Published:Updated:

மியூச்சுவல் ஃபண்ட் முதலீடும் வருமான வரி கணக்கீடும்! முழுமையான கையேடு...

வருமான வரி
பிரீமியம் ஸ்டோரி
வருமான வரி

M U T U A L F U N D

மியூச்சுவல் ஃபண்ட் முதலீடும் வருமான வரி கணக்கீடும்! முழுமையான கையேடு...

M U T U A L F U N D

Published:Updated:
வருமான வரி
பிரீமியம் ஸ்டோரி
வருமான வரி

ஒருவருக்கு ஃபிக்ஸட் டெபாசிட் மூலம் கிடைக்கும் வட்டி வருமானத்துக்கு பணவீக்க விகித சரிக்கட்டல் கிடையாது. மேலும், ஒருவர் எந்த வருமான வரி வரம்பில் வருகிறாரோ, அதற்கேற்ப வரி கட்ட வேண்டும். அதே நேரத்தில், முதலீட்டின் மூலம் கிடைக்கும் லாபத்துக்கும் குறைவான வரி விதிக்கப்படுவதுடன் பண வீக்க விகித சரிகட்டலும் அனுமதிக்கப்படுவ தால் மியூச்சுவல் ஃபண்ட் ஒரு லாபகரமான முதலீடாக இருக்கிறது.

ஹசன் அலி
ஆலோசகர், 
Siptiger.com
ஹசன் அலி ஆலோசகர், Siptiger.com

ஒருவர் மியூச்சுவல் ஃபண்டில் முதலீடு செய்யும்போது அவருக்கு பொதுவாக, இரண்டு வகையில் வருமானம் வரும். ஒன்று, டிவிடெண்ட் வருமானம்; மற்றொன்று, யூனிட் மதிப்பு வளர்ச்சி மூலம் கிடைக்கும் மூலதன ஆதாயமாகும்.

ஒருவர், மியூச்சுவல் ஃபண்டில் குரோத் ஆப்ஷனைத் தேர்வு செய்திருக்கும்பட்சத்தில், டிவிடெண்ட் கிடைக்க வாய்ப்பு இல்லை என்பதால், அது போன்றவர் களுக்கு மூலதன ஆதாயம் மட்டுமே கிடைக்கும். டிவிடெண்ட் என்பது உங்கள் பணத்தை எடுத்து உங்களுக்கே கொடுப்பது. எனவே, ஒரு ஃபண்டில் டிவிடெண்ட் தரவில்லை என்பதற் காகவோ, நீங்கள் டிவிடெண்ட் ஆப்ஷனைத் தேர்வு செய்யவில்லை என்பதற்காகவோ வருத்தப்படத் தேவையில்லை. பல வகைகளிலும் குரோத் ஆப்ஷனே சிறந்த தேர்வு.

மியூச்சுவல் ஃபண்ட் முதலீட்டைப் பொறுத்தவரை, அது எந்த வகையான ஃபண்ட், முதலீட்டுக் காலம் எவ்வளவு என்பதைச் சார்ந்துதான் வருமான வரி விதிக்கப்படுகிறது. தற்போதைய நிலையில் டிவிடெண்ட் வருமானம் மற்றும் மூலதன ஆதாயம் இரண்டுக்கும் முதலீட்டாளர்கள் வரி கட்ட வேண்டும்.

மூலதன ஆதாய வரி...

லாபத்தில் ஒரு பகுதியை வழங்குவது டிவிடெண்ட். மூலதன ஆதாயம் என்பது மியூச்சுவல் ஃபண்ட் யூனிட்டுகளை விற்று பணமாக்கும்போது கிடைக்கும் லாபமாகும். உதாரணமாக, ஒருவர் மியூச்சுவல் ஃபண்ட் திட்டம் ஒன்றில் ரூ.1 லட்சம் முதலீடு செய்கிறார். சில ஆண்டுகள் கழித்து அனைத்து யூனிட்டுகளையும் விற்பதன்மூலம் ரூ.2 லட்சம் கிடைத்தால், மூலதன ஆதாயம் என்பது ரூ.1 லட்சமாக இருக்கும். இந்த ரூ.1 லட்சத்துக்குத்தான் வரி கட்ட வேண்டும்.

மியூச்சுவல் ஃபண்ட் முதலீடும் வருமான வரி கணக்கீடும்! முழுமையான கையேடு...

குறுகியகாலமும் நீண்டகாலமும்...

மூலதன ஆதாயம் என்பது குறுகிய கால மூலதன ஆதாயம், நீண்டகால மூலதன ஆதாயம் என இரு வகைப்படும். பங்குச் சந்தை சார்ந்த மியூச்சுவல் ஃபண்ட் யூனிட்டுகளை ஓராண்டுக்குள் விற்றால், குறுகிய கால மூலதன ஆதாய வரி (Short-term Capital gain tax) 15% கட்ட வேண்டும். இதன் மீது, கூடுதல் வரி (Surcharge) 12%, ஆரோக்கியம் மற்றும் கல்வித் தீர்வை (Health and Education Cess) 4% சேர்த்து மொத்தம் 17.4% கட்ட வேண்டும்.

ஈக்விட்டி மியூச்சுவல் ஃபண்டு களில் முதலீடு செய்து ஓராண்டுக்கு மேல் யூனிட்டுகளை வைத்திருந்து விற்றால், நிதி ஆண்டில் (ஏப்ரல் 1 முதல் மார்ச் 31 வரை) ரூ.1 லட்சம் வரைக்கும் வரி கட்ட வேண்டியதில்லை. இதற்கு மேற்பட்ட மூலதன ஆதாயத்துக்கு பணவீக்க விகித சரிகட்டல் இல்லாமல் 10% வரி கட்ட வேண்டும். இந்த 10% வரியின் மீது 12% கூடுதல் வரி (Surcharge) மற்றும் ஆரோக்கியம் மற்றும் கல்வித் தீர்வை (Health and Education Cess) 4% சேர்த்து மொத்தம் சுமார் 11.6% வரி கட்ட வேண்டி வரும்.

உதாரணத்துக்கு, ஒருவருக்கு ஈக்விட்டி ஃபண்டுகள் மூலம் ஓராண்டில் ரூ.1,30,000 மூலதன ஆதாயம் கிடைக்கிறது என வைத்துக்கொள்வோம். இதில் ரூ.1 லட்சத்துக்கு வரி கிடையாது. ரூ.30,000–க்கு 11.6% அதாவது, ரூ.3,480 கட்ட வேண்டும். அதாவது, ரூ.1.30 லட்சம் ஆதாயத்துக்கு ரூ.3,480-தான் வரி.

ஈக்விட்டி மியூச்சுவல் ஃபண்டுகளைப் போலவே, பங்குச் சந்தை சார்ந்த ஹைபிரிட் ஃபண்டுகளுக்கும் குறுகிய காலம் மற்றும் நீண்டகால மூலதன ஆதாய வரி விதிக்கப்படும்.

பங்குச் சந்தை சார்ந்த ஹைபிரிட் ஃபண்ட் என்பது திரட்டப்படும் தொகையில் குறைந்தபட்சம் 65% மற்றும் அதற்கு மேல் நிறுவனப் பங்குகளிலும் மீதமுள்ளவை கடன் பத்திரங்களிலும் முதலீடு செய்யும் திட்டமாகும்.

பங்குச் சந்தைகள் மற்றும் நிறுவனப் பங்குகளில் காணப்படும் விலை வித்தியாசத்தைப் பயன்படுத்தி லாபம் பார்க்கும் ஆர்பிட்ரேஜ் ஃபண்டுகளில் பொதுவாக, 65% மற்றும் அதற்குமேல் நிறுவனப் பங்குகளில் முதலீடு செய்யப்படுவதால், அதற்கும் ஈக்விட்டி ஃபண்டுகளுக்குரிய வரி விதிக்கப்படுகிறது.

மியூச்சுவல் ஃபண்ட் முதலீடும் வருமான வரி கணக்கீடும்! முழுமையான கையேடு...

கடன் சார்ந்த மியூச்சுவல் ஃபண்டுகள்....

கடன் சார்ந்த மியூச்சுவல் ஃபண்ட் யூனிட்டுகளை மூன்றாண்டுக்குள் விற்றால், குறுகியகால மூலதன ஆதாய வரி, அவரவரின் அடிப்படை வருமான வரம்புக்கேற்ப (5%, 20% மற்றும் 30% - ஆரோக்கியம் மற்றும் கல்வித் தீர்வை தனி) கட்ட வேண்டும்.

கடன் சார்ந்த மியூச்சுவல் ஃபண்டுகளில் முதலீடு செய்து மூன்றாண்டுக்கு மேல் யூனிட்டு களை வைத்திருந்து விற்றால், மூலதன ஆதாயத்துக்கு பணவீக்க விகித சரிகட்டலுக்குப் பிறகு 20% வரி கட்ட வேண்டும். பணவீக்க விகித சரிகட்டல் என்பது வருமானத்தில் பணவீக்க விகிதத்தைக் கழித்து மீதமுள்ள தொகைக்கு வரி கட்டுவதாகும்.

உதாரணமாக, கடன் சார்ந்த ஃபண்ட் ஒன்றில் ஒருவர் முதலீடு செய்திருக்கிறார். அந்த ஃபண்ட் மூன்று ஆண்டுகளில் ஆண்டுக்கு 10% வருமானம் கொடுத்திருக்கிறது. இந்த ஆண்டுகளில் பணவீக்க விகிதம் ஆண்டுக்குச் சராசரியாக 5% எனில், ஃபண்ட் கொடுத்த மொத்த வருமானமான 30 சதவிகிதத்தில் பணவீக்க விகிதம் 15 சதவிகிதத்தைக் கழித்தால் மீதியுள்ள 15 சதவிகிதத்துக்கு 20% வரி. அதாவது, வெறும் 3% மட்டுமே வரி கட்ட வேண்டும். அதாவது, நீண்டகால ஆதாயம் ரூ.100 எனில், சுமார் ரூ.3-தான் வரி கட்ட வேண்டும்..

டெப்ஃட் மியூச்சுவல் ஃபண்டு களுக்கு போலவே, கடன் சந்தை சார்ந்த ஹைபிரிட் ஃபண்டு களுக்கும் குறுகியகாலம் மற்றும் நீண்டகால மூலதன ஆதாய வரி விதிக்கப்படும்.

கடன் சந்தை சார்ந்த ஹைபிரிட் ஃபண்ட் என்பது திரட்டப்படும் தொகையில் நிறுவனப் பங்குகளில் 65 சதவிகி தத்துக்கும் குறைவாகவும் மீதமுள்ளவை கடன் பத்திரங் களிலும் முதலீடு செய்யும் திட்டமாகும்.

மூலத்தில் வரி பிடித்தம்

இந்திய முதலீட்டாளர்களுக்கு குறுகியகாலம் மற்றும் நீண்ட கால மூலதன ஆதாய வரி, யூனிட்டுகளை விற்று பணமாக்கும்போது மூலத்தில் வரி (டிடிஎஸ்) பிடிக்க மாட் டார்கள். முதலீட்டாளர்கள்தாம் அவர்களின் மூலதன ஆதாய வரியைக் கணக்கிட்டு கட்ட வேண்டும். இது பெரிய விஷயம் இல்லை. பல பங்குத் தரகு நிறுவனங்கள் அல்லது மியூச்சுவல் ஃபண்ட் நிறுவனங்கள் முதலீட் டாளர்களுக்கு ஆண்டு இறுதியில் அறிக்கையாகக் கொடுத்து உதவுகின்றன.

அதே நேரத்தில், வெளிநாடு வாழ் இந்தியர்கள் (என்.ஆர். ஐ-க்கள்) குறுகியகாலம் மற்றும் நீண்டகால மூலதன ஆதாய வரி, யூனிட்டுகளை விற்றுப் பணமாக்கும்போது மூலத்தில் பிடித்துக் கொள்ளப்படும். ஈக்விட்டி ஃபண்டுகளில் குறுகியகால மூலதன ஆதாயத்துக்கு 15%, நீண்டகால மூலதன ஆதாயத்துக்கு ரூ.1 லட்சம் போக மீதமுள்ள ஆதாயத்துக்கு பணவீக்க விகித சரிகட்டல் இல்லாமல் 10% வரி பிடிக்கப்படும். இதுவே கடன் ஃபண்ட் எனில், குறுகியகால மூலதன ஆதாயத்துக்கு அவரின் வருமான வரம்புக்கு ஏற்ப (5% / 20% / 30%) வரி கட்ட வேண்டும். நீண்டகால மூலதன ஆதாயத்துக்கு பணவீக்க விகித சரிகட்டலுக்குப் பிறகு 20% டி.டி.எஸ் பிடிக்கப்படும்.

டிவிடெண்ட் வரி...

எந்த வகையான மியூச்சுவல் ஃபண்ட் முதலீடாக இருந்தாலும், லாபத்தை டிவிடெண்டாகப் பிரித்து முதலீட்டாளர் களுக்கு தரும்போது, டிவிடெண்ட் வருமானத்துக்கு முதலீட்டாளர்கள் வரி கட்ட வேண்டும் என ஏற்கெனவே பார்த்தோம். இந்த வரி அவரவர் வரி வரம்புக்கேற்ப இருக்கும். ஓர் ஆண்டில் ரூ.5,000-க்கு மேற்படும் டிவிடெண்டுக்கு 10% டி.டி.எஸ் பிடிக்கப்படும். அதற்காக ரூ.5,000-க்கு கீழே இருந்தால் டிவிடெண்ட் தொகைக்கு வரி இல்லை என்று அர்த்தம் இல்லை. டிவிடெண்ட் வருமானம் ஒருவரின் இதர வருமானமாக எடுத்துக் கொள்ளப்பட்டு வரி விதிக்கப்படும். இந்த வரியில் டி.டி.எஸ் 10% பிடிக்கப் பட்டிருக்கும் பட்சத்தில் அதைக் கழித்துக் கொண்டு மீதிக்கு வரி கட்ட வேண்டும். சுந்தரம் மியூச்சுவல் ஃபண்ட் நிறுவனம் உள்ளிட்ட சில மியூச்சுவல் ஃபண்ட் நிறுவனங்கள் நடைமுறை சிக்கலைக் கணக்கில் கொண்டு, அறிவிக்கப்படும் டிவிடெண்ட் அனைத்துக்கும் 10% டி.டி.எஸ் பிடிக்கிறது. முதலீட்டாளர் வரியைக் கணக்கிட்டு தேவைப்பட்டால் ரீஃபண்ட் க்ளெய்ம் செய்துகொள்ள வேண்டும். வெளிநாட்டு வாழ் இந்தியர்களுக்கு (என்.ஆர்.ஐ-க்கள்) டிவிடெண்ட் வரியாக 20% டி.டி.எஸ் பிடிக்கப்படுகிறது.

மியூச்சுவல் ஃபண்ட் முதலீட்டாளர்கள் அனைவரும் இந்த வரி விதிப்பை அறிந்து வைத்திருப்பது அவசியம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism