Published:Updated:

பங்குச் சந்தையில் அனைவரும் முதலீடு செய்ய என்ன வழி?

பங்குச் சந்தை

பிரீமியம் ஸ்டோரி

செளரப் முகர்ஜி, நிறுவனர் & முதன்மை முதலீட்டு அதிகாரி,Marcellus Investment Managers.

மார்ச் 2021-ல் கோவிட்-19 காரணமாகச் சரிந்த நிஃப்டி, அதன்பின்னர் வெளிநாட்டு முதலீட்டாளர்கள் செய்த 14 பில்லியன் டாலர் (2020-21) மதிப்பி லான முதலீடு மற்றும் உள்நாட்டு முதலீட்டாளர்கள் செய்த 25 பில்லியன் டாலர் (2020-21) மதிப்பி லான முதலீடு போன்றவற்றால் சரிவிலிருந்து மீண்டு, தற்சமயம் இரட்டிப்பாக உயர்ந்திருக்கிறது. இந்தத் தொடர் ஏற்றம் என்பது எக்கச்சக்கமான புதிய முதலீட்டாளர்களை சந்தையை நோக்கி வரச் செய்துள்ளது.

செளரப் முகர்ஜி 
நிறுவனர் & முதன்மை முதலீட்டு அதிகாரி,
Marcellus Investment Managers.
செளரப் முகர்ஜி நிறுவனர் & முதன்மை முதலீட்டு அதிகாரி, Marcellus Investment Managers.

செபியின் சமீபத்திய அறிக்கையின்படி, மார்ச் 2020-க்கு முந்தைய காலகட்டத்தில் இந்தியாவில் கிட்டத்தட்ட 1.1 கோடி ஆக்டிவ் முதலீட்டாளர்களே இருந்தனர். அதாவது, கடந்த 18 மாதங்களில் இந்த எண்ணிக்கை 2.5 கோடி என்கிற அளவில் உயர்ந்ததன் மூலம் பங்குச் சந்தையில் முதலீடு செய்யும் முதலீட்டாளர் களின் எண்ணிக்கை இரண்டு மடங்காக உயர்ந்துள்ளது.

இது ஒரு திடீர் நிகழ்வு என்று நாம் எடுத்துக்கொள்ள முடியாது. கடந்த பத்து ஆண்டுகளில் நிஃப்டி 50 ‘டோட்டல் இண்டெக்ஸ் ரிட்டர்ன்’ (TRI) 11% அளவிலான வளர்ச்சியைச் சந்தித்து, 1 டிரில்லியன் டாலர் அளவுக்கு முதலீட்டாளர்களின் சொத்துமதிப்பை அதிகரித்துள்ளது. இதனால் இந்தியாவைப் பொறுத்தவரை, பங்குச் சந்தை என்பது தொடர்ந்து லாபம் ஈட்டி, சொத்து மதிப்பை அதிகரித்துக்கொள்ளும் இடமாக முதலீட்டாளர்கள் பார்க்கத் தொடங்கிவிட்டனர் எனலாம்.

இந்தியாவில், மக்கள் சேமிப்பில் 5% மட்டுமே நிதி சார்ந்த சொத்துகளில் முதலீடு செய்யப்பட்டுள்ளதாக ரிசர்வ் வங்கியின் புள்ளிவிவரங்கள் சொல்கின்றன. இனிவரும் காலத்தில் மக்களின் சேமிப்புகளானது, நிதி சார்ந்த சொத்துகளை நோக்கி வர வாய்ப்பிருக்கிறது என்பதையே ரிசர்வ் வங்கியின் புள்ளிவிவரங்கள் காட்டுகின்றன.

பங்குச் சந்தையில் அனைவரும் 
முதலீடு செய்ய என்ன வழி?

