Published:Updated:

ரெகுலர் பிளான் Vs டைரக்ட் பிளான்... மியூச்சுவல் ஃபண்ட் முதலீட்டில் எது பெஸ்ட்?

மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

மியூச்சுவல் ஃபண்ட்

ரெகுலர் பிளான் Vs டைரக்ட் பிளான்... மியூச்சுவல் ஃபண்ட் முதலீட்டில் எது பெஸ்ட்?

மியூச்சுவல் ஃபண்ட்

Published:Updated:
மியூச்சுவல் ஃபண்ட்
பிரீமியம் ஸ்டோரி
மியூச்சுவல் ஃபண்ட்

நான் மியூச்சுவல் ஃபண்ட் திட்டத்தில் ரெகுலர் பிளான் மூலம் முதலீடு செய்ய வேண்டுமா அல்லது டைரக்ட் பிளான் மூலம் முதலீடு செய்ய வேண்டும்’ என்கிற கேள்வியைப் பலரும் பல சமயங்களில் என்னிடம் கேட் கிறார்கள். அவர்களுக்கு நான் சொன்ன பதில், மியூச்சுவல் ஃபண்ட் முதலீட்டாளர்கள் பலருக்கும் பயனுள்ளதாக இருக்கும் என்பதால், அது குறித்து சற்று விளக்கமாகச் சொல்கிறேன்.

எம்.சதீஷ் குமார் 
நிறுவனர், 
http://sathishspeaks.com/
எம்.சதீஷ் குமார் நிறுவனர், http://sathishspeaks.com/

ரெகுலர் மியூச்சுவல் ஃபண்ட்...

முதலில், ரெகுலர் மியூச்சுவல் ஃபண்ட் என்றால் என்ன என்று பார்ப்போம். ஒரு மியூச்சுவல் ஃபண்ட் திட்டத்தில் தனிப்பட்ட மியூச்சுவல் ஃபண்ட் விநியோகஸ்தர் (Mutual Fund Distributor -MFD), கார்ப்பரேட் மியூச்சுவல் ஃபண்ட் விநியோகஸ்தர், வங்கி இவர்கள் யார் மூலமாக முதலீடு செய்தாலும், அது ரெகுலர் மியூச்சுவல் ஃபண்ட் பிளான் ஆகும். இதுவே மியூச்சிவல் ஃபண்ட் நிறுவனத்தின் இணையதளம் அல்லது மியூச்சுவல் ஃபண்ட் நிறுவனத்தின் கிளை அலுவலகம் போன்றவை மூலம் நேரடியாக முதலீடு செய்தால் அது டைரக்ட் பிளான் ஆகும்.

செலவு விகிதம்...

இந்த இரண்டு முறைக்கும் உள்ள மிக முக்கியமான வித்தியாசம், செலவு விகிதம் (Expense Ratio) ஆகும். பங்குச் சந்தை சார்ந்த மியூச்சுவல் ஃபண்டுகளை எடுத்துக்கொண்டால், இந்தச் செலவு விகிதம் ரெகுலர் பிளான்களில் சுமார் 1.25% முதல் 2.5% வரைக்கும் இருக்கும். சராசரியாக 2% என்கிற அளவில் இருக்கும். இது டைரக்ட் பிளான்களில் 0.5% முதல் 1.5% வரைக்கும் இருக்கும். ரெகுலர் பிளானுக்கும் டைரக்ட் பிளானுக்கும் இடையே செலவு விகித வித்தியாசம் 0.75% முதல் 1 சதவிகிதமாக இருக்கும்.

இன்ஃபோசிஸ், டி.சி.எஸ், ரிலையன்ஸ் போன்ற பெரிய நிறுவனங் களில் அதிக தொகை ரொக்கக் கையிருப்பாக இருக்கும். அந்த ரொக்கத்தை நடப்புக் கணக்கில் வைத்திருந்தால், அவற்றுக்கு வட்டி வருமானம் எதுவும் வராது. அதனால், இதுபோன்ற நிறுவனங்கள் லிக்விட் மியூச்சுவல் ஃபண்டுகள், மணி மார்க்கெட் ஃபண்டுகள் சில நேரங்களில் ஈக்விட்டி ஃபண்டுகளில்கூட பணத்தை முதலீடு செய்யும். அந்த நிறுவனத்தில் இருக்கும் முதன்மை நிதி அதிகாரி (Chief Financial Officer - CFO) அவருக்குக் கீழ் உள்ள பகுப்பாய்வாளரின் உதவியுடன் மியூச்சுவல் ஃபண்டில் நேரடியாக முதலீடு செய்வார்கள். இப்படி வந்ததுதான் நேரடி பிளான் ஆகும்.

ரெகுலர் பிளான் Vs டைரக்ட் பிளான்... மியூச்சுவல் ஃபண்ட் முதலீட்டில் எது பெஸ்ட்?

டைரக்ட் பிளான்...

இந்த நேரடி முதலீட்டு முறை பெரிய கார்ப்பரேட் நிறுவனங்களுக்கு மட்டும் இருக்கக் கூடாது. சிறு முதலீட்டாளர் களுக்கும் அந்த வசதி, சலுகை இருக்க வேண்டும் என இந்திய மியூச்சுவல் ஃபண்ட் துறையை நெறிப்படுத்தும் செபி அமைப்பு கொண்டு வந்ததுதான் டைரக்ட் பிளான் ஆகும்.

வளர்ந்த நாடுகளில் மியூச்சுவல் ஃபண்ட் திட்டங்களில் டைரக்ட் பிளான் மூலம் முதலீடு செய்வது அதிகமாக இருக் கிறது. அதற்கு அதிகமான விதிமுறைகள் இருக்கின்றன. உதாரணமாக, சிங்கப்பூர் போன்ற நாடுகளில் நிதி ஆலோசகர் அல்லது நிதித் திட்டங்களின் விநியோகஸ்தர்களின் ஆலோசனை மற்றும் வழிகாட்டல் இல்லாமல் நேரடியாக மியூச்சுவல் ஃபண்டுகளில் முதலீடு செய்ய வேண்டும் எனில், அதற்கென பாடத் திட்டம், தேர்வு இருக்கிறது. இவற்றில் தேர்ச்சி பெற்றால் மட்டுமே நேரடி பிளான் மூலம் முதலீடு செய்ய முடியும்.

மூன்று முக்கியமான விஷயங்கள்...

ஒரு மியூச்சுவல் ஃபண்டை முதலீட்டுக்குத் தேர்வு செய்யும் போது கவனிக்க வேண்டிய மூன்று முக்கியமான விஷயங்கள் இருக்கின்றன.

முதல் விஷயம், வருமான எதிர்பார்ப்பு ஆகும். ஒரு ஃபண்ட் திட்டம் மூலம் என்ன வருமானம் எதிர்பார்க்கிறோமோ, அதற்கேற்றத் திட்டத்தில் முதலீடு செய்வதுதான் சரியாக இருக்கும். சிலரின் வருமான எதிர்பார்ப்பு குறைவாக இருக்கும். ஆனால், அவர்கள் நிதி ஆலோசகர், மியூச்சுவல் ஃபண்ட் விநியோகஸ்தரின் ஆலோசனை இல்லாமல் அதிக ரிஸ்க் உள்ள திட்டங்களில் முதலீடு செய்திருப்பார்கள். உதாரணமாக, ஆண்டுக்கு சுமார் 10% வருமானம் எதிர்பார்க்கும் முதலீட்டாளர் ஒருவர் மிக அதிக ரிஸ்க் உள்ள செக்டார் ஃபண்டில் முதலீடு செய்வார். அவரின் வருமான எதிர்பார்ப்பு 10% என்கிறபோது ஹைபிரிட் ஃபண்டைத் தேர்வு செய்தால் போதும். அதாவது, அவரின் வருமான எதிர்பார்ப்புக்கேற்ப குறைவான ரிஸ்க் உள்ள ஃபண்டில் முதலீடு செய்தால் போதும்.

இரண்டாவது விஷயம், ரிஸ்க் எடுக்கும் திறன் ஆகும். 25 வயது முதலீட்டாளருக்கும் 55 வயது முதலீட்டாளருக்கும் ரிஸ்க் எடுக்கும் திறன் வேறுவேறாக இருக்கும். 25 வயதில் இருப்பவர் அதிக ரிஸ்க் உள்ள செக்டார் ஃபண்டில்கூட முதலீடு செய்யலாம். ஆனால், 55 வயதில் உள்ளவர் அப்படி செய்ய முடியாது. 25 வயது முதலீட்டாளரின் முதலீட்டுக் கலவை (Portfolio) அக்ரசிவ்வாக இருக்கலாம். 55 வயது முதலீட் டாளரின் முதலீட்டுக் கலவை கன்சர்வேட்டிவ் அல்லது மாடரேட்டாக இருப்பதே சரியாக இருக்கும்.

மூன்றாவது விஷயம், நிதி இலக்கை நிறைவேற்றும் காலம் ஆகும். அதாவது, முதலீட்டுக் காலம் ஆகும். ஒருவரின் முதலீட்டுக் காலம் தெரிந்தால் மட்டுமே அதற்கேற்ப நிறுவனப் பங்குகள், மியூச்சுவல் ஃபண்ட் திட்டங்களைப் பரிந்துரை செய்ய முடியும். முதலீட்டுக் காலம் ஓராண்டு எனில், அதற்கு ஒரு வகை மியூச்சுவல் ஃபண்ட் திட்டத்தில் (உதாரணம், லிக்விட் ஃபண்ட், அல்ட்ரா டூரேஷன் ஃபண்ட்) முதலீடு செய்ய வேண்டும். அதுவே முதலீட்டுக் காலம் மூன்று ஆண்டு எனில், அதற்கு வேறு ஒரு வகை திட்டத்தில் (மீடியம் டூரேஷன் ஃபண்ட்) முதலீடு செய்ய வேண்டும். இதுவே ஐந்தாண்டுகளுக்கு மேல் முதலீட்டுக் காலம் இருந்தால், அதற்கு ஒரு வகை திட்டத்தில் (டைவர்சிஃபைட் மியூச்சுவல் ஃபண்ட் – லார்ஜ் கேப் ஃபண்ட், மல்ட்டி கேப் ஃபண்ட், ஃபிளெக்ஸிகேப் ஃபண்ட், லார்ஜ்கேப் நிறுவனப் பங்கு) முதலீடு செய்ய வேண் டும். இதுவே பத்தாண்டுக்கு மேல் எனில், அதற்கு வேறு திட்டத்தில் (லார்ஜ் அண்ட் மிட் அண்ட் கேப் ஃபண்ட், மிட் கேப் ஃபண்டுகள், மிட் கேப் நிறுவனப் பங்கு) முதலீடு செய்ய வேண்டும்.

நேரடி பிளான்: தவிர்க்க வேண்டிய தவறுகள்...

டைரக்ட் பிளானில் முதலீடு செய்யும்போது முக்கியமாக நான்கு தவறுகளைத் தவிர்க்க வேண்டும்.

1. நேரடி முதலீட்டாளர்கள் முன்னணி முதலீட்டு இணைய தளங்களில் டாப் ஃபண்டு களை பார்த்துவிட்டு, அதில் முதலீடு செய்யும் பழக்கத்தை வைத்திருக்கிறார்கள். அதுவும் கடந்த ஓராண்டில் அதிக வருமானம் தந்திருக்கும் திட்டங்களில் முதலீடு செய் கிறார்கள். அல்லது எந்த ஃபண்டில் குறைவான செலவு விகிதம் இருக்கிறதோ, அதில் முதலீடு செய்கிறார்கள். இது மெகா தவறாகும். கடந்த ஓராண்டு கால வருமானம் என்பது ஒரு அளவீடுதான். அந்த வருமானம் எதிர்காலத் திலும் கிடைக்கும் என்பதற்கு எந்த உத்தரவாதமும் இல்லை. ஒரு ஃபண்டின் வருமானம் எதிர்காலத்தில் எப்படி இருக்கும் என்பதை அறிய மேக்ரோ பொருளாதாரம். மைக்ரோ இண்டிகேட்டர்கள் மற்றும் அந்த ஃபண்டின் போர்ட்ஃபோலியோவில் இடம்பெற்றிருக்கும் நிறுவனப் பங்குகள் மற்றும் கடன் பத்திரங்களின் எதிர்கால வருமான செயல்பாடுகளை அலசி ஆராய்ந்துதான் ஃபண்டைத் தேர்வு செய்ய வேண்டும்.

இதேபோல், செலவு விகித மும். சிறிது அதிக செலவு விகிதம் கொண்ட பல ஃபண்டுகள் நீண்ட காலத்தில் ஆண்டுக்கு சராசரியாக 15 சதவிகித்துக்குமேல் வருமானம் தந்து வருவதைப் பார்க்க முடிகிறது.

2. இப்படி கடந்த கால செயல்பாடு மற்றும் செலவு விகிதத்தின் அடிப்படையில் மியூச்சுவல் ஃபண்ட் திட்டங் களைத் தேர்வு செய்யும் போது, முதலீட்டைப் பிரித்து மேற்கொள்ளும் அஸெட் அலொகேஷனை பலர் முற்றிலும் மறந்துவிடு கிறார்கள். பலரின் மியூச்சுவல் ஃபண்ட் போர்ட்ஃபோலி யோவை ஆராயும்போது அதில் ஸ்மால்கேப் ஃபண்ட், மிட்கேப் ஃபண்ட், செக்டார் ஃபண்ட், தீமெட்டிக் ஃபண்டுகளில்தான் அதிகம் முதலீடு செய்யப்பட்டிருக் கின்றன. காரணம், அவைதான் அண்மைக் காலத்தில் அதிக வருமானத்தை தந்தவையாக இருக்கின்றன. ஆனால், அவர்களின் முதலீட்டுக் கலவையில் இருக்கும் பல ஃபண்டுகளின் என்.ஏ.வி, அந்த முதலீட் டாளர் முதலீடு செய்த பிறகு இறங்கி, நெகட்டிவ் வருமானத்தைத் தந்து வருபதைப் பார்க்க முடிகிறது. 2017-ம் ஆண்டு ஸ்மால்கேப் பங்குகள் மற்றும் ஸ்மால் கேப் ஃபண்டுகள் சுமார் 100 சதவிகிதத்துக்குமேல் வருமானம் தந்திருக்கின்றன. ஆனால், 2018, 2019-ல் அவை நெகட்டிவ் வருமானத்தைத் தந்துள்ளன. அஸெட் அலொகேஷன்படி, முதலீடு செய்திருந்தால் நெகட்டிவ் வருமானம் வர வாய்ப்பு இல்லை.

3. முதலீட்டாளரின் நடத்தை (Behaviour) ஆகும். அதாவது, பங்குச் சந்தை அல்லது பங்குகளின் விலை இறங்கி, ஃபண்டுகளின் என்.ஏ.வி மதிப்பு இறங்கினால் பயம் மற்றும் பதற்றத்தில் நஷ்டத்தில் விற்றுவிட்டு வெளியேறிவிடுகிறார்கள். அதுவும் முதல் முறையாக அனுபவம் எதுவும் இல்லாமல் நேரடியாக முதலீடு செய்பவர்களுக்கு சந்தையின் திடீர் இறக்கம் அதிக பயத்தை ஏற்படுத்திவிடுகிறது. எனவே, பங்குச் சந்தை மற்றும் மியூச்சுவல் ஃபண்ட் முதலீடு நன்கு பழகும் வரைக்கும் ஆலோசகர் ஒருவரின் உதவியைப் பெற்று முதலீடு செய்வது நல்லது.

4. தொடர்ந்து முத லீட்டுக் கலவையை மதிப்பாய்வு (Review) செய்யாமல் இருப்பதாகும். குறைந்தது ஆறு மாதத் துக்கு ஒருமுறையாவது முதலீட்டாளர் அவரின் முதலீட்டுக் கலவையின் வருமான செயல்பாடு எப்படி இருக்கிறது என்பதை அலசி ஆராய் வது அவசியமாகும்.

டைரக்ட், ரெகுலர் பிளான்...

ஃபண்டின் எதிர்கால வருமானத்தைக் கணிக்கத் தெரியும்; அஸெட் அலொகேஷன் தெரியும்; சந்தையின் ஏற்ற இறக்கத்தை சரியாகக் கையாளத் தெரியும், முதலீட்டுக் கலவையை சரியாக மதிப்பாய்வு செய்யத் தெரியும் எனில், ஒருவர் தாராளமாக டைரக்ட் பிளானைத் தேர்வு செய்து முதலீடு செய்யலாம். அப்படி இல்லை எனில், மியூச்சுவல் ஃபண்ட் விநியோகஸ்தர் மூலம் ரெகுலர் பிளானில் முதலீடு செய்வதே சரியாக இருக்கும்.