Published:Updated:

முதலீடு 2022: தங்கம், மியூச்சுவல் ஃபண்ட், ரியல் எஸ்டேட், பங்குச் சந்தை... எதில்... எவ்வளவு?

முதலீடு
பிரீமியம் ஸ்டோரி
News
முதலீடு

கவர் ஸ்டோரி

ஜி.மாறன், செயல் இயக்குநர், யூனிஃபை கேப்பிடல்

கடந்த ஆண்டு (2021) தொடங்கியபோது கொரோனா தாக்கத்திலிருந்து மீண்டு வருவது எப்படி என்பது பற்றித்தான் நம்முடைய முக்கியமான கேள்வியாக இருந்தது. ஆனால், துரதிர்ஷ்டவசமாக இரண்டாம் அலை ஆண்டு தொடக்கத்திலேயே வந்து தாக்க ஆரம்பித்ததால் முதலீட்டாளர்களைப் பெரும் குழப்பத்துக்கு உள்ளாக்கி அவர்களின் அஸெட் அலொகேஷன் (Asset Allocation) மீதும் நம்பிக்கை இழக்க வைத்து, அவற்றில் மாற்றங்களைச் செய்யும் நிலையை ஏற்படுத்திவிட்டது. ஆனால், கடந்த வருடத்தில் இதே காலத்தில் நான் சொன்ன பரிந்துரையின்படி, 50 - 60 தொகையைப் பங்குச் சந்தையில் யார் முதலீடு செய்தார்களோ, அவர்கள் மிகச் சிறப்பான லாபத்தைக் கண்டிருப்பார்கள்.

வருங்காலத்தைப் பற்றிக் கணிக்கும் முன் கடந்த காலத்தில் நடந்தவற்றைப் பற்றித் திரும்பிப் பார்ப்பது எப்போதுமே அவசியம். அந்த வகையில், கடந்த வருடப் பரிந்துரை களையும் நடந்த நிகழ்வுகளையும் திரும்பிப் பார்ப்போம்.

ஜி.மாறன் 
செயல் இயக்குநர், யூனிஃபை கேப்பிடல்
ஜி.மாறன் செயல் இயக்குநர், யூனிஃபை கேப்பிடல்

கடந்த ஆண்டு பரிந்துரை...

தங்கம் எப்போதுமே நிலையற்ற, நிதி நெருக்கடி சமயங்களில் சிறந்த அடமான சொத்தாக இருந்து பாதுகாக்க வல்லது. சர்வதேச அளவில் நிதிச் சந்தைகள் அதிக ஏற்ற இறக்கத்தில் இருந்ததால் முதலீட்டாளர் களிடையே தங்கத்துக்கான தேவை அதிகரிக்கும். இதன்மூலம் நடுத்தர வருமானமே கிடைக்கும் என்றாலும், இந்த முதலீட்டின் மூலம் போர்ட்ஃபோலியோவின் மதிப்பை சமநிலையில் வைத்திருக்க உதவும். நிதி நெருக்கடி சமயங்களில் அடமானமாக வைக்க உதவுவதால், தங்கத்தில் 10 - 15% முதலீட்டை வைத்திருக்கலாம்.

இந்திய ரியல் எஸ்டேட் துறை கடந்த சில வருடங்களாக இறக்கத்தில் இருந்தாலும் போர்ட்ஃபோலியோவில் கணிசமான ஒதுக்கீட்டை ரியல் எஸ்டேட்டில் மேற்கொள்ள லாம் எனப் பரிந்துரைத்தோம். ரியல் எஸ்டேட் சொத்துகளில், ‘ரெய்ட்’ திட்டங்களில் (REIT’s) குறைந்த அளவில் முதலீடு செய்யலாம்.

குறைந்த பணவீக்கத்தால், அதிக சேமிப்பு களால் வட்டி விகிதங்கள் இந்தியாவில் வெகு வாகக் குறைக்கப்பட்டது. வட்டி குறைப்பால் கடன் ஃபண்டுகளில் முதலீடு செய்யும் முதலீட் டாளர்களுக்கு பலன் இருப்பதால், இது நல்ல செய்தியாக அமைந்தது. ஆனால், கிரெடிட் ரிஸ்க் உள்ள கடன் திட்டங்களில் கவனமாக இருக்க வேண்டும். நீண்டகால இன்கம் ஃபண்டு களில் ஒதுக்கீட்டைக் குறைத்து, குறுகிய கால ஃபண்டுகளில் ஒதுக்கீட்டைத் தொடரலாம்.

பங்கு முதலீட்டு ஒதுக்கீட்டை, குறிப்பாக ஸ்மால்கேப் மற்றும் மிட்கேப்களில் அதிகரிக்கலாம் எனக் கடந்த ஆண்டு பரிந்துரை செய் தோம். இதை ‘முரண்பாட்டு உத்தி’யாக (Contrarian Strategy) கூறியிருந்தோம். கொரோனா தாக்கத்தின் அடிப்படையில் கொடுக்கப்பட்ட இந்த அறிவுரைய இரண்டாவது அலைக்குப் பிறகு, பெரும்பாலும் சந்தேகத்துடன்தான் அணுகியிருப்பார்கள். என்றாலும், எங்களின் அறிவுரை அடிப்படையில் ஒதுக்கீடு ஆலோசனையைப் பின்பற்றி யிருந்தால், ஆண்டு இறுதியில் மிட்கேப்கள் கிட்டத்தட்ட 40 சதவிகிதமும், ஸ்மால்கேப்கள் சுமார் 60 சதவிகிதமும் உயர்ந்து, நல்ல வருமானம் கிடைத்திருக்கும்.

முதலீட்டாளர்கள் இவ்வாறு பரிந்துரைக்கப்பட்ட அஸெட் அலொகேஷன் உத்திகளைப் பின்பற்றியிருந்தால், ரிஸ்க் எடுக்க விரும்பாத ‘கன்சர்வேட்டிவ்’ முதலீட்டாளர் களுக்குக்கூட ஆண்டுக்கு சுமார் 18% வருமானம் கிடைத் திருக்கும். அதே நேரத்தில், தீவிர முதலீட்டாளர்களுக்கு 20 சதவிகிதத்துக்கும் அதிகமாக லாபம் கிடைத்திருக்கும்.

முதலீடு 2022: தங்கம், மியூச்சுவல் ஃபண்ட், ரியல் எஸ்டேட், பங்குச் சந்தை... எதில்... எவ்வளவு?

அடிக்கடி அஸெட் அலொகேஷனை மாற்றினால்...

வழக்கமாகவே, முதலீட்டாளர்கள் குறுகிய கால செய்திகளுக்கு எதிர்வினையாற்றி, அஸெட் அலொகேஷனில் அடிக்கடி மாற்றங்களைச் செய்வார்கள். பீதியில் இருக்கும் போது பங்கு முதலீடுகளின் ஒதுக்கீட்டைக் குறைப்பதும், கடந்த கால செயல்பாடு நன்றாக இருக்கும்போது முதலீட்டை அதிகரிப்பதும் முதலீட்டாளர்கள் செய்யும் செயல்தான். மறுபுறம், பங்கு முதலீட்டின் அடிப்படை அம்சங்களைக் கொண்டு நீண்ட காலக் கண்ணோட்டத்தில், திருப்திகரமான போர்ட்ஃபோலியோ செயல்பாட்டை வழங்கும் முரண் பாட்டு உத்திகளுடனும் கணிசமானவர்கள் அணுகுகிறார்கள்.

பங்குச் சந்தையில் தாக்கம் செலுத்தும் காரணிகள் குறித்து விழிப்புடன் இருப்பது முக்கியம்தான் என்றாலும், அதற்காக ஒவ்வொரு செய்திக்கும் எதிர்வினையாற்றி அஸெட் அலொகேஷனில் மாற்றங்களைச் செய்யத் தேவையில்லை என்பது முக்கியமான முதலீட்டுப் பாடம்.

வெற்றிகரமான முதலீட்டாளர்களில் பெரும்பாலான வர்கள், சந்தையில் உருவாகும் தேவையற்ற இரைச்சல்களைப் புறக்கணித்து, ஃபண்டமென்டல் விஷயங்களில் மட்டும் கவனம் செலுத்தி தங்களுடைய முதலீடுகளின் மதிப்பீடு களில் மாற்றங்கள் தேவை என்றால் மட்டுமே செய்கிறார்கள். அதுவுமேகூட மூன்று வருட காலத்தில் ஒருமுறை / இரண்டு முறை அல்லது முற்றிலும் எதிர்பார்த்திராத மோசமான சூழலில் மட்டுமே மாற்றங்களை மேற்கொள்கிறார்கள்.

இத்தகைய அணுகுமுறையைக் கொண்டிருப்பதன்மூலம் பங்குகள் / கடன் திட்டங்கள் / தங்கம் அல்லது ரியல் எஸ்டேட் என எதுவாக இருந்தாலும், நீண்ட காலத்தில் இனிமையான முதலீட்டு அனுபவத்தைப் பெற முடியும்.

கவனத்தில் கொள்ள வேண்டிய சில விஷயங்கள்...

2022-ம் ஆண்டுக்கான அஸெட் அலொகேஷன் மாற்றங் கள் குறித்து பார்க்கும் முன், முதலீட்டாளர்கள் கவனத்தில் கொள்ள வேண்டிய முக்கியமான சில கேள்விகள் இனி...

1. கடந்த இரு ஆண்டுகளைப் போல் 2021-ல் தங்கத்தின் விலை உயரவில்லை. மாறாக, 4% அளவுக்குக் குறைந்துள்ளது. 2022-ல் தங்கத்தின் விலை மேலும் உயருமா அல்லது 2013 முதல் 2018 வரையில் காணப்பட்ட வரம்பில் இருக்குமா?

2. ஒமிக்ரான் குறித்த செய்திகள் தலைப்புச் செய்திகளாக வரத் தொடங்கியுள்ளன. இது நிறைய நெகட்டிவ் செய்திகளைக் கொண்டுவருகிறது.

3. அனைவரின் எதிர்பார்ப்புக்கும் மாறாக, ஸ்மால்கேப், மிட் கேப் பிரிவு பங்குகளின் விலை இந்த ஆண்டில் 50% வரை உயர்ந்துள்ளன. லார்ஜ்கேப் பிரிவும் 20% வருமானம் தந்துள் ளது. இந்த நிலையில், இந்தப் பிரிவுகளில் நம்முடைய ஒதுக் கீட்டைக் குறைக்க வேண்டுமா அல்லது தொடர்ந்து நிர்வகிக்க லாமா?

4. உலக அளவில் மத்திய வங்கிகள் மற்றும் நிறுவனங் களின் தங்கத்தைத் தொடர்ந்து அதிகரித்து வருகின்றன. ஏனெனில், இன்று வரையிலும் தங்கம் ஏற்ற இறக்க சந்தைக்கு எதிரான சிறந்த அடமான சொத்தாக தங்கம் உள்ளது.

5. 2015 முதலே ரியல் எஸ்டேட் மதிப்பு சரிவைச் சந்தித்து வந்தா லும், தற்போது குறைந்தபட்சம் நடுத்தர மதிப்பிலான குடியிருப்பு சொத்துகளின் தேவை அதிகரித் திருப்பதைப் பார்க்க முடிகிறது.இத்தனை ஆண்டுகளாக ரியல் எஸ்டேட்டில் முதலீடு செய்யாத வர்கள், மேலும் காத்திருக்க வேண்டுமா அல்லது குறைந்த விலையைப் பயன்படுத்தி முதலீடு செய்யலாமா?

மூன்று ஆண்டுகளுக்கான அஸெட் அலொகேஷன்...

இந்த கேள்விகளின் அடிப்படையில் ஒவ்வொரு சொத்து வகுப்பையும் ஆராய்ந்து 2022 - 2024 வரையிலான மூன்று ஆண்டுகளுக்கான அஸெட் அலொகேஷன் செயல்பாடுகளைக் கணித்து இங்கே பரிந்துரைத்துள்ளோம்.

முதலீடு 2022: தங்கம், மியூச்சுவல் ஃபண்ட், ரியல் எஸ்டேட், பங்குச் சந்தை... எதில்... எவ்வளவு?

தங்கம்

2012-ம் ஆண்டு வரை தங்கத்தின் விலை நன்றாக உயர்ந்து வியக்க வைத்தது. ஆனால், 2012 - 2018 காலத்தில் சர்வதேச சந்தைகளில் தங்கத்தின் விலை 20% குறைந்தது. இருப்பினும், அதே காலகட்டத்தில் இந்தியாவில் மட்டும் விலை ஒரு குறிப்பிட்ட வரம்பிலேயே இருந்தது. நிதிச் சந்தைகளில் காணப்பட்ட நிச்சயமற்ற தன்மையின் காரணமாக நிதி நிறுவனங்கள் மற்றும் மத்திய வங்கிகளின் தங்கத்தின் தேவை குறிப்பிடத்தக்க அளவில் அதிகரித் துள்ளது.

அதே சமயம், இந்தியாவில் ஆபரண நகைகளின் தேவை படிப்படியாகக் குறைந்து வருகிறது.தற்போது இந்தியாவின் மொத்த மக்கள் தொகையில் சுமார் 66% பேர் 34 வயதுக்கும் குறைவானவர்கள்; அதில் பாதி பேர் பெண்கள். ஆனாலும் இந்த ஆண்டு தங்கத்தின் விலை 4% குறைந்துள்ளது. காரணம், முந்தைய தலைமுறை பெண்களைப்போல, தற்போதுள்ள 20 - 30 வயதுக்குட்பட்ட பெண்கள் தங்க ஆபரணங்கள் மீது பெரிய விருப்பம் காட்டுவதில்லை. இதனால், இந்திய குடும்பங்களின் ஆபரணத் தங்க நுகர்வானது குறைந்து வருகிறது. இது நீண்ட காலப் போக்கின் தொடக்கம் என்று கருதலாம். எனவே, உலக நிதிச் சந்தைகளில் ஏற்ற இறக்க சூழல் குறித்த எதிர்பார்ப்பு தீவிரமாக இருப்பதால், நம் போர்ட் ஃபோலியோவில் 10 - 15% வரையிலான ஒதுக்கீட்டை தங்கத்தில் வைத்திருக்கப் பரிந்துரைக்கிறோம்.

தங்கத்தின் மதிப்பு 2020-ம் ஆண்டு 20% அதிகரித்தது. இதேபோல், தொடர்ந்து விலை உயர்வது கடினம்தான். மேலும், 2021-ம் ஆண்டில் தங்கம் சற்று சரிவையும் கண்டுள்ளது. வரவிருக்கும் காலத்திலும் தங்கம் விலையில் நிலையான போக்கு காண வாய்ப்பில்லை. ஆனாலும், முதலீட்டைப் பரவலாக்குதல் மற்றும் அடமான காரணங் களுக்காகத் தங்கம் அவசியமாக இருப்பதால், 10 - 15% ஒதுக்கீட்டைப் பராமரிக்கப் பரிந்துரைக்கிறோம்.

கடன் மியூச்சுவல் ஃபண்ட்

கடன் சந்தை சார்ந்த மியூச்சுவல் ஃபண்டுகள் (Debt Mutual Fund) இரண்டு வழிகளில் லாபம் ஈட்டுவதன் மூலம் முதலீட்டாளர்களுக்கு வருமானம் வழங்குகின்றன. ஒன்று, அவை முதலீடு செய்யும் கடன் பத்திரங்களிலிருந்து கிடைக்கும் வட்டி வருமானம். இரண்டாவது, வட்டி விகிதங்கள் குறையும்போது கடன் பத்திரங்களின் மதிப்பு உயர்ந்து அதன்மூலம் கிடைக்கும் வருமானம். பத்திரங்களின் மதிப்பு வட்டி விகிதத்துக்கு நேர்மாறாக நகர்வதால், வட்டி விகிதத்தில் ஏற்படும் எந்தவோர் அதிகரிப்பும் பத்திரங்களின் மதிப்புகளைக் குறைத்துவிடும்.

தற்போது சர்வதேச அளவில் வட்டி விகிதம் உயரும் என்கிற அச்சம் சந்தையில் உருவாகியுள்ளது. அதே மாதிரி இந்தியாவிலும் நடக்கும் என்று பலரும் நம்புகிறார்கள். ஆனால், உலகளாவிய போக்கு இந்திய வட்டி விகிதங்களிலும் பாதிப்பை உண்டாக்கும் என்று எதிர்பார்ப்பது அர்த்தமற்றது.

2008 முதல் 2013 வரையில் ஃபெடரல் ரிசர்வ், அடமானக் கடன் நெருக்கடி மற்றும் பணப்புழக்கம் சார்ந்த சந்தை ஆகிய சாதகமான காரணங்களால் உலகளாவிய வட்டி விகிதங்கள் கடுமையாகக் குறைந்தன. ஆனால், அதே காலத்தில் இந்தியாவில் வட்டி விகிதங்கள் குறைவதற்குப் பதிலாக, உயர்ந்தது. ஏனென்றால், அந்தக் காலங்களில் இந்தியா கச்சா எண்ணெய் விலை உயர்வு, பணவீக்க அதிகரிப்பு, தனியார் மற்றும் கார்ப்பரேட் ஆகிய இரு துறைகளின் குறிப்பிடத்தக்க மூலதனச் செலவு ஆகிய காரணிகள் காரணமாக இருந்தன. மேலும், கடனுக்கான தேவை மிக அதிகமாக இருந்தது.

அதே சமயம், வட்டி உயர்வு இந்தியக் குடும்பங்களின் சேமிப்புகளை ஈர்த்தது. உலக அளவில் வட்டி விகிதங்கள் குறைவாக இருந்தாலும், இந்தியாவில் கணிசமாக உயர்ந்து காணப்பட்டன. இந்தப் போக்கு கடந்த சில ஆண்டுகளில் காணப்படுகிறது. தற்போது உலக அளவில் மத்திய வங்கிகள், ஃபெடரல் ரிசர்வ் வட்டி விகிதங்களை அதிகரிக்க முயற்சி செய்யும் சூழலில், இந்தியாவில் என்ன நிகழும் என்ற கேள்வி உண்டாகிறது.

நமது பிரதமர் நரேந்திர மோடி, பணமதிப்பிழப்பு நடவடிக்கையைக் கொண்டு வந்தபோது இந்தியாவின் 82% செல்வம் ரியல் எஸ்டேட்டிலும், 6% தங்கத்திலும், 2% பங்குகளிலும், 7% மற்ற நிதி சார்ந்த சொத்துகளிலும் முதலீடு செய்யப்பட்டிருந்தது. இந்தியாவில் கடந்த மூன்று ஆண்டுகளில் தங்கத்தின் மீதான குடும்ப முதலீடுகள் வெகுவாகக் குறைந்துள்ளன. அதேபோல, முத்திரைத்தாள் வரி வசூல் அடிப்படையில் பார்க்கையில், ரியல் எஸ்டேட்டிலும் முதலீடுகள் குறைந்துள்ளது தெளிவாகத் தெரிகிறது.

இதை இந்தியாவில் வருமானம் ஈட்டுபவர்களின் வயதுகளில் நிகழும் மாற்றங்களின் பின்னணி யில் பார்க்கலாம். தற்போது சேமிப்பு மற்றும் நடப்புக் கணக்குகளின் இருப்பு அதிக அளவில் உள்ளன. மியூச்சுவல் ஃபண்டுகளிலும் கடந்த 20 ஆண்டுகளில் பார்த்ததைவிடவும் கடந்த ஐந்து ஆண்டுகளில் அதிக முதலீடுகள் செய்யப்பட்டுள்ளன. இந்தக் காலகட்டத்தில் கார்ப்ப ரேட் நிறுவனங்களின் கடன் தேவையும் வெகுவாகக் குறைந் துள்ளது.

கார்ப்பரேட் நிறுவனங்கள் மற்றும் குடும்பங்களின் கடன் தேவை குறைந்துள்ளதால், வட்டி விகிதங்களில் உயர்வு இருக்க வாய்ப்பில்லை. நாங்கள் எப்போதும் சொல்வதுபோல, “பங்குச் சந்தையில் கன்சர்வேட் டிவ் ஆகவும் கடன் சந்தையில் அக்ரசிவ் ஆகவும் இருப்பது எந்தப் பயனையும் தராது’’ என்பதை இப்போதும் நம்புகிறோம்.

இந்தியச் சந்தையில் வட்டி விகிதம் பெரிய அளவில் உயராது என்று நம்பலாம். ஆனாலும், கடன் சார்ந்த முதலீட்டுத் திட்டங்களில் தற்போதுள்ள ஒதுக்கீட்டைத் தொடர்ந்து வைத்திருக்கலாம். இதில் நடப்பு ஆண்டிற்கான வருவாய் எதிர் பார்ப்புகளை நடுத்தரமாக வைத்துக்கொள்ள வேண்டும். எனவே, அஸெட் அலொகேஷன் அட்டவணையில் குறிப்பிட் டுள்ளபடி, நீண்ட கால இன்கம் ஃபண்டுகள் மற்றும் குறுகிய கால ஃபண்டுகளில் ஒதுக்கீடுகளை நிர்வகிக்கலாம்.

ரியல் எஸ்டேட்

கொரோனா பெருந் தொற்றுக் குப் பிறகு, எல்லோருடைய கவனமும் ரியல் எஸ்டேட் பக்கம் திரும்பியது. காரணம், ரியல் எஸ்டேட் துறையின் சரிவு குறித்த பொதுவான எதிர்பார்ப்புகள் அதிகமாக இருந்தன.

அதே சமயம், ரியல் எஸ்டேட் டில் காணப்பட்ட தொழில் சரிவு, மதிப்புச் சரிவு மற்றும் முத்திரைக் கட்டணங்கள் குறைப்பு உள்ளிட்ட விஷயங்கள் ரியல் எஸ்டேட்டில் புதிய முதலீடுகளை ஊக்குவித்தன. அதனால் ரியல் எஸ்டேட் துறையில் காணப்பட்ட பரிவர்த் தனைகள் ஆச்சர்யப்பட வைத்தன.

இந்த ஆண்டில் மட்டும் மும்பையில் விற்பனை செய்யப் பட்ட குடியிருப்புகளின் எண்ணிக்கை ஒரு லட்சத்தைத் தாண்டியுள்ளது. இது இந்திய ரியல் எஸ்டேட் சந்தையில் ஒரு சாதனை. இந்தப் போக்கு மற்ற பெருநகரங்கள் மற்றும் நகரங் களுக்கும் பரவுவதை எளிதில் காணலாம். இந்தப் பெருந்தொற்றுக் காலத்தில் சிறு வணிகர்கள், எம்.எஸ்.எம்.இ தொழில்முனைவோர் கடுமையாக பாதித்திருந்தாலும், ஐ.டி, வங்கி, நிதி, பார்மா, பன்னாட்டு நிறுவனங்கள் போன்றவற்றில் உள்ள ஊழியர்களுக்குப் பாதிப்புகள் இல்லை. பெருநகரங்களில் வீடு வாங்குபவர்களில் பெரும்பாலானோர் இவர்கள்தான். எனவே, கோவிட் தொற்று, இந்த வாடிக்கையாளர்களின் வாங்கும் சக்தியில் தாக்கத்தை ஏற்படுத்தவில்லை. எனவே, ரியல் எஸ்டேட்டில் பரிவர்த்தனை அளவு தொடர்ந்து அதிகரிக்கும் என்று நம்புவதால், இனி குடியிருப்பு சந்தைகளில் விலை உயர்வு மிதமாக அதிகரிக்கும்.

2015 முதல் 2020 வரையிலான காலத்தில் ரியல் எஸ்டேட் ஒதுக்கீட்டை பூஜ்ஜியமாகப் பரிந்துரைத்தோம். இந்தப் பரிந்துரையை அந்தக் காலகட்டத்தில் காணப்பட்ட விலை நகர்வுகள் உறுதிப்படுத்தின. ஆனால், தற்போதைய நிலையில், ரியல் எஸ்டேட்டில் முதலீடுகளை மிதமான முறையில் மேற்கொள்வதற்கான வாய்ப்புகள் உருவாகி யுள்ளன. போர்ட்ஃபோலியோவில் 10 - 15% வரை ரியல் எஸ்டேட்டுக்கான ஒதுக்கீடாக வைத்துள்ள நிலையில், சிறு முதலீட்டாளர்களுக்கு ரியல் எஸ்டேட் மதிப்புகள் அதிகமாக இருப்பதால், நடைமுறையில் சாத்தியமற்றதாக இருக்கும். எனவே, சிறு முதலீட்டாளர்கள் வரவிருக்கும் ‘ரெய்ட்’ (REIT) திட்டங்களில் முதலீடு செய்யலாம். தீவிரமான முதலீட்டாளர்கள் தங்களின் ரியல் எஸ்டேட் ஒதுக்கீட்டை 20 சதவிகிதமாக அதிகரித்துக்கொள்ளலாம்.

முதலீடு 2022: தங்கம், மியூச்சுவல் ஃபண்ட், ரியல் எஸ்டேட், பங்குச் சந்தை... எதில்... எவ்வளவு?

பங்கு முதலீடு (Equities)

நம் நாட்டின் ஜி.டி.பி-யில் 21% பங்கு வகிக்கும் ரியல் எஸ்டேட் மற்றும் கட்டுமானத்துறை இந்தியப் பங்குச் சந்தையின் மதிப்பில் 2% கூட பங்கு வகிக்கவில்லை. எனவே, கட்டுமானத்துறை நடவடிக்கைகளில் காணப்படும் சரிவு, ஜி.டி.பி-யைப் பாதிக்கலாம், ஆனால், நிஃப்டியில் பெரிய தாக்கத்தை ஏற்படுத்தாது. அதேபோல், ஜி.டி.பி-யில் சமமான பங்களிப்பு கொண்ட இரு வெவ்வேறு துறைகளான ஐ.டி மற்றும் டெக்ஸ்டைல் நிஃப்டியில் மாறுபட்ட தாக்கத்தைக் கொண்டிருக்கின்றன. நிஃப்டியில் ஐ.டி துறையின் நகர்வுகள் பாதிப்பை உண்டாக்கும்; ஆனால், டெக்ஸ்டைல் துறையின் நகர்வுகளில் எந்தப் பாதிப்பும் உண்டாக்காது. கடந்த ஆண்டு ஐ.டி துறையின் வணிகம் நன்றாக இருந்தது. ஆனால், டெக்ஸ்டைல் வணிகம் மோசமாக இருந்தது. இதன் விளைவாக ஜி.டி.பி குறைந்தது. ஆனால், நிஃப்டி உயர்ந்தது.

இந்திய ஜி.டி.பி-யில் சுமார் 33% பங்கு எம்.எஸ்.எம்.இ துறையால் வழங்கப்படுகின்றன. அவர்களில் பலரும் பெரு நிறுவனங்களின் ஆதிக்கம் செலுத்தும் வணிகங்களில் ஈடுபட்டுள்ளனர். மேலும், வங்கிகள், நிதி நிறுவனங்களின் எம்.எஸ்.எம்.இ துறைக்கான கடன் நிலைகள் அழுத்தத்தில் உள்ளன. இதன் காரணமாகப் பெரிய கார்ப்பரேட்டுகள் தங்களின் வலுவான கட்டமைப்பால் சிறு வணிர்களின் சந்தைப் பங்களிப்பைக் கவர்ந்துவிடுகின்றன. ஆனால், பங்குச் சந்தையில் பெரு நிறுவனங்களின் தாக்கம் இருக்கும் அளவுக்கு எம்.எஸ்.எம்.இ துறையின் தாக்கம் இருப்பதில்லை.

2009-2014 வரையிலான காலத்தில் இந்தியப் பொருளாதாரம் தொடர்ந்து வளர்ச்சியடைந்தபோது, ஜி.டி.பி வளர்ச்சி ஆண்டுக்கு 8 சதவிகிதமாக இருந்தது. உலகின் இரண்டாவது வேகமாக வளரும் நாடாக இருந்தது. ஆனால், அந்த ஐந்து ஆண்டுகளில் பட்டியலிடப்பட்ட கார்ப்பரேட் நிறுவனங் களின் வருவாய் வளர்ச்சி அடையாததால், சந்தை குறியீடு களிலும் வளர்ச்சி பெரிதாக இல்லை. ரியல் எஸ்டேட் மற்றும் கட்டுமான நடவடிக்கைகளில் காணப்பட்ட திடீர் உயர்வு தான் அந்தக் காலகட்டத்தில் ஜி.டி.பி வளர்ச்சிக்கு உதவியது. இத்தகைய முரண்பாடுகள் பலமுறை நிகழ்ந்துள்ளன. எனவே, பங்குச் சந்தைகளை மாதாந்தர அல்லது ஆண்டு அடிப்படையில் பொருளாதாரத்தை பிரதிபலிக்கும் கருவியாக நாம் கருதக் கூடாது. நீண்ட காலமாகவே பங்குச் சந்தைகளின் வளர்ச்சி என்பது பொதுவான பொருளாதார நடவடிக்கைகளுக்கு பதிலாக, பட்டியலிடப்பட்ட நிறுவனங் களின் லாப வளர்ச்சியைப் பொறுத்த செயல்பாடாகவே இருந்துவருகிறது.

மேலும், உலகளாவிய பங்குச் சந்தைகளில் மத்திய வங்கிகள் எடுக்கும் நடவடிக்கைகள் தாக்கத்தை உண்டாக்குகின்றன. ஆனால், இந்தியாவில் அப்படி அல்ல. பணப்புழக்கத்தால் இயக்கப்படும் உலகளாவிய பங்குச் சந்தைகளின் நகர்வானது, கார்ப்பரேட் நிறுவனங்களின் வருவாயுடன் இணைந்ததாக இல்லாத பட்சத்தில், எதிர்காலத்தில் அதன் நகர்வு தடைப்பட்டு, பிறகு கடுமையாக இறங்கும் நிலை உண்டாகும். அப்படி யான சூழல் இந்தியப் பங்குச் சந்தைகளில் குறுகிய காலத்துக்கு தாக்கத்தை ஏற்படுத்தமே தவிர, நீண்ட காலத்துக்கு எதிர்மறை தாக்கத்தை ஏற்படுத்த வாய்ப்பில்லை.

நம்மில் பெரும்பாலானோர் சர்வதேச சந்தைகளைப் போலவே, இந்தியச் சந்தைகள் செயல்படும் என்கிற பார்வை கொண்டிருக்கிறோம். 2009 முதல் 2014 வரை அமெரிக்க சந்தைகள் இரட்டிப்பு வளர்ச்சி கண்டன. ஆனால், நம் சந்தை மேலே செல்லவில்லை. நம்முடைய சந்தை நகர்வானது இந்திய நிறுவனங்களின் வருவாயுடன் தொடர்புடையதாக இருக் கின்றனவே தவிர, அமெரிக்க நிறுவனங்களின் வருவாயுடன் தொடர்புடையவையாக இல்லை என்பதை நாம் புரிந்து கொள்ள வேண்டும்.

முதலீடு 2022: தங்கம், மியூச்சுவல் ஃபண்ட், ரியல் எஸ்டேட், பங்குச் சந்தை... எதில்... எவ்வளவு?

பரந்த சந்தையின் பார்வை

கடந்த 18 ஆண்டுகளில் சென் செக்ஸ் மற்றும் நிஃப்டி நிறுவனங் களின் வருவாய் சுமார் 15% உயர்ந்துள்ளது. 2002 - 2008 காலத்தில் நிஃப்டியின் வருவாய் வளர்ச்சி ஆண்டுக்கு 25 சதவிகிதத் துக்குமேல். 2009 - 2014 காலத்தில் நிஃப்டி வருவாய் வளர்ச்சி ஆண்டுக்கு 6% சதவிகி தத்துக்குகீழ் காணப்பட்டது. ஆனால், இந்த இரண்டு கால இடைவெளிகளிலும் ஜி.டி.பி வளர்ச்சியானது ஒரே மாதிரியாக இருந்தது.

2010 - 2020 காலாத்தில் நிஃப்டி வருவாய் வளர்ச்சி ஆண்டுக்கு 5%. மார்ச் 2022 - மார்ச் 2024 காலத்தில் நிஃப்டியின் வருவாய் வளர்ச்சி முந்தைய 10 ஆண்டுகளின் ஒட்டுமொத்த வளர்ச்சியைவிட அதிகமாக இருக்க வாய்ப்புள்ளது.

வரும் ஆண்டுகளில் பங்குச் சந்தையின் லாப வளர்ச்சியானது தொடர்ந்து அதிகரித்துவரும். காரணம், நிறுவனங்களின் விற்பனை அதிகரிக்கும் என்பதால் அல்ல; மாறாக, அவற்றின் லாப அளவு அதிகரிப்பதால் நிகழும். நிறுவனங்களின் லாப வளர்ச்சி யானது, குறைவான கடன், குறை வான வட்டி விகிதம், குறைவான மதிப்பு சரிவு, குறைவான வரி விகிதங்கள் ஆகிய காரணங்களால் அதிகமாகும். சந்தையில் துறையின் முன்னணி நிறுவனங்கள் மற்றும் வெளி முதலீடுகள் இல்லாமல் இயங்கும் நிறுவனங்கள் ஆகியவை ஆதிக்கம் செலுத்தும். எனவே, இந்தியப் பங்கு சந்தைகளில் காளையின் (Bull Market) போக்கைத் தொடர்ந்து காணலாம்.

சந்தைகள் கடுமையாக உயர்ந்து உள்ளதாக பொதுவான பார்வை நிலவுகிறது. மார்ச் 2020-ல் ஏற்பட்ட இறக்கத்தில் இருந்து உயர்ந்துள்ளன, ஆனால், கடந்த நான்கு ஆண்டுகளில் 14 - 16% மட்டுமே உயர்ந்துள்ளன.

கடந்த ஆண்டு அஸெட் அலொ கேஷனில் பங்கு முதலீடுகளுக் கான ஒதுக்கீடுகளை குறிப்பாக, ஸ்மால்கேப், மிட்கேப் பிரிவுகளில் அதிகரிக்கலாம் எனப் பரிந்துரைத்தோம். 2021 ஸ்மால்கேப், மிட்கேப் முதலீட்டாளர்களுக்கு நல்ல வெகுமதி அளிக்கக் கூடியதாக அமைந்தது. சந்தைக் குறியீடுகள் தொடர்ந்து நியாயமான வருமானத்தைத் தரும் அதே வேளையில், அடுத்த மூன்று ஆண்டுகளில் அதிக ஏற்ற இறக்கம் காணப்படும். எனவே, சந்தையில் முரண்பாடான அணுகுமுறையைக் கையாள்வது உதவியாக இருக்கும். சந்தையில் 40% வர்த்தகம் அதிக பி/இ விகிதத்தில் வர்த்தகம் ஆகிறது; 25% வர்த்தகம் மலிவான அல்லது ஒற்றை இலக்க பி/இ விகிதத்தில் வர்த்தகம் ஆகிறது. 35% வர்த்தகம்தான் நியாயமான பி/இ மதிப்பீட்டில் செய்யப்படுகிறது.

முதலீட்டாளர்கள் காளையின் போக்கில் இருப்பதில் தவறில்லை. ஆனால், அதிக பி/இ விகிதம், குறைவான வருவாய், நிர்வாகச் சிக்கல்கள் உள்ள நிறுவனங்களைத் தவிர்த்துவிட்டு, நடுத்தரமான பி/இ மதிப்பீட்டில், நல்ல வருவாய் உள்ள நிறுவனப் பங்குகளில் முதலீடுகளை மேற்கொள்ளலாம்.

மேலும், அடுத்த அலை வளர்ச்சியில் சிறப்பாக இருக்கும் என்று யூகம் செய்யப்படும் பலவீனமான நிறுவனங்களில் சிக்காமல், வலுவான நிதிநிலை வளர்ச்சி கொண்ட நிறுவனங்களுடன் வர்த்தகத்தை செய்ய வேண்டும். எந்த வளர்ச்சி அலையும் எல்லா நிறுவனங்களையும் உயர்த்தி விடாது. சமீபத்திய ஏற்றத்தின் காரணமாக ஸ்மால்கேப், மிட்கேப்களின் மதிப்பு, குறிப்பாக ஸ்மால்கேப் பிரிவின் மதிப்பீடுகள் விலை உயர்ந்ததாக உள்ளன. எனவே, ஸ்மால் கேப் பிரிவில் ஒதுக்கீட்டை குறைத்து, லார்ஜ் கேப் பிரிவில் ஒதுக்கீட்டை உயர்த்தப் பரிந்துரைக்கிறோம்.

தமிழில்: ஜெ.சரவணன்