ஆனாலும், அகில இந்திய ரீதியாகப் பங்குச் சந்தையின் ஏற்றத்தின் பலன் பரவலாகச் சென்றடைந்துள்ளதா என்று கேட்டால், உறுதியாகச் சொல்ல முடியாத நிலையிலேயே புள்ளிவிவரங்கள் உள்ளன. இந்திய பங்குச் சந்தையின் ஏற்றத்தால் நன்மை அடைந்த முதலீட்டாளர்கள், மொத்த முதலீட்டாளர் களின் மத்தியில் சிறுபான்மை என்கிற அளவிலேயே உள்ளனர். மியூச்சுவல் ஃபண்டுகளின் கூட்டமைப்பான ஆம்ஃபி (AMFI) வெளியிடும் டேட்டாக்களை வைத்துப் பார்த்தால், இது கொஞ்சம் வெளிப்படையாகவே தெரியவருகிறது. இந்த டேட்டாக்களின்படி, மியூச்சுவல் ஃபண்ட் முதலீட்டாளர்களில் (முதலீட்டு அளவின்படி) 84% பேர் இந்தியாவின் 30 பெருநகரங்களில் வசிப்பவர் களாகவே இருக்கின்றனர்.

ஏன் இந்த நிலை? டீமேட் அக்கவுன்ட் தொடங்குவதில் ஆரம்பித்து, மியூச்சுவல் ஃபண்டில் முதலீடு செய்வது வரை வெகு சுலபமாகச் செய்ய முடியும் என்கிற சூழல் இருக்கும் நம் நாட்டில், வருமானம் ஈட்டும் அனைவரும் தங்கள் சேமிப்பில் 20% வரை பங்குச் சந்தையில் ஏன் முதலீடு செய்வதில்லை?

இந்தக் கேள்விக்கான விடையைத் தேடினால், நமக்குக் கிடைக்கும் பதில், டீமேட் கணக்குகளை ஆரம்பிப்பது மற்றும் மியூச்சுவல் பண்டில் முதலீடு செய்வது போன்ற வற்றுக்கான செலவு அதிகமாக இருப்பதுதான். இந்தியா மற்றும் அமெரிக்காவில் மியூச்சுவல் ஃபண்டில் முதலீடு செய்வதற்கான செலவு குறித்து ஒப்பிட்டுப் பார்த்தால் இது நமக்குப் புரியும். இந்தியாவில் ஒரு லார்ஜ்கேப் மியூச்சுவல் ஃபண்டின் மூலம் முதலீடு செய்ய ஆகும் செலவு 1.8% என்ற அளவில் இருக்கிறது. முதலீட்டாளர்கள் நேரடியாக முதலீடு செய்யும் டைரக்ட் ஃபண்டுகளில் முதலீடு செய்தால், இது 1.1% என்ற அளவுக்குக் குறையும். (பார்க்க, அட்டவணை-1)

சாமானியர்களான தனிநபர் களுக்கு முதலீட்டு நிபுணர் களின் அனுபவமிக்க நடைமுறைகள் மூலம் வருமானம் கிடைக்கும் என்ற வகையில் மியூச்சுவல் ஃபண்டுகளுக்கான செலவினங்கள் தவிர்க்க முடியாத, மிகவும் அவசியமான ஒன்றே என்கிறபோதிலும், தற்போதைய சூழலில் ஆகும் செலவுகள் கொஞ்சம் அதிகம் என்றேபடுகிறது. இதற்கு எதிர்மாறாக, அமெரிக்காவில் ஆக்டிவ்வாக நிர்வகிக்கப்படும் மியூச்சுவல் ஃபண்டுகளுக்கு ஆகும் செலவு 0.7% என்கிற அளவிலேயே இருக்கிறது. மேலும், இண்டெக்ஸ் ஃபண்டு களுக்குக்கூட இந்திய மியூச்சுவல் ஃபண்ட் நிறுவனங்கள் 10 அடிப்படை புள்ளிகள் (basis points) என்ற அளவில் செலவுக்கான தொகையை வசூலிக்கின்றன. அமெரிக்காவில் இது 6 அடிப் படைப்புள்ளிகள்) என்ற அளவிலேயே இருக்கிறது.

பங்குச் சந்தையில் அனைவரும் 
முதலீடு செய்ய என்ன வழி?

மியூச்சுவல் ஃபண்டுகளுக்கு அடுத்தபடியாக, இந்திய முதலீட்டாளர்கள் முதலீட்டுக் காகத் தேர்வு செய்வது, டிஸ்கவுன்ட் புரோக்கர்கள் மூலம் நேரடியாகப் பங்குச் சந்தையில் முதலீடு செய்வதைத்தான். சராசரியாக ஒரு டீமேட் கணக்கைத் தொடங்க மற்றும் ஆண்டொன்றுக்கு சேவைக் கட்டணமாக ரூ.300 ஒரு முதலீட்டாளர் செலவிட வேண்டியுள்ளது.

மேலும், பங்குகளை வாங்க மற்றும் விற்க இந்தியப் பங்குத் தரகு நிறுவனங்கள் சராசரியாக 0.03% - 0.05% வரையிலான கட்டணத்தை வசூலிக்கின்றன. ஆனால், அமெரிக்க நிறுவனமான ராபின் ஹூட் போன்ற நிறுவனங்கள் வர்த்தகத்துக்கு 0%, கணக்கைத் தொடங்கி மற்றும் நிர்வகிக்க 0% என எந்தக் கட்டணத்தையும் பெறுவதில்லை. இப்படி அதிக செலவு செய்ய வேண்டிய நிலை ஒரு பக்கம் இருக்க, முதலீட்டுச் சந்தையை எப்படி சமானிய மக்களிடம் எடுத்துச் செல்ல முடியும் என்று கேட்டால், அதற்கான விடை என்.பி.எஸ் (National Pension System) என்பதாகவே இருக்கிறது.

2004-ம் ஆண்டில் கொண்டு வரப்பட்ட இந்த என்.பி.எஸ் திட்டமானது எந்தவித பெரிய விளம்பரத்துக்கான பொருள் செலவும் இன்றி செயல்பட்டு, இன்றைக்கு ஸ்திரமான நிலையை எட்டியுள்ளது. என்.பி.எஸ் என்பது குறைந்த பொருள் செலவைக்கொண்ட இண்டெக்ஸ் ஃபண்டுகள் போன்ற நடைமுறையைக் கொண்டது.

இதில் முதலீடு செய்பவர்களுக்கு குறிப்பிட்ட அளவுக்கான வரிச் சலுகைகளையும் தரக்கூடிய வசதியைக் கொண்டுள்ளது. இதனாலேயே இது ஏழை, பணக்காரர் என்ற வித்தியாச மின்றி அனைவரும் குறைந்த செலவில் பங்குச் சந்தை சார்ந்த முதலீடுகளைச் செய்ய உகந்ததாக இருக்கிறது. ஆகஸ்ட் 2021 முடிவில், என்.பி.எஸ் திட்டத்தில் ரூ.6.3 லட்சம் கோடி முதலீடு செய்யப்பட்டுள்ளது. மேலும், இந்தத் திட்டத்தின் செலவு என்பது பி.எஃப்.ஆர்.டி.ஏ-யால் கட்டுப்படுத்தபட்ட ஒன்றாகும். (பார்க்க, அட்டவணை-2)

பங்குச் சந்தையில் அனைவரும் 
முதலீடு செய்ய என்ன வழி?

என்.பி.எஸ் திட்டங்களில் பங்கேற்கும் நபரின் வயது 50-க்குக் கீழே இருந்தால், அவருடைய முதலீட்டில் 75% அளவு பங்குச் சந்தையில் முதலீடு செய்யப்படும். 50 வயதுக்குமேல் ஆண்டொன் றுக்கு 2.5% என்கிற அளவில் குறைக்கப்பட்டு, 60 வயதாகும்போது 50% என்கிற அளவில் பங்குச் சந்தையில் முதலீடு செய்யப்படும்.

பங்குச் சந்தையில் முதலீடு செய்யப்பட்ட தொகை போக, மீதமுள்ள தொகையானது நிலையான வருவாயைத் தரும் முதலீடுகள், ரெய்ட்ஸ் (REITs) மற்றும் மாற்று முதலீடுகளில் (AIF) முதலீடு செய்யப்படும். இதனால் என்.பி.எஸ் நீண்ட காலத்துக்கான நல்லதொரு சேமிப்புக்கான வழியாகவும் அஸெட் அலொகேஷன் தேவையைப் பூர்த்தி செய்யும் விதமாகவும் திகழ்கிறது.

என்.பி.எஸ் திட்டத்தில் பெருமளவிலான இந்தியர்கள் முதலீடு செய்யும்போது அமெரிக்காவில் உள்ள 401(k) என்ற பங்குச் சந்தை முதலீட்டைப்போல, சாமானியர்களுக்கு பலன் தரும் அமைப்புக்கு ஈடான ஒன்றாக உருவெடுக்கும் என்று எதிர்பார்க்கலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு