Published:Updated:

மியூச்சுவல் ஃபண்டின் வெவ்வேறு வகைகள்..!

முதலீட்டு எல்.கே.ஜி!
பிரீமியம் ஸ்டோரி
முதலீட்டு எல்.கே.ஜி!

முதலீட்டு எல்.கே.ஜி! - 6

மியூச்சுவல் ஃபண்டின் வெவ்வேறு வகைகள்..!

முதலீட்டு எல்.கே.ஜி! - 6

Published:Updated:
முதலீட்டு எல்.கே.ஜி!
பிரீமியம் ஸ்டோரி
முதலீட்டு எல்.கே.ஜி!

பொதுவாக, மியூச்சுவல் ஃபண்ட் திட்டங்கள் மூன்று வகைகளாகப் பிரிக்கப்பட்டுள்ளன. அவற்றின் அமைப்பு, நிர்வகிக்கும் தன்மை மற்றும் முதலீட்டின் அடிப்படையில் மூன்றாகப் பிரிக்கப்பட்டுள்ளது.

ஹசன் அலி 
ஆலோசகர், 
Siptiger.com,
ஹசன் அலி ஆலோசகர், Siptiger.com,

குளோஸ்டு எண்டட், ஓப்பன் எண்டட், இன்டர்வல் ஃபண்ட்...

அமைப்பின் அடிப்படையில் (Structure) மியூச்சுவல் ஃபண்டுகளை குளோஸ்டு எண்டட், ஓப்பன் எண்டட், இன்டர்வல் ஃபண்ட் என மூன்று வகைகளாகப் பிரிக்கலாம். குளோஸ்டு எண்டட் ஃபண்டுகளில் புதிய ஃபண்ட் வெளியீட்டின்போது (என்.எஃப்.ஓ) மட்டுமே முதலீடு செய்ய முடியும். மேலும், இதில் செய்த முதலீட்டை ஃபண்டின் முதிர்வுக் காலத்துக்குப் (ஓராண்டு முதல் பத்தாண்டு வரை) பிறகே எடுக்க முடியும். இந்தியாவைப் பொறுத்தவரை, குளோஸ்டு எண்டட் திட்டங்கள் மிகக் குறைவு.

செபியின் விதிமுறையின்படி, குளோஸ்டு எண்டட் ஃபண்டுகள் அனைத்தும் பங்குச் சந்தைகளில் பட்டிய லிடுவது அவசியம். டீமேட் கணக்கு மூலம் குளோஸ்டு எண்டட் ஃபண்டுகளில் முதலீடு செய்திருப்பவர்கள், பணம் தேவைப்பட்டால் அல்லது அந்த ஃபண்டில் தொடர்ந்து முதலீட்டை நீட்டிக்க விரும்பவில்லை எனில், பங்குச் சந்தையில் விற்றுவிட்டு வெளியேறி விடலாம். அந்த நேரத்தில், இந்த ஃபண்டின் யூனிட்டுகளை வாங்க ஆட்கள் இருந்தால், மட்டுமே விற்க முடியும். முதலீட்டுக் காலம் மற்றும் ஃபண்ட் பிரிவைப் பொறுத்து ஆதாயத்துக்கு குறுகிய கால மூலதன ஆதாய வரி அல்லது நீண்ட கால மூலதன ஆதாய வரி கட்ட வேண்டிவரும்.

வருமான வரியை மிச்சப்படுத்த உதவும் இ.எல்.எஸ்.எஸ் ஃபண்ட், மூன்றாண்டு முதிர்வுக் காலத்தைக் கொண்டது. ஆனால், அது குளோஸ்டு எண்டட் ஃபண்ட் கிடையாது. அதில் எப்போது வேண்டுமானாலும் முதலீடு செய்யலாம் என்பதால், அது ஓப்பன் எண்டட் ஃபண்ட் ஆகும். ஆனால், அதில் முதலீடு செய்திருக்கும் முதலீட்டாளர் மூன்றாண்டு களுக்குப் பிறகுதான் பணத்தை வெளியே எடுக்க முடியும். காரணம், அதற்கு அளிக்கப்படும் வரிச் சலுகையாகும்.

மியூச்சுவல் ஃபண்டின் வெவ்வேறு வகைகள்..!

ஓப்பன் எண்டட் ஃபண்ட்

ஓப்பன் எண்டட் ஃபண்ட் எனில், எப்போது வேண்டுமானாலும் முதலீடு செய்யலாம் யூனிட்டுகளை விற்றுவிட்டு வெளியேறலாம். இந்தியாவில் உள்ள பெரும்பாலான ஃபண்டுகள் இந்தத் திறந்த வகையைச் சேர்ந்த ஃபண்டுகள்தான்.

இன்டர்வல் ஃபண்ட்

இன்டர்வல் ஃபண்ட் என்பது குளோஸ்டு எண்டட் ஃபண்ட் மற்றும் ஓப்பன் எண்டட் ஃபண்ட் இரண்டின் தன்மையையும் ஒரு சேர கொண்டதாகும். இதில், இடையிடையே ஒரு குறிப்பிட்ட காலத்தில் முதலீடு செய்ய மற்றும் யூனிட்டுகளை விற்று, பணமாக்க அனுமதிக்கப் படும். இன்டர்வல் ஃபண்டுகள் பெரும்பாலும் கடன் சந்தை சார்ந்த திட்டங்களாக இருக்கும்.

முதல்முறையாக, பங்குச் சந்தை மியூச்சுவல் ஃபண்டில் முதலீடு செய்பவர்களுக்கு குளோஸ்டு எண்டட் ஃபண்ட் சரியான தேர்வாக இருக்கும். குறிப்பாக, வருமான வரிச் சேமிப்பை அளிக்கும் பங்குச் சந்தை சார்ந்த சேமிப்புத் திட்டமான இ.எல்.எஸ்.எஸ் ஃபண்ட் புதியவர்களுக்கு ஏற்றதாக இருக்கும்.

பங்குச் சந்தை அதிகமாக இறங்கினாலும், மூன்றாண்டுக்கு இடையில் பணம் எடுக்க முடியாது என்பதால், புதிய முதலீட்டாளர்கள் அந்த ஃபண்டிலிருந்து உடனடியாக வெளியேறுவது தடுக்கப்படும். அந்த வகையில், முதலீடு வளர கால அவகாசத்தை முதலீட்டாளர்கள் கொடுக்க வசதியாக இருக்கும். நீண்ட காலத்தில் (மூன்று ஆண்டுகள்) ரிஸ்க் பரவலாக்கப்படுவதால், குளோஸ்டு எண்டட் ஃபண்ட் திட்டங்கள் நல்ல வருமானம் தந்திருக்கின்றன அல்லது தர வாய்ப்புண்டு. குளோஸ்டு எண்டட் ஃபண்டுகளின் முதிர்வுக் காலம் மூன்றாண்டுகள் என்றாலும், மூன்றாண்டுகள் கழித்த பிறகு, உடனடியாக விற்றுப் பணமாக்க வேண்டும் என்கிற அவசியம் இல்லை. பங்குச் சந்தையின் சூழ்நிலையைப் பொறுத்து, முதலீட்டை மூன்றாண்டுகளுக்குப் பிறகு, எப்போது வேண்டுமானாலும் எடுத்துக்கொள்ளலாம்.

மியூச்சுவல் ஃபண்டின் வெவ்வேறு வகைகள்..!

ஆக்டிவ் ஃபண்ட், பேசிவ் ஃபண்ட்

மியூச்சுவல் ஃபண்ட் முதலீடு அது நிர்வகிக்கப்படும் தன்மையின் அடிப்படையில் ஆக்டிவ் ஃபண்ட் மற்றும் பேசிவ் ஃபண்ட் என இரு வகையாகப் பிரிக்கப்பட்டுள்ளன. இவற்றுக்கு இடையேயான முக்கியமான வித்தியாசம், ஆக்டிவ் ஃபண்டுகளில் ஃபண்ட் மேனேஜர்களின் அன்றாடக் கவனம் தேவை. அவர்களுக்கு மிக அதிக வேலை இருக்கும்.

இந்தியாவில் இந்த வகை ஃபண்டுகள்தான் அதிகமாக உள்ளன. பங்குச் சந்தை தொடர் ஏற்றத்தில் இருக்கும்போது அல்லது ஃபண்ட் மேனேஜரின் அதீத திறமையால் இந்த வகை ஃபண்டுகள் அதிக வருமானம் கொடுக்க அதிக வாய்ப்புள்ளது. பொதுவாக, ஆக்டிவ் ஃபண்டுகளில் ஃபண்ட் மேனேஜர்களின் நோக்கம், அந்தக் குறிப்பிட்ட ஃபண்டின் வருமானம், அதன் பெஞ்ச்மார்க் குறியீட்டைவிட அதிகமாக இருக்க வேண்டும் என்பதாகும். ஆக்டிவ் ஃபண்டுக்கு உதாரணமாக லார்ஜ்கேப் ஃபண்ட் திட்டத்தை எடுத்துக் கொள்வோம். அதன், பெஞ்ச்மார்க் குறியீடு நிஃப்டி 100 என வைத்துக்கொள்வோம். இந்த ஃபண்ட் மேனேஜரின் ஒரே நோக்கம், நிஃப்டி 100 குறியீட்டை அதிக லாபம் ஈட்டித் தருவதாக உள்ளது.

பேசிவ் ஃபண்டுகளில் ஃபண்ட் மேனேஜர்களுக்கு அதிக வேலையில்லை. பெரும்பாலான வேலைகளை கணினியே முடித்துவிடும். சென்செக்ஸ் மற்றும் நிஃப்டி குறியீடுகளை அடிப்படையாகக் கொண்ட இண்டெக்ஸ் ஃபண்டுகளை பேசிவ் ஃபண்டுகளுக்கு உதாரணமாகச் சொல்லலாம். இந்த ஃபண்டுகளில் இந்தக் குறியீடுகளில் இடம்பெற்றிருக்கும் பங்குகளின் விகிதாசாரத்துக்கேற்ப அது சார்ந்த ஃபண்டு களிலும் முதலீடு செய்யப்படும்.

இந்த பேசிவ் ஃபண்டில் அதன் ஃபண்ட் மேனேஜர் அதிக ஆராய்ச்சி செய்யத் தேவையில்லை. ஆராய்ச்சிப் பிரிவு மற்றும் அதிலுள்ள பகுப்பாய்வாளர்களுக்கு அதிகம் வேலை இருக்காது.

இண்டெக்ஸிலிருந்து சில பங்குகள் வெளியேற்றப்பட்டு, புதிதாகப் பங்குகள் சேர்க்கப் பட்டால், அந்தக் குறியீட்டை பின்பற்றும் பேசிவ் ஃபண்டின் முதலீட்டுக் கலவையிருந்து குறியீட்டிலிருந்து நீக்கப்பட்ட பங்குகள் விற்கப்பட்டு, புதிய பங்குகள் சேர்த்துக் கொள்ளப்படும். கிட்டத்தட்ட இண்டெக்ஸின் வளர்ச்சிக்கும், அதன் அடிப்படையிலான ஃபண்ட் கொடுக்கும் வருமானமும் ஒரே அளவாக இருக்கும்.

பேசிவ் ஃபண்டுகளை இண்டெக்ஸ் ஃபண்டுகள் (Index Funds) என்றும் சொல்வார்கள். பங்குச் சந்தையில் வர்த்தகமாகும் இ.டி.எஃப்-கள் (எக்ஸ்சேஞ்ச் டிரேடட் ஃபண்டுகள்) இண்டெக்ஸ் ஃபண்ட் பிரிவின் கீழ் வரும். முதலீட்டில் அதிக ரிஸ்க் வேண்டாம் என்கிறவர் களுக்கு பேசிவ் ஃபண்ட் சரியாக இருக்கும்.

ரிஸ்க் எடுக்கத் தயார், அதிக வருமானம் வேண்டும் என்கிறவர்களுக்கு ஆக்டிவ் ஃபண்டுகள் ஏற்றதாக இருக்கும்.

(வளரும்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism