Published:Updated:

இண்டெக்ஸ் ஃபண்ட் இ.டி.எஃப்... முதலீடு செய்ய சரியான நேரம் எது?

வ.நாகப்பன், ஜீவன் கோஷி
பிரீமியம் ஸ்டோரி
வ.நாகப்பன், ஜீவன் கோஷி

முதலீடு

இண்டெக்ஸ் ஃபண்ட் இ.டி.எஃப்... முதலீடு செய்ய சரியான நேரம் எது?

முதலீடு

Published:Updated:
வ.நாகப்பன், ஜீவன் கோஷி
பிரீமியம் ஸ்டோரி
வ.நாகப்பன், ஜீவன் கோஷி

நாணயம் விகடன் மற்றும் ஐ.சி.ஐ.சி.ஐ புரூடென்ஷியல் மியூச்சுவல் ஃபண்ட் நிறுவனம் இணைந்து `இண்டெக்ஸ் & இ.டி.எஃப் முதலீடு..!’ என்ற ஆன்லைன் நிகழ்ச்சியை நடத்தின. இண்டெக்ஸ் மற்றும் இ.டி.எஃப் முதலீடுகளை விளக்கமாக எடுத்துச் சொல்லி, இவற்றில் முதலீடு செய்யும்போது கவனிக்க வேண்டிய விஷயங்கள் பற்றி இந்தக் கூட்டத்தில் விரிவாக எடுத்துச் சொல்லப்பட்டது.

வ.நாகப்பன், ஜீவன் கோஷி
வ.நாகப்பன், ஜீவன் கோஷி

இந்தக் கூட்டத்தில் முதலீட்டு ஆலோசகர் வ.நாகப்பன், ஐ.சி.ஐ.சி.ஐ புரூடென்ஷியல் மியூச்சுவல் ஃபண்ட் நிறுவனத்தின் பிராந்திய தலைவர் ஜீவன் கோஷி ஆகியோர் சிறப்புரை ஆற்றினார்கள்.

முதலில் இண்டெக்ஸ் ஃபண்டுகள் என்றால் என்ன என்று பார்ப்போம். பங்குச் சந்தை குறியீடுகளான சென்செக்ஸ், நிஃப்டி போன்ற வற்றைப் பின்பற்றி அவற்றில் இடம்பெற்றுள்ள பங்குகளின் விகிதாசாரத்துக்கேற்ப முதலீடு செய்வது இண்டெக்ஸ் ஃபண்ட் எனப்படும். இதுவே பங்குச் சந்தையில் வர்த்தகமாவது போல் வடிவமைக்கப்பட்டிருப்பது இ.டி.எஃப் என்கிற எக்ஸ்சேஞ்ச் டிரேடட் ஃபண்ட் ஆகும்.

“இண்டெக்ஸ் ஃபண்ட் மற்றும் இ.டி.எஃப் முதலீட்டில் செலவு விகிதம் குறைவு, எளிதில் பணமாக்க முடியும். இண்டெக்ஸ் ஃபண்டில் முதலீடு செய்ய பான் எண் இருந்தால் போதும். ஆனால், இ.டி.எஃப்-ல் முதலீடு செய்ய டீமேட் கணக்கு தேவை” என்பது போன்ற அடிப்படை விஷயங்கள் மற்றும் லாபத்துக்கு எப்படி வரி கட்ட வேண்டும் என்பது வரை பல விஷயங் களை ஜீவன் கோஷி எடுத்து சொன்னார்.

கண்ணன் என்கிற முதலீட்டாளர் ஈக்விட்டி இண்டெக்ஸ் ஃபண்டில் முதலீடு செய்ய சரியான நேரம் எது என்கிற கேள்வியைக் கேட்க, வ.நாகப்பன் விளக்கம் அளித்தார். “பங்குச் சந்தை எப்போது ஏறும், இறங்கும் என்பதை யாராலும் மிகச் சரியாகக் கணிக்க முடியாது. எனவே, எஸ்.ஐ.பி முறையில் நேரம் காலம் பார்க்காமல் தொடர்ந்து முதலீடு செய்துவருவது மூலம் மட்டுமே ஒரு முதலீட்டாளர் லாபம் பார்க்க முடியும்” என அவர் விளக்கம் கொடுத்தார்.

இந்த நிகழ்ச்சியை வீடியோவில் பார்க்க https://bittylink.com/jsh

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism