்டி போடப்படும். ஒருவர் 6-ம் தேதி இந்தக் கணக்கில் தொகையைக் கட்டினால், இதற்கான வட்டி அடுத்த மாதம் 5-ம் தேதிதான் போடப்படும். அதுவரை அதாவது, சுமார் ஒரு மாதம் வரை அந்த முதலீடு வட்டி எதுவும் பெறாமல் சும்மாவே இருக்கும்.

உங்கள் பி.பி.எஃப் கணக்கில் 2021 ஜூலை மாதத்தில் ரூ.3 லட்சம் இருக்கிறது என வைத்துக்கொள்வோம். ஆகஸ்ட் மாதம் 8-ம் தேதி நீங்கள் 10,000 ரூபாய் டெபாசிட் செய்திருக் கிறீர்கள். இந்த நிலையில், ஆகஸ்ட் மாதத்துக்கான வட்டி ரூ.3 லட்சத்துக்கு மட்டுமே கணக்கிடப்படும். இதுவே ஜூலை 5-ம் தேதி அன்று நீங்கள் ரூ.10,000 செலுத்தியிருக்கும் பட்சத்தில் ரூ.3,10,000-க்கு வட்டி போடப்பட்டிருக்கும். இந்த முதலீட்டில் நீங்கள் மாதம் ரூ.12,500 வீதம் 25 ஆண்டு களுக்கு முதலீடு செய்து ஆண்டுக்கு, சராசரியாக 7% வட்டி கிடைத்தால், உங்கள் கணக்கில் ரூ.1 கோடி சேர்ந்திருக்கும். இந்த பி.பி.எஃப் கணக்கில் மாதச் சம்பளக்காரர் கள், சுயதொழில் செய்பவர்கள் என யார் வேண்டு மானாலும் முதலீடு செய்யலாம்.

இதில், நிதி ஆண்டில் அதிக பட்சம் ரூ.1.5 லட்சம் (மாதம் ரூ.12,500) வரைக்கும்தான் வரிச் சலுகைக்காக முதலீடு பெற முடியும். இப்படி வரிச் சலுகைக் காக அல்லது எதிர்கால பணத் தேவைக்காக ஒருவர் மாதம் 12,500 ரூபாயை 5-ம் தேதிக்கு முன் அல்லது 5-ம் தேதிக்குப் பின் முதலீடு செய்தால் என்ன நடக்கும் என்பதைத் தெரிந்து கொள்ள அட்டவணை 1 மற்றும் அட்டவணை 2-ஐ பாருங்கள்.

பி.பி.எஃப் திட்டத்தில், ஒருவர் ஒவ்வொரு மாதமும் ஐந்தாம் தேதிக்கு முன் முதலீடு செய்யும் பட்சத்தில், ஓராண்டில் மட்டுமே ரூ.814 கூடுதலாகக் கிடைக்கிறது. அடுத்து வரும் மாதங்களில் இந்தக் கூடுதல் தொகைக்கும் வட்டி கிடைக்கும் என்பதால், நீண்ட காலத்தில் பல்லாயிரக் கணக்கான ரூபாய் கூடுதலாகக் கிடைக்கும். பி.பி.எஃப் தொகையைக் கணக்கில் போடுவதற்காக தபால் அலுவலகம் அல்லது வங்கிக்குச் செல்லத் தேவையில்லை. ஆன்லைன் / ஆப் மூலம் முதலீடு செய்ய முடியும். அந்த வகையில், 5-ம் தேதிக்கு முன்பாக முதலீடு செய்து கூடுதல் வட்டி பெறுவது பெரிய விஷயம் இல்லை.

முதலீ டு, கடன் தவணைத் தேதி...
கூடுதல் லாபத்துக்கு வழி...!

செல்வ மகள் சேமிப்புத் திட்டம்

பெண் குழந்தைகளின் படிப்பு மற்றும் கல்யாணச் செலவுக்கு உதவும் சிறு சேமிப்புத் திட்டம், செல்வ மகள் சேமிப்புத் திட்டமாகும். இந்தத் திட்டத்தில் செய்யப்படும் முதலீடு மற்றும் வருமானத்துக்கு வரி இல்லை. இதில் மாதம் ரூ.250 கூட முதலீடு செய்து வரலாம். இந்தத் திட்டத்தில் ஒவ்வொரு மாதமும் 10-ம் தேதிக்குள் பணம் செலுத்தினால் மட்டுமே அந்த மாதத்துக்கு உரிய வட்டி வரவு வைக்கப்படும். அந்தத் தேதியைத் தாண்டி கட்டினால், அடுத்த மாதம் 10-ம் தேதி வரைக்கும் வட்டி எதுவும் இல்லாமல்தான் முதலீடு இருக்கும். எனவே, ஒவ்வொரு மாதமும் 10-ம் தேதிக்கு முன்னர் பணம் கட்டி அந்த மாதத்துக்கு உரிய வட்டியையும் முதலீட்டில் சேர்த்துக்கொள்வது லாபகரமாக இருக்கும். இந்த வட்டி மாதத்துக்கு சில நூறு ரூபாயாக இருக்கலாம். ஆனால், இந்த முதலீட்டுத் திட்டம் 21 ஆண்டுகள் வரை நீளும் திட்டம் என்பதால், 10-ம் தேதிக்கு முன் பணத்தைக் கட்டுவதன்மூலம் ஒருவர் பெரும் தொகை கூடுதலாகப் பெற முடியும் என்பது முக்கியமான விஷயமாகும்.

வீட்டுக் கடனோ, பி.பி.எஃப் திட்டமோ, செல்வ மகள் சேமிப்புத் திட்டமோ, இனி பணம் கட்ட வேன்டிய தேதிக்கு முன்கூட்டியே சரியாகக் கட்டிவிட மறக்கமாட்டீர்கள் இல்லையா?

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism